السلام عليكم ورحمة الله



اخواني واخواتي الاعزاء اكيد يوم الاربعاء كلكم مثلي وارتفع ضغطكم
من ضياع بعض الهجمات السهله التي ربما لو سدد اللاعب على طول جت هدف

او اتاحت له فرصه يناول لصاحبه ولا يتأنن جت هدف


لاعبين الهلال فيهم طبع غير جيد ... اضاعة الهجمات والحصول على مجد شخصي وهدف عالمي شخصي اكثر من انه يهتم فريقه يتقدم ولالا

الفلفسه امام المرمى الى متى ؟؟

هجمة ولهامسون عندما ضيعها وراح يتلاعب امام الحارس .كان بالامكان افضل من ماكان . كان ممكن يناولها ولا يتأنن فيها وتجي هدف


هجمة هوساوي اللي لو ناولها لولي على طول يوم فتح معه جت هدف لآن ولي كان منفرد وماهو مراقب


هجمة الفريدي اللي سقطها من فوق الحارس يبيها تجي ( سلقاطيه ) عشان يقولون واو الفريدي جاب هدف عالمي

وكان الهلال متقدم فقط 1-0 وماهو ضامن النتيجه

واجزم مليون بالميه لو الفريدي ماجلس يتفلسف وناولها للي فاتحين معه جت هدف



امس هجمات امام المرمى ضائعه بالهبل كان ممكن نفوز على الغرافه 5-0 او اكثر


وهذي المسأله مو بس بمباراه الغرافه . تحصل معهم في مباريات كثيره

لكن ضياع الهجمات والتجربه امام المرمى في مباريات مهمه وقد تكون حاسمه لعبه خطيره جدا


امامنا مباراه امام الاتحاد .. نقول للاعبين الهلاليين


عندك فرصه تسجل هدف (( سددها بدون فلسفه )) عندك فرصه تناول لصاحبك ومتأكد لو ناولتها تجي هدف (( لاتتفلسف وتتأنن فيها ))


شفتو امس الفريدي يوم ماجلس يتفلسف جاب هدف على طول



لاعبين الهلال مميزين جدا ولديهم امكانيات عاليه جدا .. الفريدي لاعب يعجبني مميز ومهاري وفنان وايضا بقية لاعبين الهلال


لكن يقهروني اذا جلسوا يستهترون امام المرمى


تكفون يالاعبينا مانبي هالاستهتار هذا امام المباريات المتبقيه


اتركوا الفن والبحث عن الاهداف الجماليه لكي تنتشر باليوتيوب ويعلق عليها وتمتدح فيها

عندك فرصه تسجل سجل ولا تتهاون امام المرمى لان الفرص لاتتكرر

خصوصا مباراه الاتحاد ليست بالذهاب والاياب . هي مباراه واحده فقط مفصليه


لانريد ان نكون على اعصابنا ..



تكفون لانريد ان نكون على اعصابنا


فأنتم ابطال .. وتعرفون هالشي ولاعبين لديكم خبره ومميزين وبإمكانكم الفوز وحسم اللقاء . لكن شوية جديه (( مو شوية الا نبي الجديه بأكملها )




اسأل الله العلي العظيم ان يوفقنا امام الاتحاد ( شقيقنا ) .. ماكنا نريد الاتحاديين يبارونا في دور 16 مو خوفا منهم .. الا والله العظيم اني كنت ابي اكبر تواجد سعودي في الادوار المقبله


.


الى جماهير الهلال : الاتحاد فريق محترم وقوي . لايغركم الاعلام ويغرر بكم احترموا الفرق الاخرى ولاتخدرون فريقكم بأنفسكم ..
فقط نخسر اللقاء لاسمح الله وقد نفوز باحترامكم لخصمكم وجديتكم معهم

كلامك على العين والراس
بس مهارات الفريدي لازم تطلع قدام الإتي وخصوصا وهو بالحالة هذه
وويلي ياليت تورينا فنك يالــبى قلبك (+)
صح الفرص تضيع وبالهبل لكن مافي فايدة

اخوي اعتقد ان الادراة والجهاز الفني ولاعبين فاهمين وعارفيه اهمية المباراة واتمنى ان يكونوا جاهزين لها فنيا ونتيجه

لكن وضع الاتحاد سي نادي حتى الان بدون مدرب ويعيش حال من هبوط مستوى
واتمنى ان الهلال يستغل هذا الضعف في نادي الاتحاد ويكون التاهل من حاليفنا

صحيح فرص ضايعة كثيرة امس بس وش نسوي هذا اللي لازم يصير بأغلب المباريات ..
الهلال بس ينقصة مهاجم صندوق وما يتفلسسف امام الباب والهلال يمتلك هاللاعب بس للاسف جالس بدكة الاحطياط .. !
من يوم ما حضر الهلال ، الاعب عيسسى المحياني لاعب صندوق وما يتفلسسف اما المرمى ، يدل الشباك زين بس اتمنى اعطائة فرصة كافية .. !!

كلام سليم وبقوووه
وان شاء الله نجوم الزعيم قد المهمه وبيحسمون التأهل بحول الله

إقتباس الرسالة الأصلية كتبت بواسطة scorpio alhilali بالأمس تحدثتي بأن الحكم أخرج الهلال بأقل نتيجة - إيجابية - واليوم تعودين بإنزال موضوع بأن لاعبوا الهلال هم من كان السبب .. وللمعلومية ميزة الهلال لآ يبحث عن الهلال بقدر ما ييبعث عن التمريرات و أساليب اللعب الحديثة فـ أسبانيا حققتى كأس العالم بـ 8 أهداف على ما أعتقد ..

الحكم انا معك كان سبب في قلة النتيجة لانه الغى هدفين


لكن ايضا لاانكر ان لاعبين الهلال يضيعون فرص سهله امام المرمى


طيب ماننكر انك لو ضمنت انتيجه هنا تعال تفنن وسوي اللي تبيه


لكن انت متقدم فقط على الغرافه 1-0 .. والوقت باقي وقت ولا ننكر ان الكوره مجنونه

وجتك فرص سانحه امام المرمى ليش ماسجلتها ليش استهترت فيها .. انا هذا اللي اقصده يااخوي


وانا من خوفي على الزعيم وحبي له مابي هالشي يتكرر ونندم

اخاف على الهلال من لاعبيه بس

لازم ننزل المباراة بجديه ,., وبدون النظر على وضع الاتحاد الاداري والفني

مهما كان الاتحاد فريق كبير

والفرق الكبيره ما تعرف الظروف ,., اذا ما دخلنا المباراة وكل الاعبين حاسين بصعوبة البطوله

مو المباراة ,., البطوله بكاملها ,., صدقوني ما راح نمشي في كاس اسيا

يعطيكم العافيه على ابداء ارائكم ..

أتمنى تحضر مهارات بعض اللعيبه قدام الاتحاد لأننا بحاجتها

الهلال محتاج لاعب افريقي يدل الباب

عندي زياييه افضل من ابوعلي الداج

ليت الهلال يهتم في جلب مهاجم في الفترة القادمة لاني بمشئية الله متفائل بفوز الهلال ع الاتحاد ووصوله للدورالثمانية