| سلام
هاردلك اقالة الماتيو .. بينيتيز حل مؤقت فقط بانتظار مدرب اضخم وافضل في الصيف
اما بخصوص تعادل السيتي قبل المباراة كنت بقول هاردلك اذا تعادلنا او خسرنا
بس المستوى المخيس اللي طلعو فيه الاسود خلاني اسحب هالكلمة .. صراحه اجبروني اني اقول مبروك ع التعادل
صراحه مستوى سيئ جدا جدا جدا .. اللاعبين نفسهم ما قدمو شي خصوصا في الشوط الاول وبالاخص الشق الهجومي
صحيح ان المدرب جديد وله يومين مع الفريق بس مو لدرجة انك تطلع ب هالمستوى السيئ
مشكلة الفريق في المباراة انه يلعب كورة صح بس اذا تعدينا الدائرة ما نقدر نتحكم بالكورة في ملعب الخصم
هازارد محتاج للراحه .. واضح عليه التعب والارهاق وهبوط في المستوى
اتمنى يعطي فرصه للالماني مارين او موسيس
راميريز آخر مباراتين لاحظت انه اكثر لاعب يفك كور من الخصم
بس مشكلته ما عنده محور دفاعي قوي يساعده .. ميكيل للاسف ما يعتمد عليه خصوصا في المباريات الكبيرة
اتمنى اشوف روميو بجوار رامي في هالفترة .. وفي يناير لابد من محور دفاعي له ثقله في وسط الملعب
ستوريدج مطلووب اساسي ضد فولهام مكان العاهه توريس
النقطة الايجابية في المباراة الكلين شيت .. تشيك كالعاده والدفاع تحسن ونطمح للافضل
وبانتظار عودة الكابيتانو .. على ما اعتقد تيري بيرجع الاسبوع الجاي
بس لامبارد مدري عنه ؟؟ والله طولت غيبته اللي يعرف متى عودته يذكرنا ؟؟
مششششتاقين ي سوبر فرانك
الفريق حاليا يمر بدروب خطير في المستوى بس عندي احساس فيه انتفاضه قويه من الاسسسود
والآن الفرق خمس نقاط عن المانيو وما زلنا في المنافسه وقادرين على استعادة الصدارة بأذن الله
نلتقي على فوز ان شاء الله
| 