.ـ-‘’ ][ عبدالله وغادة : فعلاً .. والله انها كانت .. خيرة ..!! ][ ‘’-ـ. - صفحة رقم 4 - نادي الهلال السعودي - شبكة الزعيم

المـشـاكـس · #46 15/01/2008, 09:23 AM

عودة ورده ..
عدنا لبقية الاخوان في الصفحة الثانية

..
واتمنى انه يكون فيني النشاط الكافي اني اخلص من الردود كلها اليوم ..
ويا رب اسألك ان تعين ..
لأن الاختبارات بدأت .. والاعياد جاية

..

نبدأ بالردود :

... فياض ...

هلا والله ورده ..
هالحين يا فياض عبدالوهاب استفاد منك وتعرف على سلطان

..
بس انت وش استفدت منه ؟
بعدين لاحظ انه يوم كتب سلطان حط جنبه قلب .. وجحدك انت لا قلب ولا وردة

..
فياليت انك تستفسر منه وش كان يقصد

..
<<< اللعانة في دمه

..

إقتباس


	عبيط يعني انت بتفهمني ان موضوعك ممكن يكون خيرة للمجلس !

لا ..
بس ليش لا .. والله ممكن يكون خيرة ..
لا لا ما ظنيت انه خيرة ..
يا ولد .. وش المانع انه يكون خيرة ..
<<< فياض .. وراك شيء ؟

..

إقتباس


	أنا ما ضحكت الا من سيمو الولد متهور وكتبلك رد ع السريع يعني بتقوللي انه موضوع يحمل في طياته معاني كثيرة

لااااااااا..

كلش الا سيمو .. خلاص هو توأم روحي هالحين

..
يا خسارة الاوقات اللي ضيعتها معك في المسن

..
خلاص سيمو هو اللي فاهمني وانا افهمه .. بدون شرح طويل ولا هم يحزنون

..
بعدين ترى الموضوع يحمل في طياته ..
بس مشكلتك اللي ما فتشت في طياته .. تستاهل

..

إقتباس


	أبوريمان يغيب شهرين بس على الأقل يرجع بموضوع تقرا نصه وتاخذ بريك من طوله

ابو ريمان .. رد عليه

..
انا طالع منها ..

إقتباس


	الا من جد لا تقوللي الحمدلله اني سجلت فـ الزعيم عشان الجائزة

اسكت ساكت ..
حاط عيني على جائزة مجلة عالم الزعماء

..
بس يارب تكون على قد التعب

..
والا انت يالخايس .. تشارك وتبي تفوز لحالك

..

إقتباس


	أقول عبيط موضوعك زي العسل

يعني انت قصدك اذا كان الموضوع عسل .. فأنا نحلة

..
لا لا قلها .. قلها بالله

..

إقتباس


	وسلملي على سعود

يبلغه / يبلغها .. ان شاء الله

..

يعطيك العافية فياض على المرور والرد ..
ولا هنت على الترفيع

..
ومردودة لك في الافراح ان شاء الله

..

... جنــــ الزعيم ـــــى ...

هلا والله ورده ..

بارك الله فيم على الاضافات والايات الكريمة ..
وان شاء الله ما نرسب

..
الله يستر علينا وعلى الطلاب اجمعين ..
وشاكر لك مرورك واضافتك ..

... the best ...

هلا والله ورده ..
كلمات قليلة العدد .. كثيرة المعاني .. رائعة الابعاد ..
شكرا لك ..
ويعافيك ربي ..

... عسيرية ...

هلا والله ورده ..
شكرا لك على مرورك وردك ..
بإذن الله انني قريب من المجلس الذي فعلا يثبت انه الاروع بمن حضر ..
شكرا لك ..

... احلاهم واتحداهم ...

هلا والله ورده ..
تستاهلين

..
وش عندك يومك ما تذاكرين

..
لا تخافين .. العيد اللي جابه يجيب غيره

..
انتي بس خليك مثل ما انتي

..
بدون مذاكرة ..
شكرا لك ..

... ماجد مقبل ...

هلا والله ورده ..
يا مرحبا يا مرحبا

..
هلا والله بأبو مقبل الرفاعي

..

إقتباس


	أنى لك هذا يامشاكس

إقتباس

يا رجال .. وانت صدقت ان هذا اسلوبي ؟

..
اصلا الموضوع منقول .. حصلته في شبكة التيمـ......... ـاوي

..
وحاط يدي على قلبي لا يدري سهل انه منقول

..
لأنه ما شاء الله عليه استقعد لعضو كل ما كتب موضوع راح وجاب له الموضوع الاصلي

..
كلنا مع الحكومة

..
والا انت يا ماجد منشق وخارج عليها

..
يا ماجد الحجاج

..

إقتباس


	بصراحة أنا ماكان ودي أكلمك بس يوم كلمك مولع قلت بكلمك لعلها خيرة

إقتباس

هاه .. خيرة والا لا ؟

..
انا بالنسبة لي .. ما كنت خسران شيء .. المكالمة في ظهر سلطان

..
ولو علي انا .. كان كلمتكم الين اوصل الحد الائتماني

..
كنت ناوي حتى الهندي حق الاستراحة اكلمه

..

بالنسبة للقصة ..
فأتوقع انك اخذت عليها ما يكفي من الذبات

..
بلاش ازيد .. الظلم ظلمات

..

شرفتني بمرورك يا ماجد

..
وشكرا لك على مرورك وردك ..
ومهما اتكلم فيك يا ماجد ما راح اوفيك حقك ورده ..
يا مراقب ساحة الذكريات

..

... خالي من الهم ...

هلا والله ورده ..
صح يا عبد الوهاب

..
حلوة الذبة ..
يا اخي فقعوا كبدي حقين الاذاعة ..
كلها تهون .. الا " هل تعلم " و " حكمة اليوم "

..
آآآآآآآآآآآآآآآآه بس ..
المشكلة كانت مثل هالايام .. بررررررد في الصباح ..
والمدير العلة ما يخلينا نطلع الين تخلص الاذاعة ..
الله يعله ما دام حي

..
مشكور على مرورك الثاني .. بس تراني ما قبلت اعتذارك عن الرد الثاني ..
انا معروف .. ما اقبل اعذار كتابية ..
يعني انا ما اسامح بأقل من 3000 يورو

..
لا هنت وهابو ورده ..

... some one ...

هلا والله ورده ..
بالفعل يا مهند هذا هو الشيء الحاصل في كثير من الاحيان

..
شكرا لك بقدر محبة ابو صقر لك .. وبقدر اشتياقنا له

..
شرفتني بمرورك وردك ..
يعطيك العافية ..

... مولع بالهلال ...

هلا والله ورده ..
الحمدلله ان الله طول في عمرك الين شفت لي موضوع

..
يا اخي والله المشكلة مهيب في المواضيع .. المشكلة اني اتكاسل ارد على الردود

..
لكن ابشرك .. حصلت نوعية حبوب ..
يقولون تخصص ردود

..
يحلفون انها اقوى من البنادول بشوي

..
<<< مشكلة الضعوف

..

إقتباس


	أما بعضهم فيتمنون إنهم يشوفوني اللحين لكن يمكنها خيرة إني ما أشوفهم

شوف ..
اذا الموضوع ماله علاقة بالاسهم .. قابلهم عادي

..
على مسؤوليتي ..
اما لو له علاقة بالاسهم .. فتراها خيرة لك انك ما قابلتهم

..

إقتباس


	عبيط موضوعك حلو بل رائع بل مفيد بل خيرة لمن يقراه .

متعب ردك جنان بل رائع بل فلة بل خيرة لمن يقراه

..
<<< الاخيرة مالها دخل ... بس ما حبيت اغيرها

..

انا اغنية " عزاه " هذي اللي ما دخلت مزاجي ..
صح اني كنت اشغلها واسمعها .. بس والله ما طنت اطرب عليها ..
ولا كان ودي اوقف عند الاشارة وكل العالم مشغلين عزاه الا انا طربان مع ابو نورة

..
فكنت احطها الين تفتح الاشارة

..

بالنسبة للي يحسدونك علي

..
ما عليك منهم .. هذولي يدورون اي شيء يحسدونه ..
والا بالله مشرف وزعيم عبيط .. وش ترجي منهم ؟

..

يعطيك العافية يا متعب ..
على المرور والرد ..
وعلى الاضافة الرائعة من اغنية " عزاه "

..
ولا هنت يالغالي

..

... GoLdEsT ...

هلا والله ورده ..
يا اخي تعبت وانا اكتب يوزرك

..
لا يالغالي .. هي مهيب كلمة ..
هي شيء اكيد انها خيرة لك .. لا تفكر انها كلمة وبس ..
يمكن انت ما تدري وش كان ممكن يصير .. بس لازم تعرف انها خيرة ..
وهذا من الايمان ..

تسلم يا صاحبي على المرور ..
ولا هنت على الرد والاقتباس

..
بس تراه صدق .. والا انا غلطان ؟

..
يعطيك العافية ..

... غلاهم وماخذه حلاهم ...

هلا والله ورده ..
يعني جاية بعد نزول الموضوع بيوم كامل ..
وانا قد خلصت من اختباري واختبرت بعده اثنين ..
وجاية تمنين علي بدعوتك

..

الحمدلله الاختبار من اروع ما يكون ..

إقتباس


	بعدين انتم يالقروب ليو & خالي &هامور &فياض&مشاكس &مشاغب ...الخ الواحد ييأس انه يرد بالصفحه الاولى بمواضيعكم يعني من يوم اشوف واحد من القروب اغسل يدي كفوي الصفحه الاخيره طبعا انا مو ميته على اني ارد اول وحده بمواضيعكم لا بس اتحدى نفسي ودايم الصفحه الاخيره مكاني << امزح ابي ارد بس ماقدر ...

صدقتي ..
وهذي هي الشللية اللي تخرب المنتديات

..
واحب اضيف لنا ماجد مقبل وبلد الوليد وجرح يشكي ومولع بالهلال واول العنقود ومواصل

..

لا والله الفكرة مهيب كذا ..
اللي يصير هو ان الشباب لما الواحد ينزل موضوع يحجزون ويردون في مقاعد " الشيوخ "

..
وعندك مثلا هالموضوع والله ما احد يدري انه بينزل ..
وانا والله ما اتذكر ان احد علمني عن موضوعه قبل ما ينزل ..

وبعدين يوم انتي منتب بميتة على الرد الاول ..
وشو له الزعل

..
فيه ناس بيموتون على الرد الاول .. اتركيه لهم

..
<<< يقول انه يمزح

..

شكرا لك ايتها السحلية <<< على وزن غلاهم وماخذه حلاهم

..

انتهيت من الصفحة الثانية الان ..
ويحق لي ان اتمشحق تمشحقا من الفرحة ولو لبرهة

..
سأعود للاحبة في الصفحة الثالثة .. متى ما الله اراد ..
ويا رب يكون قريب جدا ..

.