السلام عليكم

اخواني ابكتب لكم هالمعاناة وانا كل يوم لي معاناة بهالحياة.. ماادري ليه انا اللي يصير معايا كذا..

قبل سنتين حبيت وحدة وافترقنا قبل كم شهر وللحين كل لحظة وكل ثانية اتذكرها لاني احس انها سكنت بقلبي.. لاني حبيتها بصدق.. لكن الظروف فرقتنا.. حاولت ازيل همومي واركز بدراستي بس اغلب الايام اكون مهموم ويوم واحد احس ان فيني شهية للمذاكرة..

صراحة انا حاولت انساها بس ما قدرت.. وما اعتقد احد يحب حب صادق وينسى اللي حبه.. وانا اذكر الشاعر والانسان الكبير طلال الرشيد قال الحب هي الحادثة الوحيدة اللي ما يقدر ينساها صاحبه.. انا ماادري اذا كانت هي نسيتني او لا.. لكن انا لا ولحقدر انساها.. رحت الحرم اكثر من مرة بس برضو هي سااااكنة بفؤادي.. واذا حد يبي يعرف قصتي يقراها بموضوع اسمه (الزواج عن طريق الحب وهم يجتاح الشباب) بنفس هالمنتدى..

عموما مو هذا موضوعي.. موضوعي الاساسي.. هو ان بعد كل اللي صار احس اهلي ما حسو فيني.. انا حاولت اني اسعد نفسي واطلع بره عشان احس براحة شوي بس ما اقدر اخرج الا مع عيلتي لظروف مااقدر اقولها.. اصحابي مشغولين واغلبهم ما عندهم سيارة.. واذا خرجت اروح المكتبة شوي وارجع حتى لو ماعندي شي عشان اشوف العالم وارتاح شوي.. كل هذا واهلي مو حاسين فيني..

صلب الموضوع.. والزبدة.. اني اليوم خلصت اختبارات والحمدلله اغلبها درجتها كويسة.. وانا قبل شوي كنت جالس عالكمبيوتر ( مو انترنت).. وابوي جا وسالني كم باقي عالاختبارات النهائية قلت له شهر تقريبا قال لي الاسبوع هذا بشيل الكمبيوتر وراح..

والله اني انقهرت يعني احس انه دااايما يعاندني وماادري ليه دايما يكلمني انا بالذات بهالاسلوب من بين اخواني.. انا سيارة ما عندي واخوي اللي يسكن معي عنده سيارة وبرضه ما يساله وين رحت ومتى جيت.. الشي الوحيد اللي اقدر اسلي نفسي بيه هو الكمبيوتر والانترنت ما ادخل الا كل ربوع وخميس وجمعة والترم الماضي معدلي كان (3.170) ثلاث فاصلة مية وسبعين الحمدلله وهذا (مع وجود الكمبيوتر والانترنت) وبرضه جبت معدل حلو.. والحين ابوي رجع يعاملني باسلوب بايخ زي ما كان يعاملني اول من قبل سنة تقريبا.. ليه ماادري.. هل لانه شاف وضعي واني صرت ضعيف بعدما افترقت عن اللي حبيتها؟؟ اصلا حتى الكلية اللي انا فيها ما كنت ابغاها بس هو سجلني غصب انا اصلا كنت ابي جامعة وبعد جامعة ثانية مررة..

انا نزلت هالموضوع عشان ابي رايكم.. واخاف ما اقدر اقرا ردودكم لان ابوي بيشيل جهازي.. يعني ليه هالظلم والتحامل..

والله لو هو يعيش نار الفراق اللي عشته بيعرف ان الغضب والظلم اضعف بكثييييييير من الحب..
ابي اعرف ليه يعاملني كذا.. حتى امي ما تقوله شي بالعكس تسانده وهي مبسوووطة.. دايما المشاكل تجيني من كل ناحية.. يكفي اني للحين احس بعذاب الحب.. كمان يعاملوني كذا؟؟
ويا ليتهم يحسون فيني.. شتااااااااان بينهم وبين انهم يحسون فيني..

الشكوى لله

اتمنى تعطوني رايكم وانشالله اقدر اقرا ردودكم قبل ما ينشال جهازي..

باي :sad: