| إقتباس | | | | |
الرسالة الأصلية كتبت بواسطة سمو الهولـاليهـ | | | | | | | |
الگاشيـر
من بيتحمـل مادري گم ساعهـ واقف وبالسوق بعد
طيـب خنقول بهذي أخطأوا
طيب والي جابوآ شهادات جامعيه بمستوى عالي؟؟
حرام أنگ تتعب وتاخذ شهادة الجامعه وتقـدم
ويتوظف الي يقرب للعميـد
~>{..الـوآسـطه!!!
الله يصـلح الحاآل
يعطيگ العافيـه | | | | | |
طيب حلو ..
اللحين انتي على كلامك تقولين انه كاشير وواقف طول الوقت ومادري وشو ..
طيب يا أختي .. ترى بالاخير ماحد مسكك باليد وقالك غصب خلك كاشير ! اذا حنا بنتكلم عن موضوع الكاشير ومآ الكاشير ..
أولا والله ثم والله ثم والله !! فيه ناس انا وانتي نعرفهم .. اشتغلوا رجال أمن ! وبرواتب اقل من هذا الراتب اللي يستلمه الكاشير !! وكلنا نعرف وظيفة رجل الامن وش كثر معاناتها !
ومع ذلك .. طلب لقمة العيش اجبرهم على انهم يشتغلون ويدعون الله ان تتحسن أوضاعهم ..
فَ انت ياللي طول الوقت واقف وتعبان وياقلبي عليك .. من الاساس خل هالضعيف اللي يبي هالوظيفة وقادر عليها بمسؤليته واللي عارف بحجم معاناته مع المعيشة انه يشوف طريقه من هالشغله .. بلا من ان تشتغل فيها وانت مبيت النية انك بيوم تسرق ..
نجي للي معه شهاده وما شهاده ..
والله ان اخوي عنده شهاده جامعيه باكلوريوس بزنس + لغة إنجليزية ..
ودار حول الشركات لين لقى وظيفة بـ راتب 4 الاف ريال مبدئيا ! علما ان هالراتب يستلمه من يملك شهاده محاسب ! واللي هي اقل بكثير من شهادات اخوي ..
ومع ذلك صبر واشتغل عليها لين تحسن راتبه ولله الحمد ثم انتقل لوظيفة حكومية ..
يعني من الآخر ... الطموح ماراح توصله بيوم وليلة ..
مثل مادرست كل هالسنين الطويلة ! اصبر سنة سنتين على شغلك ولو كان موب عاجبك تماما .. لكن المهم ان ثقتك بالله كبيرة انه راح يعطيك على قد تعبك بأقرب وقت ممكن ..
موب من البداية ياتشغلوني براتب على قد شهادتي ولا بطلع !
تحياتي لك ..