**** لدي نصيحة أتمنى من أحد
سماعها لماذا المسؤولين في استاد الملك فهد كل همهم هو
المال ؟؟
فأنا غالباً في المباريات النهائية لا أذهب الا الى المنصة الرئيسية حتى اشاهد المباراة وانا مرتاح البال لازحمه ولا ازعاج وقنابل ووجع راس ، لكن الغريب واللي استغربت وشددت على حبهم للمال هو شي واحد (( اللي هو )) :
حصلت شخص عند البوابة المؤدية الى المنصة يحمل تذاكر تفوق الألف تذكرة وشخص آخر معه مثلها فاستغربت وسألته معقوله فاضيه الحين علماً بأني اتيت الى الملعب الساعة السابعه بالضبط ، قالي عسام تحصل محل توقعته يمزح او (( يستهبل )) لاني جالس اشوف معاه تذاكر وش كثرها ما انباعت ، لكن لما دخلت شفت زحمة وحوسة ماشفتها الا في مباراة السعودية واوزباكستان المؤهلة لكاس العالم ، وللاسف جلست في مكان اشوف قدامي مقاعد الاحتياط الاهلاوية ولا استطيع ان اشاهد مايجري في المباراة وبالضبط في موقع منتصف الملعب اشاهد وأنا أتألم مره يمين ومره الف جسمي يسار والغريب اني تحملت الى ما انتهى الشوط ولما طلعت فوق اشوف عالم كانوا واقفين واللي جالسين على الدرج!!!!!!!!!
قررت اجلس على الدرج مثل الكثير غيري اللي كانوا جالسين على الدرج فالسؤال الذي يطرح نفسه واتمنى من يهتم بهذا الموضوع عدد المقاعد 5000 مقعد في المنصة لماذا تطبع 10000 او 8000 او حتى 6000 لماذا لاتطبع على عدد المقاعد حتى يكون هناك تنظيم وهدوء والجميع يشعر بالراحة ولا تطبقون من يقول (( بقريح )) ؟؟؟؟؟؟؟
واللي ضحكت عليه كان فيه 5 مقاعد فاضيه استغربت وقلت غريبه مكان فوق وفاضي وكان على اليمين المقصورة قلت اجلس فيه ويوم جلست ضحكت تدرون ليه ؟؟؟
لانك ماتشوف الا ربع الملعب ، الثلاث أرباع الباقي لاتراه لان المقصورة تمنعك
هل هذا ملعب !! ام ماذا ؟؟؟
أتمنى بأن نكون أكثر تطوراً وتحضراً وان تباع التذاكر قبل المباراة ب 24 ساعة أو 12 ساعة ويكون على كل تذكرة رقم مقعد ، يعني كأنك داخل سينما تعرف وين تجلس وتكون التذاكر على عدد المقاعد فما الفرق بين عقولنا وعقول الانجليز والطليان والاسبان هل هم أذكى منا ؟
لنفرض ان هناك من يقول نعم ، نقول له على الأقل نقلدهم بالتنظيم وترتيب المقاعد صح ولا أنا غلطان ماعتقد يبي لها شي الا ان تخلوا عن الطمع .
ونفس الشي بالنسبة للمقاعد المخصصة في مباريات المربع من يلعب على أرضه يعطي له 90 % مقابل 10 % وإذا لم تكن كذلك ودي أعرف ماهي الميزة المخصصة لأصحاب المراكز المتقدمة الذين يلعبون على أرضهم .
فلنفرض الهلال لعب مع الاتحاد وقسم الملعب على نصفين !! إذن السؤال الذي يطرح نفسه ماهي الميزة التي يتحدثون عنها ؟؟؟؟؟