مرزوق و معيـض .. معروفـينّ ب الحارة حقـين ( طقطقة ) ع العيال ، خاصة بـ جلسـات ( حديقة ) الحارة . .

الجميّل ، في مرزوق ومعيـض . . إن واحد منهم يثـبت و الثاني يشوتّ !!

يرفعـونّ في بعـض ، ويقلبونّ ع العيال ، ودائماً استشهادهم علشان يحجرون لـ عيال الحارة ، ويحسسونّهم إنهم هم الفاهميـنّ . . يقولون : ترا حتى عيال حارة باريس مثل كـذا

مرّه من المرارير . . معيـضّ ( يغمز ) لـ مرزوق . . وهنا - شفرة - الأرنب اللي بيطلـع الحينّ

معيض ب صوتّ ثقـة : مرزوق ترا البلدية كلمتني ، وقالت غيروا حارس الحديقة لأن واضح انه ماينظف ( زينّ )

مرزوق وبدرعمته المعهوده ، اي ي معيض هم صادقينّ غيره الحينّ وشف لنا واحد يسلك أمورنا لين ينزل قرار جديد بـ تعيينّ الحارس

عيال الحارة ، طبعاً كلهم ساكتينّ ، وفاتحينّ فمهم . . ( تناحة ) ماهمّ متعودينّ حارتهم وحارس حديقتهم ينشال ، وان البلدية تتوسط بـ معيض يشيله . . مع إنّ معيض ومرزوق هم اللي جابوّه من الأساس

طمّر معيض ومرزوق . . وجابوّا خويهم : بخيت وحطوه حارس مؤقت للحديقة . .بحكم إن بخيت كان ع قد حاله وفاضي هـ الفترة وحافز ماقبلـه بحكم ان عمره ( صكّ ) الخمسينّ

جلـس ، خويهم بخيـت . .فتـرة بـ الحديقة وطبعاً كان مايدري وش السالفة بس ( واسطة ) معيض ومرزوق عند عيال الحارة خلته غصب يكونّ حارس الحديقة


بـعد فتـرة ، طفـش بخيت . .بعد ماجمع له ( قرشيـنّ ) من مرزوق ومعيض ومن فزعات عيال الحارة . . وترك الحديقة

مرزوق ومعيض ، اجتمعوا بـ جلسـة خاصة . . منكوبيـنّ !! الصيفيـة بتبدأ وبيجي عيال الحارة اللي جنبهم يتفرجون بـ حديقتهم . . وش السواة وش الدبرة

شطح مرزوق ك العادة ، مشينا يا معيـضّ نستشير ( خويلد ) من عيال الحارة اللي جنبهم ، من نجيب حارس للحديقة يبيـض الوّجـه

راحوا لـ خويلد وبحكم إن خويلد ، ماهو من عيال حارتهم ، يعني الحديقة ماهي حديقة حارته . . صرفهم بكـذا إسم . . وكل ماسألوه عن حارس قال بس هذا ذيبان اللي بيبيض وجيهكم !!

بعد ( مرطسـة ) وزودة هـرّج . . حطوا قرعـة ، بحكم إن فعاليات حديقتهم وزيارة عيال الحارات اللي جنبهم قربت ، وشينه بحقهم يجوّن الزوار ، وهم ماعندهم حتى حارس للـ حديقــة

طاحت القرعـة على ( وائل ) ، طبعاً وائل هذا ماكان له دخل ب الحارات ولايدري وش الطبخـة . . هـ الوائل كان يتنقل من حديقة لـ حديقة ، وكل شوي ينكرش بعد فترة . . والعذر حق كرشتـه . الحارة اللي كنت فيها سكنّوا فيها مطانيخ ، وجابوا حارس حديقة ع مستوى !!


راح مرزوق ومعيـض ، وجابوا معهم ( وائل ) يوم وصل - وائل النكبة - قام يتفلسف ع روسهم ، وهم : سمعاً وطاعه أبشـر . . ماينلامونّ ، الصيف قربّ وخايفينّ ينفضحونّ عند عيال الحارة


جلـس وائل فتـرة ، يرقع ب حديقة الحارة ، مره يفتح الباب العصر ، ومره المغرب ، ومره ينسى يسكرّ الباب اصلاً ويخلي الحديقة ، سبيــلّ

مرزوق ومعيـض ، ( قفلت ) معهـم ، وكرشوّا وائـل . . وقالوا لـ عيال الحارة امسحوها بـ وجهنا ي عيال ، بنجيب واحد يسلـك الوضـع ، مثل خوينا هذاك بخيت !!

وأبشروا هـ المره بس طالبينكم ، وازهلـوّا المرة الجايـة ، بنجيب لكم اللي تبونّــه

،



’



يالله إنك تسـامح معيـض ومرزوق ، وتصـبرّ عيال الحارة ، مدري وش اخرتهـا مع هالحديقة !!




،

,,,,

ما أقول إلا الله يوفق الهلال ولي عودة اشوووووف موضوعك ابي اروووح اصلي !!!

صدقت يالغلا والان الاوضاع تحتاج إلى اعادة ترتيب من جديد






Atlantis The Palm, Dubai


اربح بين 15% و 40% شهريا