إقتباس الرسالة الأصلية كتبت بواسطة أبـو راشـد أرحب ,, أبو عبدالله ,, مبطي عنك جداً يا رجل ,, ما أخفيك أن العنوان جذبني ,, عطفاً على أني مشتاق(ن) لك ,, فـ خذ هذا الرد ( سلام + مناقشة لموضوعك ) ,, بخصوص ,, سؤالك ,, انا ما أدري ليه البعض مضخم هالموضوع ,, فـ لنفترض أن هالسيناريو حصل : وحدة ,, أرسلت صورة لـ زوجها ,, زوجها شاف الصورة ومسحها ,, بعد فترة باع جواله ,, راعي المحل قدر يرجع الصور المحذوفة ,, وبقدرة قادر ,, راعي المحل وبطريقة ما ,, قدر يجيب رقم هالبنت اللي أرسلت صورتها لجوال زوجها واللي زوجها باع الجوال واللي هالجوال ماسكه إلحين راعي المحل الخسيس ,, ,, في اخر الليل ,, الزوج كان مسافر ,, والبنت لحالها في البيت ,, اتصل عليها رقم غريب ,, ردت : ( نعم ؟ ) ,, تكلم صوت متوحش : ( مرحبا ,, أهلين وسهلين ) ,, البنت ارتاعت وسكرت السماعة ,, اتصل ثانية ,, ولا ردت ,, اتصل بعدها وهي خايفة جداً ,, بعدها ارسل لها رسالة مفادها : ( ترى صورك معك ,, يا تردين يا أنشر صورك في الانترنت ؟ ) ,, هي قرت الرسالة وقامت تنتفض ,, قررت أنها ترد عليه عشان ما تنفضح ,, وبالفعل ,, دق عليها وهي ردت ,, وهو قام يبتزها ,, كون صورها معه ,,,,,,,,,, بس قف ,, ألحين يابو عبدالله ما تحس أن القصة صارت فلم هندي ,, وماتحس أن هالصورة ,, لو انتشرت صارت أكبر فضيحة في الدنيا وفي نفس الوقت محدن جايب خبرها لو انتشرت الصور ,, ,, حقيقة , لو اني بنت ,, وجاني واحد مطفي النور ,, ومحصل صورة لي ,, ومدري من وين جابها ,, الإجراء الوحيد ,, أكلم على زوجي ( دخلت جو مع السالفة ) ,, او اكلم اخوي ,, أخوي يكلم الجهات ( المختصة ) > الجهات المختصة تتبع السالفة > من الطبيعي ان الجهات المختصة تقول لي تابع معه وجرجره وهذا اللي راح يصير > يمسكونه الجهات المختصة وانتهت السالفة ,, مدري ليه البنت ,, تخاف من نشر صورها ,, وكأنها اكبر فضيحة ,, مدام أنها واثقة من نفسها ,, وان حصوله على الصور مجرد خطأ ,, وهو استغل الخطأ ,, فما فيه أي دافع للبنت يخليها تطيح في فخه ,, لذلك : بخصوص اللي قالك ,, يمكن الزوج اذا طلقها يبتزها ,, هذا سلم لي عليه سلام كثير وقل له أبو راشد يسلم عليك ويقول لا تشوف افلام هندية واجد ,, وبخصوص إرسال الصور ( من الزوجة للزوج ) - من ناحيتي - فما أشوف فيها أي مانع ,, ولو لا قدر الله طاحت الصور في يد واحد غير هالزوج ,, وقام هالشخص بـ محاولة إبتزار الزوجة ,, فالامر اعتقد انه بسيط ولا يحتاج تضخيم ,, ولله الحمد ,, فيه جهات تستقبل هالنوع من القضايا وتتعامل معها بسرية تامة . وراس مالها كم يوم وهم جارينه بـ رجوله ,, هالخسيس ,, بعدين ,, سالفة ( ترى صورك معي ,, نيها ها ها هاي ) هذي ماتوا اللي يسوونها ,, والسواليف اللي من هالنمونة اعتقد انها صارت مكررة ,,

هلا بالغالي .. كيفك

ليست المسألة تضخيم وليست نهاية الدنيا إن إنتشرت الصورة لسبب لا إرادي ولكن مادعاني لطرح النقاش هو حذر الكثير من تداول الموضوع بين مؤيد ورافض وجهه تلتزم خط المنتصف .

أثرت موضوع مسألة لو إنتشرت صورتك ( حس إنك بنت ) فصدقني مو كل وحده راح تقدر تتكلم مع اخوها أو أبوها أو زوجها وأعجبني طرحك لموضوع الإبتزاز وهذا ما أراه بسيطاً ولاحاجة لأي فتاة أن ترضخ لأي شخص مبتز

منور يالغالي وعذراً على التأخير فقد كان ضغط العمل كبيراً لذلك تأخرت لك خالص ودي وحبي واحترامي

اهلاً وسهلاً بك اخي ابو عبدالله , , نورت باطلالتك ..

واشكرك على الحضور الطيب والمميز , ومن ناحية الموضوع انا ضد الموضوع جملة ً
وتفصيلاً , ارسال الصوره لجوال اخر امر تساهل فيه الكثير , ولكنه مشكله كبيره وقد
اضر بالكثير من الناس وتسبب في طلاق الكثير , وهو احد العوامل التي ساعدت على
انتشار الابتزاز , خاصه ان عدد من موظفي الاتصالات لهم صلاحية الاطلاع على الوسائط ..

لذلك انا ضد , واللي تبغى تخلي زوجها يشوف كشختها تلبس قدامه , لازم عزيمه يعني

الف شكر لك ,, وتقبل احترامي وتقديري ..

شكراً للجميع ولي عودة بعد أن يخف ضغط العمل أراكم بعد 24 ساعة تقريباً

لا بكل الحالتين ....
لاني ما اصور بالجوووال ابد ومستحيل

يعطيك الف عافيه

انا من نوع الاول القديم ليش صورها في جوال زوجها يعني فرضآ زوجها نسى جواله طاح وتعرفون الميانه بين الشباب !!! ويفتش في الجوال ويلقى صور زوجته يمكن ما يعرف انه زوجته وينقل الصور وتنشر وبعدين تنفضح الحرمه من دلاخه زوجها
حتى تصور وترسل لصديقتها ياما بنات انتشرو صورهم من الصديقات الوفيات!!!!
انا ضد الفكره
مشكوررررر أخوي على موضوعك الشيق

إقتباس لذلك : بخصوص اللي قالك ,, يمكن الزوج اذا طلقها يبتزها ,, هذا سلم لي عليه سلام كثير وقل له أبو راشد يسلم عليك ويقول لا تشوف افلام هندية واجد ,,

اخوي عنده قضيه بالمحكمه >>اجل وين

زوج مهدد زوجته انه بينشر صورها لو مارجعت له ..

الصور تبع البوم الزواج تركته ببيت زوجها قبل تروح اهلها !!

مدري جنون حب او جنون العناد او جنون ساده

طبعا اتوقع مجرد تهديد او فيه مرض نفسي


ليش الوحده تحب تزعج الجهات المختصه صوري معه .. جوالي انسرق وبه صوري ووووو..

لاتصورين وارتاحي وريحي غيرك

نصيحة لوجه الله

كما وصلني من أحد موظفي الإتصالات السعودية

يقول أي رسالة وسائط نقدر نشوفها ويقول نشوف صور بنات يرسلون صورهم وسايط

ياناس انتبهووووووووووووووو

.,

خطيبي ؟ , على حسب علآقتي معآه إذا وآثقه فيه وعآرفه إنه يحبني وإستحآله يضرني ليش لآ ؟ , ونفس آلشيء صديقتي إذا كآنت من آلنآس آلثقه آللي تخآف آلله ومتأكده إنها م راح تأذيني أتس أوكي , وهي ب الأول والأخير وجهآت نظر , لك

.

هلا ابو عبدالله
شلونك عساك بخير ؟ .. زمان عنك

اعتقد صور الزوجة عادي الموضوع بس يُفضّل ان الزوج يمسح الصور للأحتياط واخذ الحيطة والحذر من سرقة الجوالات .. ونصيحة يبو عبدالله ترى الحرص الزايد يبهدل خخخ .. تراني اتكلم جاد اي شي لا تحرص عليه بزايدة ولا تصير متاجهل مرة .. خلك بالنص .. شخصياً جربت الحرص الزائد وياكثر ما فقدت اشياء بسبب هالشي

اما صور الصديقات لا أؤيد بتاتاً البتة حتى لو كانت محل ثقة وعشرة عمر .. الدنيا ماهي زي اول وكثير قصص عن صديقات بينهم سنين طويلة من الالفة والمودة وبسبب انتهاء العلاقة صارت مشاكل مشابهة و توزيع صور .

شكراً لك على الموضوع

إقتباس الرسالة الأصلية كتبت بواسطة algohmani أنا مثلاً للأمانة أطلب من زوجتي ترسلي صورها لكن أمسحها ماعدا آخر صورتين أرسلتها مازالت بجوالي لكن عقلي بالكامل وتركيزي مع الجوال يضيع عمري ولا يضيع ومثل ماقلتي الخوف من ضياع الجوال مصيبة وكارثة . أحد زملاي علق على هالنقطة بقوله شوف الصورة وأمسحها مباشرة بس أحياناً ماقدر أتذكر وأنا حاط الجوال بيدي عند محلات الجوالات بجدة قال الجوال للبيع قلت لو بمليون مابعته وأنا صادق لأني أعرف إن الصور مهما كان ماتروح من ذاكرة الجهاز والإنسانة اللي فيه مو أي إنسانة ( زوجتي الغالية ) ربي يحفظها لي ويحفظني لها ويحميها من كل شر . عموما أختي أنا رأيي حاد بنظرتي للتبادل بين الصديقات وقد أكون مخطيء بذلك أو نظرتي عقيمة ولكن هذا رأيي وأقبل النقاش لربما تغير تفكيري في هذا الأمر .

طيب من الأساس وش الفايده اذا البنت ارسلت صورتها لـ خويتها او خطيبها !

يعني خطيبها كلها فتره وراح يقابلها كل يوم وخويتها اكيد بـ شكل اسبوعي تشوفها !

اذا هي تقول عشان تكون ذكرى وما إلـى ذلك خلاص تخليها بـ جوالها بدون ماترسل صورها !

وش الله حاد البنت ترسل صورتها ويمكن تصير مشكله مع خويتها وهـ الخويه مافيها خير وتنشرها ! وياكثر الي نشوفها كذا ع البي بي !

ويمكن الجوال ينسرق اصلاً !

مانقول الا ابعد عن الشر ياروحي وغنيله

الله يستر على بناتنا

عوافي يـ القحماني ق1

إقتباس الرسالة الأصلية كتبت بواسطة الكلاسيكي اهلاً وسهلاً بك اخي ابو عبدالله , , نورت باطلالتك .. واشكرك على الحضور الطيب والمميز , ومن ناحية الموضوع انا ضد الموضوع جملة ً وتفصيلاً , ارسال الصوره لجوال اخر امر تساهل فيه الكثير , ولكنه مشكله كبيره وقد اضر بالكثير من الناس وتسبب في طلاق الكثير , وهو احد العوامل التي ساعدت على انتشار الابتزاز , خاصه ان عدد من موظفي الاتصالات لهم صلاحية الاطلاع على الوسائط .. لذلك انا ضد , واللي تبغى تخلي زوجها يشوف كشختها تلبس قدامه , لازم عزيمه يعني الف شكر لك ,, وتقبل احترامي وتقديري ..

هلا وغلا عادل لناقش نقطة لم تثار بالموضوع وهي تسببت بالطلاق مع إحترامي لمن يطلق فهو شخص فاشل لدينا بالمنطقة قصة بالضبط كهذه والأخ طلق على الرغم من أن الزوجه مالها ذنب وحده حاقده صورتها بفرح ووزعت صورها من الحقد وزوجها شاف الصور منتشره طلقها .. طيب يالفاشل هذه الإنسانه الشريفة مالها علاقة بالموضوع بدل ماتوقف معها تتخلى عنها .

منور يالغالي

إقتباس الرسالة الأصلية كتبت بواسطة الزعيم سام6 ياهلا والله فيك أخوي // مع الاسف الان يجب الحذر من جميع الطرق الهواتف صارت تخترق والاجهزة صارت تحترق !!!!! غير ان الهواتف والاجهزة تنسرق !!! الله يحمينا ويحمي اعراضنا من ضعفاء النفوس

نعم أتفق معك ويجب الإنتباه للأجهزة الحديثة كالآيفون والبلاك بيري .. رد رائع ومنور بتواجدك

إقتباس الرسالة الأصلية كتبت بواسطة وايليه لا بكل الحالتين .... لاني ما اصور بالجوووال ابد ومستحيل يعطيك الف عافيه

منوره يالغالية وهلابك بالموضوع اشكرك على طرح وجهة نظرك

إقتباس الرسالة الأصلية كتبت بواسطة مهره الهلاليه انا من نوع الاول القديم ليش صورها في جوال زوجها يعني فرضآ زوجها نسى جواله طاح وتعرفون الميانه بين الشباب !!! ويفتش في الجوال ويلقى صور زوجته يمكن ما يعرف انه زوجته وينقل الصور وتنشر وبعدين تنفضح الحرمه من دلاخه زوجها حتى تصور وترسل لصديقتها ياما بنات انتشرو صورهم من الصديقات الوفيات!!!! انا ضد الفكره مشكوررررر أخوي على موضوعك الشيق

سأتكلم عن نقطة الميانة معليش الزوج اللي مايحافظ على أسرار جوال بوضع رقم سري وعدم السماح لأي كائن حي يشوف جوال فيه صوره زوجته هذا مايستاهل ينعطى الصورة من الأساس .

منوره وألف شكر على المشاركة

إقتباس الرسالة الأصلية كتبت بواسطة انه الهــــلال..وكفى اخوي عنده قضيه بالمحكمه >>اجل وين زوج مهدد زوجته انه بينشر صورها لو مارجعت له .. الصور تبع البوم الزواج تركته ببيت زوجها قبل تروح اهلها !! مدري جنون حب او جنون العناد او جنون ساده طبعا اتوقع مجرد تهديد او فيه مرض نفسي ليش الوحده تحب تزعج الجهات المختصه صوري معه .. جوالي انسرق وبه صوري ووووو.. لاتصورين وارتاحي وريحي غيرك

المريض النفسي لايمكن درء مفاسده وياما مرضى نفسيين فعلو مافعلو وبإعتقادي لسنا بنقاش تصرفات اولئك المرضى فنحن نتحدث عن فئة عاقلة نناقش هذه الجزئية وكيف نتصرف وماهو موقفنا ؟

ألف شكر ولك كل تقديري وإحترامي

إقتباس الرسالة الأصلية كتبت بواسطة موج الخليج الأزرق نصيحة لوجه الله كما وصلني من أحد موظفي الإتصالات السعودية يقول أي رسالة وسائط نقدر نشوفها ويقول نشوف صور بنات يرسلون صورهم وسايط ياناس انتبهووووووووووووووو

ألف شكر وتم التعليق في رد سابق على نقطة الإتصالات لك عميق شكري

إقتباس الرسالة الأصلية كتبت بواسطة Eman -al saad ., خطيبي ؟ , على حسب علآقتي معآه إذا وآثقه فيه وعآرفه إنه يحبني وإستحآله يضرني ليش لآ ؟ , ونفس آلشيء صديقتي إذا كآنت من آلنآس آلثقه آللي تخآف آلله ومتأكده إنها م راح تأذيني أتس أوكي , وهي ب الأول والأخير وجهآت نظر , لك

ألف شكر أختي إيمان وحقيقة رد مقنع ولايمكنني الرد عليه ولا أملك إلا الشكر الجزيل لك على هيك رد لك مني كل التقدير

إقتباس الرسالة الأصلية كتبت بواسطة hilalemooot . هلا ابو عبدالله شلونك عساك بخير ؟ .. زمان عنك اعتقد صور الزوجة عادي الموضوع بس يُفضّل ان الزوج يمسح الصور للأحتياط واخذ الحيطة والحذر من سرقة الجوالات .. ونصيحة يبو عبدالله ترى الحرص الزايد يبهدل خخخ .. تراني اتكلم جاد اي شي لا تحرص عليه بزايدة ولا تصير متاجهل مرة .. خلك بالنص .. شخصياً جربت الحرص الزائد وياكثر ما فقدت اشياء بسبب هالشي اما صور الصديقات لا أؤيد بتاتاً البتة حتى لو كانت محل ثقة وعشرة عمر .. الدنيا ماهي زي اول وكثير قصص عن صديقات بينهم سنين طويلة من الالفة والمودة وبسبب انتهاء العلاقة صارت مشاكل مشابهة و توزيع صور . شكراً لك على الموضوع

أهلين خيو شو أخبارك

أتفق معك تماماً حول شوف وإمسح يمكن تعرضت لموقف عن طريق المسن لكن الصورة ماجلست بالجهاز خمس ثواني هع وقتها زوجتي قالت في نفسها وجع وش ذا أرسله صورة ويمسحها بنفس الوقت والله من خوفي عليها لأني عارف إن دفاعات جهازي زي دفاعات نادي النصر ماعندك أحد . لهذا أرتاح للجوال أكثر من اللاب توب لأني محافظ على الجوال أكثر من روحي .

إقتباس الرسالة الأصلية كتبت بواسطة ஜ ₣ ฮ เ ṥ λ Ŀ ஜ طيب من الأساس وش الفايده اذا البنت ارسلت صورتها لـ خويتها او خطيبها ! يعني خطيبها كلها فتره وراح يقابلها كل يوم وخويتها اكيد بـ شكل اسبوعي تشوفها ! اذا هي تقول عشان تكون ذكرى وما إلـى ذلك خلاص تخليها بـ جوالها بدون ماترسل صورها ! وش الله حاد البنت ترسل صورتها ويمكن تصير مشكله مع خويتها وهـ الخويه مافيها خير وتنشرها ! وياكثر الي نشوفها كذا ع البي بي ! ويمكن الجوال ينسرق اصلاً ! مانقول الا ابعد عن الشر ياروحي وغنيله الله يستر على بناتنا عوافي يـ القحماني ق1

الحاجة لإرسال الصورة تعود لمسببات قد لايتسع المجال لذكرها ولكن وأنا أحد الأشخاص أراني بحاجة لرؤيتها لو بالصورة كل فترة بإعتبار إني فاقد الأصل والله لايحرمني منه ويجمعني دايم على خير

منور يالغالي

إقتباس الرسالة الأصلية كتبت بواسطة بطلة مساء الخير استاذ ,, رأي على حسب إذا كنت كاشخة فعادي الكل ياخذ صورتي وإذا موب كاشخة لا امزح امزح لاتصدقون خخخخ الزوج عادي , بس الصديقة معصي وظلم ذوي القربى أشدّ مضاضةً ... على المرء من وقع الحسام المهنّد شعور حلو كثيرلما تقرأ لشخص ماتعرفه وتشوف مراحل مر فيها بحياته , بمعنى قبل كنت تتكلم عن المدارس الاهلية ومطنقر من المدير بعدها اختبار القدرات والتعيين وبعدها زواجك وبعدين السكن بقرية, وبعد كم سنة بـ تجي تشكي من غلاء البامبرز والحليب سبحان الله هذه حال الدنيا الله يخليلك المدام > للمدام موب لك هع اييييييييه مو قبل تقول لاتأجلون عمل اليوم للغد شكل رجعنا على ياطير ياللي الله يعطيك العافية شكر لك بطلة

ههههه أوما كاشخه عادي عاد أنا صدقت

منوره يالغالية وإنتظري موضوع لا للبامبرز وليش صار غالي هههه

ألف شكر للمشاركة

إقتباس الرسالة الأصلية كتبت بواسطة اللؤلؤة البيضاء آنـآ آشوف إذآ كآنت الصور للزوج مآفي مآنع . , لأنه إذآ كآن برآسه شر كآن يقدر يصورهآ بنفسه و مآ يحتآح يستنآهآ تعطيه الصور . . لكن الخوف من ضيآع الجوآلآت و سرقتهآ آمآ للصديقآت . , لآ آؤيد يعطيك العآفيه يآ القحمآني

يعافيك وألف شكر على المشاركة وليس لدي تعليق سوى الشكر والتقدير العميق

إقتباس الرسالة الأصلية كتبت بواسطة سما هواها هلالي مشكور اخوي ع الموضوع الله يديك العافية ماقصرت حتكلم بصراحة عن نفسي في البداية ماكونت مع ولا ضد يعني كان الموضع مايشكل لي اي اهمية لانو ماكونت اتصور بالجوال الا لما ارجع من مناسبة زواج او حفلة يعني لزوم الذكريات بس وكانت تنعد ع الاصابع الصور عادي عندي بنات عمي او خالي يصوروني بس انو ارسلها بلوتوث او وسائط ع صحباتي مستحيل ومن سابع المستحيلات وماقد سويتها الا مرة وحدة انو صحبتي تصورت معايا بجوالها في شبكتي لانو المصورة راحت ولما لحقت تتصور ومع انو انا واثقة فيها بس احس انو ع كثر ماندمت لانو ماتعودت بس في نفس الوقت ماندمت لانو من جد انا عارفة انو ماحااقابلها بحكم سفري وبالنسبة لزوجي عادي ومااشوف فيها شئ واذا طلب ارسلوه بس المشكلة والخوف اذا انخرب الجوال وين حتلاقي المحل اللي ثقة يوم تروح توديه وحتى لو كونت واقف فوق راسوه ماتدري يمكن بضغطة زر ينزل الصور كولها بس انا عن نفسي حسوي زي بنت عمي لما انخرب كسرت جوالها ولا فكرت تصلحوه عشان كان فيه صور تحياتي لك

منوره يالغاليه وبتكلم بنقطة جديده بالموضوع طرحتيها وهي الجوال اللي كان فيه صور أتفق معك أن كسر الجوال أرحم وأهون من بيعه ولكن الإصلاح ممكن بشرط تواجد شخص بجانب المهندس كي لايتعرض للصور ويقوم بعمل مايسيء لأصحابها

كل التقدير لك