حبايبي مشجعي افضل فريق سعودي بلا منازع
اعرف ان الهلاليين قد شنوا حملة شنيعة على ال قنوات ال ART ولم أعرف ماهو السبب الحقيقي لهذه الحملة
سمعنا (انها تتصيد على لاعبي الهلال والمدرب والادراة)<<< وهالانتقادات سمعناها على كل الأندية سمعنا عن الحالمي انهم ابتعدوا عن البطولات كثيرا من ال ART وسمعنا ان هناك مشاكل بين اللاعبين والادارة من ال ART
الأهلي ماخلو عنهم شي لما هبط مستواه
وأي فريق يشوفون فيه مجال للكلام والحديث بيتكلمون فيه لامجال ولامفر لأن الإذاعات والجرايد والصحفيين يدورون على أي خبر عشان تتعبى القناة او الجريدة بالاخبار
لو لقى له بنغالي بالشارع يشجع أي فريق حطه خبر صحفي مع إن الموضوع تافه
المهم لا نطلع من الموضوع
سمعنا (انها تعيد لقطات الخطأ ضد الهلال ولاتعيد الخطأ لصالح الهلال )
وهالحركة تصير مع الهلال وغير الهلال
شباب .... بسألكم ....
الهلال أكثر شعبية بالمملكة من حيث المشجعين ..
وهالشي معروف قبل لاتطلع شركة زغبي ..
واللي يعرف هالشي الناس الكبار مثل ..
اصحاب شركة ART لكثرة الطلب على الاشترك من الهلاليين
اصحاب مبيعات ملابس الهلال
اصحاب دخل جوال الهلال
اصحاب مواقع نادي الهلال بالانترنت
ومدير القناة يعرف موقع بالنسبة للأندية الاخرى ...
معقولة بيخلي هناك توجهات ضد الهلال والهلال يجي منه مكاسب ضخمة وكبيرة؟؟؟
مستحيل .. تدري ليش؟؟؟ لأن هذا غباء من التاجر ..
صالح كامل (راعي القناة ) بالنهاية يبغى الاموال .. وكثرة الاشتراكات...
المعلق محمد البكر والشي اللي نادر يعرفونه الناس .. أعفي من منصبه من التعليق لما أعلنها صريحة بأنه هلالي وهذا ما أجبره على ترك المهنة .. لأنه لن يجد مكان يستقبله وميوله معروفة لدى الجماهير ..
أنا لما ؟ تخيل معي لو أن عبدالله الحربي وعيسى الحربين معروفة ميولهم بانهم نصراويين .. وهناك مباراة منقولة على ال ART باصواتهم ومنقوله على السعودية الرياضيه بصوت ناصر الاحمد بين الهلال والنصر ...
جمهور الهلال معقوله بيتابع مباراة الهلال والنصر وهم يدرون عن ميولهم النصراوية صعب جدا ً
لذلك من الصعب ان تكون هناك ميول واضحة من جهة معينة سواءا من ال ART او السعودية الرياضية او غيرها من القنوات لان هذه تجارة وكسب فلوس بغض النظر النظر عن الميول
الخلاصة ////
انا ادري اني طولت
والبعض ماراح يعجبه الكلام وبلقى سب وكلام ماله داعي
لكن هذه نقطة دائما ماتدور في بالي وقلت اوضحها لعل وعسى ان احصل من يوافقني عليها ....
ولك خالص حبي وتقديري واحترامي على قرائتك لموضوعي
ودمتم بود
أخوكم // وليد الشمال
