نقول تعادل كان من صالحنا

الستي كان خطير وماسك الكورة صح وتمرير صح

اختفى توريس < كالعاده .. متعودين

لكن غياب الثلاثي هو الي غريب

ولا واحد اثر الا تقريبا اوسكار .. وما اقول الا يالبى اشلي 3>


ياليت ملعب مارين لو اخر 10 دقايق نشوف وش يسوي.

مبارة حلوة والتنظيم كان افضل شيء فيها .. الدفاع لين محاور الارتكاز واضح شغل المدرب فيهم ومافي اخطاءء ووقفوا اقوى مهاجمين ووسط بالدوري .. شيء طبيعي رافا مستلم الفريق من ثلاث ايام كان كل شغله على نفسيه الاعبين وتصحيح خط الدفاع مع المحاور ونجح في هذا .. لكن هجومنا كان مستواه اقل لان المدرب اشتغل على الدفاع اكثر ان شاءالله مع الوقت بيصير احلى واجمل من كذاا ..

الي عنده ملخص المباراة لا يبخل علينا فيه الله لا يهينكم

هاردلك ع خسارة المركز الثالث و بنفس الوقت مبروك اننا طلعنا بتعادل .. التعادل بهالظروف امام بطل الدوري النسخه الماضيه نوعا ماً تقدر تقول مكسب .. رافا ضبط الدفاع و صدق انه عرف وين الخلل بالدفاع من زمان ماشفنا الدفاع بهالمستوى الخورافي اتوقع اخر مره شفناه بهالمستوى كان بوجود تيري رافا مسك الفريق ب ثلاث أيام و ضبط الدفاع و ألزم ميكيل بأدوار دفاعيه أكثر من السابق و أعاد روميو لجو المباريات صراحه قرار إشراك روميو قرار ذكي هو شاف ميكيل تعب و ع طول طلعه قبل لا يستغلون السيتي إرهاقه و أكثر شيء عجبني بتبديله هو ردة فعل بينيتيز السريعه
مازكار اليوم كلهم كانو سيئين و اتوقع السبب الأول هو إشراك هازارد بمركز خلف المهاجم و ماتا جناح فقدنا انطلاقات و مراوغات هازارد و مساندته لأشلي بالجهه اليسرى و فقدنا ماتا بمركز خلف المهاجم ماتا الكل يعرف انه اذا لعب جناح نخسر 80٪ من خطورته اما أوسكار صراحه دخت مدري وين مركزهه مره اشوفه جناح و مره اشوفه محور ثالث في حالة الدفاع مدري هي عشوائيه و لا رافا طلب منه يكون محور ثالث في حالة الدفاع و بحالة الهجوم يصير جناح يمين ع العموم بإذن الله هذي اخر مباراة لمازكار بهالمستوى و رافا لازم مايشرك ماتا ك جناح و يلعب هازارد خلف المهاجم صحيح يتبادلون مراكز من حين إلى حين لكن بمباراة أمس تحسهم مقيدين تشوف هازارد خلف المهاجم و ماتا جناح و مشوشين و ماشفنا التفاهم المعهود بينهم

إقتباس وش السبب في نزول مستوى اللاعب بنظركم

السبب الأول هو الإرهاق اللاعب مارتاح لا مع المنتخب و لا معنا + امس ماشفناه بمستواه المعهود عشان رافا كان ملعبه بمركز مو مركزه ( خلف المهاجم ) .. بس إن شاء الله ضد فولهام لما نحسم المباراه بدري يطلعه رافا و يدخل مارين مارين مو موسيس موسيس لاعب مفصل لتكتيكنا السابق و هو الدفاع و اللعب ع المرتدات اما تبي تهاجم و تمسك كورهه و تستحوذ هذا التكتيك ابدا مايصلح مع موسيس و موسيس اخذ فرصته جاء دور الألماني عشان ياخذ فرصته و انا متأكد انه بيقدم مستوى جميل و بيدهش الكل
،
شطحه
لويز : انا أحب العراك في التدريبات ذات مره تشاجرت مع لامبارد و تيري لفظيا و كنت ع وشك تبادل الضربات مع دروجبا
خوفي يدشر أوسكار و رامي و يصيرون مثله مهايطيه بالتدريبات

صباح الخير ... كلنا نبغى مارين لكن لو دخله رافا مكان موسيس امام مان سيتي وجاءء هدف من الجهه الي لعب فيها مارين , كان كلنا نقول الخطا من المدرب ( وكيف يشرك لاعب اول مباراه له في الموسم امام متصدر الدوري ) !! مارين موهبه وعشان تستغلها صح في بدايه مشواره للهموسم معنا ، لازم ينزل في مباراه حاسمينها بنتيجه ٢-٠ والدقيقه تكون ٧٠ عشان الااعب يقدم الي عنده بدون ضغووط : يكفي ضغط البدايات الي يشعر فيه الاعب .. على كل الاحوال حنا مرتاحين مع بينتيز ومدرب رائع وتغييراته بطله ،، كلنا مانحبه عشان تصريحاته السابقه لكن .. لازم ننسى الخلافات عشان مصلحه الفريق ...

تمارين الفريق ، يشهد عودة كاهيل

م كان له داعي ي جمهورنا كل ها الإستهجان ، بالأول والأخير يبقى مدرب نادي تشلسي والموضوع صار واقعي غصباً عني وعنكم ترضون فيه بغض النظر عن م سبق من تصاريح أو تحديات كانت بين تشلسي وليفربول تحت قيادة بنتيز ، عجبني كثير تصريح بنتيز وإنه م سمع أي إستهجان عليه من الجمهور وإنه كان مركز على المباراه ، وقال بالأخير هم يبغوني أقود الفريق ل الأفضل والفوز ف المباريات وهذا نفس الشي الي أنا أبغاه ، يعني كنه يقول كذا ولا كذا مردهم لي لأنهم ف الأخير يشجعون كيان إسمه تشلسي وهذا الي المفترض جمهورنا يستوعبه .. صحيح العاطفه إنجرفت كثير وأخذتنا مع ماتيو والملام الأول في ها الشي إبراموفيتش الي مشتغل تكريش بالمدربين ، بس برضو م يمنع إنك تدعم مدربك الحالي وتظهر له القليل من الإحترام ، أقلها بلاش من رفع ها الافتات !



قبل المباراه قلت إن التعادل بيكون مرضي ومرضي جداً نظراً للظروف الي حصلت قبل المباراه بالتحديد ، لاحظنا على الفريق الإنضباط الدفاعي الكبير والي نتج عنه كلين شت من 11 مباراه كنا نلقم فيها هدف وهدفين .. بدايه موفقه وقويه جداً ل بنتيز ، صحيح م تواجدت الفرص هجومياً مع إننا نملك وسط خرافي وعلى مستوى لكن متفائل بالتحسن الهجومي في قادم المباريات ، ك مباراه قدام الستي الي كان يلعب على التمسك بالصداره ويملك وسط خرافي ومنسجم وهجوم فتاك أشوف النقطه ممتازه بغض النظر إذا المباراه على ملعبك ولا لا ، تغيير المدرب ف وقت مخيس من الموسم والنتايج السيئه الي لاحقت الفريق مؤقتاً ولعب مباراه كبيره على مستوى خلتني أقتنع ب التعادل والي أشوفه إيجابي ..



حسن كثير من الفريق دفاعياً ، شفنا لويز قليل الأخطاء والمستوى الكبير الي قدمه أزبي على مستوى الظهير الأيمن والي أعطيه من عندي نجوميه المباراه كامله ، رامي وميكيل ثباتهم في مراكزهم برضو يحسب ل بنتيز ، م شفنا مساحات الي كانو يتركونها وراهم في حال هجوم تشلسي .. مع اللعب أكثر ب يرتفع مستوى التفاهم بينهم وبنشوف قتاليه أكبر من ميكيل خصوصاً إنه بنظري ثباته دفاعياً وإفتكاكه ل الكور أكثر من جيد ، بس لا يتفلسف ويتقدم كثير وينسى مهامه الدفاعيه ويسمح للخصوم الإختراق وبسهوله من منطقة العمق .. إختفاء مزايا المازكار بسبب مهامهم الدفاعيه .. تبديلاته في محلها ، ومستقبلاً يبشر ب مستويات قويه ل فخر لندن مع الفيلسوف ، علينا الصبر ثم الصبر حتى يتشرب الفريق طرقه التكتيكيه وينتهج نهجه الي يطالبهم فيه ..



لا جديد يذكر ، ولا قديم يعاد ،
الحال نفسه م تغير ، ربي بلانا ب بوسينجوا ثاني بس على مستوى الهجوم ، إحتسبو الأجر ي تشلساويه ، يناير باقي عليه شهر ، إن زان سجدنا سجود شكر وحمدنا الله ، إن كان باقي مثل ماهو يدفي الدكه الله لا يهينه ولا نشوته مع الباب ، ونجيب مهاجم قناص يدل الباب (قروي إن صح التعبير) ولا نعتمد على ستوريدج أو موسيس ..



19 / 5
يوم لن ننساه ولن يتناساه التاريخ ، يوم تحقيق الحلم الي إستعصى علينا سنين وسنين
وفي حال السؤال عن من روضها ؟ سأكتفي ب وضع الصوره أعلاه

ماتيو 16

صبحكم الله بالخير يا الربع

شلونكم علومك إن شاء الله بخير

وحشتوني و لقيت فرصة أدخل الزعيم و أشوف علومكم يا أحلى أيام العمر



ما أشوف مباريات الفريق كثير ، ملخصات و ردات الفعل تكفي

الله يعينكم على ( ثـوريس ) أنا مسميه العام بذا الاسم و قلت مستعد أعتذر إذا تعدل لكن الثور ثور ما يتغير

الفريق مجملا كويس بس عيبه إنه مكشوف دفاعيا يعني لو أي فريق واطي يقدر يطقطق عليه
لأن ما يلقى وحش يوقفه عند حده ، أقصد إيسيان و ماكيللي و ايام العز الله إبن أمه يفكر يهاجم

روميو و ميكل ما يوكلون عيش و بتشوفون هزايم مالذ وطاب دام ما فيه إلا هم في الفريق
مع تحفظي الشديد على إنتقال إيسيان و ميرلس ! مشكلة الفريق اللي حقق الابطال و فسق

المدرب الجديد جبان جدا و هذا اللي متخوف منه .. يجيب لنا كاس العالم و بينافس بدوري
الابطال لكن على الدوري ما ظنتي ننافس إلا ع الرابع ( أتكلم على وضعه مع ليفربول
و الكديش اللي كانوا معه لما نشب لنا ) مع الانتر الظاهر شوتوه من أول شهر زي وجه البكيمون دي ماتيو



و ختاما

إقتباس آخر زيارة لك كانت في » 20/05/2012 عند الساعة » 03:28 AM

هالليله تكفي بطولات 10 مواسم


سلااااام