| طيب تبي المصيبة ؟؟؟
انا صارت لي هالمشكله بالضبط .... لكن مو ع ايفون ...
صارت لي على بلاك بيري
من شركة زين ....!!!
بعد 10 ايام من سدادي للفاتورة قطعوا الخدمة
وجاتني فاتورة ب976 ريال
ويوم ازعجهم واعتراضات ومدري ايش
طلع يقولون اني مستخدم البلاك بيري في ( الولايات المتحده الامريكيه ) وقام يحسب الميقا مدري بكم + تجوال
المووهم طلعة ونزلة وشهر كامل والمشرف يوعدوني فيه خدمة العملاء انه يتصل لكن للحين مااتصل
دق واحد من الدعم الفني وقالي نفس المشكله .... يوم قلت له اني مسوي اتصالات بهاليومين اللي حسبتوها بامريكا شوف على اي برج .... قالي صحيح البرج بالدمام وبالجبيل ... قلت طيب كيف ... تلعثم بعدين قالي انها غلطة موظف
ومن ذيك اليوم وهم ممشين علي ان المشكله اني استخدمت كمية بيانات فوق المسموح
وانا اعرف استخدامي ... يخلص الشهر وانا مااستخدمت نصف المسموح لي
المهم مالكم بالطويلة .... بعد ماخلص الشهر ...
نزلولي فاتورة بمبلغ 1190 ريال ... واضافوا لها رسوم خدمة ورسوم بلاك بيري وحاجات ثانية وانا الجوال اصلا مفصول عندي
وطلعت لهم الشركة ولا فيه فايدة .... بالعربي مافي يدك شي
تدق ع خدمة العملاء .... فنانين في التصريف ... وينتظرون منك اي زلة عشان يقطعون الخط
تطالب بالمشرف .... يقولون ماعندهم اي صلاحيات يحولونك عليه
تطلع لفرع الشركة .... يقولك مافي يدنا شي
تطلع للمقر الرئيسي .... ماتقابل الا السكرتية اللي تحت ولايسمحون لك تطلع
في الاخير مالي الا اني اشتكي لهيئة الاتصالات .... واشتكيت ... وهيئة الاتصالات تاخير في الشكاوي وما الى ذلك
اللحين من بداية مشكلتي 3 شهور .... قلت لهم ... ماوراي شي ... ولا انتوا باحسن من موبايلي والاتصالات يوم اسدد لكم ولا اسدد لهم وصفوا سرى
بالعربي ... المشكلة مو في موبايلي والا زين والا النصاب الاكبر الاس تي سي
المشكلة في النظام ... وماللمواطن اي حقوق .... ليش ؟
لان المستفيد منها من كل الشركات ...هم اصحاب سمو ملكيين وناس واصلين ووووو...الخ
يعني مالك اي حق ... وادفع وانت ماتشوف الدرب
لكن بدري عليهم ....... لو ارجع للكينود ... وربي ماادفع شي ..... | 