.ـ-‘’ ][ عبدالله وغادة : فعلاً .. والله انها كانت .. خيرة ..!! ][ ‘’-ـ. - صفحة رقم 2 - نادي الهلال السعودي - شبكة الزعيم

!رمز · #16 05/01/2008, 08:04 AM

المشاكس

موضوع يحمل في طياته معاني كثيرة جزاكـ الله خيراً ,,
الله يوفقكـ بالامتحان ونبي علامات كاملهـ

.. دمت بخير ,,

خالي من الهم · #17 05/01/2008, 09:50 AM

أمور كانت فيها خيره.
أضفت فياض للمسن وقلت ياولد فيه فرق في التفكير ولكن بسبته تعرفت على سلطانووه

.

إني كبيت العشا في واحد من الأعضاء فصار يحبني ويخاف مني إني أكب عشاي مره ثانيه فصارت خيره

.

إني بالإستراحه دقيت عليك وهو إنتظار فشفت رقمي من عينة أبو ..

فدقيت تتوقع إني سحليه ووفرت على نفسي

.

إني قلت لك ليه تتغلى على أخوك وولد عمك وحبيبك وعمك خالي من الهم فأرسلت له خاص وسويت له توقيع

.

مشاكسوووه غير توقيعك المشكله يسلم وسلطان على بالهم التوقيع لهم ما دروا إنه عشاني فديت خشيشتك ثانيا ترا متعب يغار عليك بقوه مدري ليه

.

عبيط موضوعك حلو ومنتاز مرتن مرتن مرتن ولكن نعم هنالك أمور قد تكون خيره بس مو وحده من السحالي تقرأ موضوعك وتهمل بالمذاكره وتقول أكيد بتكون خيره والدليل موضوع مشاكس

.

ولا واحد يخلي المخرج الي لازم يروح منه ويعديه على أساس إن الموضوع بيكون خيره إسألني ترا أبو طلال يتأثر بما يكتب في المنتديات

.

كل منا يسوي الي عليه والباقي على الله أما إنك ترمي نفسك في حوض سباحه وسخ ومليء بالريحه الشينه وتقول ما بيتأثر جسمي لأن أكيد فيها خيره ولا متوكل على ربي فأقول لا يكثر

<===مثال مدري شيبي.

الي أبي أوصله لا بد من تطبيق الحديث الشريف للنبي صلى الله عليه وسلم عندما قال (إعقلها وتوكل ) ولم يقل توكل فقط.

وبعدها خل أمرك على الله سبحانه وتعالى .

عبيط كل الورود والقلوب الي بهالمنتدى لك والي يغار بكيفه

.

ورده ورده ورده ورده ورده ورده ورده .

abu_riman · #18 05/01/2008, 10:13 AM

المشاكس إنسان مسير و مخير .

عندما يرضى الإنسان بالقضاء و القدر - مهما كان - ففي هذا خيرة له بإذن الله .

شكراً أيها العزيز الغائب .

f*y*d · #19 05/01/2008, 02:15 PM

إقتباس

الرسالة الأصلية كتبت بواسطة خالي من الهم


	أمور كانت فيها خيره. أضفت فياض للمسن وقلت ياولد فيه فرق في التفكير ولكن بسبته تعرفت على سلطانووه .

المشكلة نص ساعة وانا افكر اقبلك ف ـالمسن او لا

يعني هاليوزر واضح عليه انه مدمن خرفنة

يحق لك تقوف فرق فـ التفكير والحمدلله

خيره

عبيط يعني انت بتفهمني ان موضوعك ممكن يكون خيرة للمجلس !

أنا ما ضحكت الا من سيمو الولد متهور وكتبلك رد ع السريع يعني بتقوللي انه موضوع يحمل في طياته معاني كثيرة

ان كان فيه معاني فهي التغلي

أبوريمان يغيب شهرين بس على الأقل يرجع بموضوع تقرا نصه وتاخذ بريك من طوله

الا من جد لا تقوللي الحمدلله اني سجلت فـ الزعيم عشان الجائزة

أقول عبيط موضوعك زي العسل

فتك بعافية

وسلملي على سعود

سلتان حركات الذب من تحت خلها

انت اصلا عندك من يعطيك وجه

جنـــ الزعيم ـــى · #20 05/01/2008, 02:24 PM

وعليكم السلام ورحمة الله وبركاته
قال الله تعالى
( وَعَسَى أَن تَكْرَهُواْ شَيْئًا وَهُوَ خَيْرٌ لَّكُمْ وَعَسَى أَن تُحِبُّواْ شَيْئًا وَهُوَ شَرٌّ لَّكُمْ وَاللّهُ يَعْلَمُ وَأَنتُمْ لاَ تَعْلَمُونَ )
وقال تعالى
( وَمَا كَانَ لِمُؤْمِنٍ وَلَا مُؤْمِنَةٍ إِذَا قَضَى اللَّهُ وَرَسُولُهُ أَمْرًا أَن يَكُونَ لَهُمُ الْخِيَرَةُ مِنْ أَمْرِهِمْ وَمَن يَعْصِ اللَّهَ وَرَسُولَهُ فَقَدْ ضَلَّ ضَلَالًا مُّبِينًا )
والخيره خفيه
لابد من الاجتهاد وبذل الاسباب واذا حصل مالا يتوقعه المرء يقول ان شاء الله في الامر خيره
اخي المشاكس ذاكر وعين خير مو تهمل وبعدين ترسب وتقول خيره
الله يوفقكـ ويوفق الطلاب والطالبات
لاتنسى لكل مجتهد نصيب
اخي امدكـ الله بالصحة والعافية

ڪـيــف الـζــآل ؟ · #21 05/01/2008, 02:28 PM

وعليكم السلام ورحمة الله وبركـاته !

تقـدير رحمن !
ورأفة بالعبـاد !
ولحظة بتيقن في الخالق !

يعطيك العافية

عسيريه · #22 05/01/2008, 04:38 PM

.

.

أهلا بالمشاكس

مآشآء الله الأعضاء مآ قصروآ أثروآ الموضوع بالأيآت والأحآديث
المنآسبه

إذآ فآت عليك شي لا تتسخط ولا تغضب فـ (ـ الخيره فيمآ أختآره الله )

موضوع رآئــ ع بـ مضمونه ,,

المشآكس خليك قريب بـ المجلس دآئمآ

مع التـ ح ــيه

الســفيرة · #23 06/01/2008, 12:44 AM

إقتباس


	..(( بعد الاختبار اللي ما جاء فيه ولا سؤال من البابين الاخيرة ))..

سويتها كم مرة وانتكب يجي من الي ما أدرسه

اليوم كان عندي كويز وجبت العيد والله بس يمكن خيره

الهلالي دائماً · #24 06/01/2008, 10:35 AM

ورده

هلا وغلا ومرحبا من هنا الى هنا بالعبيط الغالي المشاكس ( قلب قد الدنيا )

ومنورنا ياعم بهذا الحضور الكبير والإبداع المستطير والموضوع الخطير ...

أنى لك هذا يامشاكس

وكما قيل الخيرة فيما اختاره الله

وبصراحة أنا ماكان ودي أكلمك بس يوم كلمك مولع قلت بكلمك لعلها خيرة

ــهههههههههههههــ

بصراحة مرة قرأت قصة قصيرة وجميلة عن نفس الموضوع استأذنك بطرحها هنا

في قديم الزمان كان هناك وزير مؤمن حكيم لدى احد الملوك وكان هذا الوزير يردد دائما كلمة
لعلها خيرة إن شاء الله لأي شيء يحصل وفي بعض المواقف لم تكن هذه الكلمة تعجب الملك إلا انه
كان يقبلها على مضض وفي احد الأيام أصابت جرثومة احد أصابع الملك مما استوجب بتر إصبعه فشكا لوزيره هذا الحال بعد بتر إصبعه فقال الوزير لعلها خيرة إن شاء الله فغضب الملك غضبا شديدا وقال أي خيرة في بتر إصبعي وأمر بسجن هذا الوزير فقال الوزير لعلها خيرة وذهب الى السجن ومرت الأيام وفي احدها ذهب الملك في رحلة صيد مع بعض من معاونيه وفي الصحراء أتتهم عاصفة هوجاء استمرت لعدة ساعات وبعد هدوء العاصفة اكتشف الملك أن أصحابه قد ضاعوا منه وهام في الصحراء لعله يجد سبيل الخلاص فمرت إحدى القوافل التي تدين بأحد الأديان غير الإسلام فأسروه ليقدموه قرباناً لآلهتهم فعندما هموا بذبحه اكتشفوا أن احد أصابعه مبتور فقالوا لا يجوز أن نقدم لآلهتنا قرباناً ناقصاً فأخلوا سبيله فعاد الملك إلى مملكته وهو في قمة سعادته وأمر فورا بإخلاء سبيل الوزير وقال له لقد أصبح قطع أصبعي خيرة ولله الحمد ونجوت من الموت ولكن انت كيف تقول ان السجن خيرة فقال الوزير لو لم تدخلني السجن لكنت معك في رحلة الصيد وضعت معك وذبحوني قرباناً لألهتهم فصار السجن خيرة لي !!

شكراً اخي الغالي مشاكس موضوع جميل وطرح رائع وفكر راقي ورده

وشكرا على التنسيق الرهيب

كن بالجوار ,,,

خالي من الهم · #25 06/01/2008, 10:41 AM

إقتباس


	في قديم الزمان كان هناك وزير مؤمن حكيم لدى احد الملوك وكان هذا الوزير يردد دائما كلمة لعلها خيرة إن شاء الله لأي شيء يحصل وفي بعض المواقف لم تكن هذه الكلمة تعجب الملك إلا انه كان يقبلها على مضض وفي احد الأيام أصابت جرثومة احد أصابع الملك مما استوجب بتر إصبعه فشكا لوزيره هذا الحال بعد بتر إصبعه فقال الوزير لعلها خيرة إن شاء الله فغضب الملك غضبا شديدا وقال أي خيرة في بتر إصبعي وأمر بسجن هذا الوزير فقال الوزير لعلها خيرة وذهب الى السجن ومرت الأيام وفي احدها ذهب الملك في رحلة صيد مع بعض من معاونيه وفي الصحراء أتتهم عاصفة هوجاء استمرت لعدة ساعات وبعد هدوء العاصفة اكتشف الملك أن أصحابه قد ضاعوا منه وهام في الصحراء لعله يجد سبيل الخلاص فمرت إحدى القوافل التي تدين بأحد الأديان غير الإسلام فأسروه ليقدموه قرباناً لآلهتهم فعندما هموا بذبحه اكتشفوا أن احد أصابعه مبتور فقالوا لا يجوز أن نقدم لآلهتنا قرباناً ناقصاً فأخلوا سبيله فعاد الملك إلى مملكته وهو في قمة سعادته وأمر فورا بإخلاء سبيل الوزير وقال له لقد أصبح قطع أصبعي خيرة ولله الحمد ونجوت من الموت ولكن انت كيف تقول ان السجن خيرة فقال الوزير لو لم تدخلني السجن لكنت معك في رحلة الصيد وضعت معك وذبحوني قرباناً لألهتهم فصار السجن خيرة لي !!

أبو مقبل سؤال بسيط إنت من الشباب الي دايم كانوا ماسكين الإذاعه المدرسيه

<===معليش أخوي عبيطوه بس هالقصه كل سنه ايام الابتدائي اسمعها بالاذاعه عشرين مره فابي اشوف هل هو ابو مقبل الي يعيد ويزيد في القصه ذيك الأيام

...SoMe OnE... · #26 06/01/2008, 11:18 AM

,,,
,,
,

المشـاكس

الكثير من المواقف التي تصادفني فـ حينَ فواتها يكون هنالكَـ بعض من العتب على نفسي ,,
ولكن بـ مجرد قولي ( الخيرة فيما اختاره الله ) اجدني اميل لـ الارتياح واتناسى ماكان يحزنني ..
وبالفعل لا يقف الامر على طمأنينة نفسيه بل يصل لـ تغير جذري في محتوى الموضوع
يجعلني ابتسم .. واحمد الله على منه وكرمـه ..
لكَـ التحية عزيزي على هذه النافذه امنيتي لكَـ بـ دوام التوفيق ,,

****

كن بخير
...SoMe OnE...

أبو ميار · #27 06/01/2008, 12:11 PM

هلا عبيط

أخيراً شفت موضوع ...

كفارة يا رجل شكلك مسجون وإلا عندك إختبارات

تصدق موضوعك بالصميم وكأنك تقرى ما بداخلي من أفكار
دائماً لفظ خيرة أقولها لجميع من يمر أمامي بمشكلة .

الغالب منهم تصيب كلمتي

أما بعضهم فيتمنون إنهم يشوفوني اللحين

لكن يمكنها خيرة إني ما أشوفهم

عبيط موضوعك حلو بل رائع بل مفيد بل خيرة لمن يقراه .

عزاه يا قلبي من الهم عزاه .

من يولسي دمعتي قال خيره .

وشلون خيره بعد فرقاك .

لا تقولوا خيره خيبه كبيره .

اللحين عبيط رح قل لراشد خيره خله يتفاهم معك صح

ورده خاصة لك يا عبيط

برايفت :

ما أدري ليش الناس يحسدوني عليك مع إنه ما في شيء أنحسد عليه

مشكلتي إني حبيتك عبييييييييط

G o L d E s T · #28 06/01/2008, 12:30 PM

والله الكلمة هذي دايم أقولها

صحيح إنها بعض الأحيان مجرد كلمة لكن الغالب إني أقولها وأنا مرتاح

لأنه شي راح وفات عليك ما ودك تتحسف عليه

" و عسى أن تكرهوا شيئا ويجعل الله فيه خيرا كثيرا "

إقتباس


	ملاحظة : طبعا انا وضعت شخصيات المشهد الثاني بنات .. لأن الشباب اذا جاء واحد وقال بقي لي بابين .. يقولون له البقية : على شحم .. احنا ما ذاكرنا الا بابين .. ويرجعون يسولفون زي ما كانوا ..

ههههههههههههههههههههههههههههههههههههههههههههه

المـشـاكـس · #29 07/01/2008, 03:21 AM

هلا والله بالجميع ..
منورين يالغالين وشرفتوا هالموضوع المتواضع ورده ..

نبدأ الردود :

... شذى ...

هلا والله ورده ..
ومشكورة على مرورك وعلى الرد ..
والله يوفق الجميع يا رب ..

... ابو ناصر ...

هلا والله ورده ..
ترى ابرد عليك رد .. لو قريته راح اجبرك تسجل الدخول وترد

..
تعال اقرأ وشوف

..

إقتباس


	لقد انني نويت احجز واسحب عليك لكن ما هنت علي..

لا وتعلمني بعد

..
يعني ناويها ناويها .. بس لقيت نفسك فاضي

..
قلت يا ولد خلنا نرد على هالـ......

.. <<< الله اعلم وش قلت يا ابو ناصر

..

إقتباس


	ياخالي ياخالي ..ياخاليييييييي <<<<<يسمعى اغنيه وهو يرد

وش هالاغنية

..
يعني فين الفلة ؟ يا خالي ياخالي

..
كنت اتوقعك عندك ذوق في الفن ..
بس طلعت تسمع " يا خالي ياخالي " ..
لا وبعد تقول .. " يا خاليييييييي "

..
يعني تبي تعلمني ان فيه مد في اللحن هاه

..
بعدين بالله فيه احد يسمع اغنية نفس يوزر عبد الوهاب

..

إقتباس


	المهم احس اني شطحت ما فيه الكفايه لمدة اسبوع قدام..

شكلك ما كنت مخطط انك تتركنا

..
والا ما كان اخذت هالكمية من الشطحات

..
المهم اذا ما تحتاجهم رجعهم للمجلس .. نحتاجهم

..

إقتباس


	والله يوفقك ويوفق الجميع ..... سلااااااااااااااااااااااام

آمين يارب ..
ويعطيك العافية على هالحضور وهالرد ..
و
سلاااااااااااااااااااااااااام

..

... البرنس 14 ...

هلا والله ورده ..
مدري احس ان موضوع السهرة فيها إن

..

إقتباس


	بس اخوي زي ما يقولون مره تصيب وعشرة تخيب اسئل مجرب

لا يا رجل ..
انا ليش كتبت الموضوع .. الا عشان هالكلمة

..
وعن اللي يقولها ..

مشكور ويعطيك العافية على المرور ..

... ليو ميسي ...

هلا والله ورده ..
احسكم ملخبطين .. شبكتو التوقيع بالموضوع

..
الله يهديهم المنتدى ما حطوا خشبة ولا سياج بين الموضوع والتوقيع

..
بس ابشروا باللي يعدله ... قريب

..

اعجبني اسمي الجديد ..
عبط بط

..
الكلاسيكي يمديها تغيره ؟

..

بعدين ليش ما طلعت تشوف المطر ..
احنا هنا الجو حلو .. ما ناقصه الا المطر .. الله يجيبه ..
لكن صدقت موضوعي اهم <<< كبر راسه

..

إقتباس


	وانا قاعد احرر الرد الا وهو جايني ينتفض تقل يمشي على سست من البرودة وش فيك يافلان قال : لو تشب فيني ماحسيت فيك من البرد اللي برا قلت : اجل خيره يوم مانزلت وقعدت امخ مخ لموضوع عبط بط

ـههههههههههههههههههههههههههههههههههههههههههههـ

..
سست هاه

..
الحمدلله انها كانت خيرة لك ..
ولا ودي انك كنت تتنافض معه

..

إقتباس


	عبيط !! والله مهيب مجامله ودايم اقولها اني من الناس اللي رايحين وطي يعني زي متعب مع ردودك ومواضيعك لأنك ماشاء الله تمتلك غير الخمسه الاف حق الجائزه اسلوب رووووعة بكل ماتعنيه الكلمة سواء من خلال خلال ردودك او مواضيعك ..!!

الله يسعدك

..
ومنكم نتعلم .. ولا عليكم جميعا زود ..
بس مهوب روعة واجد .. يعني روعة شوي

..
وشهادة اعتز فيها والله يا مس مس

..

بعدين وش طاعونك انت والجائزة

..
من اللي اشر لك علي من بعيد وقال لك : ترى هذا اخذ جائزة خمسة الاف

..
والله اللي يسمعك يقول انها خمسة مليون

..
بس ابشرك انت .. فيه مسابقة جديدة لمجلة عالم الزعماء ..
يقولون ان فيها فلوس

..
لا تفوتك .. الحق عليها يمديك .. مسابقة التوقعات .. ترى فياض يبي يفوز فيها

..

إقتباس


	عواااااااااااااااافي ياعبيط على الموضوع

الله يعافيك ..
وهذا انت يا يسلم .. وحدة من ثنتين ..
يا " عواااافي " يا " دمت بود "

..
شكرا لك ..

... حتى ظلالي هلالي ...

هلا والله ورده ..
شكرا على المرور .. بس فيه شيء ابي اقوله ..
صراحة جاني نشاط مهوب طبيعي ..
يوم قلتي لي خلك شاطر

..
من جد حسيت برغبة قوية الدراسة .. لدرجة اني قفللت النت والكتب ولعنت الطيب في اصل الدكتور ورحت انام

..
يرحم والديك .. لا عمرك توصين احد

..

الله يوفق الجميع ..
ويعطيك العافية على المرور ..

... هلالية كوول 22 ...

هلا والله ورده ..
اولا احمد ربك انها دائم تصير معك ..
بس مهوب كل مرة تسلم الجرة ..
واذا على الوقت ابدأي بدري شوي

..

يعطيك العافية ..
وشكرا على المرور ..

لي عودة للبقية ..
قريبا ان شاء الله ..