12/01/2012, 03:49 AM
|
 | مايسترو المجلس العام | | تاريخ التسجيل: 18/02/2005 المكان: كاشت مع ويلهامسون بين المروج :$
مشاركات: 7,060
| |
مرسال .. أنا ما وصفتك بالفأر .. وإنما تكلمت عن نظرتك وكلامك عن المجلس , ولأنك من ضمن أعضاء المجلس فبدون شك إن كلامك ينطبق عليك قبل غيرك , فإذا كنت تنظر للآخرين بأنهم فاسدين فعلى قولتهم " ما بالفيران فار طاهر " يكرمون أعضاء المجلس عن هالوصف .. ومن هالنقطة جاء طاري الفار .. يعني إن كانك شايفهم فيران فأنت منهم , وإن شفتهم أسود فأنت منهم .. طارق .. ما قصرت الله يعطيك العافية والله اني انشغلت هاليومين العذر والسموحة  من الذكريات على السريع .. نجي لـ إليزابيث هيرلي .. هالصبية في كل موضوع فيه خاطرة أو شعر تلقى لها رد .. مثلاً لو يكتب ( مطيع ) خاطرة - بالمناسبة خواطر مطيع وإليزابيث أكثر خواطر تعجبني - أقول لو ترد ليز على خاطرة مطيع لازم تقول هالكلمات : كلماتك ليست كالكلمات , لا عدمنا حسك المرهف , كل الأماني معطرة بأجمل أحاسيس ليز  لا وإذا كانت رايقة تقول : نعم لا يوجد أحد بمستوى إحساسك ... إلى آخر الخراط ثم تلقاها بموضوع ثاني لـ سعوديز هيرت تقول نفس الكلام كلماتك ليست كالكلمات وحروفك ليست كالحروفات وأنتي أحسن واحدة في الإحساس يا غاليتي هذا بالنسبة لمجاملاتها ونفاقها الإجتماعي أما خواطرها فللأسف وكامل الأسف أنني من المعجبين بأسلوبها وكلماتها التي ليست كالكلمات قريبتها ريري هكتور هذي إنسانة منتهية وقاضية ما ودي أضيع وقتكم ووقتي في وصفها , أنتوا بس تخيلوا أسامة المولد وبتختصرون المسافات مرة يجيك طيب وحبيّب , وباليوم الثاني ينقنق له على مفاصل لاعب بكل برودة دم من زود التمرس في الإجرام أما بنات عمهم الثنتين .. فلحسن الحظ بيننا حزازيات وأكرههم ويكرهوني وأما شغالتهم فـ على خبري إنها ما زالت تنتظر التفعيل .. خلونا للحين في محيط القصيم ونجي لطاري ( نور الشمس ) اللي كاتبه الردّ فوق طالع كنّه وصية محتضر على فراش الموت نور الشمس سابقاً وثم نور القمر وأخيراً أصبحت ماهينور , وهذا إن دلّ على شيء فهو يدل على قوة الواسطة عند القصمان تحط وتبدّل الاسم وغيرها ملحط من كم سنة ما حصّل نص اسم أول ما بدأت نور الشمس في المجلس بموضوع قوي هزّ أركان المجلس .. اممم أحس إني بالغت شوي وما بتمشي عليكم لذلك خلونا نخليه موضوع قوي بس أحسن لي ولكم موضوعها كان تعريفي إن صح التعبير , يعني تعرف بنفسها وتذكر إنها تعرف الأعضاء ومواضيعهم وإنها متابعة من أكثر من سنة بشكل يومي ! طبعاً أنا كان عندي مبدأ يقول : الأصل في البنت الكذب , يعني أعتبر البنت أي بنت كذابة حتى يثبت صدقها قلت في نفسي وبين أصحاب السوء كلي هلالي وهامور البورصه إنها عضوة قديمة ولها غرض في استخدام يوزر جديد !! كان الدهاء يقول لي ( أنّى لك هذا؟ ) كنا مستغربين وش هالفضاوة في بنت تتابع كل صغيرة وكبيرة بالمنتدى وتعرف أكثر منا وهي مجرد متابعة بصمت؟!! كان واضح جداً إن خبرتي في القصيميات تحديداً ضعيفة المهم بعدين بدأنا نعرفها من خلال ردودها وتواقيعها المحافظة , من زود الدين ما شاء الله تبارك الله تحس إنها تفتح اللابتوب وهي لابسة عباتها ومتغطية فيه أيضاً عضوة يوزرها القمر الهلاليه من أوائل العضوات اللي أتذكرهن بالمجلس ! أذكر في يوم لن أنساه كان فيه موضوع عن طلال الرشيد الله يرحمه الأخت كانت من جمهوره المتعصب , فجابت أم العيد ودخلت في أمور أكبر من المنتدى بكبره  تعدت أمور السياسة إلى ردود تزعزع الحكم ما يحتاج أذكر لكم ردودها عشان ما أسبب فتنة سياسية في الدولة الزبدة أرسلت لها بالخاص أطلب منها تحذف ردودها لأن اتهاماتها خطيرة وبيسحبها البحث مع خشمها ولا بينفعها الهياط مشكلتها طلعت قصيمية معاندة فردّت علي بأنها ما غلطت وإنها ما تقول إلا حقائق وما راح تحذف شي ! وأتوقع إنها استرسلت في قصة الحادثة في الجزاير ! اللي أتذكره إني حذفت الصادر والوارد من الرسايل وقطعت صلتي بشكل كامل بالموضوع في انتظار خبر حبس المناضلة السياسية القمر الهلاليه ! بس من حسن حظها إنها حرمة ومحد جاب خبرها وبعد هالسالفة بيومين لقيتها تهاوش في موضوع مع واحد بمنتدى الجمهور بسبّة نواف التمياط يا ساتر وش هالبنت اللي ما تعيش إلا على إثارة المشاكل؟ كانت أول بنت أشوفها تسب في نواف التمياط وتهزئ في شنب بالمنتدى بكل وساعة وجه كانت تستحق لقب المرأة الحديدية بكل جدارة .. برب سأروح أغير حفاظة ولدي << لحد يضحك ترا دوامنا شفتات هذي فايدة مساواة المرأة بالرجل قمنا نمسح وننظف وننفخ , الله يلعن هاللبرلة قولوا آمين |
24Likes
.. وابرز ما يعيبها إنه لم يصدر منها سوى عددين فقط 
.. ولكن كل فقرة منها لها قصة وحكاية .. ولن أكون مبالغا اذا ما قلت ان كل سطر منها كان له قصة .. وقد تشرفت المجلة باستضافة اخوين حبيبين كانا اضافة كبيرة في حضورهما وهما هكتور 
...
الوضع العادي
