#1  
قديم 26/07/2008, 09:08 AM
زعيــم فعــال
تاريخ التسجيل: 06/02/2008
مشاركات: 218
ART وثورة الهلاليين عليها (هل معنا حق)

حبايبي مشجعي افضل فريق سعودي بلا منازع

اعرف ان الهلاليين قد شنوا حملة شنيعة على ال قنوات ال ART ولم أعرف ماهو السبب الحقيقي لهذه الحملة

سمعنا (انها تتصيد على لاعبي الهلال والمدرب والادراة)<<< وهالانتقادات سمعناها على كل الأندية سمعنا عن الحالمي انهم ابتعدوا عن البطولات كثيرا من ال ART وسمعنا ان هناك مشاكل بين اللاعبين والادارة من ال ART
الأهلي ماخلو عنهم شي لما هبط مستواه
وأي فريق يشوفون فيه مجال للكلام والحديث بيتكلمون فيه لامجال ولامفر لأن الإذاعات والجرايد والصحفيين يدورون على أي خبر عشان تتعبى القناة او الجريدة بالاخبار
لو لقى له بنغالي بالشارع يشجع أي فريق حطه خبر صحفي مع إن الموضوع تافه

المهم لا نطلع من الموضوع

سمعنا (انها تعيد لقطات الخطأ ضد الهلال ولاتعيد الخطأ لصالح الهلال )
وهالحركة تصير مع الهلال وغير الهلال

شباب .... بسألكم ....
الهلال أكثر شعبية بالمملكة من حيث المشجعين ..
وهالشي معروف قبل لاتطلع شركة زغبي ..
واللي يعرف هالشي الناس الكبار مثل ..

اصحاب شركة ART لكثرة الطلب على الاشترك من الهلاليين
اصحاب مبيعات ملابس الهلال
اصحاب دخل جوال الهلال
اصحاب مواقع نادي الهلال بالانترنت

ومدير القناة يعرف موقع بالنسبة للأندية الاخرى ...
معقولة بيخلي هناك توجهات ضد الهلال والهلال يجي منه مكاسب ضخمة وكبيرة؟؟؟
مستحيل .. تدري ليش؟؟؟ لأن هذا غباء من التاجر ..
صالح كامل (راعي القناة ) بالنهاية يبغى الاموال .. وكثرة الاشتراكات...

المعلق محمد البكر والشي اللي نادر يعرفونه الناس .. أعفي من منصبه من التعليق لما أعلنها صريحة بأنه هلالي وهذا ما أجبره على ترك المهنة .. لأنه لن يجد مكان يستقبله وميوله معروفة لدى الجماهير ..

أنا لما ؟ تخيل معي لو أن عبدالله الحربي وعيسى الحربين معروفة ميولهم بانهم نصراويين .. وهناك مباراة منقولة على ال ART باصواتهم ومنقوله على السعودية الرياضيه بصوت ناصر الاحمد بين الهلال والنصر ...
جمهور الهلال معقوله بيتابع مباراة الهلال والنصر وهم يدرون عن ميولهم النصراوية صعب جدا ً
لذلك من الصعب ان تكون هناك ميول واضحة من جهة معينة سواءا من ال ART او السعودية الرياضية او غيرها من القنوات لان هذه تجارة وكسب فلوس بغض النظر النظر عن الميول


الخلاصة ////
انا ادري اني طولت

والبعض ماراح يعجبه الكلام وبلقى سب وكلام ماله داعي
لكن هذه نقطة دائما ماتدور في بالي وقلت اوضحها لعل وعسى ان احصل من يوافقني عليها ....
ولك خالص حبي وتقديري واحترامي على قرائتك لموضوعي

ودمتم بود

أخوكم // وليد الشمال
اضافة رد مع اقتباس
  #2  
قديم 26/07/2008, 09:48 AM
الصورة الرمزية الخاصة بـ زعيم زهراني
زعيــم متواصــل
تاريخ التسجيل: 16/02/2008
مشاركات: 185
أولاً اشكرك على طرح وجهة نظرك حتى لو اختلفت الآراء فالإختلاف لايفسد للود قضية
وعلى قولة المثل الشعبي الكلمة اللي تستحي منها بدها
انا اختلف معك في وجهة نظرك لأنك لو رجعت لشريط إعتزال سامي الجابر وإعتزال ماجد عبدالله كان شفت الفرق بأم عينك
العارتي لها اسقاطات كثيرة جداً
فعندما يتكلمون عن شغب الملاعب في القناة تجدهم يضعون صور جماهير الهلال فقط
ويتجاهلون شغب الجماهير الاندية الاخرى وكأنها تقول بأن الشغب مصدره جمهور الهلال لاغير
سبحان الله
ياخوي والله لو اجلس اعد الى بكره ما راح اخلص
وآخرتها حركة الحسن كيتا في النهائي لم تضهرها العارتي الا عندما قامت قناة الرياضية السغودية
باظهارها للمشاهدين على الهواء مباشرة
وعندما سئل وليد الفراج عن ذلك قال : هل ترضى ان تشاهد اختك او امك او احد اقاربك هذه اللقطه
الاخ مسوي نفسه عنده اخلاق
وأما حركة طارق التايب امام الوحدة اللي توقف عشانها عرضوها ألف مرة حتى جدتي في البيت
صارت تعرف التايب من كثر ماشافت اللقطة
تقبل مروري ياعزيزي ................
اضافة رد مع اقتباس
  #3  
قديم 26/07/2008, 09:52 AM
موقوف
تاريخ التسجيل: 23/03/2008
المكان: الرياض
مشاركات: 4,903
ART قناة العفن الكروي والعكّ

ياخي طالع مهرجان اعتزال سامي [بس !!] وانت تعرف

ِقناة العارتي مع انه المسأله Business الا انه بسبب حقدهم على الزعيم عملوا العمايل حتى على حساب تجارتهم

انا هلالي ومن حقي أثأر لناديي


مقااااااااااااطعه ابديه لقناة العارتي حتى لو اطلقوا قناة الزعيم منهامقاطعه للابد خلاص طابت النفس
كلنا الهلال وياويله اللي يمس الهلال ياويله
اضافة رد مع اقتباس
  #4  
قديم 26/07/2008, 10:06 AM
الصورة الرمزية الخاصة بـ Up Size
زعيــم متواصــل
تاريخ التسجيل: 08/04/2008
المكان: عشقي الشرقيه
مشاركات: 132
وليد الشمال // ،، //

يعطيك الف الف الف الف عافيه // وينصر دينك ياشيخ

انا ودي اكتب من زمان // بس لازم يروح موضوعي لقسم الاعضاء اللي اول مره يكتبون في المدرج //

يالغلا انا مع كل كلمه // بدون زعل لكل الهلاليين // والمشكله ان بعض الهلاليين

اذا غلط المدافع الفلاني // اذا ضيع المهاجم الفلاني // مايقصرون معه الى درجه ان ( بعضهم ) يسب اهله ..!! مره وحده
سواء في النت او في خارجه //

والله اكثر من مره اسولف مع اخوياي ( كلنا هلاليه ) // وشوف الكلام اللي ما دري وشلون صاير ..!!

فما بالك بقناه للجميع // عامه //

الموضوع اساساً بدا من كيتا الله يسامحه // وحرركته هاذي // اللي art ماعرضتها الا بعد ساعتين //

لأنهم كانوا ينتظرون موافقه ناس اكبر //

والجمهور كبرها // ووصلها للمقاطعه //

انا اشوف مافي اي شئ // وياليت البعض مايكبر الموضوع زياده //

خصوصاً ان البعض مايدري عن اي شئ (( معاهم معاهم ،، عليهم عليهم )
يكفي خمس ردود نقد على شئ فلاني // علشان تشوف مائه رد يأيد هالشئ //

والف شكر
اضافة رد مع اقتباس
  #5  
قديم 26/07/2008, 10:07 AM
زعيــم فعــال
تاريخ التسجيل: 06/02/2008
مشاركات: 218
شكرا على مروووووووركم حبايبي وما اقول شي

اكرر شكري
اضافة رد مع اقتباس
  #6  
قديم 26/07/2008, 10:09 AM
الصورة الرمزية الخاصة بـ نزيه المشاعر
عضو اللجنه الإعلامية
بالموقع الرسمي لنادي الهلال
تاريخ التسجيل: 24/02/2005
المكان: قصيمي الرياض
مشاركات: 18,327
نعم للمقاطعه

ولا للعارتي

.......................
اضافة رد مع اقتباس
  #7  
قديم 26/07/2008, 10:12 AM
زعيــم فعــال
تاريخ التسجيل: 06/02/2008
مشاركات: 218
Up Size

ونستني <<< وناسة يصير معك احد
وشكرا لكل اللي نفاعلو مع الموضوع
اضافة رد مع اقتباس
  #8  
قديم 26/07/2008, 10:26 AM
الصورة الرمزية الخاصة بـ Up Size
زعيــم متواصــل
تاريخ التسجيل: 08/04/2008
المكان: عشقي الشرقيه
مشاركات: 132
يا هلا وغلا بالوليد //

في شئ نسيته // البعض يقول ان الجزيره افضل من الart

لأنهم يجيبون كل لاعب كم مشى بالملعب // ولأنهم يجيبون المسافه اذا جاء يشوت فاول //

ملاحضه // الجزيره // معلقين واستديو // وبس

يعني كل اللي عليهم انهم يحطون شعار القناه في الشاشه //
وبالنسبه للخدمات الاخرى فهي من نفس البطوله // واللي مايصدق يشوف على نفس القناه الدوري القطري // وشوف الاختلاف

ويعطيكم العافيه مره ثانيه
اضافة رد مع اقتباس
  #9  
قديم 26/07/2008, 10:59 AM
زعيــم مميــز
تاريخ التسجيل: 20/02/2008
المكان: جــــــــــــــد هـ
مشاركات: 4,577
إقتباس
الرسالة الأصلية كتبت بواسطة David Beckham_15
ART قناة العفن الكروي والعكّ

ياخي طالع مهرجان اعتزال سامي [بس !!] وانت تعرف

ِقناة العارتي مع انه المسأله Business الا انه بسبب حقدهم على الزعيم عملوا العمايل حتى على حساب تجارتهم

انا هلالي ومن حقي أثأر لناديي


مقااااااااااااطعه ابديه لقناة العارتي حتى لو اطلقوا قناة الزعيم منهامقاطعه للابد خلاص طابت النفس
كلنا الهلال وياويله اللي يمس الهلال ياويله


والله انك صادق وانا معاااااااااااااااااااااااااااااااااك بكل حرف قلته وياويله اللي يفكر مجرد تفكير انه يمس الهلال
اضافة رد مع اقتباس
  #10  
قديم 26/07/2008, 11:05 AM
زعيــم فعــال
تاريخ التسجيل: 09/10/2007
مشاركات: 362
ومن اسباب المقاطعه ايضا

الاسعار الخياليه

باقة سبورت كامله 660 ريال لمدة 6 أشهر

وين عايشين ؟؟؟!!!!!!!!!!!


الله يخلي لنا الدريم بوكس الين تنتهي ابطال اوربا

بعدها يمدحون الجزيره التجديد بـ 90 ريال

يالبى قلوبكم يالجزيره
اضافة رد مع اقتباس
  #11  
قديم 26/07/2008, 11:20 AM
زعيــم متألــق
تاريخ التسجيل: 13/05/2007
المكان: (الأسيااح .. القصيم)
مشاركات: 1,085
إقتباس
الرسالة الأصلية كتبت بواسطة Up Size
وليد الشمال // ،، //

يعطيك الف الف الف الف عافيه // وينصر دينك ياشيخ

انا ودي اكتب من زمان // بس لازم يروح موضوعي لقسم الاعضاء اللي اول مره يكتبون في المدرج //

يالغلا انا مع كل كلمه // بدون زعل لكل الهلاليين // والمشكله ان بعض الهلاليين

اذا غلط المدافع الفلاني // اذا ضيع المهاجم الفلاني // مايقصرون معه الى درجه ان ( بعضهم ) يسب اهله ..!! مره وحده
سواء في النت او في خارجه //

والله اكثر من مره اسولف مع اخوياي ( كلنا هلاليه ) // وشوف الكلام اللي ما دري وشلون صاير ..!!

فما بالك بقناه للجميع // عامه //

الموضوع اساساً بدا من كيتا الله يسامحه // وحرركته هاذي // اللي art ماعرضتها الا بعد ساعتين //

لأنهم كانوا ينتظرون موافقه ناس اكبر //

والجمهور كبرها // ووصلها للمقاطعه //

انا اشوف مافي اي شئ // وياليت البعض مايكبر الموضوع زياده //

خصوصاً ان البعض مايدري عن اي شئ (( معاهم معاهم ،، عليهم عليهم )
يكفي خمس ردود نقد على شئ فلاني // علشان تشوف مائه رد يأيد هالشئ //

والف شكر





معك والله

لا بعد

يوم شافو جمهور الهلال قاطعوهم


حطو كل شي للهلال

يحسبوننا نبي نرجع عن المقاطعه
اضافة رد مع اقتباس
  #12  
قديم 26/07/2008, 11:43 AM
زعيــم نشيــط
تاريخ التسجيل: 01/06/2006
المكان: في الآيفون والمحمول
مشاركات: 508
انتم لاتستعجلون اصبروا تدرون متى تحكمون؟
اذا طلعت قناة الزعيم شوفوها بعدين احكموا
اضافة رد مع اقتباس
  #13  
قديم 26/07/2008, 11:50 AM
زعيــم مميــز
تاريخ التسجيل: 29/12/2006
مشاركات: 4,283
العارتي مثلها مثل الاتحاد والنصر كارهين للهلال بالفطرة

ولا في فايدة منها , تخيل نحن الان ففي منتدى الهلال تلقى ردودنا واسلوبنا شبه

موحد ضد الاتحاد والنصر , مهما ظهر من كلامنا احيانا اننا محايدين ولكن في النهاية هذا

شيء داخل قلوبنا ,

ابعطيك مثل بعيد عن قرارات لجنة الاستعباط والتي تحاول الاي ار تي التأثير عليها

لصالح ناديها (فهي تمثل الاتحاد ) , لان هذا الامر واضح جدا ولا يحتاج الى اعادة والكل مقتنع

فيه والاي ار تي بنفسها اعترفت انها اخفت حركة الحسن كيتا ثم بعد ان عرضنا التلفزيون

السعودي اضطرت الى عرضها ,

ثانيا عندما يتحدث احد الظروف عن البلوي باسهاب ممل

او عن نادي النصر او الاتحاد او نجومهما يستمر حتى وان كان الموضوع اخر

اما عندما يذكر احد الضيون شعبية الهلال , يتدخل المذيع بطيقة طفولية واستهزائية

وكأنه احد جماهير الاتحاد او النصر وبضحكة ساخرة تصويت زغبي حنا مالنا دخل فيه

او مثل هذا الكلام ويحرج الضيف فقط لانه تحدث عن الهلال ,

هناك مثال اخر , انظر الى الانتقائية في نقل اللقطات من داخل الملعب , دائما تختار

اسوأ اللقطات , واقصد الاسوأ من حيث التأثير السلبي على الشباب وصغار السن , مثل

الدخل اللي في مباراة الوحدة والهلال , انا اجزم لك ان وسط مدرجات النصر والاتحاد مئات

الدلوخ اللي لن تتعب العارتي في اظهارهم ولكنها تريد ان توصل رسالة الى الصغار والمراهقين’

ترا الاتحادية "زقرت " والهلاليين دلوخ ومالهم في الكورة , غير اللقطات المضحكة اللي على

لاعبي الهلال ونجومه خاصة الدعيع , وشوف ما يقابلها من اختيار اللقطات للبلوي

مثلا وللاعبين الاتحاد , كم مرة اعيدت لقطة الكف لحسن خليفة ؟؟؟

حركة الحسن كيتا كانت ستمنع والحسن كيتا بنفسه تفاجأ انها عرضت ؟؟؟

كم مرة تعرض اللقطات التي فيها مهارات ضد لاعبي الاتحاد؟؟؟

نذهب الى شق اخر :

المباريات المختارة للهلال والاتحاد

الهلال تعرض له مباريات ميتة , من غير جمهور ولا مهارات ولا مستوى

وتعرض مرات كثيرة لتوهم المشاهد انها تحابي الهلال , هي مباراتين او ثلاثة تعرض

للهلال خالية من اي شيء يستاهل انك تعيدها عشانه , مباراة الهلال والرياض

مباراة الهلال والطائي , ومباراة الهلال والاهلي في الثمانينات

ومباراة الهلال والاتحاد التي يدعي الاتحاديين ان ابو زندة حابا الهلال فيها

من اجل ان يقولو (ان الهلال لا يفوز الا بالتحكيم ) مع ان تلك المباراة فيها من الاخطاء التي

خدمت الاتحاد الشيء الكثير ولكن الاعلام كان مركز على اخراج النزهان الكرة بيده ,

هذه المباريات تكرر بشكل كبير والجماهير الهلالية مصدقة ان هذا تاريخ الهلال ,

ارجع للاتحاد وانظر الانتقائية العظيمة لمباريات , مبارياته الاسيوية , احلى مبارياته

النهائية , احلى مبارياته مع الاهلي والهلال , احلى المهارات والاغاني عن منصور البلوي ليل

ونهار ,

اين مباراة الهلا لوالنصر 4-1 و3-2 ؟؟؟

اين مباراة الهلال والشباب 3-0

اين مباراة الهلال والنصر في نهائي الكاس 3-0

اين مباراة الهلال والاهلي 4-0 في الثمانينات

اين مباراة الهلا ل وشيميزو الياباني ؟؟؟

اين مباراة الهلال ناجويا الياباني في الرياض والتي اهلت للعالمية ؟؟؟؟؟

اين مباريات زمان ومهارات يوسف الثنيان وفهد الغشيان , وسامي الجابر

اين الهلال في البطولات العربية , امور كثيرة لو ارادت الاي ار تي ان تعرضها

لزادت قناتها ثراء ولن تتعب حين تبحث عن امر جيد للهلال , ولكنها لا تستطيع حتى لو

ادعت انها سوف تتغير , لان لها استراتيجية تريد ان تنفذها وهي زيادة جماهيرية الاتحاد

والاساءة للهلال , مالذي يجعل المخرج يعيد هدف او لقطة للاتحاد اكثر من مرة

بينما يبعد الكاميرا احيانا في حالة الهجمة الهلالية او لا يعيد اللقطات المهمة .؟؟؟

ولن نعيد قضية اعتزال المحلل الرياضي بقنوات الاي ار تي ماجد عبدالله ؟؟

وتخريب حفل اعتزال سامي الجابر ؟؟؟

هو بيقولك انه ما يقصد وانا اجزم لك ان هناك توجيهات بعمل ذلك من محيي الدين كامل

والفراج والطاقم الاتحاد النصراوي , لكي لا يخلد اعتزال سامي الجابر

في ذاكرة الاجيال ,

العارتي مقاطعتها مستمرة لانها لن تتغير مهما اظهرت فقط قد تحاول ان تكون اكثر ذكاءا

في تحيزها ومحاربتها ضد الهلال ....
اضافة رد مع اقتباس
  #14  
قديم 26/07/2008, 11:57 AM
الصورة الرمزية الخاصة بـ Up Size
زعيــم متواصــل
تاريخ التسجيل: 08/04/2008
المكان: عشقي الشرقيه
مشاركات: 132
في شئ ثاني نسيته

<< -- عجبه الموضوع //

تقولون الجزيره رخيصه // طيب اذا شروا الدوري السعودي //

شوف كم بيصير سعر باقتهم // اذا ماصك الالف
اضافة رد مع اقتباس
  #15  
قديم 26/07/2008, 12:02 PM
زعيــم مميــز
تاريخ التسجيل: 14/09/2005
المكان: جــــــــــــدة
مشاركات: 5,511
مقاطعينهاااااااااااااااا

والي مايبي يقاطع بسلامته ... غيره 100 مقاطعين

إقتباس
اعرف ان الهلاليين قد شنوا حملة شنيعة على ال قنوات ال ART ولم أعرف ماهو السبب الحقيقي لهذه الحملة

لا ياشيخ .. ما انت عارف وش اسباب المقاطعة !!!!!!

الظاهر العارتي ضاغطه على الموظفين

الظاهر قالوا لهم كل واحد يبي اجازة يجيب لنا 100 هلالي
اضافة رد مع اقتباس
   


إضافة رد

أدوات الموضوع
طريقة عرض الموضوع

قوانين المشاركة
غير مصرّح لك بنشر موضوع جديد
غير مصرّح لك بنشر ردود
غير مصرّح لك برفع مرفقات
غير مصرّح لك بتعديل مشاركاتك

وسوم vB : مسموح
[IMG] كود الـ مسموح
كود الـ HTML مسموح
Trackbacks are مسموح
Pingbacks are مسموح
Refbacks are مسموح



الوقت المعتمد في المنتدى بتوقيت جرينتش +3.
الوقت الان » 09:44 AM.

جميع الآراء و المشاركات المنشورة تمثل وجهة نظر كاتبها فقط , و لا تمثل بأي حال من الأحوال وجهة نظر النادي و مسؤوليه ولا إدارة الموقع و مسؤوليه.


Powered by: vBulletin Version 3.8.7
Copyright ©2000 - 2017, Jelsoft Enterprises Ltd

Google Plus   Facebook  twitter  youtube