12/10/2011, 01:21 PM
|
| زعيــم متواصــل | | تاريخ التسجيل: 01/10/2011
مشاركات: 165
| |
|
عيد ميلاد الفرعون و هدم برج خليفة و نفق الدمام ... ادخل عشان ارتبها لك
سعودي صحفي كتب في مقال له أن السعوديين يقارنون مشاريعنا ببرج خليفة من حيث مدة الإنجاز وسرعته إلى تكلفته الرخيصة جداً مقارنة بميزانيات مشاريعنا الفلكية ثم اقترح يا نجيب مقاولين اجانب سنعيين أو نشيل برج خليفة ونريح مقاولينا .
كنت أفكر دبي راح تحرج مقاولينا ومسؤلينا الفاسدين لكن اكتشفنا بأن وجيههم قويه .
تذكرون مخرج 13 بالرياض وأحد شاف نكتة مشاريع التاريخ البشري نفق خميس مشيط وأحد شاف مهزلة المشاريع البشرية نفق الدمام إللي عملوا له صيانة بعد يومين من افتتاحه واكيد ما نسيتوا القارعة والطامة الكبرى مشاريع تصريف السيول بجدة وغيرها وغيرها .. هذا غير الأرقام الفلكية الخرافية في المشاريع عندنا مشروع بـ100 مليار و الثاني بـ80 مليار وتطوير – لاحظوا تطوير- بـ27 مليار وهناك بـ150مليار أرقام كونية وياليت نشوف شي سنع إلا مشاريع مقربعة وكل شوي لها صبات وعمال صيانة وتآخذ سنيين عشان تخلص مثل مشروع القطار من 20 سنه وهم يتكلمون فيه ولا شفنا شي .. القطار في بريطانيا وامريكا من 180سنة وحنا تونا نفكر نسوي قطار .
الأحساس تبلد الخوف من الله إنعدم وما راح نقارن مشاريعنا ببرج خليفة لكن نقارنه بجسر يعتبر من أقدم جسور العالم المعلقة موجود إلى الآن بأمريكا اسمه جسر رويبلنغ تم افتتاحة للمشاة فقط تعرفون ليش ؟؟ لأن وقتها ما كان فيه سيارات افتتح عام .. شكلكم ما راح تصدقون .. افتتح عام 1866م بالهجري 1282هـ وطول الجسر 322 متر – تخيلوا –
في احد المنتديات رأيت بالوثائق كلام عن أن مشاريع القطارات بالسعودية كانت فكرتها من اكثر من 20 سنة ولما انتهيت من المقال تذكرت بأن الأهرامات تم بنائها في 20 سنة ايام ما كان فيه لا شيول ولا حفارات ورافعات ولا أي معدات حديثة .
وأخيراً أقول لمهندسين نفق الدمام إللي أغلقوه بعد يومين من افتتاحه بحجة الصيانة أقول لهم تدرون قبل 4000 سنة بنوا الفراعنة الأهرامات من عجايبها الهندسية بأن كل ركن منها يشير إلى الجهات الأربعة الأصلية بكل دقة وتدرون بأن أحجاره مرصوفة بشكل دقيق جداً ونسبة الخطأ في الرصف نصف مليمتر وتدرون بأن في أحد الاهرامات فتحة يدخل منها نور الشمس يوم في السنة تنور قبر الفرعون واكتشفوا بأن هذا اليوم هو يوم ميلاد الفرعون .
أفضل كلمة تقال حديث الرسول صلى الله عليه وسلم : ( إذا لم تستحِ فاصنع ما شئت ) حديث صحيح .
|
الوضع الشجري
