هلا فيك معجب هلالي ومشكور على التحية

الله يالدنيا .. أوار كانت تدخل المنتدى بمريول المتوسطة والحين قد هي جامعية !

المرعب خل عنك اللقافة وش تبي بسالفة سيدني؟ أنا نفسي ناسيها بس أكيد دام ماجد يهددني بها فأكيد إنها تسود الوجه كالعادة


ماجد مقبل غير مدبر .. المشكلة بهالشخص إنك كل ما نزلت أو طلعت بالماوس تبي خشته تروح تعيي تروح تلقاه يطلع وينزل معك! أكثر من كذا بثارة ما فيه

المهم وأنا كمان مشتاق شوق الحبيبين اللي يجمعهم (مصير) على قولة حامد زيد

ضبط لنا بارتي في الاستراحة إياها وشف لنا كم سلتوح واعتمد التكاليف علي ! حاتم الطائي ما مات

ودي اكتب مقدمة شعرية زي ماجد بس ماعرفت

الله يحيي الجميع

اي واالله فقدنا الكل وان شاء الله انهم بخير
والله الناس انشغلوا بالواتس وتويتر والانستقرام والا مهنا مشاغل كايده

إقتباس الرسالة الأصلية كتبت بواسطة @@almoreb@@ سعوديه .. انتي عمرك سمعتي طبيب خلص دراسته .... بطولات الهلال تخلص والطب ما يخلص وبعدين مثل ما انتو يالبنات مشغولين بالجامعه او بالزوج .. فالرجل ايضا مشغول بيكم وبمصارفيكم الله يوفقك يا خيتوو .. وبعدين اتزوجي وريحي مخك من الجامعه واتمددي بالبيت .. ترى اخرتها حتبيعي خلطات في الانستجرام

أهلا بدكتور العرب ~ ~

ههههههههههههـ ع كذا حالكم ما أهو أسوء من حالنا ~

حنا في جامعتنا العزيزهـ قسم اللي تخصصهم طب يلخصون قبل الكليات الثانيهـ !

أبكـ إذا المواد التأسيسية نخلصها خلال ثلاث سنوات فما بالكـ بالباقي " الثقافات + التخصص +

التخصص الفرعي + التدريب " بكم سنهـ نخلص !

شكلي بتضرب فيوزاتي وأقلد النصراويهـ يوم ما صدقوا ع اللهـ إنهم تصدروا الدوري الموسم الماضي
بسوي هشتاق #خريجه_ لا_ تكلمني ~> هذا إذا كان ما إخترعوا شيء جديد غير تويتر 😛

وبعدين بخصوص مساوات عذركم يالشباب بـ عذر البنات ،، الحين ع أساس إن المصروف طول
اليوم بـ تقعدون تصرفون نفس كرف البنات بالتنظيف والغسيل ومتابعهـ العيال في حالهـ
وجودهم !!!!

إقتباس الله يوفقك يا خيتوو .. وبعدين اتزوجي وريحي مخك من الجامعه واتمددي بالبيت .. ترى اخرتها حتبيعي خلطات في الانستجرام

أجمعين إن شاء اللهـ ،،هههههههههههههههههههـ فال اللهـ ولا فالكـ يا شيخ ،، أنا حالهـ
إستثنائيهـ إن شاء اللهـ

إقتباس الرسالة الأصلية كتبت بواسطة أوَار ماجد ياحظي اي والله ... نحب جامعة الامام أحمد ابشرك انا وصلت للأحكام والسنن أما بالنسبة لك يا سلطان ايه (قدني) صرت جامعية وخريجة بعد باذن الله ولي الشرف اني ترعرعت هنا بجميع مرايلي وانواعها فين الصخرة؟

هلا واللهـ بأوار ~

كيف حالكـ ؟! من جد من زمااااان ما سمعت آي خبر عنكـ ولا عن مستشاره وحروف ولا أخت العرب رائدهـ

أما الشباب فـ تطمني بالعم تويتر 24 ساعهـ موجودين ومنهم الصخرهـ

مووووفقهـ إن شاء اللهـ ~

زمان يا فن

الله يهب لنا أم قروش و أم عافية

وش سالفة الاقتباسات ما تفتح معي؟!!

الهنوووف ..
ولكم باك بعنف, أنتي البنت البارة بالمجلس وغيرك أعرسن بتعساء الحظ وجابن عيال ومعاد شفناهن .. مدري من قال لهن إن الزواج ينلغي إذا سيّرن على المنتدى!

أوّار ..
غريبة كلمة (قدني)؟ أها نسيت إنك من جماعة (إنّــو)
ما علينا .. الله يوفقك وتتخرجين بمرتبة الشرف, آخرتها مصيرك للمطبخ زي الهنوف وماهينور

الهلال الزعيم 100%
بغض النظر عن مدى غباء هذا اليوزر خصوصاً نسبة 100%
أحب أقول لك إني اعتزلت الحضور لمباريات الهلال بالملعب نهائياً, والحين إذا
بهلالك خير خلينا نشوف وش بيسوي

الهلالي دائماً
ما أقول غير كلمة (قــدّام) أنت بس حدد المكان والزمان وأبشر باللي يخاويك

بطل
هلا باللي له الخافق يهلـّي
كنت وما زلت وفيّ للمنتدى .. سعيد بشوفة خشتك