فضفضة انسان غائب ...!!! - صفحة رقم 2 - نادي الهلال السعودي - شبكة الزعيم

الهلالـmemeـية · #16 02/04/2012, 10:31 PM

هههههه الله يطول بعمرك...^^

عجبني كلامك كثير بس جد العالم خلاص هجروا المسن والله الحين ماصاروا

يدخلون المسن إلا إذا كان لغرض وطلبوا البريد الالكتروني هع هع...

marsal · #17 03/04/2012, 12:03 PM

إقتباس

الرسالة الأصلية كتبت بواسطة محبة الرحمن


	لكل شئ بالحيآة له جوآنب إجآبية وسلبية .. وموآقع التواصل الاجتمآعي تخليكك مرتبط بكل ماهو جديد بالعالم تقول إنت بلآ فائدة ..؟! بالعكس آلفوآئد كثيرة ! زيآدة بالعلم .. بالثقآفة .. ولآتستغرب لو إقول إن الكثير تعلمو الاسلوب والذوق وفن التعآمل من الاخرين من هالموآقع ! وغير كذآ تتوآصل مع إلاحبآب والاصدقآء .. ويوصل صوتكك وإرآئك وموآهبكك ممكن تكون إنطلآقتكك للعالم الابدآع والتميز من هالموآقع .. إقرب مثآل : بنآقش الامير عبدالرحمن بآمر من إمور الهلآل .. مآتوآصلنا معآه الا عن طريق التويتر ..؟!

هلا و غلا ....
معليش أين يكون الاستفادة و العلم ..
أنا خبرتي قصيرة بتويتر لكن كما اعرف انه مجرد تغريدات يعني كلام لا يتعدى سطور قصيرة ...وحتى لو كانت صفحة عالم معروف لا اعتقد انه سوف يبث علم من خلاله بل مجرد أراء و تغريدات ...

أجل انتم سبب تدهور الهلال

لأنه قبل يناقشكم كان الهلال الاول بلا منازع و بعد النقاش ضاع الفريق

إقتباس

الرسالة الأصلية كتبت بواسطة محلل صاحب فكر


	بشكل عآم ومختصر .. كل مآيضيع من وقتك ويزيد من همك .. هو نتآج فعلك .. فتحكم في آفعآلك تخرج بنتآئج ترضيك !

هلا و غلا ...
كلام سليم و حكم رائعة يمكن تكون هذه فائدة تويتر عليك ..

المشكلة أنا دخلت على زي ما يسمونهم نخبة العلم و المعرفة لدينا و اصحاب السمو و لقيتهم الله بالخير ..
وهذا ما جعلني أغسل يدي منه ...

marsal · #18 03/04/2012, 12:21 PM

إقتباس

الرسالة الأصلية كتبت بواسطة فتـى بريده


	وعليكم السـلام ورحمة الله وبركاته أنا وأنت اليوم فيـه توافق كبيـر , أنـا قبل قلـيل وأنا أسولف مع الوالد , أقـوله ودكـ الواحد يثبت على عمره الحالي عشـر سنوات , أنا عمري بـ بمنتصف العشرينات تقريباً , أقوله ماودي أكبـر بسرعه ودي أجلس هيكـ عشر سنوات ونكمل , الـوقت يمشي بسرعة كـبيرة , وليـت العمر يعرف أن " في السرعة الندامة وفي التأني السلامة " ولابعد التوافق الآخر أني مثلكـ اليوم ماداومت ومريـح رأسي من زحمة الطـلاب ومشاكلهم , بس المشكلة أن مديري العزيز مزعج للأسف يوم قمت حصلته متصـل علي 12 مرة تقريباً , أمـا بالنسبة لـ سالفة التويتر :~ أحسـ أنه حـلو ولو أنت بس صابر عليـه شوي ,ومتعود عليــه كان أتوقع أنه يعجبكـ لاسيمـا وأنه أغلب الشخصيات المؤثرة في المجتـمع له حسـابات بالتويتر , ومايميـز التويتر أنكـ أنت من تتحكم في كل الأمور فـ لكـ أن تختــار من تشاء من المغردين , الآمر الآخر بـ الإمكان أن تظبط نفسكـ فـ لايكون همكـ هالتويتر فـ يكون في أوقات فراغكـ , عـلى العموم مايمـنع أنكـ تحاول مرةً آخرى عـل وعسـى أن يعجبك ., المشكـلة أنكـ رجل تكبـرني سناً بمعنـى أنكـ " شايب " ثلايني بس الي أحب أقوله لكـ لابد أتكـ تأخذ الجانب الجميل من التـويتر , فـ لو نظرت لـ جانبه الجميل لـ أعجبكـ كثيراً .,

هلا وغلا ...
أول شي مو شايب و لا أكبرك أنا عمري بالعشرينات الى الان بس كم لا ادري ..!!
مشكلتي بالعمر أني جالس أفكر فيه من زمان حتى سبب لي عقدة و لا كانت تركته يمشي على كيف كيفه و لا اعطيت باله ...
المشكلة الي خلا العمر يجري أن مع كل نزول راتب شهر و بعد ما اصرف الراتب أجلس أحسب للراتب الجاي و كذا عايش لي فترة...حتى عدا العمر و انا لاهي ..

بخصوص تويتر البلاء من الشخصيات المهمة بالبلد ..!!!
أجل شخصية ملكية يتناقش عن مقطع فديوا سخيف ...!!!
و امام مسجد يبربر بكلام فاااضي ..!!!

إقتباس

الرسالة الأصلية كتبت بواسطة الهلالي دائماً


	أنت حالة ميؤس منها يا صديقي يا هلابك اخوي مرسال وخلاص ماتو اللي يدخلون ماسنجر الحين جيل تويتر ما كل الجو واعتقد ان بالطريق مواقع اجتماعيه بالموجات الكهرومغناطيسية عبر الاثير والى المخ من دون اي وسيلة تقنيه العلم يتقدم وعلى الانسان ان يتقدم معه وان لايقف لأنك لو وقفت صعب تلحق الركب والف مبروك الثلاثين ورزقك الله طول عمر مع صلاح العمل . تحياتي لك دائماً

والله أحيانا أفكر أني حالة ميئوس منها ...بس بالشقلوب ...
يعني أحس اني بزمن أنا يائس منه على مايصير ...

لسى والله صغير ماوصلت الثلاثين ....لكن الله يطول باعمارنا على العمل الصالح

marsal · #19 03/04/2012, 12:44 PM

إقتباس

الرسالة الأصلية كتبت بواسطة مـوت ومـيـلآد !


	ثلآثيني غآئب ! صدقت والله , صآر هالتوآصل الأجتممآعي مشكله ! الحين ترآهم جآلسين يتنآفسون من يكتب بَ أسلوب ( سآخر - مدوّن - شآعر - بآحث - ريآضي - الخ . . ) لآجيت تفتح صفحة أحدهم , ويغريك اللي كآتبه بآلبيو حقه وإذآ أضفته يوم يومين تنصصدم بَ أسلوبه البآيخ والبثر ! لآ أنت أستفدت ولآ هم يحزنون ! واللي يرفع ضغطك أكثر البنآت , يَ الله تعآل شف البثآره على أصولهآ ! فآهمين التويتر غلط تكتب : أنآ جيييييييييييت , أنآ منقهره , اليوم مآرحت للجآمعه , تعبآنه , طحت وانجرحت معصبه من اخوي , فتحت الثلاجه مالقيت اللي ابيه وش آكل ؟ ! كرهوني بهالتويتر أقسم بالله ! الحين الشعب صآير يعرف : يكتب , يصور , يصمم , يشعر ! يَ سبحآن الله ! بس احمد ربي وأشكره إن الرسم محد يتقنه وانه موهبه من الله , ولآ كآن تلقى كل الشعب يرسم ! هذآ من سلبيآته ! أمآ من نآحية الأيجآبيآت ! لآ ولله فيه بعض المغردين يعجبونك ! مثلآ لو أنت مهتم بالتقنيه رآح تتآبع وتبحث وتستفيد منه لو أنت مهتم بالشعر والخوآطر رآح نتلقى اللي يسرك لو مهتم بالدين مآشآالله المشآيخ موجودين وتغآريدهم تفيدك وتفيد غيرك لو أنت مهتم بالريآضه بتوصلك الأخبآر والسوآلف اللي تصير بالملآعب ! وهكذآ ... يعني لكل شي له سلبيآته وإيجآبيته , أنت خذهآ من نآحية الآيجآبيآت لآيهمك وجع الرآس وكثرة القيل والقآل ! إي شي يزعجك لآ تترد بَ أنك تلغيه من رآسك ومن قدآم عيونك ! وبعد خذهآ من نآحية التوآصل مع الأصدقآء ! الزمن هذآ الحين زمن التكنولوجيآ وزمن التوآصل السريع بينهم ! مآيهمهم طريقة تفكيرك وليش مآتبي تسجل بهالموآقع , الشعب الحين أهم مآعليهم إنهم يتمآشون مع اللي هم فيه ! وانآ بصرآحه يعجبني الشخص اللي متمسك بَ أرآئه ولا يهمه وش ينقال عنه , دامه مقتنع فيه وعارف ! بس مثل ماقلت لك لو انت مهتم بشي معين راح تتابع مغرد من نفس ميولك ! أنآ الحمدلله مقتنعه بآللي أتآبعهم , لأني أستفيد منهم ! - الزمن هذا جالس يفرض نفسه علينا غصب ! وانا احس احيانا كثرة التوآصل الأجتمآعي جالسه تكشف لنا الخافي ! - مآأقول إلآ : تمسك برآيك ولآ يهمك أحد إذا انت مقتنع فيه ! اللي يبيك ويقدر صدآقتك بيسأل عنك مو يعاتبك ليش ماسجلت بموقع معين ! - موضوعك هذآ أقسم بالله من زمآن نفسي فيه ونفسي أتكلم واطلع اللي بخآطري ! بس زين أنهآ جت من أحد !

هلا و غلا ...
وشهد شاهد من أهلها .....
هذه تويتر و هذه بلاويه و أخرتها أكلها العبد الضعيف معيض بسبب بثارة تويتر ...

والله حزني و قطع قلبي

بثارة هدهد وبثارة فضاوة و النهاية قطع رزق عامل مسكين .... الله يرزقه يارب
و عسى النصر من حال أردى الى حال ادرى ....

هو الشعب حقنا بصراحة ما أخذ منه علم ...

ولا تهمني أرئهم بشي ...
لأن لو تسجل أقوالهم و تجي بعد أيام وشهور تلاقهم تغيرت و الحماس راح ....
المجتمع الان بصراحة بيد مراهقين بسبب التقنيات ....
يعني طفل عمره 14 سنة ممكن يصدر اشاعة تشغل المجتمع كله ...

أما بخصوص الاصدقاء و الله فعلا أنا فاقد كثيرين من الناس العزيزة علي

ومثل ما يقول ماجد ...
ما زلتُ أذكره .. وأذكر وُده
وأقول ليتي أستطيع إليه وصلا

إقتباس

الرسالة الأصلية كتبت بواسطة The white falcon


	رزقك الله طولة العمر وصلاح العمل . أما بالنسبة لـ "ماسنجر" .. فأعتقد أن مستخدمينه انتقلوا إلى ماهو أحدث منه وهي الشبكات الاجتماعية, وخصوصاً "تويتر" أقولها لك : تويتر (مثل ماتفضل الأخ العزيز فهد) أن تويتر أنت تحكمه, فإذا تابعت المغردين "الفاضين" ضيعت وقتك عالفاضي! أما إذا تابعت العلماء و الداعيات الإسلامية وبعض الحسابات العلمية والمعلوماتية فأنت استفدت من تويتر. ختاماً أقول "تويتر بين يديك" ..

هلا حياك ...
بخصوص الماسنجر ما يحتاج تقول شفت بعيني و لا احد متصل ..

بأنتظار ما بعد توييتر و اشارك فيه و اعتقد قريبا ..

k.alsalloom · #20 05/04/2012, 06:40 AM

يعطيكمم آلف عآفيةةة "$ ....

Abu Shouq AL Hilali · #21 05/04/2012, 11:41 PM

الله يوفقك ويعطيك الصحه والعافيه