إقتباس الرسالة الأصلية كتبت بواسطة ابو خالد 2012 المدرب صراحه جباان لم يلعب بمهاجم ويسلي ليس مهاجم صريح ويتراجع ويلعب بدون نفس الاعبين العابد يستعرض ويتمخطر بالكوره وسالم يلعب لوحده مع شوايه استعراض الشلهوب اول مره اشوفه اناني يريد صيحات الجماهير غصب يعدي من اكثر من لاعب الانانيه طغت على الاعبين ياسر القحطاني راجع من اصابه 3 اسابيع لم يلعب ولايلام صرحه الحسنه الوحيده بالزاج بياسر تجهيزه للمباره القادمه ملخص الخساااره

هلا بالزعيم
المدرب ايش ممكن يسوي مع لاعب دون نفس وثاني يستعرض
اتمنى احسن مدرب في العالم للهلال لكم ماعندي استعداد يجي مدرب كم شهر ويزوي خشته عندي ويطالع يمين ويسار
عقد جيرتس مع الاخويا دبل عقده مع الهلال .. يعني حدود ال 5 مليون يورو سنوي غير المساعدين وخلافه

إقتباس الرسالة الأصلية كتبت بواسطة أمــــل الـــهـــلال انا سؤال محيرني لاعبين الهلال هم اللاعبين الوحيدين اللي مايلعبون بروحححح مدري ليش

الروح شئ مو محسوس لايقاس .. تزيد وتنقص ما اظن نقدر نوصف بها فريق ونمنعها عن فريق
الرئيس هو المسئول الاول عن تنمية الروح عند اللاعبين .. ثم لاعبي الخبره القدوه للبقيه

إقتباس الرسالة الأصلية كتبت بواسطة نآآيف والله امس دخلت بعد المباراة عند ممر الاعبين .. أغلبهم " متضايقين + حزينين " حتى كنت ناوي اصور معهم ، محد عطاني وجــه .. شيء اسعدني .. اكثر من أنه يضايقني

ان شاء الله نصور معهم بعد التأهل في المطار

بيني وبينك زعيم يقول لي شفت كم واحد منهم يركض ع الايباد .. مدري ليه يجيبونه اساسا معهم للملعب

إقتباس الرسالة الأصلية كتبت بواسطة سمووو العنزي الروح معدومه من اعتزال الثنيان مشكور لطرحك الجميل والاداره مالها ذنب بوجهة نظرك؟! من اللي خمس سنوات محلك سر من اللي ضيع كرامه الهلال وسكت انتقدنا الاعبين بما فيه الكفايه والاداره محد يتكلم فيها واذا نزلنا موضوع عن الاداره ينقل!!

الاداره جزء رئيسي من المشكله .. لكن اللي جاب ويلي ونيفيز ورادوي هو نفسه اللي جاب احمد علي وويسلي
وهي اللي جابت جيرتس وجابت دول ؟!

رأئي في الاداره ما يقدم ولايأخر .. اتمنى يستقيلون بهدوء ورقي مهما كانت نتيجة الاياب
بصراحه اذا بنجلس مانتصرف في الاجانب الا نبيع واحد ونجيب بسعره واحد زي العام حندور في نفس الدائره .. روح اللاعبين تجبر اي خلل .. حققنا بطولات والرئيس الامير بندر بن محمد في جده ونائبه الشهيل بالخبر .. وفواز المسعد هو المدير

إقتباس الرسالة الأصلية كتبت بواسطة روحي الوجله الروح والرئيس والادارة هي السبب مافيه حزم وشده بالاضافة لا اجانب زي الناس ولا مدري صح وانانية في الاداء كل هذي اللي ضيعت الهلال

تدري .. لائحتنا الداخليه ما نعرف شئ عنها .. كيف ومتى الخصم ؟!

لو تلاحظ نادي الشباب زي اللكزس ماله صوت مع ان عنده مشاكل لكن الاداره قويه والنظام واحد وفيه شفافيه .. والاهم الاستقرار الفني
6 مدربين في 3 سنوات نسبه مزعجه ودليل فشل

إقتباس الرسالة الأصلية كتبت بواسطة هلالي ليوم مماتي روح الهلال انتهت مع رحيل النعيمه

الله يشفيه ويعافيه ..

حسين البيشي قدام الوداد في المغرب لعب آخر 15 دقيقه وعنده شعر في المفصل ...

كان برنابوك الطبيب يقول اغرب حاله شفتها .. الم لايطاق ولاعب يركض ؟!

التيماوي وسعد مبارك وكثيرين الله يذكرهم بالخير

إقتباس الرسالة الأصلية كتبت بواسطة العقد الهلالي صلو على محمد اللهم صلى وسلم وبارك على نبينا محمد رجعنا للروح وموال الروح الكاذب ردينا على الروح !!! ياناس الهلال كان الاقرب للفوز وهدف الصدفة سترون الرد عليه في قطر ان شاء الله اللاعبون يعرفون ان المباراة سرقت منهم لو كان في الروح مشكله اكلنا مثل الاتحاد بالأربعة والخمسة ومثل النصر بالسته وخرجنا بمراكز متاخره في الدوري الهلال سيمثل المملكة في اسيا السنه القادمه مع الفتح والشباب وبطل كاس الابطال والبقيه يتفرجون مثل هذا العام والهلال حقق كاس ولى العهد امام منافس سخرت له كل الطرق للفوز لكن لم يساعد نفسه لانه اصطدم بجبل لم يفق من هول الصدمه الى هذا الزمن روح الهلال هي التى اوصلته منتصرا في ملعب ازادي وفي ملعب الريان روح الهلال هي التى سوف تعلن الفرح في الشارع الازرق لم يعد لكلمة الروح أي مجال بعد ان عرفنا ان بقية الفرق لم ينجح احد اذا روحهم ماتت نهائيا بهدف الصدفه رغم الضغط الهلالي علقت المشانق كم انتم مساكين ايها المندسون طالما الفرصة لاتزال في ملعب الهلال فانتم خاسرون الرهان لا محاله الاربعاء قريب على الحي إن شاء الله

الله يسمع منك يا زميل
الروح طرف اساسي في اللعبه ما نقدر نتجاهلها .. السياره ما تمشي دون بترول

إقتباس الرسالة الأصلية كتبت بواسطة mo90on شف اخوي تبي اللاعب يلعب غصب عنه لو النادي يطبق خصم من مرتب اللاعب على نزول مستواه ويجلس في الدكه الين ما يعض الارض اتوقع والله العالم تشوف فريق شرس طول المباريات

صادق ..

سليمان العبدالله من وقت دول وهو مع الاول شفناه نص شوط وسجل هدف ولا اروع

مثله ممكن يكون تأديب لبعضهم اذا قاموا يخنبقون

إقتباس الرسالة الأصلية كتبت بواسطة اتعبني غيابك ردينا على سوالف العجز القديمه شفت سعد يبكي وشفت اخوي يصيح خلونا من هالاساليب القديمه فريقنا من سنتين للخلف در محتاج اجانب على مستوى كبير ومدرب كبير وبلاش نضحك على بعضنا

الحين تذكر العمالقه صار سوالف عجز ؟!
الله يصلحك بس

لو جبنا 4 اجانب زي السم .. مع مورينهو .. ولاعبين دون روح يسحبون رجيلهم ويتبطحون مع اول لمسه بيوصونا لشئ ؟!
عمر بوراس وفيداتو نكرات جبنا معهم بطولات بروح الابطال بس

إقتباس الرسالة الأصلية كتبت بواسطة kasyas لبي قلبك بس ذاك جيل لن يتكرر في إخلاصه وحبه للهلال فقط اما اصحاب العقود فحبه بكم تدفع من الملايين اجل يعقل عقد الفرج عن رواتب ومكافآت عدة وزراء؟؟؟ والنتيجة لاشيئ ودي يكون الراتب الشهري مربوط بنسبة مستوى اللاعب بدع 100% يستلم كامل 80% يضرب راتب في هالنسبة ويعطى حقه وتكون مسئولية المدرب وحده الإنذارات على كل كرت اصفر 5000ريال حسم والأحمر 15000ريال حسم وهكذا سترون حراثات لا لاعبين

البلوي الدب هو السبب .. ورط العالم وطس
اذا بالمنطق وبالتقييم على مستوى الموسم كاملا مو مبارتين او ثلاث .. مافيه لاعب سعودي يستاهل اكثر من مليون في السنه ... لكن وش نقول ؟!
لو تلاحظ عن التمارين مايغابون ابد عشان الخصم .. لكن المجهود والاداء ماله معيار في المباريات
فيه لاعب ورد اسمه في الموضوع هنا يدخل في حسابه شهري 165000 .. قبل 3 سنوات كان يأخذ من ابوه مصروفه واليوم راتبه قد رواتب ابوه في 24 شهر
وش تنتظر منه بالله .. ؟!
الله يبارك لهم .. ويزيدهم لكن ليتهم يعرفون النعمه اللي هم فيها وان عمر اللاعب قصير

الهلال لديه روح الفوز وهو قادر على العودة لكن متى ما توفرت الادوات.

ماهي الادوات :
1- وجود قائد داخل الملعب قادر على فرض هيبة الفريق.
2- وجود 4 لاعبيين على مستوى عالي (غير سعوديين) خصوصا صانع اللعب والهداف.
3- التخلص من اشباه اللاعبيين الذين اعطوا من الفرص ما فيه الكفاية.
4- وجود كادر تدريبي عالمي بكل ما تعنيه الكلمة قادر على توظيف اللاعبيين بشكل مناسب وقادر على فرض هيمنته على الفريق واللاعبيين.
5- وهي اهم نقطة وجود سيولة مادية كبيرة حتى تتحقق هذه الاهداف.
6- وجود متحدث باسم النادي غير الشخص الحالي الذي فقد احترام كافة الجماهير الهلالية

المفرووض المتشارين : نواف التمياط ـ ابو اثنين ـ صالح النعيمة ــ

سالم والعابد ما قصروو ــ العابد الشوط الاول ملعبه في الجهة اليسرى لفريق لخويا ـ ـ والسالم عكسه ـ مع تغيير المراكز

ما عندنا مهاجم ــ ويسلي يرجع للوسط ــ الهجوووم فااااااااااااااااااااااااااضي

ان شاء الله يعوضون خيرا في الدوووووحة ــ