قال العنب الجاف قال

هههههههههههه

الله يقلع شيطانك

بانتظار الشايب الي يبي يموت

لكن السوال .........,

تتوقعون سوسو يورث شي من هالشايب ؟؟؟؟؟

السلام عليكم ورحمة الله وبركاته
يالله انك تحيين انا والربع الي يقرون
لاحاطتكم علما اخبركم
باني بعد ما قدمت القصه لاحد حطمن وقال وش القصه ذي احلت الاوراق بالزباله , الله يتسرمكم
انا الصراحه ان القصه كانت كبيره بعيني وقلت والله ما احلته , بكمله وبالعامي بعد
ما يستفاد من المكتوب فالاعلى اني بكمل باللهجه العاميه القصيميه
وتقديرا مني وراعاة لشعوركم << اقول لا يكثر , عدلت بعض المصلحات الى مصلحات مفهومه للجميع
بسم الله
عرفنا ان سوسو ما كان يتكلم عربي اطلاقا , لكن بعد مرور الايام صار يعرف شوي من الكلمات , يعني صار التفاهم بينه وبين الشايب ابو صالح سهل وصار كل واحد يفهم للثاني .
ابو صالح جاه مرض والزمه مصاحبت الفراش , كانت الزياراة تتوالى على مزرعة الشيخ ابو صالح , وسوسو ما قصر بالخدمه , قهاوي وعلوم ارجال ويقرب التمر للضيف ويقوله (اقدأ) يعني اقدع .
اشتد مرض ابو صالح ومنع ابناء ابو صالح الناس من زيارة ابوهم , لانه موب ناقص ازعاج .
اشتد مرض ابو صالح في احد الليالي الي كان منفرد فيها مع العامل سوسو , وطلب من سوسو انه يكلم الاسعاف , سوسو فهم كلام الشايب بالاشارات وحركات يده, ولما جاء سوسو بيسال ابو صالح اغمي على ابو صالح .
سوسو ما يعرف رقم الاسعاف , ولا يعرف يسوق ددسن ( الونيت ) ابو صالح .
بعد ما جلس سوسو مع نفسه , وبعد العصف الذهني ما لقى الا حل واحد , سوسو استخدم هذا الحل لان الوقت يحتاج تصرف سريع ولا ممكن يصيب ابو صالح شيء ما ينتظرونه ابناؤه .
بعدما نتهت جميع افكار سوسو قرر انه ينفذ الحل هذا وخلاص .
1-جاب العربه الخضراء الصغيره الي ينقلون عليها البرسيم والعلف .
2- جاب اضخم ثور بالمزرعه .
3- حبل قوي .
ربط العربه بالثور وضع ابو صالح بالعربه , لحظه بسيطه لهى سوسو عن الثور .
الثور شغل التيربو ودعس الفرامل والبنزين على اقوى شيء وفك الفرامل , وينطلق بسرعته القصوى نحو جدار المزرعه سوسو عجز يصدق , لانه ان صدم الثور الجدار فعلى ابو صالح السلام , بعد ما انطلق الثور من شبكه اتجه للباب ضرب بعض الخشب الي جوا الشبك , بما ان الثور ضخم وثقيل تمكن سوسو من اللحاق بالثثور .
مسك سوسو طرف الحبل على انه بقدر يوقف الثور , لكن ما فيه . . . الثور خلاص صافط الطبلون كله وفصل بعد .
ما بقى قشعه او جذع او رشاش ماء او حوض او نخله او شجره ما صدمت سوسو .
سوسو راح وطي خلاص انتهت طاقته ليتحمل انه يمسك بالحبل , لكن الي خلا سوسو متمسك للحين خوفه على الشايب .
وانواع المطامر . . . (( يعني يروح فوق بعدين يجي صاروخ على الارض دردب))
بعد ما جلسو 3-5 دقايق في المعركه .
صك وجه الثور في جدار المزرعه بسبب الظلام وانشق راسه ودخلن قرونه في راسه وتقطع اشلاء بعد الحادث الشنيع .
لكن وش صار عل سوسو .
بعد ما صدم الثور الجدار فقد سوسو الامل بان يبقى الشيخ حي .
سوسو من قوة الصدمه طار فوق وصقع الجدار وانكسرت يده وانشق راسه وما بقى عليه ملابس الا شوي يغطى ما يطلب تغطيته .
عز الله الي اجتمعت كل المصايب عليك يا سويس , انت تكسرت والثور الوحيد مات والشايب وش صار عليه يعني ؟؟؟
سوسو قال لا عادت على الي يهتم بالشيبان . . . . . . . . . وما يشعر بنفسه الا هو كد نااااااااااااااام.
ويصحي على هواش كفيله ولد الشايب بد ما وجه لسوسو كف طازج من الكيس الى الفم
سوسو من الروعه راح ضم كفيله , طبعا مع حمقة كفيله يجي ويضمه بعد , اخذ كفيله اقرب خشبه على الارض . . . وليته ما اخذها , كانت خشبه عريضه مطقوق فيها مسامير .
للمره الثانيه يتوسد سوسو بطن الثور بعد ما وجه له ضربه خارق مع قليل من بهارات المسامير وشوي من الغبار , كذا تكون احلى دوخه .
يصحي سوسو على حرارة شمس الظهر وكان تحته الثور الي مايت , وكان يحس وجهه يتشقق من الدماء الجافه .
بعدما استوى واقف بدا يتابع كيف وصل لسور المزرعه الكبيره هذي وهو كن في بدايتها .
ثور منجطل على الارض بدون راس , وعربه رايحه وطي متكسره , ويد سوسو متورمه مره و وجهه كله جروح من مسامير الخشبه الي ذاقها قبل ينوم النومه الثانيه .
لكن لحظه . . . . . . . . . . الشايب وينه راح ؟؟؟؟
ما فيه اثر شايب هنا ولا قريب . . . . . آها ممكن كفيل سوسو اخذه معه للمستشفى بعد ما جاء الفجر .

إقتباس اتجه للباب ضرب بعض الخشب الي جوا الشبك

^^^^^^^^
تذكرون هذي
من ذيك اللحظه طاح الشايب من العربه يعني الشايب بكل خير وسلامه مجرد كسر باحد اصابع ايدينه .
سوسو بعد ما ارتاح وعرف ان الشايب ما جاه شيء اغمي عليه لان طاقته انتهت خلااااااااااص .
أخذ بسوسو للمستشفى قبل ما يخلص دمه من كثر جروحه .
الاكمال في الجزء القادم وهو الاخير وبتعرفون الهدف من القصه .
يالله تمسون على خير

شكرا على القصة وبنتظار الاجزاء القادمة ..

شكرا يابطل ..

إقتباس الرسالة الأصلية كتبت بواسطة Ď7Ǿỏ₥Ị ياليتك بس ماكتبت قصة ابد تكتب يوم وتوقف اسبوع اخلص علينا

مشكوووووور يا ولد العم وإلى الامام بأذن الله

السلام عليكم ورحمة الله وبركاته
مساكم الله بالخير يالربع
انا فيه شيء دابلن تسبدي
تدرون وشو
هالي يقولون يوقف اسبوع ولا اسرع وبسرعه لك يومين ودري وشو
انا برد عليكم شيء وحا بس
الموضوع الاول يشهدلي اني انزل كل يوم جزء لكن الظروف والاشغال الله يشغلنا بطاعته
هذي ردي لكم يا مزعجين وخاصة الامراتيين سبحان الله عليهم ازعاج
يا جماعه الي فوق ذا كله كنت اهذري بس
ولا كل الاعضاء هنا ـــــ>
ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ ــــــــــــــــــــــــــــ
بعد ما حصل لسوسو ما حصل من مشاكل وقتال مع الثور الضخم . . . . .
نقل على اثرها للمستشفى , وسوسو طبعا ما بقى من جسمه شيء سليم كله متكسر او مصاب .
انتم خابرين ان سوسو كان عند الشايب والشايب كان تاجر , والشايب الآن بنفس المستشفى الي فيه سوسو لكن سوسو بقسم التنويم يعنى نجى من الموت لكن الشايب وين الشايب في غرفة الانعاش .
اصابات الشايب خطيره جدا جدا جدا والتنفس عنده ضعيييييف مره .
دخل الدتور على سوسو وعطاه ابره قطعت سوسو عن الحياة ثلاث ايام .
صحى سوسو من السبات العميق وكمل اجراآت الخروج مع ولد ابو صالح الكبير .
سوسو توقع انه بيرجع للمزرعه عند الشايب , لكن راح لمكان غريب , وهو ايضا ما كد طلع من من المزرعه ما كد شاف المدينه والشارع والناس والاسواق والتاريخ ذاك الوقت 1975م .
المكان الي راح له سوسو كان المحكمه لاكمال اجراآت اوراق الورث .
سوسو تلقى خبر وفاة الشايب بقوة قلب وتحمل هذا الخبر , لكن الي اوجع قلبه هو انه اكيد راح يدفع شيء لابناء هالشايب , وهو جاء مفلس ومتاكد انه بيرجع مفلس .
كانوا الي داخل المحكمه ينتظرون المترجم عشان يفهمون سوسو وسوسو يفهمهم .
وصل المترجم . . . . . . .
موظفين المحكمه كانوا يتكلمون مع المترجم ويقولوله السالفه ويفهمونه وش بيصير .
سوسو شاف على عيون الجميع نظرات الحسد .
يمكن يعتقدون ان سوسو هو الي قتل الشايب عشان كذا ينظرونه بنظرات حاده مثل ذي .
الآن جاء دور المترجم مع سوسو .
المترجم ما كان وده يرجع سوسو مره ثانيه للمستشفى لكن اعطى سوسو علبة ديو وقاله أوي البك يا راقل
المترجم متوقع 100% سوسو بيرجع للمستشفى بعد الخبر ذا
تلعثم لسان المترجم وقال الخبر لسوسو ....
المترجم : بناء على وصية الشيخ ابو صالح , فان العامل سوراديقوه علي حسن جي تي اي / يحصل على 3 ارضي من اراضي الشيخ ابو صالح والي تقع بالحي الـ... , ويحصل على مبلغ مالي وقدره 15000000$ 15 مليون ريال .
والمبلغ هذا ما يهز شيء من حساب الشيخ ابو صالح .
سوسو كان بيغمى عليه لكن بعد ما شرب الديو بالفعل قوى قلبه وتحمل الكلام ذا الي سمع .
لكن ديو ولا عصير الربيع سرير المستشفى يشكي يا سوسو .
أغمي على سوسو واخذوه للمستشفى .
صحى بعد 15 ساعه <<< الرقم 15 كل شوي
طبعا ابناء ابو صالح رفضوا يستمر سوسو تحت كفالتهم وبقا سوسو معلق بدون كفيل .
كان فيه ممرض في المستشفى مطوع ودين وكلامه مؤثر , كان هو الي ساعد سوسو انه يعتنق دين الاسلام والحمدلله .
.............................................................................................
دخل بمزاج سوسو انه يكون داعيه وخصوصا بعد ما اغناه الله .
وبالفعل يلتحق مع مجموعة دعاة ويتعلم اللغة العربيه الفصحى .
وصار داعيه مؤثر ومحبوب لدى الجاليات الي بالسعوديه .
وما اكتفى انه يكون داعيه بس , راح يطلب العلم وصار عنده علم كبير ونقدر نقول مفتي .
دخل بمزاجه فكرة .
قال ليش ما ارجع لقريتي واحسن سمعتنا بين الناس واكون غير طبع ابوي .؟؟
وجاء اليوم الي بيرجع فيه لقريته وكان مجهز كل شيء .
مطويات وكتب ومصاحف ووو ....
بعد ما وصل لمطار دولته لاحظ ان فيه احد من يوم هم بالطياره وهو يراقبه , بدى سوسو يشك بان هذا بيسوي مشكله كبيره لسوسو . لكن شرب علبتين ديو عشان ياوي البه <<< ازعجتنا انت وديوك
اتجه سوسو لمقر التكاسي وما حصل الا حصان واحد وهو كان يبغى اكثر من واحد عشان الاغراض الي معه .
سوسو على باله انه في السعوديه امن وتمشي لحالك ما تشعر بالخطر ( الحمد لله ) .
وهو متجه لطريق قريته قبله في الطريق قطاع الطرق .
اعطوا سوسو خيارين
1- انك تجي معنا وتبقى فلوسك معك وتصير عضو من اعضاء العصابه
2- ناخذ كل شيء معك وانت نترك بسلامتك تروح لقريتك .
سوسو تحسف على ثروته وجلس يفكر شوي .
قرر انه يختار الخيار الاول .
وبعد 10 سنوات .
صار سوسو اشهر رئيس عصابه في دولته, سرق, نهب , قتل . . . .
وصار مطلوب بمآت الآلاف .
لكن تمكنت الدوله من الامساك بسوسو
وادخل السجن بعد ما عوقب وجلد حكموا عليه بسجن طول الحياة
تحرك قلب سوسو شوي وتذكر وش كان يسوي في السعوديه من دعوه وصدقات .
وفكر يدعوا كل من يدخل عنده في نفس زنزانته .
واسلم على يده 30 شخص .
وبعدها توفى سوسو بعد ما اسلم على يده 30 شخص واكثر منهم في السعوديه .
..............................................................................
النهايه
وبعد ما وصلنا للنهايه اقول الحمد لله وما بغت تقضي هالقصه عاد ليته تسوى بس بغيت اعطيكم معلومات
القصه هذي كتبته وانا في اول متوسط
ان كان فيه اخطاء مثلا مثلا الخيل ما يركب مثلا فانا كنت باول متوسط ولا اعرف شيء
من اول متوسط وانا اموت بالديو
من اول متوسط وانا احب الفريدي والرقم 15
من اول متوسط وانا احب المطاوعه
.................................................
انا من الموضوع الاول كتبت ان الي وقته غالي عنده لا يكمل صح ولا لا ؟؟؟
********
مره كتن تفرج في اليوتيوب
لقيت مقطع والله شغلته امس كله وكل شوي اعيده ما مليت منه وانا الحين اسمعه
YouTube - ‫شيلة الاقدار اداء سعد اليامي من اخراجي‬‎
والقادم احلى باذن الله
مع السلامه

الله يرحمنا برحمته و يرحم موتى المسلمين

يا عمي الشيخ

كم جزء باقي

إقتباس كم جزء باقي

ما بقى شيء يالذيب
والله انتم حارين
تحرقون الواحد احراق اعوذ بالله من الشيطان الرجيم
تسلم على المرور المحطم

يقول المثل :

قديمك نديمك
لو الجديد أغناك


قال الواحة قال

الله يهديك بس

ومبرووووك النك الجديد

هذولاء الي يضبطون علاقاتهم مع المشرفين


اما القصة


قصتك رائعة رائعة رائعة من دون اي مجاملات

بغض النظر عن أخطائك الإملائية الي تدبل الكبد واستخدام لهجتك القصيمية بشكل مفرط


والصراحة شوقتنا وحمستنا على مدار شهر كامل


وصرنا ندخل المجلس العام يوميا مخصوص على شانك



ونتمنى من الجميع وضع قصص من تأليفهم ومشوقة مثل طريقة هاذي


واتمنى من الاشراف وضع مسابقة لأفضل قصة من مثل هالنوع


والله اتوقع ان تصير مسابقة رهيبة وتبي تطلع المواهب القصصية عندنا بالمنتدى

الرجاء من المشرفين التفكير بجدية في مثل هالمواضيع


والسلام عليكم ورحمة الله وبركاته

دقيقة دقيقة !

أنت وش أسمك أول ؟

إقتباس الرسالة الأصلية كتبت بواسطة تركي السلماني دقيقة دقيقة ! أنت وش أسمك أول ؟

ما اعرف اذا ترجمتي صح

تذكر ابو قصة ما لها اخر

العرانه بس بالانجلش

و اذا خطأ يصلحه بنفسه

إقتباس الرسالة الأصلية كتبت بواسطة حروف الغلا ما اعرف اذا ترجمتي صح تذكر ابو قصة ما لها اخر العرانه بس بالانجلش و اذا خطأ يصلحه بنفسه

إقتباس يقول المثل : قديمك نديمك لو الجديد أغناك قال الواحة قال الله يهديك بس ومبرووووك النك الجديد هذولاء الي يضبطون علاقاتهم مع المشرفين

انا غيرت اسم الحي عشان ما يعرفن احد
لكن المشرف الله يجزاه خير غيرلي قبل ما يروح الموضوع ذا للصفحه الثانيه
اما آخر جمله فانا اقولك لا يكثر

إقتباس دقيقة دقيقة ! أنت وش أسمك أول ؟

الحين انت كنك تعرفن يوم تسالن عن اسمي هاه وش عندك تسال لا الحين اقوم اخلطك
ياحيالله الشيخ تركي
انا كان اسمي
mr.al3rana
مستر . العرانا

إقتباس ما اعرف اذا ترجمتي صح تذكر ابو قصة ما لها اخر

تراي ما افهم الا قصيمي
وش معنى الكلام ذا الي فوق

إقتباس آهآآآ العريني مفرد العرانى توي أتذكرهـ الله يوفقه و يثبته على عشق معشوقه يارب العالمين

العرانى ؟؟؟؟
اتوقع تكتب العرانا
لكن وش يعرفك بالعريني ؟؟؟
انا ودي احط المحرر الكامل او الرد المتطور لان الفيسات على قولت اهل البي بي تعطيك تعبير للوجه صح لكن اذا حطيته يعيد الكمبيوتر من نفسه
صاكه فايروس ابن كلب
الله يشفي كمبيوتر ويرحم جدتك
مشكورين على المرور والآراء