[`~**¤!|مائدة رمضان : على سفره اهالي القصيم قهوة وسكري والباقي مطاريس|!¤**~`] - نادي الهلال السعودي - شبكة الزعيم

المنتدى الاستشاري · #1 03/08/2011, 03:15 PM

بسم الله الرحمن الرحيم
طبتم وطاب مسعاكم
وهانحن نطل عليكم بشهر الخير
من خلال فعاليه مائدة رمضان
ونسال الله العلي العظيم بذالك الاجر
وفقنا ووفقتم .. وكل عام وانتم بخير

العادات والتقاليد طابع تتزين به كل منطقه
ففي شهر الخير تزدان السفر
وتحتلي بتقاليدهم
ولكل منطقه عاده وتقاليد خاصه بها تختلف عن المناطق المجاوره
ومع تقدم الزمن وتخالط الحضارات
اصبحنا لانميز لمن هذه العاده والتقاليد
فنحن هنا نحاول ان نستعرض بعض عادات المناطق

.. من قصيم الخير

..
يتحدث لنا الصخره ..!
فل نطلق العنان لحديثه ..
ولنستمع بعنايه واستمتاع ...!

بسم الله الرحمن الرحيم
أشكر لكم هذه الاستضافة الجميلة.. وأبارك لكم ولكل اعضاء مجلسنا بشهر الخير
أعاننا الله جميعاً على صيامه وقيامه وتقبل من الجميع صالح الاعمال
**

وفي الحقيقة شعرت ببعض الصعوبة عندما استقبلت دعوة الأحبة في المنتدى الاستشاري بشأن المشاركة بصفتي ( قصيمياً )
حيث أنني ولدت ونشأت وتربيت في مدينة الرياض الحبيبة.. ولا اذهب الى القصيم الا زائراً
ولكن مازلت احتفظ ببعض الذكريات والمشاهد الحاضرة لتراث القصيم وفي رمضان تحديداً
حيث أننا كما تعلمون مهما نرتحل نحمل معنا تاريخنا وتراثنا وتقاليدنا التي لاتتغير بسهولة
القصيم يا احبابي كما هو معروف منطقة زراعية.. لذلك تكثر في المائدة القصيمية الاطباق التي تحتوي على انواع الخضار
كذلك تشتهر القصيم بلحوم الغنم والحاشي حيث تكثر تربيتها هناك
ونعلم ايضاً ان القصيم من اكبر الاقاليم المنتجة للتمور في العالم بأسره
ويتميز هناك السكري القصيمي صاحب الشهرة الواسعة

وطبقاً لما سبق فإن المائدة القصيمية في رمضان تكون خليطاً بين ماتم ذكره إضافة لبعض الاطباق المنوعة
ومن البديهي أن كبار السن غالباً يتمسكون بالأطباق التقليدية ولايرغبون بغيرها
وعلى الطرف الآخر تجد من هم في سن الشباب من ذكور وإناث يبحثون دائماً عن الاطباق المنوعة والخفيفة
وهذا مايجعل المائدة الرمضانية خاضعة لمعادلة متوازنة بين الحاضر والماضي بشكل يرضي الجميع
واتذكر هنا احد خوالي ( غفر الله له واسكنه جنات النعيم ) له طبق خاص لا يقبل بغيره وهو عبارة عن قطع من لحم الحاشي مطبوخة مع قطع كبيرة من خضار القرع والكوسا والبطاطس والطماطم
وكان اذا دخل الى المنزل وقت الفطور وشاف الاطباق المنوعة يعصب ويهاوش البنات

ويقول ( وشو له هالخرابيط ومن بياكلها )

هو طبعاً يكفيه دلة القهوة وصحين السكري والخلاص قبل الصلاة.. وطبق الحاشي بالخضار بعدها
ويعتبر ان البيتزا والفطائر والسمبوسة والمكرونة بالبشاميل وغيرها ( مطاريس )

المهم
يبقى ( المرقوق ) من الاطباق المشهورة والمحببة لدى كبار السن تحديداً

والسبب ببساطة ان المرقوق سهل البلع ولا يحتاج الى مضغ لمن هم لا يمتلكون اسنان صاحية

وكذلك لأن المرقوق يكون طابخ بقطع من لحم الحاشي المستوي والقرع المعشوق لدى القصمان عموماً واهل مدينتي الغالية ( البدائع ) بشكل خاص

نظام المائدة الرمضانية في القصيم :

في القصيم يكون الفطور الاول عند آذان المغرب بالماء والعصير والقهوة والتمر واللقيمات واصابع الجبن والجبنية وغيرها من الحلويات
ثم ينصرف الناس لآداء صلاة المغرب ليعودوا بعد الصلاة والمائدة العامرة تنتظرهم بكل مافيها من أطايب

وأشهر الاطباق التي تكون حاضرة في المائدة الرمضانية القصيمية :

السمبوسة بأنواعها ( لحم - دجاج - جبن - بيض وخضار )
الكبسة والمطازيز والقرصان والجريش ( جميعها بلحم الحاشي غالباً )
المكرونة بأنواعها
الفطائر بأنواعها
ويبقى الطبق الرئيسي والأكثر أهميّة لدى اهل القصيم عموماً وهو
شوربة الجريش على لحم الحاشي

هذا باختصار مايتعلق بمائدة الافطار في القصيم
أمّا السحور فهو غالباً ( كبسة ولبن ) بنسبة 99%

اتمنى ان اكون قد وفقت بنقل الصورة الخفيفة والمبسطة لكم
مع كامل الشكر والتقدير لمن استضافني هنا
ورمضان مبارك على الجميع.. تقبل الله منا ومنكم صالح الاعمال

كل الشكر لأخي الصخره على رحابه صدره
معكم نحن من المجلس

ســـــ SMN2002 ـليمان · #2 03/08/2011, 03:41 PM

وعليكم السلام ورحمة الله وبركاتة
وكما عودنا الاستشاريين على الإبداع
ومازال ينهمر علينا من كل حدب وصوب
الشكر لهم على هذة الجهود المبذولة

وبالنسبة لسفرة اهالي القصيم
ومن مثلهم في هذا الجانب الاخ الغالي ابوصالح
نقووول لهم الله يجعلها سفرة عاااامرة
وتقريبا الى حد كبير تشبة السفرة الرمضانية
عندنا بالجوووف والاختلاف بس في التمر
انتم عندكم السكري وحنا عندنا الحلوة

بس اخوي ابوصالح وشلوون يمديكم تلحقون على الصلاة
وخصوصا ان الشوربة فيها لحم حاشي

تحياتي لكم

قرقاص · #3 03/08/2011, 04:01 PM

هلا وغلا بالصخرة

أجل اليوم قصيميا بعد ماكنت نمساويا

اما التمر فالقصمان لاينازعهم منازع على الصدارة

والمرقوق باين شكله خيالي خصوصا في هالصحن القديم

أما شوربة الجريش بلحم الحاشي ماينافسهم عليها الا 3 اتراك يشتغلون بمطعم كبدة حاشي بالعليا

مشكور ابوصالح على هالتقرير القصمنجي المهضوم

فَيْلَـسُــ زَمَانَهُ ـــوفْ · #4 03/08/2011, 04:50 PM

يآهلا اابو صآلح .!؟

المرقوق وما ادرآك مالمرقوق

سهل الهضم لذيذ الطعم

ولايهون المطازيز

وايضآ للقرصآن حضور قوي في المآئدة القصيمية

والسكري امر مفروغ منه

ابو صآلح شكرآ لك

زرقآ شكرآ لك

ومازال للمجد بقية · #5 03/08/2011, 05:49 PM

مشكور يعطيك العافية والصحه

...................................

بلو كادي · #6 03/08/2011, 08:44 PM

السلآم عليكم ورحمة الله وبركاته ..||

تقريباً اهل نجد بشكل عآم نفس السفرة
بس فيه بعض الإختلافات مثل مطازيز اهل القصيم

اما المرقوق شكله يشهي

عسا سفرتكم دايمة

شكراً للمنتدى الإستشاري
جهود مشهوده

والشكر وآصل لك يالصخرة

3ash8.alz3im · #7 03/08/2011, 09:06 PM

يعطيكم العاافيه .

واشكر الاداره عامة وأشكر الصخره خاصه. لوصفه للمؤكلات الرمضانيه لدى القصماان

تـحـيـآتـي .~

..
..
..

™ṂṒḤĂṂṂĂĐ · #8 04/08/2011, 03:00 AM

بالعافية عليكم يا أهل القصيم

يجب قفل الموضوع في النهار

لين الهلاليه · #9 04/08/2011, 06:12 AM

لقاء اكثر من رائع وخصوصا مع مشرفنا الراقي : الصخـرهـ

واهم شيء التمر اللي عندكم ماحد يقدر عليه والله ومانسى الكليجا بع ـد

ربي يعطيكم العافيه ع اللقاء المميز ..,

ملامح يوسفيه.. · #10 04/08/2011, 06:29 AM

وه يازين القصيم بس

تراي قصيميه بعد<<احلفي

بس وييين الحين ماصار احد يأكل المرقوق بهالحر

حتى كبار السن بدوا يشربون الفينتو<<

الشوربه اكييييد

الجريش نعمله ونوزع على الجيران

<<الله يحفظها اميمتي دايم كذا تسوي كميه كبيره وتبدا توزعه

والسحور مثل ماقلت 99% كبسه
بس عايلتنا من 1%

تخيلوا بعد هالاكل والزيوت كبسه

الله يديمها من نعمه بس

يعطيك العافيه اخوي الصخره ترى توي ادري انك قصيمي

yasser99 · #11 04/08/2011, 02:54 PM

ياهلاآ بـ صخ صخ

ولدت وتربيت ونشأت في الشمال وماكد رحت للقصيم الا مرتين بـتاريخي
لكن القصمان لو يروحون المريخ ينقلون معهم تراثهم وعاداتهم

وصف السفره كأنها سفرتنا الا شوربة الجريش نستبدلها بالشوفان حبيب القلب

سكري ومرقوق .. الله يسامحك

الله يجعلها سفرة عامره وما أوصيكم لا تنسون قشطة المراعي على الفطور

classic 2010 · #12 04/08/2011, 03:48 PM

لبا القصماااااااااااان او القصيميين

ولبا السكري والمرقوق

ههههههه

عاشق المسجد · #13 04/08/2011, 07:42 PM

يازين البدايع وبس ض1ض1
لكن حنى من الواحد بالميه الي ما ياتسحرون رز الا امس لكن رز مع بصل اصفر واخضر واحمر وربيان المهم ان طعمه ما عليه كلام
وبالنسبه للتمر نسيت السكريه الحمرا ! ! !
اشوف الشيبان توجهم لها اكثر من السكري ولا ؟؟؟
ازين ما في موضوعك شيئين بس
اسمك
و

إقتباس