 | إقتباس |  | | |  |
الرسالة الأصلية كتبت بواسطة هلالي الجنوب9 |  | | | | | | | | |
والله انك صادق نبي يحرقون الملعب حرق
مثل مباراة السد وبونيودكور تقول هذا الهلال والا بلاش
لكن مانبي مثل مباراة ام صلال وذوب اهان اللي لا يسقي هالمباريات اللي تموت قهر ...؟
وبعدين تسأل ليش انهزم الهلال ؟؟؟؟
يقول لك اللاعبين مو في مستواهم !!!!!!
يعني مافيه حماااااااااس !!!!!
طيب لييييييييييييييييييييش أحد يقدر يرد ؟؟ | |  | |  | |
السلام عليكم ورحمة الله وبركاته ,
هذي اول مشاركة لي بالمنتدى , كنت ناوي اكتب موضوع جديد اكتب بتفاصيل اكثر عن وضعنا الحالي , لكن ما تم السماح لي ,
ع العموم هالموضوع يكفي ,
وحبيت اقتبس لرد اخوي الفاضل هلالي جنوبي
انت تقول الله يحفظك , تبي لاعبين يحرقون الملعب ,
جماهير الهلال في مباراة الهلال × ذوب اهن - YouTube
مابيك تتعب نفسك بمشاهدة المقطع كامل , لكن مقتطفات بسيطه ولاتركز على المباراة ركز على صوت الجماهير
( ي هلال عزك عنا ,, ي هلال !! <سكوت لمدة 6 ثواني > , ي هلال مجدك مجدنا ! ي هلال !! <سكوت لمدة 6 ثواني > ) ,
يعني عطني اي حماس , وش فايدتي اذا تحمست اول الدقايق واسكت خلال المباراة !
تابع هالمقطع
جمهور الهلال في لقطات تاريخية بـ حضور 70 ألف متفرج - YouTube
رؤية بسيطه للملعب بالمقطع اللي فوق , 70 الف صوت يشجعون ويساندون ! شي مرعب ! بس لالاسف اتوقع لو جبت احد اجنبي وسمع التشجيع بالمقطع الاول قال يمكن عدد الجمهور مايتعدى ال10 الالف
نظرة اخيره
تشجيع جماهير مجنون يهزون الملعب هز - YouTube
, شوف الصوت ! وبسئلك تتوقع الجماهير هذي يوصل عددهم ال 30 الف ؟ = )
انت حط روحك بمكانة اللاعب , ؟
كلنا شفنا ويلي وطيب الذكر نيفيز , كيف تفاعلو مع حماس الجماهير ذاك اليوم ؟
نقطتين اخيره ودي اتكلم عنها وان كان يعذرني صاحب الموضوع
النقطة الاولى هو ان الاغلبية يقومون بأشياء مو في تخصصهم !
كمثال , المشجع يقول ويتفلسف وكأن لديه خبره كروية بالميدان ! , اللاعب الفلاني مفروض يلعب
المدرب مفروض يلعب بالخطة الفلانية !
يعني وياخذ نظرة للاعبين كأنهم لاعبين بشريط كورة على البلاستيشن 3 , اسماء اللاعبين تكفي عنده بغض النظر هل ادائه بالتدريبات كويسه هل انسجامه بطريقة المدرب تمشي او لا,
مثال اخر ,
مفروض نجيب اللاعب الفلاني , ! يووووه احنا ليه جبنا هالمدرب ,! اللحين ليه فلان هنا مفروض مانتعاقد معه !
سؤال ؟
هل انتم اكثر حرص على النادي من شخص
يصرف أمواله الخاصه بالملاين من اجل إرضاء الكيان الهلالي ؟
يعني عندنا فلسفة زايده وناسين ان دورنا ندعم اللاعبين ونرفع معنوياتهم بالسراء والضراء , صحيح احنا مانتقبل الخسارة , وايضا الدخول بالذمم بدون مراعاة لخطورة ذلك
النقطة الاخيرة
معلومات عن اللاعبين , ولاحظو معي ,
يوو بيونغ سوو - Yoo Byung-Soo:-
اريخ الميلاد: 26 مارس 1988
العمر: 23
ناديه السابق :-
إنشيون يونايتد - كوريا الجنوبية
هالنادي تأسس عام 2003 < توه صغيرون
نظرة لأوضاع النادي خلال اخر 4 سنوات ولو جزمنا ان اللاعب انضم له قبل 4 سنوات
2007 مشاركته بالكأس, خرج من النصف النهائي
2008 مشاركته بالكأس , خرج من دور المجموعات
نجي للدوري
2007\المركز التاسع
2008\المركز السابع
2009\المركز الخامس
2010\المركز الحادي عشر
2011\لسى ماخلص الدوري عندهم باقي لهم 7 جولات ض1
-~~-~~-
يوسف العربي - Youssef EL Arabi
تاريخ الميلاد: 3 فبراير 1987
العمر: 24
بناخذ نظرة لناديه السابق
Caen
في اخر 4 سنوات
بنبدا بكأس فرنسا !
2007\خرج من دور ال 32
2008\المرحلة الثانيه < يعني قبل الدور ال32 بمرحلتين , والله حوسه كأسهم هذا
2009\المرحلة الثالثة < وصلهم لهالدور لاعبنا الله يحفظه
بس طلعو قبل دور ال32
2010\المرحلة الثالثة < نفس العام اللي قبل , شكلهم مقرودين
كأس الرابطة الفرنسية !
2007\خرج الدور الثالث
2008\خرج الدور الثاني
2009\خرج الدور الاول
2010\ خرج دور ال16 تحت يد البطل !
الدوري الفرنسي
2007\ المركز الحادي عشر
2008\ المركز 18 ونزل لدرجة الثانية
2009\صعد لدرجة الاولى
2010\مركز ال 15,
عادل هرماش : -
تاريخ الميلاد: 27 يونيو 1986
العمر: 25
2007\ نادي لنس - خروج من كأس الاتحاد الاوربي دور الاول
نادي لانس هبط , لدرجة الثانية ,
2008\ اعير لنادي بلجيكي , وهالنادي لم يحقق بطولات وخرج مبكر + متذيل ترتيب الدوري
2009\كأس الرابطه الفرنسية خروج من دور ال16
كاس فرنسا , خروج من نصف النهائي
وترتيبه بالدوري الحادي 11
2010\ هبط لدرجة الثانية , بالدوري , كأس رابطة فرنسا خرج من الدور الثالث , كاس فرنسا خرج من الدور الثالث
,
اكيل ايمانا - Achille Emana
تاريخ الميلاد: 5 يونيو 1982
العمر: 29
كان موجود بنادي تولوز الفرنسي عام , 2007\ , كأس رابطة فرنسا , خروج من الدور الثاني ,كاس فرنسا , خروج من دور ال16
انتقل للنادي اللي غثنا مغثة ريال بيتيس
كاس ملك اسبانيا
عام 2008\ خرج من بطولة كأس الملك من دور الربع النهائي
2009 \ خرج من البطولة على يد قرطبة بس مدري أي دور
2010\ربع النهائي على يد برشلونة ,
الدوري الاسباني ,
2008\نزل لدرجة الثانية
2010 صعد لدرجة الاولى ,
________________________
لاحظتو شي ؟
كل اللاعبين لم يحققو بطولة خلال مسيرتهم !!
يعني تخيل انت لاعب وماعمرك حققت بطولة مع ناديك ! هذا يثبت ان من ضمن الاشياء اللي جذبتهم للهلال هي رغبتهم متعطشين لبطولات تضاف لرصيدهم الشخصي لانهم انضمو لبطل آسيآ ,!
فـ الشاهد ان هالموسم الاول لهم راح يقدمون كل مايملكون عشان يحققون اكبر قدر من البطولات !
يعني ي اخوان هالنقطة لاتغفل عنكم , فلازم نشجعهم وندعمهم خلال الجولات الاولى , ولازم تتغير نظرتهم ان شي اسمه خسارة مستحيله بنادي زعيم آسيآ ,
لازم ندعمهم بالتشجيع ولازم زي ما احنا اللحين خلال المعلومات السابقة عرفنا رغبتهم بالبطولات لازم احنا نوضح لهم رغبتنا بالبطولات كلها ,! والاولوية لكأس اسيا , من خلال التشجيع ,
طبعا عندي راي قد يكون حل لمشكلة الحضور الجماهيري ,! بس بحتفظ فيه مدري ليه احسه ماراح يعجبكم
اسسف طولت عليكم بالكلام , والسموحة ق
smilie47: بس خبركم اول مشاركة
الوضع العادي
