قصيده ..... - نادي الهلال السعودي - شبكة الزعيم

alyami-me · #1 12/10/2011, 07:01 AM

سلام يالربع

صبحهم بالخير ياربي

شحالكم يالربع جميع

وربي لكم وحشه ما تنوصف

ادري بتقولون وش ذا الغبار لكن تلطموا ما يجيكم باس

على قولتهم من طول الغيبات جاب الغنايم >>>اغبى مثل سمعته

ودي ارجع اكتب هنيا لكن ماني بداري كيف تقبل الربع لمواضيعي وكتاباتي

لكذا بانزل قصيده غزل واجس بها النبض

من زمان الزمان ما كتبت غزل

واهديها لنفسي >>>يافديتك يانفسي ما احبني لك

وللي مشتاق لصوتي باتزلها بصوتي بعد

يلا عاد دلعناكم اليوم

بسم الله

اذكريني لا جبرك الوقت على الدمع الحزين
واذكريني لا سدلك الليل على كثر المــــــلل

واذكريني لا خذلك الصبر في كتم الانـــــين
واذكريني لا قهرك الظلم وخلاك الــــــــعدل

واذكريني لا نظرتي فوق واشغــفك الحنين
واذكريني لا تباطى الوقت وعيا بالاجــــــل

واذكريني بكل لحظه في حياتك تعرفـــــين
اني في ذكرى خيالك اتغنى وارتــــــــــــجل

ولا ذكرتيني ياقلبي ابغى منك حاجتــــــــين
اتركي عنك همومك و اقبلي لي في خــجل

اقبلي مثل السحاب الغر يملى كل عيـــــــن
واقبلي مثل الغزال الحر باطراف الســــهل

واقبلي مثل الطهاره بوجه الصالحـــــــــين
واقبلي مثل الشجاعه في قلب البــــــــــطل

واقبلي زي منتي ياحياتي ترغبــــــــــــين
كل خطوه صوب قـــــــــلبي تعني لي امل

يعلم الله ان حبك بين قلبي والوتــــــــين
والصدر يازين دارك وانا غلقــــت القفل

كل ما احتجت اشوفك اتوكل واســــــتعين
واشلع القلب المحصن واتامل وانهـــــــبل

نعنبا من صان عقله وانتي في قلبه تجين
ونعنبا من صان قلبه وانتي في باله عقل

ايه احبك حب غالي فوق منتي تحسبــين
ايه احبك فوق حبي لك حبـ(ن) ما حصل

حب مدري كيف اعبر به ومدري تفهمين؟؟
حب اسمى من معاني الحب ومن كل الغزل

اولهك وانا معاك ولا بغـــــــــــــيتي ترحلين
اتجنن في غيـــــــــــــابك واتسلى بالامـــــــل

واتحرى ساعة الملقى لا ابــــــــطيتي تجين
واتحير من طباعي واتغـــــــــــبى لمن سأل

اثر عمري صار يحسب ساعة انك تقبلــين
والهوى ملعون خير يتوطى كل رجـــــــــــل

اعشقك اهواك يا بنت حتى وانتي تغلطين
في سطورك او كلامك في حروفك والجمل

كل شي منك ياروحي له عندي معنايين
اما انه يعني حبك او حبي بالمــــــــــــثل

مالنا شهر بهوانا وكن لنا نعشق سنين
اعرفك اكثر من امك ومن نفسك والاهل

اعرف انك احلى وحده واغلى من در(ن) ثمين
واعرف انك كل عمري وكل شعري والغـــــــزل

في النهاية ياحياتي ابغى منـــــك تعرفين
ان حبك هو حياتي وانك لقلـــــــــــبي امل

وسلامتكم

منعنا للانبراش المعتاد اللي بينتقد ينتقد تركيب وشاعريه القصيده وليس موضوعها لو تكرمتوا يالربع

حروف الغلا · #2 12/10/2011, 08:24 PM

و عليكم السلام و رحمه الله و بركاته

عودة حميدة

القصيدة كلها على بعضها حلوووووة و رومانسية جدا جدا جدا

صح لسانك شاعرنا

valley dawn · #3 13/10/2011, 01:54 AM

إقتباس


	نعنبا من صان عقله وانتي في قلبه تجين ونعنبا من صان قلبه وانتي في باله عقل ايه احبك حب غالي فوق منتي تحسبــين ايه احبك فوق حبي لك حبـ(ن) ما حصل حب مدري كيف اعبر به ومدري تفهمين؟؟ حب اسمى من معاني الحب ومن كل الغزل

صح لسآنك
الكلمآت رووووووووعه يعطيك الف عافيه

وبانتظآر جديدك

alyami-me · #4 14/10/2011, 02:14 PM

إقتباس

الرسالة الأصلية كتبت بواسطة حروف الغلا


	و عليكم السلام و رحمه الله و بركاته عودة حميدة القصيدة كلها على بعضها حلوووووة و رومانسية جدا جدا جدا صح لسانك شاعرنا

صح بدنك يابنت ولا هنتي على المرور

alyami-me · #5 14/10/2011, 02:15 PM

إقتباس

الرسالة الأصلية كتبت بواسطة فـــــجر الـــــوادي


	صح لسآنك الكلمآت رووووووووعه يعطيك الف عافيه وبانتظآر جديدك

صج بدنك خيو ولا هنت

عاشق المسجد · #6 14/10/2011, 02:45 PM

إقتباس


	وللي مشتاق لصوتي باتزلها بصوتي بعد

يازين هالصوت بس يابن يام
صح لسانك يا مخاوي الجن

alyami-me · #7 14/10/2011, 03:47 PM

إقتباس

الرسالة الأصلية كتبت بواسطة عاشق المسجد


	يازين هالصوت بس يابن يام صح لسانك يا مخاوي الجن

يووووووووووووه عادك حس انت للحين

صح بدنك يابو خالد

عاشق المسجد · #8 14/10/2011, 11:43 PM

إقتباس


	صح بدنك يابو خالد

الى الحين تعرفن انت

حللنا بس يابو هادي

حاتم · #9 15/10/2011, 05:16 AM

فى كل طلة تزداد جمال وأناقة
وصح لسانكـ ولا استرجى على نقد القصيدة
بس مستعد اقطعك تقطعي وآسف على السحبة

(اهداء خاص)
لقد دب الهوى لك في فؤادي........... دبيب دم الحياة إلى عروقي .

alyami-me · #10 15/10/2011, 07:42 AM

إقتباس

الرسالة الأصلية كتبت بواسطة حاتم


	فى كل طلة تزداد جمال وأناقة وصح لسانكـ ولا استرجى على نقد القصيدة بس مستعد اقطعك تقطعي وآسف على السحبة (اهداء خاص) لقد دب الهوى لك في فؤادي........... دبيب دم الحياة إلى عروقي .

يووووووه وش ذي الوجيه الغابره

مبطي عنكم يا اصحاب القبور

صح بدنك ياحتوومه ولا هنت علي هيكي رد