.ـ-‘’ ][ عبدالله وغادة : فعلاً .. والله انها كانت .. خيرة ..!! ][ ‘’-ـ. - نادي الهلال السعودي - شبكة الزعيم

المـشـاكـس · #1 05/01/2008, 02:26 AM

بسم الله الرحمن الرحيم ..
السلام عليكم ورحمة الله وبركاته ..

ورده .. ورده .. ورده ..

.:][ ~ مدخل ~ ][:.

طبعا انا ما كان على بالي اني انزل موضوع ابد

..
<<< خوش مدخل

..
السالفة بإختصار .. انه كان بيني وبين واحد من الشباب اتصال

..
وبالصدفة ضغطت على ايقونة موضوع جديد

وقمت اكتب كل ما اقدر عليه من الكلام اللي يدور بيني وبينه

..
بعد ماقفلت .. جلست اقرأ وش كان مكتوب .. وانتبهت وقتها اني فاتح صفحة موضوع جديد ..
فقلت لنفسي . الشباب يستاهلون موضوع .. وبكتب ما يطرا لي هالحين ..
لكن بالتأكيد انه يدور حول الموضوع الرئيسي للمكالمة

..

فرجاء .. تروكم الحين فهمتم السالفة .. اللي ما ناسبه الوضع .. يحطني في المحظورين

..
ويفكني و يفك نفسه

..

.:][ ~ مـشـاهـد ~ ][:.

مجرد امثلة لأحداث تحصل في حياتنا اليومية .. وغيرها كثير ..

ــ 1 ــ

الصورة : حسن وعبدالله ماشين ورى بعض كل واحد بسيارته و معه مجموعة شباب ..
الصوت : صوت سيارات .. وش تتوقعون يعني ؟

..

بإختصار عبدالله فوّت المخرج اللي اخذه حسن .. ولا امداه يرجع ويدخل مع المخرج ..
عبدالله : الله -طوووط

- .. فات علينا المخرج

..
واحد من الشباب : خيرة يا عبدالله خيرة .. المخرج اللي بعده وانا ارجعك هنا .. بس كلّم حسن قله لا يشد .. خله يمشي على مهله .. تراني ما ادل كثير

..

..(( بعد عشر دقائق )) ..

عبد الله يتصل على حسن ..
عبدالله : ياخوك فينكم بالضبط .. انا ضيّعت المخرج .. وهذاني رجعت لك هالحين ..
حسن : يا رجال لو دريت ما جيت من هنا .. زحمة ترفع الضغط .. شكله فيه حادث ولا تفتيش قدام

..
عبدالله : انا هالحين على طريق ............ والظاهر اني قدامك .. ولا فيه زحمة ولا هم يحزنون .. عطني وصف المكان بالضبط ..

وبعد ما اعطاه الوصف قفل عبدالله الخط وقال لأخوياه : والله يا شباب انها بالفعل كانت خيرة

..

ـــ 2 ـــ

الصورة : مجموعة طالبات ينتظرون الاختبار في ( القاعة - اللجنة - الزنزانة ) كل شخص ومكان اختباره

..
الصوت : اكيد صجة طالبات

او بواري اذا كانوا ينتظرون في المواقف

..

غادة تجي عند خوياتها وهي خائفة ومتوترة ..
تقول : باقي لي بابين في المنهج ما لحقت اذاكرهم .. والله انا خايفة ولاني عارفة فيهم شيء ابد

..
بقية البشكة

: يمديك ذاكريهم .. او على الاقل اقريهم قراءة بس بتركيز

..
غادة : المشكلة اني مخلصة الابواب الاولى من بدري .. بس مدري وش فيني نمت ولا صحيت اخر الليل عشان اكمل

..
سعود

: لا ما عليك .. ان شاء الله خيرة .. اهم شيء انتي استغلي الوقت هالحين

..
<<< سعود هذا خروف

اصّر الا ان اسمه يكون موجود

..

..(( بعد الاختبار اللي ما جاء فيه ولا سؤال من البابين الاخيرة ))..

غادة وعلامات الارتياح ظاهرة على وجهها الصبوح

<<< شطحة مالها داعي

قالت : الحمدلله .. والله صدقت اللي قالت انها خيرة .. والله انها كانت خيرة فعلا

..

ملاحظة :
طبعا انا وضعت شخصيات المشهد الثاني بنات .. لأن الشباب اذا جاء واحد وقال بقي لي بابين ..
يقولون له البقية : على شحم .. احنا ما ذاكرنا الا بابين

..
ويرجعون يسولفون زي ما كانوا

..

.:][ ~ الـمـقـصـد ~ ][:.

جميعنا نعلم اننا مسيّرون في دنيانا ولسنا مخيرون ..
وجميعنا متأكدون من ان ما يحدث لنا في حياتنا هو بقضاء الله وقدره ..

ولكن ..

ليس الجميع متيقن من ان الاحداث التي تمر بنا هي خيرة بالفعل

..
فهو قد يقول بلسانه انها خيرة ..
ولكن قلبه لا يعتقد ذلك ما لم ير بعينه ما قد يحدث له لو فعل ما صُرف عنه ..

صاحبنا حسن - في المشهد الاول - ما كان متأكد انها خيرة الين عرف بوجود الزحمة ..
ولو كان غير ذلك لما قال كلمة " فعلا " ..
وكذلك غادة في المشهد الثاني ..

يجب علينا كمسلمين ان نوقن ان ما يحدث لنا من امور ..
هي خيرة لنا بالفعل ..
بدون الحاجة الى معرفة الاسوأ الذي قد يحدث ..

.:][ ~ مخرج ~ ][:.

خويي صاحب الاتصال .. كان يمر بمعاناة لأكثر من اسبوع .. وانا كنت اصبره واقول له انها خيرة ..
وانحلت مشكلته .. وكانت نهاية اتصاله هذا " والله انك صادق يا عبيط وانها كانت خيرة بالفعل "

..

فتذكرت اني كثير اسمع هالجملة من كثير من الناس ..
اللي اعرفه واللي ما اعرفه ..

فكتبت هالسطور وانا على موعد على اني اجيب العيد في اختبار بعد اقل من 11 ساعة

..
لكن ان شاء الله انها خيرة " فعلا " ..
فعذرا على الاخطاء .. وعلى التنسيق بعد

..

دعواتكم ورده ..

.

شـــذى · #2 05/01/2008, 02:31 AM

صدقت بكل كلمة قلتها ما أحد يدري وين يكون الخير فيه

إقتباس


	فهو قد يقول بلسانه انها خيرة ..

للأسف إنها تحصل معي كثير ....

أما الإختبارات ما أقول الله يعينا عليها ..

المشاكس ..

الله يعطيك العافية ويوفقك بإختبارك ..

دمت بكل خير .

ورده

abo_nasser · #3 05/01/2008, 02:33 AM

هلا والله بـ عبيط المشاكس..

حياك الله خيووو ...

لقد انني نويت احجز واسحب عليك لكن ما هنت علي..

ياخالي ياخالي ..ياخاليييييييي <<<<<يسمعى اغنيه وهو يرد

المهم احس اني شطحت ما فيه الكفايه لمدة اسبوع قدام..

كما قال مفكرنا الكبير الانسان مخير ومسير وليس مسير فقط....

والله ياطويل العمر تصير كثير اوقات نقول حظ واوقات نقول خيره وانا في
رايي انها توفيق من الله ...

موضوعك جميل خيووووو ..
وانا ارى ان خسارة الهلال الاخيره باذن الله خيره للفريق ..

والله يوفقك ويوفق الجميع .....

سلااااااااااااااااااااااام

AL BRENS-14 · #4 05/01/2008, 02:37 AM

اية والله انها خيرة

مشكور يالغالي على موضوع السهره

بس اخوي زي ما يقولون مره تصيب وعشرة تخيب اسئل مجرب

والله بدامك جبت طاري الاختبارات

خذا هذي قاعده لك >> امش يا اسامة بن لادن

نحن امة لا تهزنا الرياح العواتي فكيف بأجب على السؤال الآتي .>>> اطلع برا

leo messi · #5 05/01/2008, 02:38 AM

.
.

هلا والله عبيط يالله حيه المتغلي خخخخخخخخخخخ

ياخي وراك متغلي هاه ؟؟

ولا عشان كم قرش اخذتهم من المسابقه <--- قايلك بيكرهك في الجائزه

المهم لاعاد تتغلى

ترا اشين شيء ان الشخص يتغلى على اخوياه..!!

نجي للموضوع قبل شوي نزل من عندي واحد قال ياولد فيه مطر يرش بخفيف
خلنا ننزل برااا ونشوف الجو قلت طيب .. واحدث الا وعبط بط

منزل موضوع

قلت : اقول سقها منيب رايح دام السير اليكس عبيط فيرجسون منزل موضوع
لزوم ارد عليه ومن ثم بنزل

وانا قاعد احرر الرد الا وهو جايني ينتفض تقل يمشي على سست

من البرودة
وش فيك يافلان قال : لو تشب فيني ماحسيت فيك من البرد اللي برا

قلت : اجل خيره يوم مانزلت وقعدت امخ مخ لموضوع عبط بط

الزبده .. ان فيه اشياء كثيرة نتحسف عليها ولا نعلم انها خيره لنا ..!!
وياليت خويك ذا كل يوم يدق عليك عشان تنزل موضوع يالمتغلي

عبيط !! والله مهيب مجامله ودايم اقولها اني من الناس اللي رايحين وطي يعني زي متعب

مع ردودك ومواضيعك لأنك ماشاء الله تمتلك غير الخمسه الاف حق الجائزه

اسلوب رووووعة بكل ماتعنيه الكلمة سواء من خلال خلال ردودك او مواضيعك ..!!

عواااااااااااااااافي ياعبيط على الموضوع !!

.

حتى ظلالي هلالي · #6 05/01/2008, 02:49 AM

هلا عبيط ورده

إقتباس


	..(( بعد الاختبار اللي ما جاء فيه ولا سؤال من البابين الاخيرة ))..

أجل رايكـ أسويها باختباراتي يمكن تصير خيرهـ ( فعلا )

وأنت لا تذاكر الاختبار يمكن يصير خيرهـ فعلا

<<< اكبر خروبيهـ بالعالم

أتسذب عليكـ

خلكـ شاطر وذاكر عشان نسوي لكـ حلفهـ << لاتصدق

تلاحظون إني طولتها

ربي يوفقكـ عبيط بالامتحان ورده
والله الله نبي علامات كاملهـ

تحياتي ورده

هلاليه كووول22 · #7 05/01/2008, 02:53 AM

إقتباس


	..(( بعد الاختبار اللي ما جاء فيه ولا سؤال من البابين الاخيرة )).. غادة وعلامات الارتياح ظاهرة على وجهها الصبوح <<< شطحة مالها داعي قالت : الحمدلله .. والله صدقت اللي قالت انها خيرة .. والله انها كانت خيرة فعلا ..

دايما تصير معي

<< قولوا ماشاءالله

وسبب عدم المذاكره مو تعمد الوقت مايكفي

<<< ماتذاكر ألا الامتحان بكرةوتبي تخلص المقرر

وبالتوفيق باختباراتك وكل من عنده اختبارات

وألف شكر عالموضوع
ويعطيك ربي ألف عافيه

أبوالعتاهية · #8 05/01/2008, 02:57 AM

موضووووع رووووعة

الله يقطع ابليسك اجل المشهد الثاني خليتهم بنات,,,,

ملاحظة :
طبعا انا وضعت شخصيات المشهد الثاني بنات .. لأن الشباب اذا جاء واحد وقال بقي لي بابين ..
يقولون له البقية : على شحم .. احنا ما ذاكرنا الا بابين ..
ويرجعون يسولفون زي ما كانوا ..

وبالفعل يا ماصارت مثل هالمواقف ويعطيك العافية وننتظر قلمك

ملك الأحساس · #9 05/01/2008, 03:10 AM

هلا والله مشاكس

تشكر على الموضوع

عبـدالمحسـن · #10 05/01/2008, 03:15 AM

منتب عاقل يالمشاكس..منزل موضوع

كلمه خيره دايما أقولها..وخاصه أوقات الأزمه
أحيانا ودكـ تقول خيره..بس عندك ناس ما تقدر

ثانك يو مشاكس
سي يو

الـمـشـاغـب · #11 05/01/2008, 03:55 AM

منب راد على موضوعك ..

قل خيرة

---------

يؤ .. وش اللي خلاني أرجع أكمل الرد؟

أكيد أنك قايل خيرة

عبيطووه .. مشاكسوووه .. متغليوووه .. قاطعوووه .. أكرهك

الله يسامحك بس من هاللي تتغلى عليه؟ أكيد أنه متعب هاللي رايح وطي معك

أنصحك تاخذ بالك من هالأعضاء اللي كذا .. تراك غالي عندي وأخاف عليك

نرجع لموضوعك ..

فعلاً والله أشياء كثيرة تمر علي في حياتي أقول فيها خيرة وعسى أن تكرهوا شيئاً وهو خير لكم .. والحمد لله أكتشف أنها فعلاً خيرة

يوم تعرفت على ليو ميسي قلت يا رب وش هالبلشة؟ بس قلت خيرة ..

وفعلاً كانت خيرة واحتجت سبعة ريال سلفني اياها ليوميسي

صحيح أنه قال والله ما أسامحك فيها لين ترجعها .. لكنه ما قصر سلفني اياها

نرجع الحين لموضوع تغليك

تبي الجد؟ من حقك تتغلى لأنك اغراء

بذمتك .. أريام ولا مزعل فرحان لو يتعرفون على التماسيح اللي تعرفهم .. بذمتك راح يتغلون أو بيعطونهم وجه؟ ما لك علي يمين أن ما يعطونهم حتى برطم

لأنه من حقهم يتغلون .. جمال ودلع وفلوس وشهرة .. وتبيهم يعطون ماجد مقبل أو فياض وجه بعد؟

نصيحة مني .. ولا تهتم بهالسلاتيح .. تغلّ عليهم .. قسم بالله ما يخقق إلا اللي يتغلى

اسألني أنا عن التغلي .. بالاستراحة أمس كل خمس دقايق أقول .. أستاذنكم يا جماعة أبمشي .. وتلقاهم يتمسكون فيني ويحلفون علي أن أقعد

<<< يا رب ماحد يجي من اللي حضروا ويكب العشاء

المشاكس

بالله وش رايك فيني يوم جمعت راسين بالحلال؟ بينك وبين متعب وخليتكم تكلمون بعض؟

أكيد أنك ما نمت الليل أنت ومتعب من الوناسة

فمان الكريم ورده

مَاهِينُورْ · #12 05/01/2008, 04:43 AM

..
وعليكم السلام ورحمة الله وبركاته ..
..
ماشاء الله موضوع رائع

..
الله يجزاك خير .. ويارب تتوفق باختبارك ..
..

إقتباس


	سعود : لا ما عليك .. ان شاء الله خيرة .. اهم شيء انتي استغلي الوقت هالحين

إقتباس


	<<< سعود هذا خروف اصّر الا ان اسمه يكون موجود ..

ههههههـ

اسم سعود كثيرا مايسمون بعض العوائل بناتهم في الحجاز بهذا الاسم

..

بارك الله فيك عبيط..!! وشكر الله لك ورده ..

وتقبل مروري السريع وعذراً على ردائة الرد فقد يكون خيرة

..

في امان الله ..

الـساقي · #13 05/01/2008, 05:24 AM

وعليكم السلام ,,

هلا وسهلا المشاكس ,وعامً مباركـ لك وللجميع,

موضوع برغم أن خفيف إلا مضمونه يحمل كلام كبير , كثير تحصل مع مثل هذه المواقــف , وتـتكرر

دائمــاً في مشاهد الحياة .. بعض الأفراد لا يتـقن أو بمعنى اخر لا يدركـ أهمية القلب لهذا الشيء ..

وما جِعل شيء وإلا خيره للشخص المسلم في حياته ودنياه والآية الكريمة أبلغ دليل على ذلك ,,

/

\

المشاكس

موضوع يحمل في طياته معاني كثيرة , و جزاكـ الله خيراً ,,

الله يعطيك العافية , وبالتوفيق لك وللجميــع .. دمت بخير ,,

الغدير الازرق · #14 05/01/2008, 07:27 AM

أهلن سيد عبيط ماشاء الله مواضيعك
مثل المطر ماتجي إلا بالقطارة

أخوي شليويح هذا تسجيل إعجاب بالموضوع
وبكاتب الموضوع

ولي عودة لأني الحين رايح الكلية وعندي إمتحان
والطريق زحمة وحبيت أحجز كرسي قداام مع الشيوخ

سحرالشرق · #15 05/01/2008, 07:51 AM

وَرَبُّكَ يَخْلُقُ مَا يَشَاءُ وَيَخْتَارُ مَا كَانَ لَهُمُ الْخِيَرَةُ سُبْحَانَ اللَّهِ وَتَعَالَى عَمَّا يُشْرِكُونَ" (القصص/68)