بسم الله الرحمن الرحيم


بما ان اغلب المواضيع بالمجلس هالايام صايره فضفضه قلنا احنا بعد نفضفض امتثالا للقول الشهير مع الخير ياشقراء



عموما على طاري شقراء يايكم الموضوع بالطريج



قبل فتره كنت بالشاليه مع بنات عمي المهم وهم يروحون بيطلبون لنا عشاء
من مطعم قريب وطبعا بنت عمي اللي تسوق فيهم هذه ماتفهم شي بالانقلش
ولا تفريق بين الـ SHE والـ HE وطبعا امثالها كثير بهالمنتدى




المهم انها اطلبت وخلصت وقالها الكاشير PLEASE WAIT FIFTEEN MINUTES يعني 15 دقيقه طبعا


ولكنها لانها ماتفهم حسبالها 50 دقيقه قامت وشغلت السياره واطلعت تتمشى ورجعت بعد 50 دقيقه ولقت الاكل باااااااااااارد



وعلى ماوصلته لنا طبعا صار ثلج

المهم قعدت تتعذر وقالت لنا السالفه وانا قعدت اتطنز عليها وكل مادخل علينا احد اقولهم شفتوا فلانه ماتفهم ماتفرق بين الـ fiften والـ fifty



وطبعا الكل يضحك عليها وصارت نكته ذيك الليله




رجعنا الديره طبعا وبعد تقريبا 4 ايام قررت اني اروح الكوافيره واصبغ شعري بس طبعا المكافأه اللي توها نازله وهي 100 دينار كويتي
مافيه غيرها قلت بصبغ بسعر مقبول واخلي الباقي لبقية الشهر ..



الزبده دخلت وسألت الفلبينيه اللي عند الباب بصبغ شعري بجم تصبغونه انتو ؟


قالتلي SEVENTY دينار يعني 70 دينار لكني للأسف سمعتها SEVENTEEN يعني 17 دينار فقط فقط



وتصبغ لي واقعد تقريبا 3 ساعات انطره يخلص والحمدلله خلص وطلع نفس اللون اللي ابيه ويوم ييت بدفع ولا تقوولي 70


وحسيت الله بلاني من كثر ماتطنزت وهزأت بنت عمي ذاك اليووم


المهم واطلع المكافأه اللي ماكملت 24 ساعه بالبوك وادفعها




وانا ليلحين متحسفه على ذاك اليوووم




عمووما بتكلم شوي عن اخطار الصالونات للبنات خاصه :


سمعت قبل فتره عن صالون مشهوور وعلى مستوى كانت بنت مسويه بودي كير وطلعت الادوات
اللي مستخدمينها فيها بكتيريا ومو معقمه وانتقلت للبنت واضطروا انهم يقطعون صبع ريلها




غير الاخطاء اللي تصير بالشعر وتسبب الى تساقطه او فقدانه بشكل نهائي

وجم نسمع عن صالونات فيها كاميرات تصور الحريم والبنات بدون لا يدروون


وغيرها واااايد مشاكل وبلاوي الله يحفظنا ويحفظ بناتنا يعني ننصح البنات
ينتبهون
ويحاولون كثر مايقدرون يخلصون شغلهم بالبيت احسن واضمن لهم







نهاية الموضوع اللي مدري شنو يبي



بنت عمي اللي تطنزت عليها هي الحين تدرس بامريكا لغة وبعدها بتبدي تخصصها الله يوفقها ويسهل عليها ماندري يمكن
الموقف اللي صار خلاها تفكر جـدَيا تدرس لغه بالمقابل الموقف خلاني
الله يجازيني واخسر 70 بسبب غبائي






نصيحه لخواتنه واخوانه طلبة الثانويه


كثر ماتقدرون تعبوا ودرسوا واستغلوا هذه الايام بتتعبون شهر شهرين وقت الاختبارات النهائيه وبترتاحوون العمر كلله


عن تجربه شخصيه بكل لحظه تمر علي وانا بالجامعه اتمنى لو ترجع ايام
الثنويه واكون درست زين
وخذيت معدل ودخلت تخصص احبه وابيه ولكن ! نقوول عسى انها خيره ان شاءالله

المثل على ما اعتقد يقول
مع الخيل يا شقرا
يعين الخيل الشقرا انا كذا فاهمه لكن يصححون لنا الربع الا اذا انتي متاكده
والله يالشماته شينه مررره
والله يرد بشيء اكبر
والله يستر علينا
ياما وياما تشمتنا

هههههههههههه هذا الي يتطنز

انا مثل بنت عمك مااعرف شي بالانجليش
شكلي اباخذ لغه


بالنسبه للمشاغل ياربي لك الحمد اكره شي عندي المشاغل
الي ابيه اسويه انا واذا اضطريت خليتها تجي للبيت وباغراضي تسوي
من جد قرف هالمشاغلووساخه

لو انك رحتي للصيدليه واخذتي علبة صبغه ب30 ريال وصبغتي انتي كان وفرتي صح ولا<<


لااعاد تطنزين على احد مره ثانيه
وسلمي على بنت عمك

هاذي نهائية الاستهزاء ..
ههههههههههههههههههههههههههه ..

إقتباس سمعت قبل فتره عن صالون مشهوور وعلى مستوى كانت بنت مسويه بودي كير وطلعت الادوات اللي مستخدمينها فيها بكتيريا ومو معقمه وانتقلت للبنت واضطروا انهم يقطعون صبع ريلها

الله يحمي بناتنا وجميع بنات المسلمين من هالامراض ..

وشئ حلو ان الواحد يتعلم الانجليزي تفيدة بأشياء كثيرة
خصوصا هالوقت اللي مايعرف انجليزي يروح يموت احسن له

شكرا لك اختي شوق ع تغير الجو وشكرا لك على الفائدة ..
وسعي صدورنا الله يوسع صدرك بالعافيه ..

انا تصير لي زي ذي المواقف بس موب لاني ما افهم لاني ما اسمعه زين واخلص شغلي واتفاجات بالسعر ههههههههههههههه


بس كلها تهون عند مره رحت كوفي ع اساس البوك فيه فلوس

ومسوي اني داعس وعطني واحد موكا وكذا ويصلح واقعد اشربه ومسوي رايق اقرا الجريده

ههههههههههههههههههههه

الا يوم جا الحساب وجهي موب الوان مدري شلون طلعت من ذاك الموقف هع

يووووووووووة الكويت ذكريات عزيزة على قلبي في هالبلد عيال عمي كلهم بالعارضية
قطعه 3 اظن مدري ماني متأكد والله
المهم بالنسبة للموضوع ارد عليك انا الحمدلله لغتي تمام وماراح يحصلي زي كذا c.u