01/04/2011, 04:04 AM
|
 | زعيــم متواصــل | | تاريخ التسجيل: 08/05/2010
مشاركات: 66
| |
|
موبايلي تغرر بالمستهلك وتحتال عليه . . .ابي حل عاجل
بسم الله الرحمن الرحيم
السلام عليكم ورحمة الله وبركاته
أخواني أخواتي الأعضاء
مساكم الله بالرضى والعافية
لقد حصلت لي مشكلة مع موبايلي وانا أعتبرها من وجهة نظري نصب وإحتيال وتغرير وخداع والسبب هو أني مطلع شريحتين من أول ما بدت شركة موبايلي في السوق السعودي تقدم خدمة الإتصالات ...
ولا كنت اواجه أي مشاكل ولكن بعد ما نزل الآي فون 4 للسوق قررت أشتري جهاز من موبايلي المهم رحت لفرعهم اللي بسوق غرناطة وقلت للموظف ابي هاتف اي فون 4 بس ابي الشريحة برقم مفوتر والله يا جماعة الخير ما قررت أخذ رقم مفوتر الا لكي تستفيد مني موبايلي لأنها الراعي الرسمي لنادي الهلال قام الموظف مشكور وقالي تدفع ما يقارب 2550 ريال قيمة الجهاز مع الشريحة لمدة شهرين وكل شهر تدفع 90 ريال ولك عرض مجاني 250جيجا بايت باقة نت و60 دقيقة مكالمات مجانية و60 رسالة كل شهر طبعاً انا ما همني كل ذا المهم عندي والله هو المساهمة في دعم الشركة قلت للموظف ابي باقة الموج الأزرق قال لي لا الباقه اللي انت عليها هي باقة الأي فون4 ولا نقدر نحط لك باقة الموج الأزرق قلت له دام نظامكم كذا لا مانع لدينا المهم أخذت الشريحة ولا حطيتها بالجهاو الا بعد ثلاث أيام من إستخراجها وبعد ما فعلت الشريحة بثلاث أيام أخرى وانا نايم الا جتني رسالة من موبايلي تقول لقد تجاوزت الحد ألإئتماني وفاتورتك 630 ريال يا جماعه والله ما كلمت بالجوال الا ثلاث مكالمات ولا تتعدى العشر دقائق الثلاث مكالمات مجتمعة .
المهم أتصلت على خدمة العملاء 1100 وقلت لهم وش صاير جوالي انقطع ويقولي الرد الآلي عليك فاتورة 630 ريال منين جاء هالمبلغ رد علي الموظف قال ما تطلع عندنا تفاصيل الفاتورة ولكن أنتظر ما يقارب 12 يوم تصدر فاتورتك قلت طيب والمبلغ قال إذا عندك إعتراض عليه بعد صدور الفاتورة بــ 7 أيام قدم إعتراض المهم يا حبايبي صدرت الفاتورة وكلمت 1100 وقالي 630 ريال هي إستهلاك أنترنت قلت له سلامات أنت تتكلم جد ولا تمزح قال لي لا هذا اللي ظاهر عندي بتفاصيل الفاتورة قلت له طيب كيف إستهلاك نت يا عمي وخلال ثلاث أيام فقط 630 ريال قال أيه فيه برامج بالأي فون تسوي تحديث مستمر بالجهاز أي فون 4 وهذا سبب أن الفاتورة وصلت للمبلغ هذا قلت طيب ابي اسوي إعتراض على أمل أن موباليلي تتفهم المشكله وع القل يتم حسم المبلغ اللي يطالبوني فيه بغير وجه حق يعني وش ذنبي وانا أول مره أستخدم أي فون والبرامج اللي فيه تسوي تحديث وخلال 3 أيام تتجاوز فاتورتي 630 ريال ...
المهم أعترضت اكثر من مره وفي كل مره يجيني الرد إستخدام النت صحيح ويجب دفع المبلغ او كلام قريب من هالكلام ..
طيب معليش انا جتني رساله من مزود الخدمة اللي هي موبايلي وقبلتها ولا ادري هل هي تعني النت إستخدام الباقة الهدية او العرض اللي ع الأي فون او تشغيل النت بشكل دائم دون الرجوع للمستهلك وكان المفترض في حال أنتهاء العرض المقدم منك بلغنني يا مزود الخدمة أن العرض أنتها والحين راح نحسب على فاتورتك أي إستخدام او بلغني بإنتهاء العرض وارسل رقم كذا لتفعيل الإشتراك في خدمة الأنترنت علشان اكون على علم بما يجري بجهازي .
والشي المهم يا أخواني انا ما كنت اشتغل بالأي فون على باقة الأنترنت اللي مقدمه من موبايلي كنت مشغل الواير لس بالجهاز وشابك على مودم البيت وكنت احمل عن طريق الواير لس ولا هو على حساب الشريحة ..
المهم كلمتهم كثير وفي كل ألأحوال يقولي الموظف ما في حل هذا اللي عندنا نقوله لك ...
نقاط مهمة
01 انا عندي اكثر من 4000 نقطة لم تستخدم من شريحتين سابقتين .
02 كنت أقدر أشتري الآي فون 4 بشريحة مسبقة الدفع ثم أطلع وارمي الشريحة بأقرب ..... ولكن والله يا جماعه كان هدفي دعم الهلال فقط ولا غيره .
03 نظاماً يجب ان يتم الإتفاق على أي خدمة تقدم كي يكون العميل على علم بها ويجب ان يكون هناك إشتراك او طلب مني على هالخدمة كي ادفع وأنا مرتاح البال .
04 الدعوة مهي نصب او إحتيال وتغرير بالناس الدعوة بيع وشراء وعقود منظمه تثبت حقي وحقك .
05 دام ان موبايلي عندها علم ان فيه برامج بالأي فون تستهلك أنترنت وهي اللي تقدم الجهاز والشريحة والخدمة
ليه ما تبلغ العميل بهالشي علشان يكون عنده خبر مو تخليه يدربي راسه ثم تصكه بمبلغ وقدره ..
06 حاولت الوصول لأي مسئول بالشركه يحل المشكله جوابهم ما في حل وصاروا أخس من الإتصالات السعودية ادفع ثم أعترض وينا فيه ترا فيه أكثر من مناقس الحين بالسوق .
07 اقدر اترك الأمر كله وامسك الشريحة واكسرها وارسلها بــ DHL لشركة موبايلي ولا كأن الأمر يهمني وأخر شي افكر فيه شركة موبايلي ولكن أنا كتبت الموضوع ابي حل .
08 شركة موبايلي وقفت الرقم الآخر اللي بأسمي بسبب هالمشكله مع انه رقم مستعمل وهو مع والدتي ... حسبي الله على من سواها ..
المهم يا أخوان اللي بيده حل تكفون يفزع يوصلني للكاف او للأمم المتحده . . .
بس تنحل المشكله وابي ابري ذمتي اولاً واخيراً ولا ابي يبقى برقبتي ريال واحد
ولو انا أستهلكت المبلغ 630 ريال قسم بالله أني لأدفعه بدون تفكير بس ادفع مبلغ 630 ريال بغير وجه حق أعتقد محد يرضاها ....
أخوكم أحب الدنيا بعيونك
للتواصل على إيميل
[email protected]
او الجوال القضية اللي عليه المشكلة
0565522192
هذا والله يحفظكم ويرعاكم
|
قريباً قناتي بحلة جديدة
الوضع العادي
