هل هي نهايه الزعيم الاسيوي ..؟؟؟ - نادي الهلال السعودي - شبكة الزعيم

المهاااجر الهلالي · #1 04/10/2012, 03:37 PM

السلام عليكم ورحمه الله وبركاته ..

الحمدلله علي كل حال وهذه حال الكره تصدقون مباراه اليوم ذكرتني بمقطع من قصيد

وهي الذيب يدرع....... ولا يحسب حسابها ..

وهذا الي حاصل بصراحه هل هذه تشكيله يلعب فيها مدرب غريبه وصراحه هل هذا

فريق لاعبين أظن لا فريق متهالك لادفاع ولا وسط ولا هجوم انا اشوف فريق

يفشششششششششششل ..

وانا اقولها لكم بصراحه من هنا بدايه نهايه الفريق الهلالي في اسيا ولاراح نقدم شي

مستقبلا صح ان راح نشارك في دوري الابطال وراح نوصل دوي المجموعات لان

الفرق في دوري المجموعات متقاربه لنا لكن في دور ال16 ودور ال8 اكبر منا

فنيا ..

وصراحه انا الووووم جميع النقاد الهلالين لانهم هم من رفعوا من شان الهلال في هذه

الفتره وهو لايستحق ..

وصراحه اعجبتني مقوله للكاتب الكبير صالح الحمادي يقول فيها ((الرائد والشباب

ليس اولسان الكوري ..)))

صراحه صادق في كلامه وكل كلمه يقولها لان الهلال ليس الهلال من بدايه الموسم

لامستوي ولافنيا ولا ولا ولا ثبات علي التشكيله .

الهلال يعاني من مشاكل فنيه كبيره ..

اولا ::: الحراسه :: صراحه عبدالله السديري ماقصر بس ماعنده دفاع يحميه انا

اشوووف الحارس هو الي يحمي الدفاع ..

ــــــــــــــــــــــــــــــــــــــــــــــــــــــــــــــــــــ

ثانيا ::: الدفاع ::: وهو المصيبه العضمه في عالم كره القدم نعم مصيبه فريق زي

الهلال عنده مثل هذا الدفاع أخطاء بدائيه وتشوف لاعبين مايعرفون كره قدم

المرشدي .. مانجان .. الزوري .. البيشي ..

ولا من قدامهم ثلاثه لايقدمون ولاياخرون في المباراه هرماش القرني الفرج

ـــــــــــــــــــــــــــــــــــــــــــــــــــــــــــــــــــــــــــ

ثالثا ::: الوسط ::: صراحه من بدايه الموسم ماشفت وسط في الهلال نلعب من الدفاع

علي الهجوم يعني حظ ونفوز ويمكن نطلع منهم عبدالعزيز الدوسري والباقي ما

اشوف احد

ــــــــــــــــــــــــــــــــــــــــــــــــــــــــــــــــــ

رابعا ::: الهجوم :: طلع من لوبيز وياسر افضل الموجودين في هذا الخط رغم انهم لم

يقدموا المامول منهم لكن الباقي ماعندك احد واسواء مهاجم مر علي الملاعب

السعوديه الكوري المشكله من الموسم الفائت ماقدم شي والي الان ماقدم شي واكيد راح

نشوفه الموسم القادم ..

ـــــــــــــــــــــــــــــــــــــــــــــــــــــــــــ

المستوي الي يقدم الفريق الهلالي ينبئ عن نهايه للفريق في جميع البطولات ..

صراحه الاجانب اتمني بقاء البرازيلي لوبيز والباقين برا .
.
وصراحه المدرب يشوف له نادي اخر جريتس موجود والله يعينه علي الفريق يبغي

له تاسيس من جديد ..

لان بصراحه بكذا راح نرجع علي نفس الاخطاء وبعد اذا وصلنا ان شاء الله

للنهائيات في البطولات المحليه وندخل بتكيك لعب زي كذا والله بننهزم باكبر من هذه

النتيجه...

اهم شي كلمه وحده بقولها (((( المصارحه قبل المصالحه )))

اعذروني علي الاطاله ::: المهاجر الهلالي :::

عتب بسيط ::: استغرب عندما اريد اكتب اي موضوع يكتب لي عضويتك غير

مفعله ما ادري وش المشكله علما بان باخر موضوع نزلته لم يكتب لي هذا الشي

رغم اني لا انزل اي موضوع ...