كل ما اروح مكان القا مكتوب (مطلوب موظفين سعوديين) او اي جمله شبيهه

هرفي + د.كيف + ماك + السدحان اتوقع + بنده

وفيه شركات كثييير يحتاجون موظفين سعوديين لكن بعض السعوديين ما يبي يشتغل

بقول لك حاجه
انا من خريجي الكليه ورب العباد ما دورت وظيفه لكن بعد شهرين لقيت الكليه مجهزه لي وظيفه في قروب بن لادن
اشتغلت معهم راتب حلو لكن المشكله إن الرواتب استلمها متاخره ب17 يوم إلى 24 يوم انتظرت فتره بالدوام الى لقيت فرصه مع مقاول بشركة الكهرباء لما لقيتها خرجت لهم و الحمدلله الحين مبسوط و مرتاح صح الراتب قليل لكن وربي ما شفت الراحه إلا بالشركه هذه

صح انحرمت من الفله لكن كسبت صنعه مهمه و أقدر أشوف مستقبلي من هالنقطه بديت بصغر سني و الحمدلله لقيت اللي أبيه


أما الشباب عندنا أكبر همهم يلفوا بالسياره و سهره و سفريات اما الوظيفه فلو جات كان بها لو ما جات مو مشكله الأهل يصرفوا عليهم

للاسف البعض او غالبية العاطلين

يستحي انه يشتغل اي وظيفه ولا يستحي انه يكون عاطل

بمعنى اذا قالوا له اشتغل في ماك او اي محل يقول انا اشتغل في هالمحل
وشهادتي الي تعبان عليها وش اسوي فيها

اهون عليه يبقى عاطل ولا يشتغل !!!


اذا عرف عاطلينا الفرق بين المهنه والوظيفه ذاك الوقت كود يتغير الحال

الدلع والفشخرة يا ناس هي الي دعمت الفكر اللامبالي عند شبابنا وهالجيل الي ما ادري ويش يبي ..
خلت الناس تعيب الشغل , || وزراء كانوا لا شئ في شركاتهم || الحين صاروا من كبار الشخصيات في العالم .

مثال بسيط بحكم قربي من الاجواء في ارامكو - النعيمي " كان موظف جدا جدا جدا عادي .. ارتقى في سلم الوظائف
بطريقة جداً مكافحة .. فقط لانه كان واضح التفريق بين الاجنبي والسعودي في التعامل .. وقصة براد المويا الي شرب منها

وهو غير مسموح الا للاجانب يشربوا منها , ونهروهـ ع هالحركة وخصموا من راتبه بس لانه اقل منهم مستوى وحالهـ ..
سفط ام الوضع وقال يا انا يا انتم بهالشركة , كم الثانوية لانه دخل بالمتوسطة اناذاك .. ودخل الجامعة برى ..
ورجع مدير ع نفس الشخص الي نهرهـ ..

وصار مدير لاكبر ادارة بارامكو انذاك قبل اتحاد شعاراتها .. والحين .. " وزير البترول والثروة المعدنية " .!!

شوفوا الطموح قد ايش , ايام الفقر وصعوبة الحال والاحوال انذاك .. فكونا من هرجة الواسطة والدلع الي صاير بهالجيل ..
تعلموا من الجيل الي قبلكم ..

عارف انه الشركات فيهم عباطة ماهي طبيعية في خصوص المهن والوظائف الاخرى .. ليه ما تزاحموهم فيها ..!!
والا الشغل عيب ؟! هذا الي ودانا كمان في الحضيض .. كلمة عيب .. كبيرة والله يا فلااان ..

تحياتي للي يقول ضرائب .. خبرك الي هناك مقصرين في البنية التحتية والخدمات ’ صح ؟!
والضرائب ما ترد للمواطن ع شكل مصلحة عامة , مثل العناية بالمنشأت والمرافق الحكومية .!؟ صح ؟!

والا هنا كل شئ تمام وما علينا قصور .. تحياااااتي لك صراحة .. اعرف سبب الضرائب ..

وهل تتوقع يا أخوي إن الأحوال المعيشية الآن يكفي لها راتب 3000 ريال ..!
صراحة وضع يقهر إنه في بلد مثل بلدنا رواتب ناس فيه 3000 و4000 ريال وإذا جاء يوزعها ما عرف هو يوزعها على الفواتير ولا يجمع لزواجه ولا أجار الشقة وبعد كل هذا تقول فيه تقاعس من الشباب ؟
صدقني لو الوظيفة راتبها يتماشى مع الظروف الآن كان تلقاه منتظم لكن ضعب انه يدخل وظيفة ما توفر له نصف تكاليف حياته .

ياخي انت تصلح حكواتي وحق قصص

جالس تقولي قصص ومدري ايش

لا مافي وظايف ع مزاجك يعني الا تبي تقول في وظايف والناس ماتبي

اذا عندك وظايف زي الناس عطنا ولا تجلس تقولنا قصص من حياتك الثريه

واذا ملزم الا تقول قصص قول لنا قصة ليلى والذئب او الثعلب المكار

يمكن حد يستفيد منها

(القناعة كنز لا يفنى )
لو كل واحد يعمل بهذي كان مشينا صح...
بس بعض الشباب عندهم ثقافة العيب ... للأسف
ووالله لو الحريم كان شفتوا النظام صح...
ماهو تقليل في الشباب بالعكس ودنا انه يوصل ويصير مدير...
لكن في أشياء هدمت أفكاره في الأيام الأخيرة صاروا الحريم يمتلكون مشاريع...
و المشكلة الأدهى إيش...؟
انوا الشاب تلاقيه ملتزم بشغله وتعبان والراتب قليل...
وقال والله أبي أتزوج...
من هنا يطبق قانون نيوتن الثالث لكل فعل ردة فعل...
يروحون أهله للمرة اللي بيخطبونها له وتصدمهم أنها تبي واحد راتبه أعلى يعني من وين بنجيب...؟
فعشان كذا بعضهم يحاولون انهم يتعبون ويبحثون عن أشغال عشان يكونون أسرة...

والبعض الآخر يقو والله كثرت أشغال الحريم خن أريح أحسن لي ...
ويتشرط بمعلمة... مو حرام...

بس جد كلامك لو الكل يلتزم بالقوانين كان خلصنا بس السالفة في ثقافة العيب ومن يقول الشغل عيب
ماهو الرسول عليه الصلاة والسلام كان راعي غنم بعدها صار تاجر ...

معليش ع الإطالة ...^^"