المنتديات الموقع العربي الموقع الانجليزي الهلال تيوب بلوتوث صوتيات الهلال اهداف الهلال صور الهلال
العودة   نادي الهلال السعودي - شبكة الزعيم - الموقع الرسمي > المنتديات العامة > منتدى المجلس العام
   

منتدى المجلس العام لمناقشة المواضيع العامه التي لا تتعلق بالرياضة

Like Tree17Likes

إضافة رد
   
 
LinkBack أدوات الموضوع طريقة عرض الموضوع
  #121  
قديم 04/10/2012, 07:56 PM
الصورة الرمزية الخاصة بـ Canada's gallant
زعيــم مميــز
تاريخ التسجيل: 31/12/2006
المكان: الدمام
مشاركات: 2,695
جاني إلهام اليوم و دخلت المجلس < بيحسبونه في الطائفة الانحلالية

بصراحة يالمشاغب اسم على مسمى و موضوعك رووعة و فيه خفة دم و هيك

بس تبي الصراحة كنت اقسم المجلس بطريقة مختلفة

1- الفئة المثقفة

2- الفئة الفلة إنت واحد منهم

3- الفئة المُقّلة ,, مشاركاتها قليلة و ملامحها غير واضحة

4- الفئة المُعززة ( يعني معاهم معاهم و عليهم عليهم)


بصراحة قبل فترة دخلت المجلس و حسيت الوضع تغير و صرت مغترب

عموماً هذا حال الدنيا,, جيل يذهب وجيل يأتي << حسيت إني شايب

و مشاغل الدنيا ما تخلص

عوافي
اضافة رد مع اقتباس
  #122  
قديم 05/10/2012, 01:49 AM
زعيــم مميــز
تاريخ التسجيل: 06/02/2004
المكان: جــــــــــــــده
مشاركات: 5,914
تاريخ يالمشاغب تاريخ

صراحة انّي ما أبالغ لو قلت لك داخل الموضوع ما أذكر أحد
احس اني مسوّي فورمات ، ما في أسماء جت براسي أبد

جيت قبل فترة ردّيت على موضوع وطلعت ودخلت يمكن بعد اسبوع وألقى واحد اسمه الهلالي دائما مشرف منتدى الجمهور الهلالي يذكرني ويقول اني قديم أو شي من هذا القبيل ، انا قعدت أقلّب اسمه براسي يمين شمال .. من ذا .. وش هو من لحيه .. ولا عرفت من هو .. قلت اخاف انه واحد من اخوياي واقول ما عرفتك ويشره الرجال .. قلت يارجال اسهجه مع نفسه طلع هو ماجد مقبل الأديب ما غيره

عاد تصدّق ، ما كانت بيننا علاقة قويّة ، بس كنت أنت وصخ .. ايه وصخ
أذكر انّك لا بغيت شي جيت ، وبعدين عاد تسحب علي .. حتى من تالي يوم صار لك شهرتك بالمجلس قمت مير ما ترد علي أبد

بعدين أشوفك تكتب أسماء لو أحفر ما جبتهن ، أسماء قديييمة ..
ناس مخضرمين ، تاريخ ياحبيبي تاريخ << قمنا نعرف حركات البلاك بيري

أنا انحرجت أرد وما أسوّي فيها راعي الذكريات وكذا ..
عاد دخلت على الرسايل الخاصّة حقتي ، والله يا شبكة الزعيم رهيبة ، ما انمسحت رسايلي للحين

عاد لقطت كم أسم بعضهم تذكرتهم وبعضهم ما أدري منهم بس شكلي أعرفهم

ندوووش
دلع-20 : أذكره
هلالكو1 : أذكره
iq1399: أذكره كان من الناس اللي ما مثلهم
هلالي الظهران : هذا الله يذكره بالخير انسان رائع
المعرفه : هالبنت أذكره من اللي كانوا يشاركون بمنتدى الأعضاء
سندريلا الهلال : ما تسعفني الذاكرة بس شكلها أجوديّه
كويتيه بنت الزعيم
معشوقة الازرق
هلالي غصب
عيون الزعيم
خفايا الهلال : هذا عبدالرحمن خويّي للحين على تواصل معه لكن على خفيييييييف
القيصر رهيب
الهلال موتي : شخص مبدع كان يعجبني أسلوبه ودايم أشوف ردوده مرتّبه وحلوه
العبرود : هذا الشخص من أول الناس اللي عرفتهم وللحين أذكره ، رجل مثقّف ومميز
أثير 2006
أبو ساري
برنسيسة الهلال
leo messi : هذا أذكره شوي بس اشوفه بالرسايل الخاصة مسفّلن بي ، عاد يقول انه يوزره كان مسروق وانه مب هو اللي سفّل بي ، مادري عنه هو كان صادق ولا شيّ بقلبه ووده يطلّعه بعدين تحسّف ورقّعه
M e T o O o : شخص قديم من الأصدقاء اللي فقدتهم ، نايف الدب اللي كان يدرس بجامعة البترول ، ما أدري هو تخرّج ولا فصل وسجّل بحافز
عاشق الغشيان 7 : نايف الأول ، عذب الاسلوب ، اللي كان العائق الوحيد عنده الإملاء ، الرجل ضابط الحين وتزوج قبل فترة ، وذيبان عزمني على زواجه برسالة على الجوال لكن للأسف ما قدرت لظرف ما
هلالي الدانة : من الذكرى الطيّبة الموجودة في المجلس

أنا يالمشاغب قبل تجي أنت وتخرّب المجلس كنت موجود ، وأذكر انك جيت وكتبت موضوع انك ما كنت تدري عن المجلس وكلام كثير مثل كذا ، ومن بعده وأنت مسنتر هنا وساحب على منتدى الجمهور الهلالي ، ومن بعد جيّتك صار في محارش ومشاكل ويوزرات انتحاريّة للأمانة كنت صاحب دور فعّال في المجلس وغيّرت فيه مع باقي الجماعة ..
حتى أذكر انك انت وسهل ما هضمتوا بعض ، تضحكون وتكلمون مع بعض وفي باطنكم احس كل واحد ودّه يتوطى الثاني

ماجد مقبل ، عندكم استشاري ودّي تضبّطه << يقاله واسطه

احاول اتذكّر ناس بس ميح
أحس اني تقل بالاختبار النهائي ، بس جالس قدام الورقة وأناظر اظافري لما يقضي الوقت ويسحبون الورقة

أخيرًا ..لقيت لك يالمشاغب رسالة بالخاص تقول لي فيها :
إقتباس
سلام

إقتباس


يا اخي وينك ؟


افتح الماسنجر ضروري أبيك



شفت انّك مصلحجي !

الأعضاء التاريخيين ، الأباطرة ، العمالقة ، الفطاحلة ..
أولئك الذين سطّروا بأحرفهم التاريخ ..
اُناديكُم بِ : ألا ليت الزمان يعود يومًا
اضافة رد مع اقتباس
  #123  
قديم 06/10/2012, 04:34 PM
الصورة الرمزية الخاصة بـ leader-imf
زعيــم نشيــط
تاريخ التسجيل: 08/08/2006
المكان: الريـــاض
مشاركات: 739
السلام عليكم ..

كل ما في ذاكرتي عن المجلس العام .. (( انها كانت من اجمل الأيام ))

صحيح ما كنت منظم لقسم او حزب معين ولا كن كثير مشاركات بس كنت استمتع باي اكشن يصير ..


اتمنى كل التوفيق بالدنيا والاخرهـ لكل من رحل ومن بقي ومن قدم للمجلس العام..
اضافة رد مع اقتباس
  #124  
قديم 06/10/2012, 06:11 PM
الصورة الرمزية الخاصة بـ الـمـشـاغـب
مايسترو المجلس العام
تاريخ التسجيل: 18/02/2005
المكان: كاشت مع ويلهامسون بين المروج :$
مشاركات: 7,060
يا إلهي .. من وين طلعت لنا هالمومياءات المحنّطة ؟

مستر دلخ ومساميسو .. لا وكملها هلالي القرعاء بعد !
أحسّ إن ماجد مقبل حضر جلسة تحضير أرواح

قرقاص .. أنت فعلاً جدّ المجلس العام الوفي , طلعوا أحفاد أحفادك
وأنت ما تزال شامخاً محبّاً للمجلس

عاشق الموهوب 10 .. المفروض تعرض أنت وماجد مقبل على هيئة
مكافحة الفساد , أجل اشتغلت المحسوبيات وتثبت الموضوع؟ وأنا لي
سنين من 2007 أفحط ما تثبت لي ولا موضوع إلا عام 2010 في وقت
شيخوخة سهل !!

الهلالية ميمي .. أي رواية وأي بطيخ ؟ أصابعي صار يجيها الشد العضلي
كل ما ضغطت الكيبورد وروماتيزم في مفاصل الأصابع .. شيّب الحكا يا بنت

لودي الهلالية .. التوثيق جميل رغم اني داري اني نسيت أغلى الحبايب بسبب
الذاكرة .. وأتمنى ما يزعلون السلاتيح ويذكرونا بردودهم هنا ولو من باب السلام..

لبى يور هيرت .. ههههههه ضحكني ردك , بلاك والله ماهوب الزهايمر .. بلاك البلاك يالتايلندي

صدى الأمس .. للحين معقولة للحين وأنت عميد؟ أنت من المحاربين القدامى
وقلمك ممتع وكنت قدوة لنا لولا أن الإقلاع الله يقلعه في ستين داهية أخذك منا !!

مستر دلخ .. يا أخي أنت مصيبة من مصائب العرب, كنت مبدع وكنت أضحك
كثير على ردودك الجميلة والتي تخفي ورائها عقل متخلف بأسلاك متشابكة من
الدرجة الأولى لكن خسارة ما استمريت معنا ..

مساميسو .. كنتي بحق خير استشارية متعاونة , كان اعتمادي عليك مثل اعتمادي على شغالتنا ميمي
أي حاجة أبيها مثل تفعيل عضوية صديق أرسل لك على طول
وما تقصرين .. صح إني كنت بثر شوي , بس أنتي اللي تعطين وجه وش نسوي لك؟

دبل كيك .. أذكر إني ما كنت أعرف وش أنت من لحية .. إلى يوم جيت أنت وكتبت
رد في المجلس .. فحصلت ثورة مشاورات بسبب هذا الرد !!
سألت عن سبب الضجة اللي صارت فقالوا لي: ان دبل كيك من يوم تزوج وهو ترك
المجلس واختفى فجأة, وبعد أكثر من سنة هذا هو يردّ .. الكلام هذا وصلني من أكثر
من مصدر ..
فبعد تحليل عميق ودراسة مستفيضة لملفك والردود توصلت إلى حل اللغز وقلت:
ما فيه إلا استنتاج منطقي واحد .. وهو أن دبل كيك طلّق المدام
عاد طلقت أو ما طلقت مب شغلي .. هذا تحليل فقط وأنت بكيفك

كندا جالنت .. أنت من الأعضاء المغبّرين , وبصراحة من اللي كانوا يعجبوني في
المجلس بس ما أدري وش اللي غيّرك؟ يا خوفي بس يكون السبب إنك يوم بطلت
الحبوب طحت في الحشيش ! أخبرك دويشر ذيك الأيام ..

هلالي القرعاء .. لا لا مش معقول هلالي القرعاء نفسه؟! يا هلا ويا غلا
اتق الله يا رجل أي مصلحجي وأي مطنش؟
الظاهر إن ذاكرتك مش مييح بس إلا فيها فايروس يخليك تتهيأ أشياء ما حصلت
كنت أسميك يالأقرع وأذكرك زين .. وكنت أنت مع الكناري الأزرق فطافيط يعني
توكم صغار في السن لكن مبدعين ..
أتذكر زين إنك أنت اللي بديت تنسحب تدريجياً من المجلس وما عاد تشارك وتكتب
شكلك كنت طايح ومتشربك بحبال الهوى يالسربوت
صدقني والله أكنّ لك كل محبة ومعزة وضان وبقر بعد ومتأكد إنك واهم .. وحتى
لو افترضنا إني كنت طنشتك مثل ما تقول فأكيد بسبب صغر سنّك وخوفي من شبهة
صداقة الغلمان
الأكيد إني فرحت كثير بمشاهدة يوزرك يا أحلى غلام في حياتي

ليدر .. فيه واحد ثاني ليدر كان معنا , بس هذاك داشر سربوت صايع وأنت حبّوب دلوع
فعلاً كانت أيام ملعونة جدف وما تنسى , رغم إن ما فيه احتكاك كثير معك لكن دام
فيك من ريحة ذاك الزمن فأحب أقول لك قبل ما تبتسم: أنا أحوووووبك
اضافة رد مع اقتباس
  #125  
قديم 06/10/2012, 08:36 PM
زعيــم مميــز
تاريخ التسجيل: 06/02/2004
المكان: جــــــــــــــده
مشاركات: 5,914
ياحليلك يالمشاغب ، عقب ما صرت ابو وتغيّر حفايظ صرت تصدّق بسرعة

بعدين وين فطافيط.. الكناري اعدّه واحدن من عيالي "الله يذكره بالخير"

انا الحين المفروض مخلّص الماجستير ، لكن السرابيت ما خلّوا احد بحاله

الأكيد ان لك وحشه ياخي ، شف انت بس كتبت موضوع تهافتوا "" الجماعة من كل حدب وصوب
اللي ناسي انه كان عضو وتوّه يذكر ، واللي ناسي الباسوورد ، واللي بلشن بعياله
كلهم تهافتوا "+" على موضوعك وقالوا نحن هنا

ذاك الجيل أشبه بجيل النعيمه والثنيان وسامي والتيماوي
الله يذكرهم بالخير فردًا فردًا
اضافة رد مع اقتباس
  #126  
قديم 08/10/2012, 01:08 AM
الصورة الرمزية الخاصة بـ alfayhaa Sport
زعيــم مميــز
تاريخ التسجيل: 04/09/2008
المكان: حى منفوحة الجديدة - الرياض
مشاركات: 24,175
الذكريات الجميلة تبقى فى نفوس المحبين
اضافة رد مع اقتباس
  #127  
قديم 09/10/2012, 09:30 AM
الصورة الرمزية الخاصة بـ معجب هلالي.
زعيــم متألــق
تاريخ التسجيل: 17/03/2011
مشاركات: 1,002
أنا أعتقد ان كل من الاسلاميين والليبراليين قد جرفهم التيار خصوصاً بعد الثورات العربية
المستقبل الآن للتيارات ذات الأهداف الوطنية التقدمية وبالأخص التيارات القومية العربية
ومن وجهة نظري المتواضعة أن الاسلاميين والليبراليين هما وجهان لعملة واحدة ودائماً كانوا ضد الوحدة العربية
من الجيد أن تجد في المجلس العام حراكاً فكرياً ثرياً يغني الحوار ويجعل من اتباع التيارات المتختلفة أشخاصاً ناضجين مؤمنين بالرأي والرأي الآخر وبأهمية الحوار العقلاني لكي نستفيد من بعضنا
وفي الختام تحياتي لمايسترو المجلس العام المبدع دائماً المشاغب ولكافة الزملاء الأعزاء بهذا المنتدى الرائع وتقبلوا مروري السريع والمختصر وشكراً.
اضافة رد مع اقتباس
  #128  
قديم 23/11/2012, 11:10 PM
زعيــم مميــز
تاريخ التسجيل: 15/08/2005
المكان: الريــاض
مشاركات: 2,898
ادري جيت متأخر .. بس ميخالف ابحط رد

ذكريااات والله ذكريات .. بصيح شوي

انا منب من الشيبان بالحيل .. لكن فيه ذكريات هنا عزيزة على قلبي

فيه اعضاء مستحيل ينسون .. ايام حلوة وكان لها اثرها الكبير .. الصدز ما ادري وش اقول مبطي ما كتبت رد .. بس الي ودي اننا نشوف كل الشباب هنا واخبارهم وعلومهم ..

بغش شوي من رد هلالي القرعاء .. ابو حميد الصديق الصدوق .. الله يبارك بـ الواتس اب الي خلانا نستمر على تواصل

الاعضاء الي اذكرهم ، واعتذر اذا نسيت احد

هلالكو1 .. هلالي الظهران .. المعرفة .. الهلال موتي ( من اعز الاعضاء على قلبي ومن اصدقائي بالملف الشخصي والمسن ) .. العبرود .. الهلالي دائماً ( من الاصدقاء ، تفاجئت بالاسم والمنصب ) .. القيصر رهيب ( من الاصدقاء بالمسن ، اشوفه بتويتر مدهر ماشاء الله ) .. some one ( ردوده مميزه ، من الاصدقاء ) .. ميتو ( من الاصدقاء ، كان لنا تواصل بالمسن ) .. الكناري الازرق ( من اعز الاصدقاء واستمرت الصداقة بالمسن ، ومن ثم الواتس اب ، واشوفه بتويتر على خفيف ) ..هلالي الدانه .. الهنوف ( كانت هنا ورحلت .. مستحيل انساها ، واشكرها جزيل الشكر على مقطع اليوتيوب ) .. وبس

شكراً يـ المشاغب على الموضوع .. الي حرك فينا ذكريات في القلب جميلة جداً

اعتذر من المشرفين ان كاني رفعت الموضوع وهو قديم .. بس عجزت امسك نفسي وما ارد
اضافة رد مع اقتباس
  #129  
قديم 24/11/2012, 06:21 PM
الصورة الرمزية الخاصة بـ الهلالي الغدار
زعيــم نشيــط
تاريخ التسجيل: 15/05/2012
المكان: في فؤاد بلادي
مشاركات: 732
ايه يالله المستعان يالمشاغب بعد ماكنت تبيع قريض الحين تطرح ذكرياتك صدق من قال الزمن خوان والموضوع برمته

ماله دخل بجماعة الاخوان من بعد قرض المحبة ياناسيني اليوم بعت الرفاقة وانتهى زمني كيف جاء هالشئ مالذي

يحدث امامنا امامنا يالمشاغب انت محبوب من الجميع الله لايغير عليك ياحبي لك فيلسوف زمانه احترمك ولكن

!! مشرفنا الغالي هلالي من ارض اليمن وين العسل اللي موصيك عليه الرجال !!
اضافة رد مع اقتباس
  #130  
قديم 25/11/2012, 04:28 PM
الصورة الرمزية الخاصة بـ سينمائي الزعيم
مصور قناة شبكة الزعيم
تاريخ التسجيل: 15/11/2006
المكان: خلف الكواليس
مشاركات: 1,683
اووووه الموضوع قديم

يالمشاغب
ذكريات حلووهـ
ما كانت لي علاقة مع احد الا فريق المجلس اللي حققوا البطولة حقت المنتدى


بس سحبتوا علي اوريكم ما راح ارد على مواضيعكم

من زمان عن المجلس
اضافة رد مع اقتباس
  #131  
قديم 26/11/2012, 02:42 AM
الصورة الرمزية الخاصة بـ موج الخليج الأزرق
زعيــم مميــز
تاريخ التسجيل: 02/10/2005
المكان: في وطن الهلال
مشاركات: 2,922
يا جماعة فيه عضو كان يكتب مواضيع جريئة وخووووووووورافية

اسمه مرسال

مختفي له فترة طويلة

فقدت مواضيعه

اذكر كان موقف فترة وكنا نطالب برفع الايقاف عنه

وبعدها انشغلت ونسيت الموضوع

يا شيبان المجلس ماتدرون وين اختفى مرسال

وإذا كان سبب إختفائه هو الإيقاف
اقول حرام على اللي كان خلف إيقاف هالمبدع

وفيه بعد عضو ثاني اسمه دوق فليد كان مبدع بشكل رهيب في مواضيعه
اختفى هو الثاني !!

بالنسبة لأبو مقبل كنت أحسبه شايب أول ماجيت المجلس
لين قابلته في بطولة نظمتها شبكة الزعيم
ونعم الرجل صراحة

اخر تعديل كان بواسطة » موج الخليج الأزرق في يوم » 26/11/2012 عند الساعة » 02:43 AM السبب: خطأ إملائي
اضافة رد مع اقتباس
  #132  
قديم 27/10/2016, 01:25 PM
الصورة الرمزية الخاصة بـ بنت ** القصيم
زعيــم متواصــل
تاريخ التسجيل: 22/06/2004
المكان: قلب أبوي
مشاركات: 54
ذكريات جميله ورائعه ممتعه
اضافة رد مع اقتباس
  #133  
قديم 06/01/2017, 01:01 AM
زعيــم مميــز
تاريخ التسجيل: 24/08/2007
مشاركات: 2,239
الام وبعد لقاء 13 سنه بالانترنت تقريبا ...
اليوم تشرفت بمقابلة ماجد مقبل...
اضافة رد مع اقتباس
  #134  
قديم 06/01/2017, 10:44 PM
الصورة الرمزية الخاصة بـ دبــل كيــك
زعيــم مميــز
تاريخ التسجيل: 02/12/2003
مشاركات: 3,452
عمتم مساءا جميعاً ما عدا كاتب الموضوع

لأنه زعلان علي وانا أحبه

مرسال ،، الله يسعدك فيك الخير

ابومقبل مع اني ما قابلته ولكن يتشرف الواحد يقابل أمثاله ولا تهون يا مرسال


تحياتي للجميـع
اضافة رد مع اقتباس
  #135  
قديم 16/01/2017, 06:50 PM
الصورة الرمزية الخاصة بـ الهلالي دائماً
مشرف منتدى الجمهور الهلالي
تاريخ التسجيل: 20/01/2002
المكان: وسط المعمعه
مشاركات: 12,889
إقتباس
الرسالة الأصلية كتبت بواسطة marsal
الام وبعد لقاء 13 سنه بالانترنت تقريبا ...
اليوم تشرفت بمقابلة ماجد مقبل...

لي الشرف يا صديقي
الله يوفقك ابو عزام وان شاء الله تتكرر اللقاءات
اضافة رد مع اقتباس
   


إضافة رد

أدوات الموضوع
طريقة عرض الموضوع

قوانين المشاركة
غير مصرّح لك بنشر موضوع جديد
غير مصرّح لك بنشر ردود
غير مصرّح لك برفع مرفقات
غير مصرّح لك بتعديل مشاركاتك

وسوم vB : مسموح
[IMG] كود الـ مسموح
كود الـ HTML مسموح
Trackbacks are مسموح
Pingbacks are مسموح
Refbacks are مسموح



الوقت المعتمد في المنتدى بتوقيت جرينتش +3.
الوقت الان » 08:19 AM.

جميع الآراء و المشاركات المنشورة تمثل وجهة نظر كاتبها فقط , و لا تمثل بأي حال من الأحوال وجهة نظر النادي و مسؤوليه ولا إدارة الموقع و مسؤوليه.


Powered by: vBulletin Version 3.8.7
Copyright ©2000 - 2018, Jelsoft Enterprises Ltd

Google Plus   Facebook  twitter  youtube