السلام عليكم ~

كح كح بـ صراحهـ أنا من الكائنات الحيهـ المحتاجهـ لمساعدتكم يا أخوان وأخوات العرب ~

في مادهـ من المواد دكتورنا قال فيها اللي تبي بونس تجيب لنا قصهـ أو قصيدهـ من تأليفها
وتعرضها لنا ويناقشها فيها ،، وطبعا دام السالفهـ فيها بوووونس أكييييد ما رح أعديها ع خير
ورح أشغل مخيخي بأي طريقهـ لكسبها ~
~> تعرفون وش يعني درجات إضافيهـ ،، يعني تهبيباتي بالإمتحانات ممكن تطيييير وأهف الـ A
إن شاء اللهـ ~

فـ هالموضوع رح أنزل ثلاث قصص إن شاء اللهـ وكل اللي عليكم تختارون أي أفضل وحدهـ
تنصحوني أشاركـ فيها !! وعادي طبعا لو شفتوا آي تهبيبهـ سواء بالإملاء أو صيغهـ الجملهـ
تعدلونها لي وتقدمون النقد ~

عناوين القصص :~
1)- بعد فوات الأوان ! ~
2)- أشباح مدافعة ~
3)- غفوة قد توقظكـ من نومكـ ! ~

القصص للأمانهـ كاتبها آيام المدرسهـ فـ أكيد بتلقون تهبيبات كثيرهـ ومحتاجهـ نصيحتكم
وخبرتكم عشان ما أجيب العيد قدام دكتورنا العزيز والشعب العربي ~

القاعهـ فيها 60 بنت + دكتور العرب بيكون بـ وجههنا مباشرهـ وقت العرض ،، فـ تخيلوا آي غلطهـ
وش بصير ،، وعاد هـ الدكتور بذات أنا مب مقصرهـ معاهـ بنقدهـ لأنهـ من جنسيهـ عربيهـ ويقول
إنهـ ما يعرف عربي عدل لدرجهـ إن بعض الكلمات اللي بالعربي ما يعرف معناها إلى بعد شرحها
بالتفصيل لهـ !! وطبعا ما سلم من لساني ~
والحين متأكدهـ مليون طعش بالميهـ واللهـ ما يرحمني ع آي خطاء لأنها بالعربي ،، وبيقول كل
هالدفاع والمطالبهـ بالعربي وإنتي جايبهـ العيد فيهـ !! ~
" المادهـ اللي يدرسها لنا بالإنجليزي طبعا بس فيوزاتهـ شكلها ضربت فجأهـ وقرر يساهم
بمشروع عندنا بالجامعهـ عن الكتاب والكتابهـ بالعربي !!!! ومحد أكلها غيرنا نحن الطلاب *~*