13/05/2011, 01:43 AM
|
زعيــم مميــز | | تاريخ التسجيل: 20/02/2010 المكان: الشرقيه
مشاركات: 2,375
| |
لاعبين الهلال لوكنتو متقدمين 10 صفر مانبيكم تستهترون امام المرمى ومباراة الاتحآد لاتستحمل الاستهتآر وعدم الجديه السلام عليكم ورحمة الله اخواني واخواتي الاعزاء اكيد يوم الاربعاء كلكم مثلي وارتفع ضغطكم من ضياع بعض الهجمات السهله التي ربما لو سدد اللاعب على طول جت هدف او اتاحت له فرصه يناول لصاحبه ولا يتأنن جت هدف لاعبين الهلال فيهم طبع غير جيد ... اضاعة الهجمات والحصول على مجد شخصي وهدف عالمي شخصي اكثر من انه يهتم فريقه يتقدم ولالا الفلفسه امام المرمى الى متى ؟؟ هجمة ولهامسون عندما ضيعها وراح يتلاعب امام الحارس .كان بالامكان افضل من ماكان . كان ممكن يناولها ولا يتأنن فيها وتجي هدف هجمة هوساوي اللي لو ناولها لولي على طول يوم فتح معه جت هدف لآن ولي كان منفرد وماهو مراقب هجمة الفريدي اللي سقطها من فوق الحارس يبيها تجي ( سلقاطيه ) عشان يقولون واو الفريدي جاب هدف عالمي وكان الهلال متقدم فقط 1-0 وماهو ضامن النتيجه واجزم مليون بالميه لو الفريدي ماجلس يتفلسف وناولها للي فاتحين معه جت هدف امس هجمات امام المرمى ضائعه بالهبل كان ممكن نفوز على الغرافه 5-0 او اكثر وهذي المسأله مو بس بمباراه الغرافه . تحصل معهم في مباريات كثيره لكن ضياع الهجمات والتجربه امام المرمى في مباريات مهمه وقد تكون حاسمه لعبه خطيره جدا امامنا مباراه امام الاتحاد .. نقول للاعبين الهلاليين عندك فرصه تسجل هدف (( سددها بدون فلسفه )) عندك فرصه تناول لصاحبك ومتأكد لو ناولتها تجي هدف (( لاتتفلسف وتتأنن فيها )) شفتو امس الفريدي يوم ماجلس يتفلسف جاب هدف على طول لاعبين الهلال مميزين جدا ولديهم امكانيات عاليه جدا .. الفريدي لاعب يعجبني مميز ومهاري وفنان وايضا بقية لاعبين الهلال لكن يقهروني اذا جلسوا يستهترون امام المرمى تكفون يالاعبينا مانبي هالاستهتار هذا امام المباريات المتبقيه اتركوا الفن والبحث عن الاهداف الجماليه لكي تنتشر باليوتيوب ويعلق عليها وتمتدح فيها عندك فرصه تسجل سجل ولا تتهاون امام المرمى لان الفرص لاتتكرر خصوصا مباراه الاتحاد ليست بالذهاب والاياب . هي مباراه واحده فقط مفصليه لانريد ان نكون على اعصابنا .. تكفون لانريد ان نكون على اعصابنا فأنتم ابطال .. وتعرفون هالشي ولاعبين لديكم خبره ومميزين وبإمكانكم الفوز وحسم اللقاء . لكن شوية جديه (( مو شوية الا نبي الجديه بأكملها ) اسأل الله العلي العظيم ان يوفقنا امام الاتحاد ( شقيقنا ) .. ماكنا نريد الاتحاديين يبارونا في دور 16 مو خوفا منهم .. الا والله العظيم اني كنت ابي اكبر تواجد سعودي في الادوار المقبله . الى جماهير الهلال : الاتحاد فريق محترم وقوي . لايغركم الاعلام ويغرر بكم احترموا الفرق الاخرى ولاتخدرون فريقكم بأنفسكم .. فقط نخسر اللقاء لاسمح الله وقد نفوز باحترامكم لخصمكم وجديتكم معهم |