هارد للزعماء .. لن نرمي المنديل ! باقي بصيص من الامل في الدوحه ..

اشوف مواضيع الزعماء بعد الخساره .. وسهامهم اللي وجهت للكل الاداره والمدرب واللاعبين .. لا الوم العاشق اذا انفجر مع ان الحقيقه ليسوا كلهم عشاق فهناك من له مآرب اخرى ؟؟!!

الاهم

هاشيك .. كالدي .. ليكنز .. دول .. كيمبو .. واخيرا زلاتكو .. 6 تعاقبوا علينا في 3 سنوات .. بالتأكيد ليسوا كلهم فاشلين .. صحيح ماهم زي جيرتس لكن ليسوا نكرات واعتقد ان تكلفة ال 6 مجتمعين مع طواقمهم المساعده ع الهلال لاتقل عن 100 مليون ريال ؟!
لما شفت سعد مبارك يحلل تذكرت موقف لي معه ..
سعد طبعا بالقميص 11 جناح ايسر ووسط يسار .. جيل العمالقه ..
كان فيه مباراه لنا مع النصر انتهت لهم .. كان الهلال رائع وقاتل للنهايه .. المباراه دوريه في الدوري ولايترتب عليها اي شئ جوهري ..
انهزمنا بشرف ..
بعد المباراه يمكن ب 3 ساعات وتحديدا عن محل ميد اللي بمحطة نفط في السويدي قابلت سعد صدفه
اقسم بالله عيونه كانت تتغرغر بالدموع .. دخل اخذ غرض وطلع بسرعه قلت له يا كابتن هارد لك .. مارد علي ؟!
قلت يا كبتن كنا ممتازين لكن مالله اراد ..
قال الحمد لله .. خير ان شاء الله ؟!
والله كان يبكي ... واشر بيده يعني ما ابغى اتكلم الحين ؟؟؟!!!

ذكرت هالموقف البارح بغصه والم وحاولت اقارن المشهد مع لاعبي اليوم .. ؟! الواحد مهم يأخذ في سنه واحده اللي اخذه سعد مبارك في 14 سنه ..
بروح سعد وزملائه ذاك الزمن القريب لو دربهم فهد المديد الله يمسيه بالخير حيبدعوا ويحرثوا الملعب ؟!
قصدي الولاء للفنيله .. والروح امرين لاتضيع ونلقي كل اللوم ع المدربين والاداره ..
اغلب لاعبي اليوم ..عقود وايبادي لايضيع .. وقصات واساور ويومين في الاسبوع عند الحلاق ودلع ..
تحريك الروح مطلبنا الايام القادمه ..

الروح هي من سيهزم الاخويا ..
لاجيرتس ولا غيره سيواجه روح 11 جني ازرق ؟؟؟!

بالتوفيق

شكرا للاداره

والله مو القصد نقد بقدر ماهو مقارنه وتحريك للممكن من الامور

استغرب الزعماء اللي يقولون مفروض انهاء عقد المدرب ؟!!! قبل الاياب

بالتوفيق للزعيم .. بروح نجوم التسعينات و لو دون مدرب باذن الله نتجاوز الاخويا

إقتباس الرسالة الأصلية كتبت بواسطة ابو خالد 2012 المدرب صراحه جباان لم يلعب بمهاجم ويسلي ليس مهاجم صريح ويتراجع ويلعب بدون نفس الاعبين العابد يستعرض ويتمخطر بالكوره وسالم يلعب لوحده مع شوايه استعراض الشلهوب اول مره اشوفه اناني يريد صيحات الجماهير غصب يعدي من اكثر من لاعب الانانيه طغت على الاعبين ياسر القحطاني راجع من اصابه 3 اسابيع لم يلعب ولايلام صرحه الحسنه الوحيده بالزاج بياسر تجهيزه للمباره القادمه ملخص الخساااره

الحين المجهود اللي قاموا فيه العابد و الدوسري تسميه استعراض الله يصلحك هؤلاء قدموا كل مايملكون لكن للآسف قابلوا دفاع صلب و مافيه مهاجم عدل يفك الضغط عنهم اللي يلعب مهاجم الجربان ويسلي عساه ينقلع و يفكنا

إقتباس الرسالة الأصلية كتبت بواسطة ابو خالد 2012 المدرب صراحه جباان لم يلعب بمهاجم ويسلي ليس مهاجم صريح ويتراجع ويلعب بدون نفس الاعبين العابد يستعرض ويتمخطر بالكوره وسالم يلعب لوحده مع شوايه استعراض الشلهوب اول مره اشوفه اناني يريد صيحات الجماهير غصب يعدي من اكثر من لاعب الانانيه طغت على الاعبين ياسر القحطاني راجع من اصابه 3 اسابيع لم يلعب ولايلام صرحه الحسنه الوحيده بالزاج بياسر تجهيزه للمباره القادمه ملخص الخساااره

هلا بالزعيم
المدرب ايش ممكن يسوي مع لاعب دون نفس وثاني يستعرض
اتمنى احسن مدرب في العالم للهلال لكم ماعندي استعداد يجي مدرب كم شهر ويزوي خشته عندي ويطالع يمين ويسار
عقد جيرتس مع الاخويا دبل عقده مع الهلال .. يعني حدود ال 5 مليون يورو سنوي غير المساعدين وخلافه

انا سؤال محيرني لاعبين الهلال هم اللاعبين الوحيدين اللي مايلعبون بروحححح مدري ليش

إقتباس الرسالة الأصلية كتبت بواسطة أمــــل الـــهـــلال انا سؤال محيرني لاعبين الهلال هم اللاعبين الوحيدين اللي مايلعبون بروحححح مدري ليش

الروح شئ مو محسوس لايقاس .. تزيد وتنقص ما اظن نقدر نوصف بها فريق ونمنعها عن فريق
الرئيس هو المسئول الاول عن تنمية الروح عند اللاعبين .. ثم لاعبي الخبره القدوه للبقيه

والله امس دخلت بعد المباراة عند ممر الاعبين ..
أغلبهم " متضايقين + حزينين "

حتى كنت ناوي اصور معهم ، محد عطاني وجــه ..
شيء اسعدني .. اكثر من أنه يضايقني

إقتباس الرسالة الأصلية كتبت بواسطة نآآيف والله امس دخلت بعد المباراة عند ممر الاعبين .. أغلبهم " متضايقين + حزينين " حتى كنت ناوي اصور معهم ، محد عطاني وجــه .. شيء اسعدني .. اكثر من أنه يضايقني

ان شاء الله نصور معهم بعد التأهل في المطار

بيني وبينك زعيم يقول لي شفت كم واحد منهم يركض ع الايباد .. مدري ليه يجيبونه اساسا معهم للملعب

الروح معدومه من اعتزال الثنيان

مشكور لطرحك الجميل
والاداره مالها ذنب بوجهة نظرك؟!

من اللي خمس سنوات محلك سر
من اللي ضيع كرامه الهلال وسكت

انتقدنا الاعبين بما فيه الكفايه

والاداره محد يتكلم فيها

واذا نزلنا موضوع عن الاداره ينقل!!

إقتباس الرسالة الأصلية كتبت بواسطة سمووو العنزي الروح معدومه من اعتزال الثنيان مشكور لطرحك الجميل والاداره مالها ذنب بوجهة نظرك؟! من اللي خمس سنوات محلك سر من اللي ضيع كرامه الهلال وسكت انتقدنا الاعبين بما فيه الكفايه والاداره محد يتكلم فيها واذا نزلنا موضوع عن الاداره ينقل!!

الاداره جزء رئيسي من المشكله .. لكن اللي جاب ويلي ونيفيز ورادوي هو نفسه اللي جاب احمد علي وويسلي
وهي اللي جابت جيرتس وجابت دول ؟!

رأئي في الاداره ما يقدم ولايأخر .. اتمنى يستقيلون بهدوء ورقي مهما كانت نتيجة الاياب
بصراحه اذا بنجلس مانتصرف في الاجانب الا نبيع واحد ونجيب بسعره واحد زي العام حندور في نفس الدائره .. روح اللاعبين تجبر اي خلل .. حققنا بطولات والرئيس الامير بندر بن محمد في جده ونائبه الشهيل بالخبر .. وفواز المسعد هو المدير

الروح والرئيس والادارة هي السبب مافيه حزم وشده
بالاضافة لا اجانب زي الناس ولا مدري صح
وانانية في الاداء كل هذي اللي ضيعت الهلال

إقتباس الرسالة الأصلية كتبت بواسطة روحي الوجله الروح والرئيس والادارة هي السبب مافيه حزم وشده بالاضافة لا اجانب زي الناس ولا مدري صح وانانية في الاداء كل هذي اللي ضيعت الهلال

تدري .. لائحتنا الداخليه ما نعرف شئ عنها .. كيف ومتى الخصم ؟!

لو تلاحظ نادي الشباب زي اللكزس ماله صوت مع ان عنده مشاكل لكن الاداره قويه والنظام واحد وفيه شفافيه .. والاهم الاستقرار الفني
6 مدربين في 3 سنوات نسبه مزعجه ودليل فشل

روح الهلال انتهت مع رحيل النعيمه

إقتباس الرسالة الأصلية كتبت بواسطة هلالي ليوم مماتي روح الهلال انتهت مع رحيل النعيمه

الله يشفيه ويعافيه ..

حسين البيشي قدام الوداد في المغرب لعب آخر 15 دقيقه وعنده شعر في المفصل ...

كان برنابوك الطبيب يقول اغرب حاله شفتها .. الم لايطاق ولاعب يركض ؟!

التيماوي وسعد مبارك وكثيرين الله يذكرهم بالخير