المنتديات الموقع العربي الموقع الانجليزي الهلال تيوب بلوتوث صوتيات الهلال اهداف الهلال صور الهلال
العودة   نادي الهلال السعودي - شبكة الزعيم - الموقع الرسمي > المنتديات العامة > منتدى المجلس العام
   

منتدى المجلس العام لمناقشة المواضيع العامه التي لا تتعلق بالرياضة

Like Tree47Likes

إضافة رد
   
 
LinkBack أدوات الموضوع طريقة عرض الموضوع
  #1  
قديم 01/03/2015, 08:10 PM
الصورة الرمزية الخاصة بـ @@almoreb@@
زعيــم مميــز
تاريخ التسجيل: 27/08/2007
المكان: بوابة برلين - منطقة البوتسدامر
مشاركات: 3,144
Talking واتساب المجلس

السلام عليكم ورحمة الله وبركاته

كيفكون

يا عالم ترى المجلس صار مسكون والله .. كلمو بن جبله يرش ماء مقري عليه ويقرأ سورة البقرة

ع العموم الموضوع منكم واليكم .. ودنا نعرف اخباركم كلكم ووين وصلتو بدنياكم .. ويكون الموضوع وسيلة تواصل تويتريه فيسبوكيه مجلسيه

طبعا مواضيع البقدونس كانت ممنوعه زمان أيام ابو راس والصخرة وماجد والمشاغب .. الحين لازم لنا شوية بقدونس والله عشان نحيي المجلس قليلا

انا سأبدا

مثل أي طالب طب لسه قاعد في برلين واكرف .. وبقي لي سنتين غير ه السنه .. والمدام لسه مش حامل والعيب لا فيني ولا فيها لكن عاملين تنظيم نسل ... مش زي الفحل سليمان كل كم شهر مولود كأنه أرنب ما شاء الله
والحياة مستمره ولله الحمد والحين عندي اختبارات واتمنى تدعولي في ظهر الغيب


المايك لك ياللي بعدي
اضافة رد مع اقتباس
  #2  
قديم 01/03/2015, 11:36 PM
في انتظار تفعيل البريد من قبل العضو
تاريخ التسجيل: 03/11/2013
المكان: فـ المريخ ~
مشاركات: 2,005
عليكم السلام ورحمهـ اللهـ وبركاتهـ ~

ههههههههههههههههههههههههههههـ ~

من أمس وأنا أحاول أحووووس أكتب مقدمهـ سنعهـ عشان أنزل هالموضوع لكن واللهـ للآسف

فيوزاتي ضاربهـ ع الآخير ونسيت كيف نكتب موضوع بالعربي ~

عموما وفرت علي العناء وريحيت مخيخي بطرحكـ هالموضوع ~

#
.
.

كح كح وانا كذلكـ لازلت أكرف مع بنت الطابعهـ ذي ،، وما أدري واللهـ متى بخلص منها
~> شكلي بعجز وأنا ما جبتها ����
بس بصراحهـ صدمتني يا دكتور العرب ما توقعتكـ إلى الآن قاعد تكرف !! *~*
توقعت شاااايب ومنتهيهـ صلاحيتكـ من زمن جدي ����
لا لا جد ،، من مواضيعكـ وردودكـ توقعتكـ مخلص ومأخذ تدريب الكورس الماضي ��
عموما موووووفق إن شاء اللهـ ،، وربي يرزق بالذريهـ الصالحهـ بالقريب العاجل
#
.
.
من جد ليش المجلس صار مهجور كذا ؟! *~*

البنات قسسسسم معذورات سواء اللي فيوزهـ ضرب وتزوجت أو حتى اللي مستمرهـ بالحرب مع
بنت الطابعهـ ~

جد لأن المتزوجات صحيح إنهم مصرقعات وتستاهل ما يجيها لكن عذرهم مقبول إنهم مشغولات بـ

مصرقعهـ العرب وعيالهـ !

واللي يكرفون ومركزين مع بنت الطابعهـ بعد معذورات !! المستقبل أولى من الحوسهـ بالمجلس بس

بعد لازم يناقزون لو مرهـ كل شهر يتفقدون أحوال المجلس ويطيرون هالغبار منهـ !

أما الشباب وش عذروكم ؟! لا أنتوا اللي تكرفون بالبيت ولا همكم الأول بنت الطابعهـ ؟! ~
وراء ما تناقزون توطوط ع المجلس العام مثل ما تناقزون ع تويتر وشلتهـ ؟!


إقتباس
الرسالة الأصلية كتبت بواسطة @@[email protected]@

والحياة مستمره ولله الحمد والحين عندي اختبارات واتمنى تدعولي في ظهر الغيب

هههههههههههـ توني أدري إن توقيت الإختبارت نفسهـ بكل مكان سواء ع الأرض أو بالمريخ *~*

عموما اللي بيناقز يدعي لأهل الأرض لا ينسي يدعي لأهل المريخ بعد،، ترانا مكرفين أكثر منكم ����

موووووووفق إن شاء اللهـ ولي عودهـ إن شاء اللهـ في حالهـ استمرار السبات الشتوي بالمجلس
تشكراااات لكـ ع هيكـ واتس آب آقصد هيكـ موضوع
اضافة رد مع اقتباس
  #3  
قديم 02/03/2015, 07:58 AM
الصورة الرمزية الخاصة بـ بن جبله المطيري
مشرف اللجنة الإعلامية
بالموقع الرسمي لنادي الهلال
تاريخ التسجيل: 25/05/2004
المكان: (( تحت أقدااام أمي ))
مشاركات: 56,076


من صجك يادكتور ماسويتها لهالحين

لي رجعه
اضافة رد مع اقتباس
  #4  
قديم 02/03/2015, 10:41 AM
الصورة الرمزية الخاصة بـ @@almoreb@@
زعيــم مميــز
تاريخ التسجيل: 27/08/2007
المكان: بوابة برلين - منطقة البوتسدامر
مشاركات: 3,144
سعوديه .. انتي عمرك سمعتي طبيب خلص دراسته .... بطولات الهلال تخلص والطب ما يخلص

وبعدين مثل ما انتو يالبنات مشغولين بالجامعه او بالزوج .. فالرجل ايضا مشغول بيكم وبمصارفيكم

الله يوفقك يا خيتوو .. وبعدين اتزوجي وريحي مخك من الجامعه واتمددي بالبيت .. ترى اخرتها حتبيعي خلطات في الانستجرام

اضافة رد مع اقتباس
  #5  
قديم 02/03/2015, 12:44 PM
الصورة الرمزية الخاصة بـ بن جبله المطيري
مشرف اللجنة الإعلامية
بالموقع الرسمي لنادي الهلال
تاريخ التسجيل: 25/05/2004
المكان: (( تحت أقدااام أمي ))
مشاركات: 56,076
عُدنا

ابد والله ماااكو اخباار

من البيت للدوام ومن الدوااام للبيت

جانا العيد الوطني وكسر الروتين شوي

حصلنا ع اثرها إجازه اربع ايااام

تمنيت يكون فيه راتبين شي ولكن ماكل مايتمنى المرء يُدركه

جاني خبر مادري صحيح او لا ؟

صحيح هلالي من ارض اليمن سيصبح رئيس اليمن القادم

ويبي يجتث الحوثيين ويبي يعطي كل يمني كيلو عسسسل
اضافة رد مع اقتباس
  #6  
قديم 02/03/2015, 02:22 PM
الصورة الرمزية الخاصة بـ الهلالي دائماً
مشرف منتدى الجمهور الهلالي
تاريخ التسجيل: 20/01/2002
المكان: وسط المعمعه
مشاركات: 12,895
ومضى العمر ولم ياتي الخلاص !!
اه ياعصر القصاص ..

آن لي أن اترك الحبر ..
وأن أكتب شعري بالرصاص



مساء الخير حبايب قلبي
اخبارك دكتورنا منور يا صديقي وفكرتن طيبة يا صديقي
الله يوفقك ونفرح بتخرجك قريبا اخوي احمد والله يرزقك الذرية الصالحة

بالنسبة لي مازلت كما كنت في معامع الحياة اتخبط تخبط الناقة العشواء
اردد قول الشاعر :

كم من أخ لي صالح ** زفيته بيديا مجدا
ألبسته أثوابه ** وخُلقت يوم خلقت جلدا
( تزوج ) الذين احبهم ** وبقيت مثل السيف فردا

الوكاد لكم جميعاً كثير من الشوق والحب فهنا لنا ذكريات لا يمحوها الزمن
ولا يطمسها الغياب واسال الله ان يجعل محبتنا فيه وان يجمعنا دائماً على خير
وحقيقة اذا تذكرت المجلس واعضائه اشعر بالفخر حيث كنت احدهم

دمتم بخير .
اضافة رد مع اقتباس
  #7  
قديم 02/03/2015, 06:49 PM
الصورة الرمزية الخاصة بـ الـمـشـاغـب
مايسترو المجلس العام
تاريخ التسجيل: 18/02/2005
المكان: كاشت مع ويلهامسون بين المروج :$
مشاركات: 7,060
إقتباس
لا أنتوا اللي تكرفون بالبيت ولا همكم الأول بنت الطابعهـ ؟!

وش هي بنت الطابعة؟؟!! أربع مرات كررتيها !

دورة يعني؟!!

حاولت أحسن النية بس ماش !!
اضافة رد مع اقتباس
  #8  
قديم 02/03/2015, 06:58 PM
الصورة الرمزية الخاصة بـ الـمـشـاغـب
مايسترو المجلس العام
تاريخ التسجيل: 18/02/2005
المكان: كاشت مع ويلهامسون بين المروج :$
مشاركات: 7,060
المهم هلا بالعيال

أتوقع أكبر سبب لهجر المنتدى هو الوصخ اللي لابس نظارات في عز الليل بالاستاد ويطالع بالكاميرا

ياخي قسم بالله ما أدخل المنتدى إلا وأشوف خشته وتقفل معي.. ومن زين وجهه حاطينه هيدر بالمنتدى ! (إيه أقصد ذا اللي ع يسارك أنت وياه وأنتو تقرون كلامي)

والله بعض الأحيان أهمّ أحط على خشته لصقة لين أطلع من المنتدى, معاد دريت هو أنا أركز بمواضيع المنتدى والردود وإلا أركز في تغطية ما انكشف من جسدي وأنا منسدح قدام هاللابتوب وذا الوصخ يطالع

بعذرهن البنات إذا ما دخلن المنتدى, نظراته توسوس بالواحد

يالله ما علينا من الناس
أنا أبشركم بخير وسنة 1436 يبدو أنها أفضل سنة تمر علي بحياتي, تعدل فيها أشياء كثيرة للأحسن ولله الحمد .. الجدير بالذكر إن هالسنة هي السنة الوحيدة اللي لحد الآن ما شفت فيها خشة ماجد مقبل

الآن فقط عرفت ليش حياتي كانت بائسة سابقاً !
اضافة رد مع اقتباس
  #9  
قديم 02/03/2015, 10:35 PM
عضو تحرير مجلة الزعيم
تاريخ التسجيل: 31/01/2008
المكان: الرياض
مشاركات: 4,504
ما تغير في حياتي شي .. هذي انا بس أسلمت ودخلت جامعة الامام
اضافة رد مع اقتباس
  #10  
قديم 03/03/2015, 01:54 AM
الصورة الرمزية الخاصة بـ معجب هلالي.
زعيــم متألــق
تاريخ التسجيل: 17/03/2011
مشاركات: 1,002
تحياتي لجميع من سبقني:
الدكتور أحمد والأخ نواف والأخ أبو خالد والأستاذ ماجد مقبل والأخت سعودية كول والأخت أوار
وتحياتي للاحقين
وتقبلوا مروري
وشكراً.
اضافة رد مع اقتباس
  #11  
قديم 03/03/2015, 08:36 AM
الصورة الرمزية الخاصة بـ الهلالي دائماً
مشرف منتدى الجمهور الهلالي
تاريخ التسجيل: 20/01/2002
المكان: وسط المعمعه
مشاركات: 12,895


ههههههههههههههههههههههههههههههههههههههههههه
نفس الشعور ابو خالد

>> معاناة لين حملت الصورة
المهم سلطان لا تخليني اكب العشاء وافضحك بسالفتنا قبل مبارة سدني هههههههههههههههههه
ع طاري سدني الله ياخذ نيشمورا كرهني في الكورة الحقير

شوشو مدري سوسو مشتاق لك يا قاسي

أوَار
ماشاء الله صرنا زملاء دراسة بعد
الله يوفقك وتتخرجين باعلى المعدلات

معجب هلالي

ياهلا بك اخوي ومنورنا يا صديقي
والله يحيك بين ربعك واخوانك
اضافة رد مع اقتباس
  #12  
قديم 03/03/2015, 09:41 AM
الصورة الرمزية الخاصة بـ @@almoreb@@
زعيــم مميــز
تاريخ التسجيل: 27/08/2007
المكان: بوابة برلين - منطقة البوتسدامر
مشاركات: 3,144
بن جبله

يا رجل احمد ربك على ال4 اياام ... احنا الالمان يعطونا يوم واحد وياخذو ضرايب بعد

بعدين مين قالك طارق حيترأس اليمن .. لا لا طارق انسان اشتراكي .. احنا نبي واحد اخواني


ماجد مقبل

ياهلا والله ب أعزب المجلس .. ياخي طلعت شائعات قبل فترة انك قريب من دخول القفص .. وش صار ياخي ... اتوقع انك مسحور او شئ .. خل المشاغب يقرأ عليك !!

ننتظر سالفة سدني !!

المشاغب

ههههههههههههه ياخي كلنا نفس الشعور .. انا ودي أعرف وش كان جو الانسان ذا وقت المباراة

الله يجعل كل سنينك سعادة يارب

أوار

ههههههههههههه الله يتقبل منك يارب .. ركزي على الاركان الحين .. الله يوفقك خيتو

معجب هلالي

ياخي والله فقدنا تحليلاتك السياسيه .. وش رايك تفتح اتجاه معاكس في المنتدى ... منور يا عزيزي
اضافة رد مع اقتباس
  #13  
قديم 03/03/2015, 02:08 PM
الصورة الرمزية الخاصة بـ الـمـشـاغـب
مايسترو المجلس العام
تاريخ التسجيل: 18/02/2005
المكان: كاشت مع ويلهامسون بين المروج :$
مشاركات: 7,060
هلا فيك معجب هلالي ومشكور على التحية

الله يالدنيا .. أوار كانت تدخل المنتدى بمريول المتوسطة والحين قد هي جامعية !

المرعب خل عنك اللقافة وش تبي بسالفة سيدني؟ أنا نفسي ناسيها بس أكيد دام ماجد يهددني بها فأكيد إنها تسود الوجه كالعادة


ماجد مقبل غير مدبر .. المشكلة بهالشخص إنك كل ما نزلت أو طلعت بالماوس تبي خشته تروح تعيي تروح تلقاه يطلع وينزل معك! أكثر من كذا بثارة ما فيه

المهم وأنا كمان مشتاق شوق الحبيبين اللي يجمعهم (مصير) على قولة حامد زيد

ضبط لنا بارتي في الاستراحة إياها وشف لنا كم سلتوح واعتمد التكاليف علي ! حاتم الطائي ما مات
اضافة رد مع اقتباس
  #14  
قديم 03/03/2015, 04:50 PM
الصورة الرمزية الخاصة بـ الهنوووف
عضو استشاري للمجلس العام
وعضو تحرير مجلة الزعيم
تاريخ التسجيل: 18/01/2005
المكان: زاوية ارى الناس ولايروني
مشاركات: 11,544
ودي اكتب مقدمة شعرية زي ماجد بس ماعرفت

الله يحيي الجميع

اي واالله فقدنا الكل وان شاء الله انهم بخير
والله الناس انشغلوا بالواتس وتويتر والانستقرام والا مهنا مشاغل كايده



اضافة رد مع اقتباس
  #15  
قديم 03/03/2015, 05:57 PM
عضو تحرير مجلة الزعيم
تاريخ التسجيل: 31/01/2008
المكان: الرياض
مشاركات: 4,504
ماجد ياحظي اي والله ... نحب جامعة الامام

أحمد ابشرك انا وصلت للأحكام والسنن
أما بالنسبة لك يا سلطان ايه (قدني) صرت جامعية وخريجة بعد باذن الله
ولي الشرف اني ترعرعت هنا بجميع مرايلي وانواعها




فين الصخرة؟
اضافة رد مع اقتباس
   


إضافة رد

أدوات الموضوع
طريقة عرض الموضوع

قوانين المشاركة
غير مصرّح لك بنشر موضوع جديد
غير مصرّح لك بنشر ردود
غير مصرّح لك برفع مرفقات
غير مصرّح لك بتعديل مشاركاتك

وسوم vB : مسموح
[IMG] كود الـ مسموح
كود الـ HTML مسموح
Trackbacks are مسموح
Pingbacks are مسموح
Refbacks are مسموح



الوقت المعتمد في المنتدى بتوقيت جرينتش +3.
الوقت الان » 12:24 AM.

جميع الآراء و المشاركات المنشورة تمثل وجهة نظر كاتبها فقط , و لا تمثل بأي حال من الأحوال وجهة نظر النادي و مسؤوليه ولا إدارة الموقع و مسؤوليه.


Powered by: vBulletin Version 3.8.7
Copyright ©2000 - 2019, Jelsoft Enterprises Ltd

Google Plus   Facebook  twitter  youtube