نادي الهلال السعودي - شبكة الزعيم - الموقع الرسمي - مشاهدة مشاركة بصفحة مستقلة - الصويلح تركي..فاقد الشيء لا يعطيه,,سلطان البرقان..غادرنا مشكورا

الخبردس · #73 17/02/2006, 12:40 AM

إقتباس

الرسالة الأصلية كتبت بواسطة spanish eyes


	خبردس تركي الصويلح عمره 28 سنة والياس 27 والي جا الياس من نور ومن مرزوق ومن تميم ومن شراحيلي النصر ما يقل عما جاء الصويلح مع العبود وللعلم العبود هالحركة مشهور فيها وسبق ان شفته يؤديها في اكثر من مباراة مستفيدا من سرعته

0
0
0

يا أبو عيون اسبانية 00 الله يهديك بس 00 تصدق هالحكي !!

من اللي ناصب عليك وقايل لك إن تركي الصويلح هو وصلعته توه ابو 28 سنه 00

أنت داري إنه مشارك بنهائي كأس الدوري قدام النصر عام 1415 في مباراة العمر الشهيرة (( فهد في قلوبنا ))

وحنا الأن يالحبيب في عام 1427 00 يعني بالعربي 00 قبل 12 سنه بالظبط 00

يعني حسب كلامك يصير مشارك في تلك المباراة وهو يالبي عمره أبو 16 سنه يعني يلعب وفي أثمه رضاعة

يا جماعة الخير 00 يالربع 00 ترى المسالة مهيب معاند وتحديات ورايي أزين من رايك 00

يهمنا في المقام الأول مصلحة الهلال قبل أي إنتصار للنفس 00

وبكل صراحة إللي شفناه من تركي في ذيك المباراة كان يفشل ولايشرف أي هلالي 00

وللحفاظ على تاريخ اللاعب ومكانته نعتقد إن لامجال له باللعب حاليا 00

هذا رأيي بكل صراحة 00 وأعتقد إن مشاركته كانت كارثة واستمرار القناعة به بعد هالمستوى كارثة أكبر !!!