إقتباس الرسالة الأصلية كتبت بواسطة سعوديه والهلال ناديه مين قال مالها شغل بس بالله انت شفت لاعبين لو واحد يستاهل نقول له برافو عليك لو انهم من بدايه الدوري استمرو ع اخفاقهم كنا قلنا الاداره السبب بس انت شفتهم كيف ابدعو وكيف فازو الاعبين متى ماودهم ييلعبون ماحد يردهم وبعدين لنفرض انه استقال الامير وانا مع هذا الشي ان كان فيه مصلحه لكن بقى الحال ع ماهو عليه او زاد سؤ وش راح تكون رده الفعل انا اقول هذا مو وقت استقاله في الفتره الشتويه نقدر نلغي عقد هرماش والكوري ومانجان ونجيب غيرهم مع نجومنا وبنشوف فريق قاهر وبنفس الوقت تصحيح بعض الاشياء ومنها وجود مدير للفريق احنا كاسعوديين لابد من مدير للفريق ع عقليه لاعبين

اي أبدع عشان الشباب والرائد!!
الشباب فريق مستواه سئ هالسنه !!
الشباب قبل مباراة الهلال ماكل أربعه من الفتح!
والرائد فريق عادي من سنوات والهلال يهزمه والسنه ذي ماكل أربعه من النصر اللي اكل ثلاثه من الهلال!
بعدين مافيه وجه مقارنة بين بطولة دوري وبطولة اسيا
اسيا يبي لها شغل كبير أما
خذني جيتك لعل وعسى تصيب معنا مايجي
الخروج تتحمله الاداره 100%
ويجب أن ترحل ماقصرت أربع سنوات تراست الهلال وكان هدفها اسيا
ومانجحت في هدفها عليها أن ترحل!

اقول بس الله يرحم ايام سامي ويوسف وصالح .... اخ والله قهر الدمعة في عيني
الله يوفق الهلال

هارد لنا الهزيمة

وبالتوفيق لباقي الفرق

ان كنت هلالي فتعقل وابعد عن الانفعال فقرار رحيل الادارة
هو مطلب ملح لأعداء الهلال وانتم بتأييدكم لذلك المطلب تحققون
رغباتهم .. ساعدوا على استقرار ناديكم ان كنتم تنشدون استمرار
زعامته .. حتى وبعد خروجنا من اسيا يظل الزعيم هو سيد اسيا

طبيعي خسارة الهلال تخلى الجحور من سكانها

ماقول غير: اه ياغبنت بالقلب تحرق مدينه
حاولت اطفيها وزادت حريقه

قدر الله ومشاء فعل وهذا نصيبناا البطوله مستعصيه عليناا والفريق اليوم لم يقدم شى يشفع له القادم ان شاء الله احلى بس المهم نتجاوز هذى المرحله,,,

اوف والله قهر نطلع

من اولساااااااااااااااان وربي قهر

الهريفي ناقد .. وكلامه صحيح

نبي الاسيويه ، خلاص بطولاتنا اخذناها واجد !

رد رائع من الاخطبوط لجم فيه أفواه المترصدين

لكن لست معك فأنا أتمنى البطوله لأحد الفرق السعوديه

هذا موب لعب الي نشوفه في الملعب حواري مع احترامي المدرب ماله ذنب يا عمي بتغير المدرب وبتغير الاداره وش الفايده اذا ما فيه اساس جوا الملعب الي هم الاعبين لكن حنا وش نقول الله ياخذ اللحوج الي يلعبون للفلوس ولا يقدرون الشعار الي لابسينه ولا يقدرون الجماهير الي جايه من كيلوات حسبي الله ونعم الوكيل وانا من رايي يا جماهير الزعيم لاحد يحضر اي مباراة للملحجه الا اذا وصلو نهائي اسيا حتى نهائي كأس ملك والا الدوري والا اي بطوله محليه لاحد يحضر والله فشيله تاريخ الهلال يضيع بسبب ملحجه ياعمي جيبو الاولمبي قسم بالله ان لعبهم ازين من الي في الفريق الاول

سنظل نعشق الهلال حتى الممات باذن الله والله يكتب اللي فيه الخير لهلالنا

إقتباس الرسالة الأصلية كتبت بواسطة معشوق الهلال خالد استمرو للتطبيل للاداره الفاشله نضحك ع أنفسنا كل سنه السنه الجايه!! الاداره الهلاليه الفاشله فرطت في فرصه لن تتكرر ع المدي القريب للهلال الهلال في حال تاهله للنهائي المباراه في أرضه وابتعد عن مواجهة اقوي نادي اسيوي اللي هو الفريق الصيني وابتعد عن مباريات الانديه السعوديه اللي مواجهتها تكون نفسيه واعلاميه وابتعد عن مواجهة الفريق الايراني اللي دايم تكون المواجهات معهم حرب مو كوره ! وكان اسيا تقول للهلال ابيك ياهلال! لكن الاداره اللي عملها لايمت للاحترافيه بصله تعاقدت مع مدرب عاطل قبل المعسكر بيومين تعاقدت مع الاجانب بعد المعسكر جددت الثقه في لاعيبه اثبتو فشلهم في السنوات الاخيره نامي الزوري المرشدي عبدالعزيز الدوسري ! تعاقدت مع مدافع مصاب له اربع شهور غايب عن المباريات! ابقاءت ع الكوري وهرماش اللي أثبتو فشلهم الموسم الماضي عشانهم ماجابو قيمه لها نريد رئيس جديد الخروج الاسيوي المر هذا لن يتم نسيانه الا برحيل هذه الاداره الفاشله! وكانك ترد ع اسيا أنتي تبين الهلال لكن الهلال مايبيك! أصبحنا أضحوكه للجميع في الخليج والعرب كل سنه يخرجنا فريق مره أم صلال مره ذوبهان والاتحاد المتهالك بثلاثه وكملها أولسان برباعيه !!

المشكلة بالهلال ليست مدرب ولا ادارة

لاعبين بلا روووح انهكتهم الفلاشات والشهرة على حسابنا

اعيد واكرر لاعبي الهلال ضعفاء من الجانب النفسي

المنتدى صاير متنفس للبزرااان وعيال الفقر

واي واحد يجيب الادارة على لسااانه

ينثبر احسن

إقتباس الرسالة الأصلية كتبت بواسطة معشوق الهلال خالد استمرو للتطبيل للاداره الفاشله نضحك ع أنفسنا كل سنه السنه الجايه!! الاداره الهلاليه الفاشله فرطت في فرصه لن تتكرر ع المدي القريب للهلال الهلال في حال تاهله للنهائي المباراه في أرضه وابتعد عن مواجهة اقوي نادي اسيوي اللي هو الفريق الصيني وابتعد عن مباريات الانديه السعوديه اللي مواجهتها تكون نفسيه واعلاميه وابتعد عن مواجهة الفريق الايراني اللي دايم تكون المواجهات معهم حرب مو كوره ! وكان اسيا تقول للهلال ابيك ياهلال! لكن الاداره اللي عملها لايمت للاحترافيه بصله تعاقدت مع مدرب عاطل قبل المعسكر بيومين تعاقدت مع الاجانب بعد المعسكر جددت الثقه في لاعيبه اثبتو فشلهم في السنوات الاخيره نامي الزوري المرشدي عبدالعزيز الدوسري ! تعاقدت مع مدافع مصاب له اربع شهور غايب عن المباريات! ابقاءت ع الكوري وهرماش اللي أثبتو فشلهم الموسم الماضي عشانهم ماجابو قيمه لها نريد رئيس جديد الخروج الاسيوي المر هذا لن يتم نسيانه الا برحيل هذه الاداره الفاشله! وكانك ترد ع اسيا أنتي تبين الهلال لكن الهلال مايبيك! أصبحنا أضحوكه للجميع في الخليج والعرب كل سنه يخرجنا فريق مره أم صلال مره ذوبهان والاتحاد المتهالك بثلاثه وكملها أولسان برباعيه !!

صادق بكل كلمة قلتها ..

وازيد بنقطة قالها صديق لي :

( قد تكون الأمور المالية في الهلال تدار بطريقة محرمة كغسيل أموال )

ليش لا لأن تحس الوضع فيه أن والتوفيق غير محالفنا نهائياً ..

أتمنى أن لا يصدق هذا التوقع ..

عموماً : الادارة أثبتت فشلها الذريع ورحيلها هو الأنسب ..

شكرا للجميع ..