تركي اصبروا عليه شوي


اما البرقان مافي راسه لعب

سامي 188 من متى البرقان وهو يمثل الهلال,,بصراحه زودها لا عب لا يحمل الروح ويذكرني تماما بلاعبي الاتحاد في المنتخب,,ليه يلعب وبوزه متر يقدر يطلع ويروح يدور له على شغله وش حاده على الكورة,,


صج الهلال,,تركي نصبر عليه الى متى حنا مللنا من كلمة أصبروا في غير محلها,,تركي الصويلح يمثل الهلال من أيام الحبشي ومستواه المتذبذب تلك الايام لم يكن مقنع فما بالك بمستواه الحين بعد الإنقطاع الطويل عن التدريبات بسبب الإصابة,,لم ولن يعود وأراهن على ذلك ,,


أتمنى العكس لكن "ما كل ما يتمنى المرء يدركه--- تجري الرياح بما لا تشتهي السفن"

إقتباس الرسالة الأصلية كتبت بواسطة -|الزعيم المثالي|- انت تقول : معليش بس الهلال مستواه في تصاعد مستمر مع كاندينيو و كل مباراة افضل من اللي قبلها (من ناحيه تكتيكيه) و ما ضاع الفوز الا بسبب اخطاء الاعبين و تحديداً ( تركي الصويلح و البرقان) و عدم وجود مهاجم جاهز فسامي لم تكتمل لياقته كذلك الجمعان ، و الخراشي التفاهم بينه و بين الوسط 0% و تمركز غلط . سؤالي هو:عدم جاهزية سامي وعدم اكتمال لياقة الجمعان تفرض على كل مدرب التبديل بينهما على أقل الأحوال,,والمدرب كاندينيو زج بسامي من بداية المباراة؟هل كان من المفترض إبقاء سامي اذا ما اخذنا بالأعتبار أن إخراج الصويلح كان لعدم جاهزيته ايضا..لماذا تدخل بعناصر عدم جاهزين لياقيا وانت تدرك بأن تغييراتك محدوده؟؟

نعود لوضع الهلال قبل اول تبديل النتيجه تعادل ، طلع المدرب جوفاني و نزل فهد مبارك لتنشيط الوسط بعد ان ثقلت حركة الاول و تنشيط يمين الهلال هجومياً ، تغيير سليم

بعد الهدف الاتحادي الثاني تبديلين :

خروج فهد المفرج المصاب و دخول احمد خليل ، تبديل اضطراري .

خروج تركي الصويلح و دخول عبدالعزيز الهليل ، تغيير متأخر كثيراً فالاول كان الاعب الـ12 في الاتحاد و تسبب في هدفي الاتحاد الاول و الثاني .

ولكن لماذا شارك الصويلح اصلاً !!

خالد عزيز مع المنتخب ، العصفور ذهب للوحده ( لا يريده المدرب) ، الياس مصاب ( و لا يريده المدرب ) ، و الغامدي لا يوجد بديل له في المحور ( فعزيز و الغنام مع المنتخب) .

ففضل المدرب ان يلعب بالغامدي في المحور خصوصاً و البديل قلب دفاع لا يجيد المسانده الهجوميه .

و ادخل المدرب الصويلح للتشكيله الرئيسيه كلاعب خبره بدلاً من ترقيع المركز بمدافع ( الهليل) أو لاعب وسط ، ولكن المصيبه التي تفاجأ بها المدرب أن صاحب الخبره منتهي الصلاحيه كروياُ ، و لم يدرك ذلك الا بعد ان فتك لاعب الخبره بفريقه ، فاخرجه المدرب قبل ان يتسبب بهدف ثالث أو رابع .....

الهلال شارك بلاعبين غير جاهزين و السبب النقص الكبير 8 مع المنتخب و العنبر مصاب و الياس مصاب ، و العتيبي مصاب ، المجموع 11 لاعب يفتقدهم الهلال مما يقلل على المدرب الاختيارات فامامه 3 مهاجمين غير جاهزين 100% والا يوجد أي مهاجم جاهز ، و 2 وسط غير جاهزين جيوفاني و مبارك .

فيجب ان يشارك بلاعبين غير جاهزين .

على اي حال مباراة الاتحاد انتهت و المهم المباراة القادمه امام الوحده و التي كما تذكر الاخبار حالياً أن الوحده ستشارك بـ12 لاعباً يتقدمهم جناحهم الخطير تركي الصويلح !!

وفي هذه الحاله لاعذر للمدرب و سيتحمل كندنيو الخساره 100% لأن تركي الصويلح شارك امام الاتحاد و شاهد كندنيو بعينيه خطورة هذا الاعب على مرمى الهلال .

البرقان أصلاً مكانه مو بالهلال ياخي ثلاثة أرباع مناولاته غلط

غريبه هذا التناحر ارفقوا ثلاث تعش مره...... بدري على الاثنين ولابد من الفرصه كامله خاصه في ضل هذا الغياب الكبير ولاتنسوا ماقدمه تركي سابقا وتذكروا كم صار له غائب بسبب الاصابه وكم اصابه تعرض لها بعدين توه صغير لاتهمكم الصلعه ............ اما البرقان فيجب عليه ان يعلم ان الامبراطور والفيلسوف والسامي جدا وغيرهم تعرضوا للانتقاد وكان هذا حافزا لهم للصعود بجوار الهلال ..................... احبكم............

بسئلك الغالي انت تأيد الهلال من كذا سنة صح

وسبق لك وشفت مستوى عزيز سابقا وكيف كان سيء لدرجة كبيرة جدا ما حد يتخيلها

لا تغطية ولا تمريرات حتى انه اطلقوا عليه لقب المطامر عزيز

بسئلك الغالي شفت عزيز كيف تطور ما شاء الله وصار المحور الابرز حاليا في السعودية مع كريري واساسي في المنتخب

مع العلم ان عزيز تعاقد معاه الهلال من حواري وكان عمره 24 سنة

نجي للبرقان هل البرقان سيء زي عزيز في ذاك الوقت ؟؟؟؟؟؟؟

البرقان من خريجي المدارس الهلالية وليس لاعب تعاقد معاه من الحواري ومثلك عارف الفرق لان لاعب المدارس الكروية يكون قابل للتطور اكثر من لاعب جاك من الحواري

والبرقان عمره 22 سنة وهو ليس محور اساسي في الهلال كون هناك الغامدي وعزيز والغنام وكلهم يجون قبله

الي ابي اوصله لك زي ما الله من على عزيز وصار بهالمستوى البرقان فيه امل انه يتطور ويكون افضل وعنده الوقت الكافي لعمره الصغير اضافة لتوفر الافضل منه حاليا

اما مستوى تركي الصويلح فعارف ان ظهوره الاول امام الاتحاد ما كان بشكل كويس بس تركي الصويلح لعب فترة من اروع الفترات وكان اساسي خاصة في كأس المؤسس ولو عندي مزاج كنت رجعت لارشيف المواضيع في تلك الفترة وجبت لك مواضيع تمدح اللاعب

انا اقول الياس اخذ فرصته موسم ونص وغير مباراتي المربع ما شفنا منه شي

ليه ما تركي الصويلح ياخذ فرصته بطريقة لعل وعسى

إقتباس الرسالة الأصلية كتبت بواسطة -|الزعيم المثالي|- العيون الاسبانية,,شكر لردك الموضوعي,, بالنسبة لتركي الصويلح لاعب أكثر من رائع يبقى في نظرك انت,,مباراة أمس كان سبب الهزيمة مع المتخاذلين,,أما تاريخه والله ما يساعد على أنه يلعب أساسي,, مباراة الطائي,,سبق وأن أعتذرت عن المعلومه الغلط التي كتبتها عندما نبهني أحد الأعضاء ,,وكان بأمكاني التعديل على الموضوع لكن فضلت أن يبقى كل شيء كما هو,, البرقان,,لاعب جيد في فرق متوسطة المستوى,,أما كونه الظهير الرابع فأود أن أذكرك بأنه كان اساسيا في مباراتي الوحدة مع وجود جميع لاعبي المنتخب وعلى راسهم الأظهرة,, المتعصبون للاعبي مناطقهم ذكرته سابقا ووضحت ذلك وأتمنى أن تختفي هذه الظاهرة,,كما نتمنى أن تختفي ظاهر عشاق النجوم على حساب النادي,, شكرا لردك الأكثر من متزن,,

اخي الكريم...
ما اعتقد انه من اللائق اطلاق كلمة متخاذلين على لاعبين الهلال مثل ما قلت وهل انت دخلت قلوبهم عشان تحدد انهم تخاذلوا بالمباراة؟ مهما كان النقد والطرح ما يوصل لهالدرجه من القسوة بانتقاء الافاظ الي قد تجعلك مسؤل قدام ربك وتذكر ان بعض الظن اثم...
كل مباراة لها شحنها وظروفها وممكن يفوز الهلال بمستوى سيء جدا وومكن يخسر بمستوى عالي جدا وهذي كره القدم... هذي من ناحية
من ناحية اخرى انت تقول احنا نعرف تركي الصويلح ولا تغير من عرفناه؟!! ماذا تعرف عن تاريخ تركي الصويلح؟
ارجو ان تعود لهلال عام 94 و 95 و 96 الي اهلته في يوم من الايام للالتحاق بمعسكر المنتخب في فتره سابقه... قد يكون مستوى الاعب سيء في المباراة السابقه ولكن مو من حقك تهضم حق الاعب في تاريخه وابداعاته السابقه, وفوق هذا يجب ان نقف احتراما للاعب صارع الاصابه 3 سنوات كامله ورجع بدون ما يثبط من عزيمته في العوده وتخيل اول عوده له من 3 سنوات يعني تتوقع انك تشوف سيسينهو مثلا؟ خلونا شوي واقعيين ولا نصير متعجلين!! امس كنتوا تقولون الياس والياس ولا ينفع والحين تطالبون فيه؟!التعقل والتصبر والانتظار لازم علينا وان شاء الله كل شي بيكون مثل مانبغى بس الصبر! الهلال يفتقد الحين اكثر من 12 لاعب مابين مختار للمنتخب الى مصاب وفوقه جهازه الفني والاداري ومدرب جديد نوعا ما فلازم نصبر ونشوف وباذن الله كل شي بيتحقق...
بالنسبه للاعب البرقان: ما اخفيك ان الاعب سلطان مستواه متقلب مره فوق مره تحت بس تطلق عليه لاعب فاشل! اولا سلطان البرقان يمتلك قدره بقطع الكور وهذي مهاره من الصعب تلقاها في لاعب ثاني ومساله الكور المقطوعه فكثير فشي طبيعي الكور المقطوعه ولا نسيتوا عمر الغامدي وش كنتوا تقولون عنه العام الماضي والحين عندكم هو رقم واحد؟! شي ثاني هل لديك محور ثاني غير عمر بالوقت الحالي؟ الغنام وعزيز في المنتخب وعمر محور اول من وين لك محور ثاني؟ الرجاء التصبر وربك بيوفق الهلال بحوله وقدرته...
والله اني ما دافعت عن اي منهما اني من نفس منطقتهم او لمجرد العناد, هي مجرد وجهة نظر تحتمل الصواب وان كان كذلك فهو من الله وان كان خطا فمن نفسي...
ولك تحياتي اخي كاتب الموضوع واعتذر لو بدر من خطأ..

؟؟؟؟؟؟؟؟؟؟

خبردس تركي الصويلح عمره 28 سنة والياس 27

والي جا الياس من نور ومن مرزوق ومن تميم ومن شراحيلي النصر ما يقل عما جاء الصويلح مع العبود

وللعلم العبود هالحركة مشهور فيها وسبق ان شفته يؤديها في اكثر من مباراة مستفيدا من سرعته

احسن رد هو رد عاشق المواهب بس غلط في كلمة يامندس


كاتب الموضوع مو مندس بس هو خلقة يكره البرقان

ياشباب قسم بالله البرقان خطير ويقطع كور بالهبل


شوف حبيبي
ابغى اقولك قاعدة
اذا كنت تبغى تكره شخص طلع عيوبه راح تكرهو على طول

واذا كنت تبغى تحب شخص اذكر مميزاته

انت فكر كم مرة البرقان نفعنا والله بالهبل

واخر ختام اظن في مدرب للهلال هو المسؤؤل

إقتباس الرسالة الأصلية كتبت بواسطة spanish eyes خبردس تركي الصويلح عمره 28 سنة والياس 27 والي جا الياس من نور ومن مرزوق ومن تميم ومن شراحيلي النصر ما يقل عما جاء الصويلح مع العبود وللعلم العبود هالحركة مشهور فيها وسبق ان شفته يؤديها في اكثر من مباراة مستفيدا من سرعته

صــــبركم ياجماااعه الخير

إقتباس الرسالة الأصلية كتبت بواسطة spanish eyes بسئلك الغالي انت تأيد الهلال من كذا سنة صح وسبق لك وشفت مستوى عزيز سابقا وكيف كان سيء لدرجة كبيرة جدا ما حد يتخيلها لا تغطية ولا تمريرات حتى انه اطلقوا عليه لقب المطامر عزيز بسئلك الغالي شفت عزيز كيف تطور ما شاء الله وصار المحور الابرز حاليا في السعودية مع كريري واساسي في المنتخب مع العلم ان عزيز تعاقد معاه الهلال من حواري وكان عمره 24 سنة نجي للبرقان هل البرقان سيء زي عزيز في ذاك الوقت ؟؟؟؟؟؟؟ البرقان من خريجي المدارس الهلالية وليس لاعب تعاقد معاه من الحواري ومثلك عارف الفرق لان لاعب المدارس الكروية يكون قابل للتطور اكثر من لاعب جاك من الحواري والبرقان عمره 22 سنة وهو ليس محور اساسي في الهلال كون هناك الغامدي وعزيز والغنام وكلهم يجون قبله الي ابي اوصله لك زي ما الله من على عزيز وصار بهالمستوى البرقان فيه امل انه يتطور ويكون افضل وعنده الوقت الكافي لعمره الصغير اضافة لتوفر الافضل منه حاليا اما مستوى تركي الصويلح فعارف ان ظهوره الاول امام الاتحاد ما كان بشكل كويس بس تركي الصويلح لعب فترة من اروع الفترات وكان اساسي خاصة في كأس المؤسس ولو عندي مزاج كنت رجعت لارشيف المواضيع في تلك الفترة وجبت لك مواضيع تمدح اللاعب انا اقول الياس اخذ فرصته موسم ونص وغير مباراتي المربع ما شفنا منه شي ليه ما تركي الصويلح ياخذ فرصته بطريقة لعل وعسى

السلام عليكم

هلا بالعيون الاسبانيه ( من زمان ما دخلت معك في نقاش وشفت ردك في نفس الصفحه قلت فرصه نرد و نسلم )

يالغالي كم عمر خالد عزيز الان 28 سنه والا 29 سنه !!؟؟

معليش بس أول مره سمعت باسم خالد عزيز كان قبل البطوله العربيه في تونس و تغيب عن الرحله المتجهه لتونس بشكل مفاجئ وفي اليوم التالي ذكرة احد الصحف أن غيابه كان بسبب تعرضه لكسر بعد وقوعه عن الدرج.
وهذي البطوله اقيمة بعد البطوله العربيه التي فاز فيها الهلال( على النصر في النهائي في الرياض) بسنه أي تقريباً قبل خمس أو اربع سنوات.

وله هدفين في مرمى الشعله عام 2002 م ( على حسب ما ذكر في موقع كووورة)

وتقول يوم يسجل في الهلال عمره 24 سنه فـ 24 + 4 = 28 سنه !!

لو سمحت المصدر فالكلام اللي تقوله خطير جداً فأول ما ينتهي عقد عزيز يقدر ينتقل لأي نادي بدون موافقت الهلال لأنه تجوز الـ27 سنه ( حسب الكلام الوارد في ردك) ، و على طريقك دور عمر البرقان الحقيقي .

و للعلم فقط خالد عزيز قبل سنتين افضل من البرقان حالياً على الاقل كان يعرف يقطع كور ، وما دمره و اخفاه الا التمريرات القصيره اغلطه فيها كثيره بالاضافه لكثرة الاخطاء التي تحتسب ضده .

اما البرقان فمستواه يتناقص مع كل مباراة فقبل سنتين افضل من السنه الماضيه و السنه الماضيه افضل من هذه السنه .

و للمعرفه البرقان خانته شاغره دائماً و تجده يقف في مكان لا يحتاجله فيه الفريق فالهدف الاتحادي الثاني و الهدف الوحداوي الثاني كلهما بس عدم وجوده في خانته الاساسيه !!

ولو سمحت تقدر تذكر لنا على أي اساس لاعب من المدرسه قابل للتطور اكثر من لاعب قادم من الحواري !! خصوصاً و الواقع امامنا ان لاعب الحواري (عزيز) اساسي في المنتخب ولاعب المدرسه ( البرقان) صاف احتياط في ناديه

إقتباس الرسالة الأصلية كتبت بواسطة spanish eyes خبردس تركي الصويلح عمره 28 سنة والياس 27 والي جا الياس من نور ومن مرزوق ومن تميم ومن شراحيلي النصر ما يقل عما جاء الصويلح مع العبود وللعلم العبود هالحركة مشهور فيها وسبق ان شفته يؤديها في اكثر من مباراة مستفيدا من سرعته

انا لن ادخل في نقاش معك على كم عمر الصويلح لأنه أذا كان تركي الصويلح 28 سنه فسامي الجابر عمره 18 سنه و يوسف الثنيان عمره 8 سنوات وصالح النعيمه 8 اشهر .

و في الحقيقه أنا ما همني عمر الاعب و لا ان العبود تجاوزه ، ولكن ما يهمني اكثر من هذا هو لما هذا التخاذل من تركي الصويلح !!!

أذا لاعب الخصم تجاوزك هل هذا يعطيك الحق ان تقف في منتصف ملعب فريقك تتفرج على هجمت الفريق الاخر على مرمى فريقك بدل من العوده للخلف للمسانده !!

مفروض تحقق معه الاداره في هذا الموضوع و يقضبونه الباب ( ينسقونه ) فالتخاذل في الملعب كما فعل هذا اهانه للهلال و الاداره و الجهاز الفني و لباقي الاعبين و جمهور الهلال .

ارجعوا لشريط المبارة وشاهدوا بعينكم أين كان يقف تركي الصويلح من بعد لحظة تجاوز العبود له الى لحظة دخول الكره في مرمى الهلال !!

كان قاعد يتمشا و ماخذ راحته ولو كأنه يمشي على الكورنيش وليس في ملعب !!!