مشكورين على ردودكم

ولكن يا خوفي يجي يوم تقولون ليش ياسر راح وترك الهلال وخاصة اللي قالوا

إقتباس التفكير الطفولي خلوه عنكم زي ماضحا ياسر ضح

و

إقتباس مادري متى بتكبر عقوول بعض الجماهير ...! الى متى هذا التحفظ على الاعبين السعوديين ..؟ ياخي كيف تبون الاعبين السعووديين يحترفون وكل واحد يقول تكفى لاتتركنا وتكفى لاتتركنا ...؟ تر ى هذا اسمه احتراف لاعبين متى ينفهم معنى الاحتراف عند بعضض الجاهير ...!

مثال : كنتم أول تسبون المفرج وما تركتم من مسبة إلا وقلتوها له والله كأنه يهودي ذبح فلسطيني.
وبعد ما سجل عالنصر صرتوا تعطونه أنواع المدح.
يعني سبيتوه عشان ما خلص كورة صح وطالبتوا بتنسيقه!!
ومدحتوه عشان سجل هدف ورفعتوه!!
هؤلاء هم الأطفال..
أنا لم أتكلم عن المفرج وكنت من أشد المعجبين فيه وكتبت موضوع عنه ومدحته وقمتوا تسبوني.
أنا اللي أعرفه إن الصغار أو الأطفال هم اللي يسوون كذا
إذا سجل لاعب هدف قالو والله إنه لعيب وصاروا يلبسون فنايل عليها رقمه.
وإذا ما سجل قالوا الله يلعن ..... ما تعرف تلعب.
وأنا أعذرهم وأعذر البعض منكم لأن تفكيركم محدود و بسيط..

وهذا الموضوع اللي كتبته عن المفرج

أرفع القبعة احتراما لك يا فهد

وللعلم هذا الموضوع كان قبل مباراة الهلال والنصر اللي سجل فيها فهد المفرج..

أعود لموضوع ياسر..
الأهم عندي هو مصلحة الهلال
ماذا سيستفيد نادي الهلال من انتقال ياسر؟؟
إذا قلتوا فلوس فالخير واجد موبايلي وأعضاء الشرف ما يقصرون هذا غير اللي في الخزينة حاليا.
وإذا قلتوا من مصلحة المنتخب فهذا خارج حساباتي
لأنه عندما كان الهلال يمثل الوطن في بطولة آسيا ما قالوا إدارة المنتخب هذا يمثل الوطن.
بل أخذوا معظم لاعبينا في معسكر فاشل وتدريب عادي للمنتخب وما فيه أي بطولة صادفت تلك الأيام.
يعني لو يبغون يدربون اللاعبين لبطولة قادمة فالمباريات القوية هي من تدرب وتؤهل اللاعب لأي بطولة.لكن لمجرد أنه الهلال رفضوا إتاحة الفرصة للاعبين الدوليين الهلاليين من مشاركة ناديهم في أهم البطولات.
وثاني شي النادي الإنجليزي مانشيستر سيتي ينوي شراء بطاقة ياسر المتمثلة بـ3 أو 4 سنوات ما أدري هل تعتقدون إن الهلال ما راح يلعب في هالسنين!!!


إحتراف اللاعبين خارجيا ليس بحجم ما تتصورون من فائدة تعود علينا ولكنه أحد الأسباب.
والدليل انظروا لمنتخب 94 الذي وصل لدور 16 من كأس العالم وحققوا إنجازا كبيــــرا وقدموا مستويــــــات ونتائج جيدة وهي ما عجــــــــــــــــــــــــــــــز عنه باقي الأجيال.
فهل كان في ذاك الوقت لاعبا سعوديا احترف في الخارج!!!.