ما ابي اقول احمد عيد لان احمد عيد ضيف ومسكين وعلى قد حاله لا يهش ولا ينش ...

لكن الكلام على الرئيس العام لرعايه الشباب الامير عبدالله بن مساعد ليه ما يصدر قرار بمنع جلوس رؤساء الانديه بالدكه وتكون الدكه لمدير الفريق والمدرب ..


الحين اليوم قبل الاشواط الاضافيه قدام الوحده دخل رئيس النصر وجلس يسولف مع الحكم لا وبعد حاط يده على كتف الحكم من زود الميانه والحكم يبتسم ويضحك واكرمهم ببلنتي خيالي وبعد ما ضيع اعيد البلنتي ...


التحدث للحكام سواء ودي او بعصبيه مخالف للانظمه ..




انتم تبون تتبعون الفيفا ولا دوري حواري ...


والله تفاءلت خير بتولي عبدالله بن مساعد الرئاسه لكن اللي نشوفه فوضى وكشف جوانب ضعف بالشخصيه وما عنده اي حزم او انضباط وتارك الدرعى ترعى ...


ترك رئاسه الاتحاد العربي وتنازل لصديقه النصراوي تركي بن خالد والان يجامل صديقه النصراوي فيصل بن تركي ونشوفه فوق النظام ...


خلاص بنترك الرياضه السعوديه لكم وبنتابع دوري ابطال اوربا واذا فكرتم تحترمون المشاهد الرياضي ذيك الساعه نفكر نتابعكم ..

اخوي كريذ الابيض ...

الملاعب مملوكه للرئاسه العامه لرعايه الشباب ويحق للرئيس العام منع تواجد واقتحام ارضيه الملعب بلا صفه تخوله ... المسموح دخوله الارضيه فقط اللاعبين والحكام ...


شكرا لك ...

نائب رئيس اللجنه الإعلامية بـ إتحاد الكره قرار منع رؤساء الانديه من دخول الملاعب مسؤلية الرئيس العام لرعاية الشباب ..

هذا الرجل فوق القانون ومدعوم ولن يعاقب او يتخذ ضده اي اجراء ابدااا

عبدالله بن مساعد يعتبر قبة الرياضة السعودية.

القصد .. المفروض ان يتدخل لان احمد عيد لايحل ولا يربط مشغول بترشيح نفسه في اسيا !!!!! طيب ليش غثيتنا ورشحت نفسك لاتحاد القدم مادام ودك تسحب !

كذا موضوع صار ... والطرف الثابت فيها الفقر ... منها تقرير الحكم اللي اخفاوه والإنذار الاخير وتهجم خبيلان على الحكام واليوم كان الضحية الوحدة !!!!

من اجل هذا ولسكوت احمد عيد " المسير " يجب ان يتدخل ابن مساعد ...

خصخصة ومدري ايش ... طيب اقل شي الان امنع دخول رئيس النادي للملعب ومنعه من الجلوس على البنش.

مادرى اسمها خوف من الامير عبدالله بن مساعد الرئيس العام لرعاية الشباب او مجاملة ابن عمه رئيس نادى النصر
رئيس نادى النصر مازال يتطاول على لجنة التحكم والانظباط ورئيس الاتحاد احمد عيد ويهدد الحكام لدرجة الحكام
يحتسب ضربات جزاء غير صحيحة لنصر خوفا من رئيس نادى النصر
والخ ..............


عمر رياضتنا ماتطور اذا حالنا وحال رياضتنا كذا

ماجد

والله ماتتطور الرياضه عندنا وفيها نوعية فيصل بن تركي ...فرق بينه وبين رئيس الاهلي والرئيس الفخري للاهلي خالد العبدالله عمري ماشفته اساء لاحد

أتمنى قرار من خادم الحرمين بحل اتحاد كرة القدم وتعين أحد أحفاده رئيساً لاتحاد كرة القدم

خلاص ...

أصبح الكرة السعودية .... تحت الصفر

ولولا الله ثم الهلال ... لكان سمعة الكرة السعودية في الحضيض

مع كامل الاحترام

عبدالله بن مساعد لايقدر يهش أو ينش مادام فيها فيصل بن تركي !!!!
شاطر بس على الهلال ومستقوي علينا !!
لما قضية الحميداني أول من تدخل " وعاقبوه وحققوا معه ومش عارفه ايش "" هو الرئيس العام لرعاية الشباب !!!
هــذا ينطبق عليه المثل اللي يقول أسد علي ونعامه على "" الفقررر ورئيس الفقر ... !!
- مانبي منه شي .. بس يكون حقاني ومنصف ويشوف الحق حق والباطل باطل مع الجمييع وسواااسيه ..
ومن دون أي مجاملات وتطانيشش للي يبيه .. سواء هو أو الاتحاد السعودي بكبره ولجانه الصفراء !!

من جد فســااااد كبييير حاصل وظلـــم وتباين في العقوبات ولكن الضمير معدووم فيهم !!

المفروض مايجلسون في الدكه يكون افضل مثل اوربا ويكون فيه احترافيه شوي

ليس من صلاحيات الرئيس العام لرعاية الشباب ان يتدخل في عمل اتحاد القدم ؟
افهمها أحمد عيد هم اللذين نصبوه رئيسا فكيف يعض اليد التي امتدت له ؟
احمد عيد ضعيف شخصية ولا ينفع يدير عمارة دورين وملحق
احمد عيد من جيل الطيبين على باله ان كل الناس طيبين ؟
احمد عيد الله يريحنا منه
بسلامتة لعياله

البلنتي صحيح في إعادة التنفيذ
بن مساعد لايملك للقرار في إبعاد رئساء الأندية. ..

صدقني ابناء مساعد دمار على شي اسمه رياضه والشواهد كثيره ليته عبد الله بن مساعد جلس في بريطانيا مع ناديه شيفيلد يونايتد وليت شاعرنا قعد على شعره وفوايده وتركو الرياضه والكورة لاهلها .. يقولك اخر الزمان يوسد الامر لغير اهله وهذا الي حاصل للاسف