إقتباس الرسالة الأصلية كتبت بواسطة محبة الرحمن أإهلآ وسهلآ إخي الكريم إنآ ضد التصوير بآإكمممله ! ودآئم ان إرآدو ان يصوروني في المنآسبآت احتاج لوقت طويل لكي اوفق مآإثق في إحد إبدآ ! انا مآثق فيهم شخصيآ .. لابالعكس انا إثق في آهلي واخواتي بس الي مآثق به ان تتسرب الصورة ! نرجع لموضوعك انا مع اختي امورة ق1 هماه يشوفني كل يوم ! اجل وش يبي بصورتي ! حتى لو سآفر .. حافظ خشتي ض1 وبعدين خله يشتآق لي ام الصديقآت مهمآ صآر بينهم يبقى الشك موجود مسسستحيل اعطي صورتي لصديقتي وهي كذلك في بعض البنآت يحطون صورهم في البيبي وتكتب الله لايحلل الي يآخذهآ ! في نآس مآعندهآ ذمة وضمير يمكن ماتخذهآ بس يشوفونهآ إخوآنهآ والمشكله الكبرى تضيف كل من يرسل لهآ دعوة ! الله يستر على بنآت المسلمين وخطأ حقيقتآ ان نرسل صورنآ للإزوآجنآ اكيد بيكون حريص بس مو اكثر من الشيطآن وربممآ يحدث ضرف وإجآري ان يترك الجوال ! ويطيح في إيآدي اناس لآترحم وغير كذآ انا سمعت ان بآمكآن موضفي الاتصآلات ان يرو الصور المرسله او المتلقيه ! لاإعلم بصرآحة يعطيك العآفية .. شششكرآ لك .. دمت في حفظ الرحمممن

منوره ولا أختلف معك حول أن الصورة معرضة مهما بلغ الحرص للفقدان ولكن كثير من أمورنا الحياتية بحاجة للثقة وبحاجة لأن نضعها لضمير الشخص ومدى خوفه من رب العالمين

أتفق معك حول الشك بين الصديقات ولكن بالنهاية كل بنت هي أدرى بمدى أخلاقيات صديقتها ولكنني ضد نقل صورة من بنت لصديقتها .

بالنسبة للإتصالات نعم لدي علم بإمكانية وصول الموظفين للوسائط ولكن هناك مجموعة من الأمور لانسلم أمرنا فيها إلا لرب العالمين . ومن أراد سوء بخلق الله يستطيع فعل ذلك وبأكثر من وجه .

منورة يالغالية وألف شكر لتواجدك بالموضوع

إقتباس الرسالة الأصلية كتبت بواسطة مواصل من يومين وليش ترسـل الصـورهـ لزوجها .؟ مو هـو معها في البيت .! وإلا قصدكـ قبل الزواج عمومـاً أنا ضد سواء قبل الزواج والا بعدهـ << كبسه ولبن ع الغدا تفهي طول اليوم امـا بين الصديقات فهذا الغباء بعينه وانفه وبراطمه خخخ شكراً قحماني ...

منور يالغالي وألف شكر للمشاركة ليس شرطاً أن يكون قبل الزواج أو بعده .. قد تكون الحاجة ملحة أكبر عندما يكون الزوجان بعيدين عن بعضها وأحتاج الزوج لرؤية زوجته بعد طول غياب مالحل ؟


ألف شكر للمشاركة

إقتباس الرسالة الأصلية كتبت بواسطة Bato-2011 أنا ارفض مثل هذه الأفكار نفرض مثلا سرقت الصور من الجوال او سرق الكام أو سرق البيت كله يعني بالعربي الجمل بما حمل ياجاسم

هلا يالغالي ومنور بالموضوع .. أتفق معك وهنا تكمن خطورة الأمر

إقتباس الرسالة الأصلية كتبت بواسطة ومضات في آفاق التميز اقول ان الله هو الحافظ ( فتوكلوا عليه حق توكله ) لاحرص ولاخوف ولاتحرز ولاقانون بينفع

يعطيك العافية ولكن لابد من الحذر وعدم التهاون في أمر هكذا الذي نناقش

سعدت بتواجدك

إقتباس الرسالة الأصلية كتبت بواسطة The Blue Cell تدرون إن شركات الإتصالات لديها نسخة و قاعدة بيانات لكل رسالة نصية أو وسائط ترسل في السعودية؟ هذا شيء صحيح 100% و اسألوا أي شخص فني يعمل في شركات الإتصالات ..

نعم لدينا علم وعلقت على هالأمر .. منور يالغالي

إقتباس الرسالة الأصلية كتبت بواسطة naifcn والله يخوي ,, الزوج ماراح يسوي شي عقب ما ينفصل بزوجته ما اتوقع ابد انه يسوي بصورها شي حتى لو انه ما يقربلها اما بالنسبة للبنات وتبادل الصور بينهم اتوقع البنت اذا تثق بخويتها ثقه كبيرة مافي مشكلة لانها بتصير مريضة نفسيا وشكاكه اذا قررت ما ترسل صورها حتى لو تثق بخويتها

ليس كل الناس معدنهم واحد فهناك المريض وهناك الحاقد وهناك الفاشل فيجب الحذر أيضاً

إقتباس الرسالة الأصلية كتبت بواسطة **الـــــــــواوا** أهلا بالأستاذ الصور بين الزوج والزوجه مآفيها شي أبداً حتى لو تم طلاق لا سمح الله موو معقوله يكون فيه حثاله ويستخدمها إستخدام سيئ كذآ ولا كذآ أسمه كان زوجها وتعتبر من عرضه . وأكيييد أرفض وبشده الصور بين البنات " الله يحفظ بناتنا " تخييل يفتش الجوآل الأخو من اللقافه ويطب بصورة بنت الناس . بالتوفيق للجميع

الله يحفظ كل بنت ولاشك أن الموضوع ليس بالسهولة وأتفق معك بعدم سهولة استخدام تلك الصور بعد الطلاق بشكل سيء ولكن يجب الحذر أيضاً

مادري كيف أشكرك على تواجدك المستمر بموضوعاتي

إقتباس الرسالة الأصلية كتبت بواسطة باسكن روبنز هلا القحماني بالنسبة لي اذا ماوثقت بزوجي بمين اثق !! لارى مانع في ارسال صوري لزوجي في المستقبل بالنسبة لصديقاتي مستحيل ارسل صوري لهم عن طريق جوال لكن ايام الكاميرا الفوتوغرافية كنا دايم نصور مع بعض وصورهم عندي وصوري عندهم خصوصا اذا رحنا كشتات في مزارع او بر شكرا

أهلين خيتو ومطولة الغيبات

أعجبني ردك حول إذا ماوثقت بزوجك توثقين بمين والله يرزقك بزوج صالح ويحافظ عليك ويسعدك يارب .

يجب المحافظة على صور صديقاتك وتأكدي أن ربي راح يجعلهن يحافظن على صورك

منوره بتواجدك

إقتباس الرسالة الأصلية كتبت بواسطة الهنوووف هلا بك اخوي القحماني الصوره اذا فيها ( وجهي) مستحيل ارسلها لـ اي احد وماراح اسمح لاي شخص يحطها بجواله حتى انا شخصيا ماحطها بجوالي والزوج الحين وش يبي بالصوره يتفرج عليها بالدوام مثلا .....؟ّ \ / يعطيك العافيه الهنووف كانت هنا ورحلت

هلا والله حسيت إنك ماتوثقي حتى بنفسك يومك تقولي ماتحطيها بجوالك

بالنسبة للزوج لا أنا ماقصد الزوج المتواجد بالبيت هذا بنظري عنده الأصل وش يبغا بالصورة لكن اللي مسكين بعيد عن زوجته وبيطول الغيبة واشتاق لها

منورة بتواجدك

إقتباس الرسالة الأصلية كتبت بواسطة Ʒάjάz̲τ άηŝάќ ̷̸̐ هـلا القحـمـانـي والله مـوضوعك فـلّه شمعـه منـورّه شـوف حبـيبي أنـا عـن نفـسي أرفـض الفـكره شكلاً ومضمـونـاً , لاتـرسـل لزوجهـا ولاصديقتهـا أحسـن لهـا فـيه حـالات ممكـن يكـون الزوج بعـيد عـن زوجتـه ويشـتاق لهـا مافـيه مانـع ترسـل له ويمسحهـا علـى طـول ..!! بإختـصار هالزمـن مافـيه أمـان لحظة غفـله منـك ممكـن تضـيّع مستقـبل الضـعيّفه , الحـرامـيّه هالـيوميـن محتـرفيـن بشكـل مو طبيعـي , بـرضوا الـواحد ممكـن يسجّ عـن الجـوال شـوي أذكـر مرّه سمـعت محاضـره للشـيخ محمّد العريفـي الله يحفـظه , طبعاً كلامـه عـن تنـاقـل المقـاطع والصـور الفـاضحـه <-- متعـوب عليهـا وهـو يتـكلم عـن اللي يقـول إنـي بحتـفظ بهالمقـاطع لنفـسي ولا راح أرسلهـا لأحد وإن جـوالّي مـافـيه أحد يقـربـه وهـو إستـشهد بمثـال عـن نفـسه إن الأشـياء اللي بالجـوال ممكن تنتشر , يقـول : مرّهـ سـمعت لي قصـيدهـ بالانتـرنت لـواحد المهمّ القـصيدهـ جازت لـي ولحنتهـا بصـوتـي وخليـتها بالجـوال , وأنـا محافظ عـلى جوالي ودايم منـتبه له , المـهم يـقـول بـعد فتـرهـ مسـيّر عـلى واحد مـن ربعـي المهـم مادريـت إلّا ولـدهـ جانـي يـقول إسمـع هالقصيـدهـ اللي يلقيـها واحـد نسـخه مـن صـوتـك .... إنتهـى يعنـي شـف أكـيد بلحـظة غفـله إنتشـرت القصـيدهـ هذا وهـو مهتّم بالجـوال والإنسـان بـطبـعه ينـسى حتّى لـو وصـلت درجـة إهتـمامه 100% ..,, فلذلـك يـاويـلكم ترسـلون الـصـور فـاهمـيــــــن عـوافي القحـماني

ربي يعافيك وينورلك دروبك وحقيقة يعجز لساني عن التقدير لهذا الرد الرائع والذي يمثل منطقية تحترم ويحتذى بها لا أملك إلا التصفيق من داخلي وسؤال الله أن يحفظ الجميع من كل شر

ألف شكر

موضوعك جدآ رائع

اناا ضد انها ترسل لزووووجها صورها ليش ترسل له دئمآ معها يعني يبي

يتغير فيها شي اذا طلع او غااب عن البيت كم ساااعه

وبعدين بغض النظر انه ينسرق يمكن من اخوياااه يشوفهاا من غير قصد

او قاااصد او من عدو له أخذو ارقاامهن وشلون لو صوره لهاا

اهم شي البنت لازم تااخذ حذرهااا

النقطه الثااانيه اناا ئئيدك فيهاا جملة وتفصيلآ

مشكور

وعليكم السلام ورحمة الله وبركاتة
اخوي الغالي النقطة الاولي مافية شيء
بس امسحها والجوال مستحيل ابيعه دام
مرت به صورة الحبيبة وان فكرت اقرب جدار اصكه فيه
النقطة الثانية زي ما قالوا الاخوان الرفض التام
لان الصديقات اي خلاف بينهن يتصرفن بحماقة وخصوصا
اذا الصورة معها طبعا نقول بعض منهن واللي ضعيفه دينيا
وانا ازيد على البنت الا تضع صورها في جوالها او جهاز
وان كان لابد تضعها في ذاكرة خارجية
لان الجوال معرض للسرقة والجهاز معرض للاختراق
الله يستر علينا وعلى بنات المسلمين
تحياتي لك

( الشرف ) كلمة عظيمة , لا يمكن إختزالها في ( صورة ) يستحوذ عليها شخص ويمارس سياسته الرخيصة ويستخدمها كـ ورقة ضغط .

لذلك ,, إطمئني يا أخيّة ,, شرفك لن يهتك حتى وإن إنتشرت صورتك في كافة مواقع الإنترنت ,, تبقى مجرد صورة ,,
أنا أتعجب من الذين يقحمون الشرف في الموضوع بسبب صورة ,,

على حسب الاشخاص .. لكن الزوج بشكل عاام احس عاادي من ناحية الثقه فيه لكن اللي حوله ماندري عنهم : )

عشان كذاا سالفة ارسال الصور كلها ماحس لها داعي
وبس

بصراحه جتني ابتسامه ساخره جدا على الاراء الي اختلفوا حول ارسال الزوجه صور لزوجها

ياخي زوجته هي حلاله كل ابو شي تسويه وبراحتها , بغض النظر عن ان ضاع الجوال او انسرق فهذا اهمال من الشخص نفسه ويتحمل نتيجة اهماله .

ومن ناحية ارسال البنت صورتها لزميلتها فـ هنا ينبغي ان نتوقف قليلا ..

البنات الحين الي متهورات وبقوه صارن يحطن صورهن بالفيس بوك <= توني اعرف للفيس وتوني مسجله فيه بس لي يوم واحد فيه واليوم بكمل اليوم الثاني

لقيت معظم صديقاتي مغطيه يقالها خشمها وفمها ومطلعه كل شي ومصوره نفسها ؟؟

ماذا ابقت مالم تصوره !

اذا كانت حاطه صورتها وبالعلن بالفيس ويقالها مخبيه ملامحها فمن الطبيعي بتلاقيها راسله كل صورها لزميلاتها للافس

تفرعت حبتين معليش

رأيي باختصار مهما ومهما ومهما ومهما لن ارسل صورتي لـ صديقتي ..

شاكره لك ع الطرح الجميل

اختكم .. ميمي

الله يعطيك العافية.....
عوااااااااااااااااافي.......

إقتباس الرسالة الأصلية كتبت بواسطة أبـو راشـد أرحب ,, أبو عبدالله ,, مبطي عنك جداً يا رجل ,, ما أخفيك أن العنوان جذبني ,, عطفاً على أني مشتاق(ن) لك ,, فـ خذ هذا الرد ( سلام + مناقشة لموضوعك ) ,, بخصوص ,, سؤالك ,, انا ما أدري ليه البعض مضخم هالموضوع ,, فـ لنفترض أن هالسيناريو حصل : وحدة ,, أرسلت صورة لـ زوجها ,, زوجها شاف الصورة ومسحها ,, بعد فترة باع جواله ,, راعي المحل قدر يرجع الصور المحذوفة ,, وبقدرة قادر ,, راعي المحل وبطريقة ما ,, قدر يجيب رقم هالبنت اللي أرسلت صورتها لجوال زوجها واللي زوجها باع الجوال واللي هالجوال ماسكه إلحين راعي المحل الخسيس ,, ,, في اخر الليل ,, الزوج كان مسافر ,, والبنت لحالها في البيت ,, اتصل عليها رقم غريب ,, ردت : ( نعم ؟ ) ,, تكلم صوت متوحش : ( مرحبا ,, أهلين وسهلين ) ,, البنت ارتاعت وسكرت السماعة ,, اتصل ثانية ,, ولا ردت ,, اتصل بعدها وهي خايفة جداً ,, بعدها ارسل لها رسالة مفادها : ( ترى صورك معك ,, يا تردين يا أنشر صورك في الانترنت ؟ ) ,, هي قرت الرسالة وقامت تنتفض ,, قررت أنها ترد عليه عشان ما تنفضح ,, وبالفعل ,, دق عليها وهي ردت ,, وهو قام يبتزها ,, كون صورها معه ,,,,,,,,,, بس قف ,, ألحين يابو عبدالله ما تحس أن القصة صارت فلم هندي ,, وماتحس أن هالصورة ,, لو انتشرت صارت أكبر فضيحة في الدنيا وفي نفس الوقت محدن جايب خبرها لو انتشرت الصور ,, ,, حقيقة , لو اني بنت ,, وجاني واحد مطفي النور ,, ومحصل صورة لي ,, ومدري من وين جابها ,, الإجراء الوحيد ,, أكلم على زوجي ( دخلت جو مع السالفة ) ,, او اكلم اخوي ,, أخوي يكلم الجهات ( المختصة ) > الجهات المختصة تتبع السالفة > من الطبيعي ان الجهات المختصة تقول لي تابع معه وجرجره وهذا اللي راح يصير > يمسكونه الجهات المختصة وانتهت السالفة ,, مدري ليه البنت ,, تخاف من نشر صورها ,, وكأنها اكبر فضيحة ,, مدام أنها واثقة من نفسها ,, وان حصوله على الصور مجرد خطأ ,, وهو استغل الخطأ ,, فما فيه أي دافع للبنت يخليها تطيح في فخه ,, لذلك : بخصوص اللي قالك ,, يمكن الزوج اذا طلقها يبتزها ,, هذا سلم لي عليه سلام كثير وقل له أبو راشد يسلم عليك ويقول لا تشوف افلام هندية واجد ,, وبخصوص إرسال الصور ( من الزوجة للزوج ) - من ناحيتي - فما أشوف فيها أي مانع ,, ولو لا قدر الله طاحت الصور في يد واحد غير هالزوج ,, وقام هالشخص بـ محاولة إبتزار الزوجة ,, فالامر اعتقد انه بسيط ولا يحتاج تضخيم ,, ولله الحمد ,, فيه جهات تستقبل هالنوع من القضايا وتتعامل معها بسرية تامة . وراس مالها كم يوم وهم جارينه بـ رجوله ,, هالخسيس ,, بعدين ,, سالفة ( ترى صورك معي ,, نيها ها ها هاي ) هذي ماتوا اللي يسوونها ,, والسواليف اللي من هالنمونة اعتقد انها صارت مكررة ,,

هلا بالغالي .. كيفك

ليست المسألة تضخيم وليست نهاية الدنيا إن إنتشرت الصورة لسبب لا إرادي ولكن مادعاني لطرح النقاش هو حذر الكثير من تداول الموضوع بين مؤيد ورافض وجهه تلتزم خط المنتصف .

أثرت موضوع مسألة لو إنتشرت صورتك ( حس إنك بنت ) فصدقني مو كل وحده راح تقدر تتكلم مع اخوها أو أبوها أو زوجها وأعجبني طرحك لموضوع الإبتزاز وهذا ما أراه بسيطاً ولاحاجة لأي فتاة أن ترضخ لأي شخص مبتز

منور يالغالي وعذراً على التأخير فقد كان ضغط العمل كبيراً لذلك تأخرت لك خالص ودي وحبي واحترامي

إقتباس الرسالة الأصلية كتبت بواسطة الكلاسيكي اهلاً وسهلاً بك اخي ابو عبدالله , , نورت باطلالتك .. واشكرك على الحضور الطيب والمميز , ومن ناحية الموضوع انا ضد الموضوع جملة ً وتفصيلاً , ارسال الصوره لجوال اخر امر تساهل فيه الكثير , ولكنه مشكله كبيره وقد اضر بالكثير من الناس وتسبب في طلاق الكثير , وهو احد العوامل التي ساعدت على انتشار الابتزاز , خاصه ان عدد من موظفي الاتصالات لهم صلاحية الاطلاع على الوسائط .. لذلك انا ضد , واللي تبغى تخلي زوجها يشوف كشختها تلبس قدامه , لازم عزيمه يعني الف شكر لك ,, وتقبل احترامي وتقديري ..

هلا وغلا عادل لناقش نقطة لم تثار بالموضوع وهي تسببت بالطلاق مع إحترامي لمن يطلق فهو شخص فاشل لدينا بالمنطقة قصة بالضبط كهذه والأخ طلق على الرغم من أن الزوجه مالها ذنب وحده حاقده صورتها بفرح ووزعت صورها من الحقد وزوجها شاف الصور منتشره طلقها .. طيب يالفاشل هذه الإنسانه الشريفة مالها علاقة بالموضوع بدل ماتوقف معها تتخلى عنها .

منور يالغالي

إقتباس الرسالة الأصلية كتبت بواسطة الزعيم سام6 ياهلا والله فيك أخوي // مع الاسف الان يجب الحذر من جميع الطرق الهواتف صارت تخترق والاجهزة صارت تحترق !!!!! غير ان الهواتف والاجهزة تنسرق !!! الله يحمينا ويحمي اعراضنا من ضعفاء النفوس

نعم أتفق معك ويجب الإنتباه للأجهزة الحديثة كالآيفون والبلاك بيري .. رد رائع ومنور بتواجدك

إقتباس الرسالة الأصلية كتبت بواسطة وايليه لا بكل الحالتين .... لاني ما اصور بالجوووال ابد ومستحيل يعطيك الف عافيه

منوره يالغالية وهلابك بالموضوع اشكرك على طرح وجهة نظرك

إقتباس الرسالة الأصلية كتبت بواسطة مهره الهلاليه انا من نوع الاول القديم ليش صورها في جوال زوجها يعني فرضآ زوجها نسى جواله طاح وتعرفون الميانه بين الشباب !!! ويفتش في الجوال ويلقى صور زوجته يمكن ما يعرف انه زوجته وينقل الصور وتنشر وبعدين تنفضح الحرمه من دلاخه زوجها حتى تصور وترسل لصديقتها ياما بنات انتشرو صورهم من الصديقات الوفيات!!!! انا ضد الفكره مشكوررررر أخوي على موضوعك الشيق

سأتكلم عن نقطة الميانة معليش الزوج اللي مايحافظ على أسرار جوال بوضع رقم سري وعدم السماح لأي كائن حي يشوف جوال فيه صوره زوجته هذا مايستاهل ينعطى الصورة من الأساس .

منوره وألف شكر على المشاركة

إقتباس الرسالة الأصلية كتبت بواسطة انه الهــــلال..وكفى اخوي عنده قضيه بالمحكمه >>اجل وين زوج مهدد زوجته انه بينشر صورها لو مارجعت له .. الصور تبع البوم الزواج تركته ببيت زوجها قبل تروح اهلها !! مدري جنون حب او جنون العناد او جنون ساده طبعا اتوقع مجرد تهديد او فيه مرض نفسي ليش الوحده تحب تزعج الجهات المختصه صوري معه .. جوالي انسرق وبه صوري ووووو.. لاتصورين وارتاحي وريحي غيرك

المريض النفسي لايمكن درء مفاسده وياما مرضى نفسيين فعلو مافعلو وبإعتقادي لسنا بنقاش تصرفات اولئك المرضى فنحن نتحدث عن فئة عاقلة نناقش هذه الجزئية وكيف نتصرف وماهو موقفنا ؟

ألف شكر ولك كل تقديري وإحترامي

إقتباس الرسالة الأصلية كتبت بواسطة موج الخليج الأزرق نصيحة لوجه الله كما وصلني من أحد موظفي الإتصالات السعودية يقول أي رسالة وسائط نقدر نشوفها ويقول نشوف صور بنات يرسلون صورهم وسايط ياناس انتبهووووووووووووووو

ألف شكر وتم التعليق في رد سابق على نقطة الإتصالات لك عميق شكري

إقتباس الرسالة الأصلية كتبت بواسطة Eman -al saad ., خطيبي ؟ , على حسب علآقتي معآه إذا وآثقه فيه وعآرفه إنه يحبني وإستحآله يضرني ليش لآ ؟ , ونفس آلشيء صديقتي إذا كآنت من آلنآس آلثقه آللي تخآف آلله ومتأكده إنها م راح تأذيني أتس أوكي , وهي ب الأول والأخير وجهآت نظر , لك

ألف شكر أختي إيمان وحقيقة رد مقنع ولايمكنني الرد عليه ولا أملك إلا الشكر الجزيل لك على هيك رد لك مني كل التقدير

إقتباس الرسالة الأصلية كتبت بواسطة hilalemooot . هلا ابو عبدالله شلونك عساك بخير ؟ .. زمان عنك اعتقد صور الزوجة عادي الموضوع بس يُفضّل ان الزوج يمسح الصور للأحتياط واخذ الحيطة والحذر من سرقة الجوالات .. ونصيحة يبو عبدالله ترى الحرص الزايد يبهدل خخخ .. تراني اتكلم جاد اي شي لا تحرص عليه بزايدة ولا تصير متاجهل مرة .. خلك بالنص .. شخصياً جربت الحرص الزائد وياكثر ما فقدت اشياء بسبب هالشي اما صور الصديقات لا أؤيد بتاتاً البتة حتى لو كانت محل ثقة وعشرة عمر .. الدنيا ماهي زي اول وكثير قصص عن صديقات بينهم سنين طويلة من الالفة والمودة وبسبب انتهاء العلاقة صارت مشاكل مشابهة و توزيع صور . شكراً لك على الموضوع

أهلين خيو شو أخبارك

أتفق معك تماماً حول شوف وإمسح يمكن تعرضت لموقف عن طريق المسن لكن الصورة ماجلست بالجهاز خمس ثواني هع وقتها زوجتي قالت في نفسها وجع وش ذا أرسله صورة ويمسحها بنفس الوقت والله من خوفي عليها لأني عارف إن دفاعات جهازي زي دفاعات نادي النصر ماعندك أحد . لهذا أرتاح للجوال أكثر من اللاب توب لأني محافظ على الجوال أكثر من روحي .

إقتباس الرسالة الأصلية كتبت بواسطة ஜ ₣ ฮ เ ṥ λ Ŀ ஜ طيب من الأساس وش الفايده اذا البنت ارسلت صورتها لـ خويتها او خطيبها ! يعني خطيبها كلها فتره وراح يقابلها كل يوم وخويتها اكيد بـ شكل اسبوعي تشوفها ! اذا هي تقول عشان تكون ذكرى وما إلـى ذلك خلاص تخليها بـ جوالها بدون ماترسل صورها ! وش الله حاد البنت ترسل صورتها ويمكن تصير مشكله مع خويتها وهـ الخويه مافيها خير وتنشرها ! وياكثر الي نشوفها كذا ع البي بي ! ويمكن الجوال ينسرق اصلاً ! مانقول الا ابعد عن الشر ياروحي وغنيله الله يستر على بناتنا عوافي يـ القحماني ق1

الحاجة لإرسال الصورة تعود لمسببات قد لايتسع المجال لذكرها ولكن وأنا أحد الأشخاص أراني بحاجة لرؤيتها لو بالصورة كل فترة بإعتبار إني فاقد الأصل والله لايحرمني منه ويجمعني دايم على خير

منور يالغالي

إقتباس الرسالة الأصلية كتبت بواسطة بطلة مساء الخير استاذ ,, رأي على حسب إذا كنت كاشخة فعادي الكل ياخذ صورتي وإذا موب كاشخة لا امزح امزح لاتصدقون خخخخ الزوج عادي , بس الصديقة معصي وظلم ذوي القربى أشدّ مضاضةً ... على المرء من وقع الحسام المهنّد شعور حلو كثيرلما تقرأ لشخص ماتعرفه وتشوف مراحل مر فيها بحياته , بمعنى قبل كنت تتكلم عن المدارس الاهلية ومطنقر من المدير بعدها اختبار القدرات والتعيين وبعدها زواجك وبعدين السكن بقرية, وبعد كم سنة بـ تجي تشكي من غلاء البامبرز والحليب سبحان الله هذه حال الدنيا الله يخليلك المدام > للمدام موب لك هع اييييييييه مو قبل تقول لاتأجلون عمل اليوم للغد شكل رجعنا على ياطير ياللي الله يعطيك العافية شكر لك بطلة

ههههه أوما كاشخه عادي عاد أنا صدقت

منوره يالغالية وإنتظري موضوع لا للبامبرز وليش صار غالي هههه

ألف شكر للمشاركة

إقتباس الرسالة الأصلية كتبت بواسطة اللؤلؤة البيضاء آنـآ آشوف إذآ كآنت الصور للزوج مآفي مآنع . , لأنه إذآ كآن برآسه شر كآن يقدر يصورهآ بنفسه و مآ يحتآح يستنآهآ تعطيه الصور . . لكن الخوف من ضيآع الجوآلآت و سرقتهآ آمآ للصديقآت . , لآ آؤيد يعطيك العآفيه يآ القحمآني

يعافيك وألف شكر على المشاركة وليس لدي تعليق سوى الشكر والتقدير العميق

إقتباس الرسالة الأصلية كتبت بواسطة سما هواها هلالي مشكور اخوي ع الموضوع الله يديك العافية ماقصرت حتكلم بصراحة عن نفسي في البداية ماكونت مع ولا ضد يعني كان الموضع مايشكل لي اي اهمية لانو ماكونت اتصور بالجوال الا لما ارجع من مناسبة زواج او حفلة يعني لزوم الذكريات بس وكانت تنعد ع الاصابع الصور عادي عندي بنات عمي او خالي يصوروني بس انو ارسلها بلوتوث او وسائط ع صحباتي مستحيل ومن سابع المستحيلات وماقد سويتها الا مرة وحدة انو صحبتي تصورت معايا بجوالها في شبكتي لانو المصورة راحت ولما لحقت تتصور ومع انو انا واثقة فيها بس احس انو ع كثر ماندمت لانو ماتعودت بس في نفس الوقت ماندمت لانو من جد انا عارفة انو ماحااقابلها بحكم سفري وبالنسبة لزوجي عادي ومااشوف فيها شئ واذا طلب ارسلوه بس المشكلة والخوف اذا انخرب الجوال وين حتلاقي المحل اللي ثقة يوم تروح توديه وحتى لو كونت واقف فوق راسوه ماتدري يمكن بضغطة زر ينزل الصور كولها بس انا عن نفسي حسوي زي بنت عمي لما انخرب كسرت جوالها ولا فكرت تصلحوه عشان كان فيه صور تحياتي لك

منوره يالغاليه وبتكلم بنقطة جديده بالموضوع طرحتيها وهي الجوال اللي كان فيه صور أتفق معك أن كسر الجوال أرحم وأهون من بيعه ولكن الإصلاح ممكن بشرط تواجد شخص بجانب المهندس كي لايتعرض للصور ويقوم بعمل مايسيء لأصحابها

كل التقدير لك