#1  
قديم 17/04/2005, 10:38 PM
زعيــم نشيــط
تاريخ التسجيل: 31/05/2004
المكان: الظهران
مشاركات: 944
مشكلتي مع اهلي

السلام عليكم

اخواني ابكتب لكم هالمعاناة وانا كل يوم لي معاناة بهالحياة.. ماادري ليه انا اللي يصير معايا كذا..

قبل سنتين حبيت وحدة وافترقنا قبل كم شهر وللحين كل لحظة وكل ثانية اتذكرها لاني احس انها سكنت بقلبي.. لاني حبيتها بصدق.. لكن الظروف فرقتنا.. حاولت ازيل همومي واركز بدراستي بس اغلب الايام اكون مهموم ويوم واحد احس ان فيني شهية للمذاكرة..

صراحة انا حاولت انساها بس ما قدرت.. وما اعتقد احد يحب حب صادق وينسى اللي حبه.. وانا اذكر الشاعر والانسان الكبير طلال الرشيد قال الحب هي الحادثة الوحيدة اللي ما يقدر ينساها صاحبه.. انا ماادري اذا كانت هي نسيتني او لا.. لكن انا لا ولحقدر انساها.. رحت الحرم اكثر من مرة بس برضو هي سااااكنة بفؤادي.. واذا حد يبي يعرف قصتي يقراها بموضوع اسمه (الزواج عن طريق الحب وهم يجتاح الشباب) بنفس هالمنتدى..

عموما مو هذا موضوعي.. موضوعي الاساسي.. هو ان بعد كل اللي صار احس اهلي ما حسو فيني.. انا حاولت اني اسعد نفسي واطلع بره عشان احس براحة شوي بس ما اقدر اخرج الا مع عيلتي لظروف مااقدر اقولها.. اصحابي مشغولين واغلبهم ما عندهم سيارة.. واذا خرجت اروح المكتبة شوي وارجع حتى لو ماعندي شي عشان اشوف العالم وارتاح شوي.. كل هذا واهلي مو حاسين فيني..

صلب الموضوع.. والزبدة.. اني اليوم خلصت اختبارات والحمدلله اغلبها درجتها كويسة.. وانا قبل شوي كنت جالس عالكمبيوتر ( مو انترنت).. وابوي جا وسالني كم باقي عالاختبارات النهائية قلت له شهر تقريبا قال لي الاسبوع هذا بشيل الكمبيوتر وراح..

والله اني انقهرت يعني احس انه دااايما يعاندني وماادري ليه دايما يكلمني انا بالذات بهالاسلوب من بين اخواني.. انا سيارة ما عندي واخوي اللي يسكن معي عنده سيارة وبرضه ما يساله وين رحت ومتى جيت.. الشي الوحيد اللي اقدر اسلي نفسي بيه هو الكمبيوتر والانترنت ما ادخل الا كل ربوع وخميس وجمعة والترم الماضي معدلي كان (3.170) ثلاث فاصلة مية وسبعين الحمدلله وهذا (مع وجود الكمبيوتر والانترنت) وبرضه جبت معدل حلو.. والحين ابوي رجع يعاملني باسلوب بايخ زي ما كان يعاملني اول من قبل سنة تقريبا.. ليه ماادري.. هل لانه شاف وضعي واني صرت ضعيف بعدما افترقت عن اللي حبيتها؟؟ اصلا حتى الكلية اللي انا فيها ما كنت ابغاها بس هو سجلني غصب انا اصلا كنت ابي جامعة وبعد جامعة ثانية مررة..

انا نزلت هالموضوع عشان ابي رايكم.. واخاف ما اقدر اقرا ردودكم لان ابوي بيشيل جهازي.. يعني ليه هالظلم والتحامل..

والله لو هو يعيش نار الفراق اللي عشته بيعرف ان الغضب والظلم اضعف بكثييييييير من الحب..
ابي اعرف ليه يعاملني كذا.. حتى امي ما تقوله شي بالعكس تسانده وهي مبسوووطة.. دايما المشاكل تجيني من كل ناحية.. يكفي اني للحين احس بعذاب الحب.. كمان يعاملوني كذا؟؟
ويا ليتهم يحسون فيني.. شتااااااااان بينهم وبين انهم يحسون فيني..

الشكوى لله

اتمنى تعطوني رايكم وانشالله اقدر اقرا ردودكم قبل ما ينشال جهازي..

باي :sad:
اضافة رد مع اقتباس
  #2  
قديم 18/04/2005, 02:08 AM
زعيــم مميــز
تاريخ التسجيل: 25/02/2005
المكان: في قلب الهلال بين الورود
مشاركات: 2,316
اخي الصدر الحنون
يبدو ان لك من اسمك الشي الكثير والكثير
اتضح لي انك في بداية شبابك في مقتبل العمر
حرام تضيع السنين هذي والايام في حزن وكدر لاتشغل بالك
ولاتحط ابوك قدامك في كل شي هو من شده اهتمامه بكم وحرصه عليكم قاعد يطلب منك الطلبات هذي ولتقول بس انا يعاملني كذا لا اكيد اخوانك كلهم ابوك حريص عليهم وانت بعد اذا صرت اب بتعرف معناه كلامي
المهم كل انسان لابد يمر بتجارب وظروف هي كذا الحياه وطالما انك مخلص وعلى نيتك وماغدرت با اي انسان الله بيوفقك ويعطيك على قدر نيتك
اخي اسمح لي اقولك اخي لانك مثل اخواني وتالمت لموضوعك
لازم تعزز ثقتك في نفسك وتحكم عقلك لا عاطفتك عمر العاطفه ماجابت نتيجه بالنسبه للبنت اللي كنت تحبها مستحيل تنساك لانكم كنتم تحبون بعض بصدق ومافرقكم الا الظروف البنت اذا حصلت انسان صادق ووفي مستحيل تنساه الين يحطونهافي قبرها
اخي الكريم نصيحتي لك شد حيلك ولاتلتفت الى الوراء الماضي هو الماضي مارح يتغير بالعكس بس بتزيد نفسك جروح والام
حاول تغير طريقتك في التفكير دايم اجلس مع ابوك وامك وامزح معهم وحاول انك تلبي طلباتهم علشان يعرفون انك انسان ورجل قد الكلمه وماعليك السياره رح تجي وكل شي رح يجي هذي لاتشغل تفكيرك.......
من ناحيه ثانيه اكتب في ورقه قصتك مع البنت واكتب معها الجامعه اللي كنت تبيها واكتب كــــــــــــل شي ماحصلت عليه
الورقه هذي اكتب اخرها انك ماحصلت عليها ليه؟؟؟
لان كل شي بيده وحده عزوجل هو اللي يسيرنا وهو اللي يكتب لنا كل شي اتوقع لو دققت في هذا الكلام انك بتقتنع
حاول تسوي لنفسك من داخل غسيل ادري بتضحكون على كلامي بس انا جربت الكلام هذا غسلت التجارب والاشياء اللي ماحصلت عليها ولا فية امل احصل عليها كتبتها في ورقه ومزقتها مانفع كتبتها مره ثانيه واحرقتها<<اتحرقت يدي
المهم بعدها غيرت تفكيري نظرتي للحياه صداقاتي خاصه صديقاتي الكئيبات اللي كل ماشافوني ذكروني باحزاني
والحين
الحمد لله انا بالف خير
نصيحه
القران لايفارقك والاذكار دايم معك في يدك في جيبك
وشوف كلامي
لي هديه صغيره اهديها لكل من يقرامعنا الحين
قال صلى الله عليه وسلم ((اللهم اني اعوذ بك من الهم والحزن والعجز والكسل والبخل والجبن وضلع الدين وغلبه الرجال))
اتمنى لك حياه ورديه مافيها الم ولامشاكل انت بس غير طريقة تفكيرك وبطل حساسيه زايده وشف كيف تتغير حياتك
ادعولي محتاجه دعاكم
اضافة رد مع اقتباس
  #3  
قديم 18/04/2005, 02:25 AM
فيو
تاريخ التسجيل: 25/01/2002
المكان: .. الحـــبيــ الرياض ـبـه ..
مشاركات: 15,376
[align=center]
غريب جداً ،،،

إقتباس
اخواني ابكتب لكم هالمعاناة وانا كل يوم لي معاناة بهالحياة.. ماادري ليه انا اللي يصير معايا كذا..

أحمد ربك وأشكرهـ .. غيرك ماهو قادر ينام من أصوات الصواريخ والإنفجارات والبرد .. وإلا مايلقى له شي ياكله ويشربه ،،
فاأحمد ربك ع كل حال وماتدري يمكن يكون إبتلاء لك ..
ولو أطلع العبد ع الغيب لأختار الواقع


إقتباس
قبل سنتين حبيت وحدة وافترقنا قبل كم شهر وللحين كل لحظة وكل ثانية اتذكرها لاني احس انها سكنت بقلبي.. لاني حبيتها بصدق.. لكن الظروف فرقتنا.. حاولت ازيل همومي واركز بدراستي بس اغلب الايام اكون مهموم ويوم واحد احس ان فيني شهية للمذاكرة

لا تبالغ ،،

خيو هذا الشيطان يدور برآسك ويحاول يلهيك ويشغلك بالماضي فاأنت تعوذ من إبليس وأنساها وصدقني لوكانت عندك عزيمة وإصرار .. بتقدر تنساها ،،
والرجال عمرهـ ماكان ضعيف

إقتباس
وانا قبل شوي كنت جالس عالكمبيوتر ( مو انترنت).. وابوي جا وسالني كم باقي عالاختبارات النهائية قلت له شهر تقريبا قال لي الاسبوع هذا بشيل الكمبيوتر وراح..

ليه أنت طفل علشان يشيل عنك الكمبيوتر ،،
ذكرتني بسوالف أمي أيام الثانويه بس ماقدرت تشيله لأن لو شالت الجهاز فيه أكثر من جهاز بيتنا

يابابا أقنع ابوك أنك رجال وعارف مستقبلك أكثر منه وتعال له باأسلوب حلو وصدقني راح يسمع كلامك باللتي هي أحسن .. ودائما الوالد أكثر تعاطف من الأم --->> بالنسبه لها ،،،

إقتباس
والله اني انقهرت يعني احس انه دااايما يعاندني وماادري ليه دايما يكلمني انا بالذات بهالاسلوب من بين اخواني..

تعوذ من إبليس
هذا الشيطان يبغى يفرق بينك وبين أخوانك .. ويوهمك بأن أبوك يحب أخوك أكثر منك وإلا لو تدخل قلب الأب فبتشوف أنه يعزكم كلكم لأن مافيه اب بهالدنيا يكرهـ عياله إلا إذا كان لاقدر الله راعي بلاوي ،،،،،

وحط ببالك هالشي .. الأب دائما يبغى يشوف ولدهـ أحسن الاولاد ويبغى يفتخر فيه ويرفع رآسه

إقتباس
نا سيارة ما عندي واخوي اللي يسكن معي عنده سيارة وبرضه ما يساله وين رحت ومتى جيت..

ماتدري عن ظروف أبوك ..!!


إقتباس
والحين ابوي رجع يعاملني باسلوب بايخ زي ما كان يعاملني اول من قبل سنة تقريبا.. ليه ماادري.. هل لانه شاف وضعي واني صرت ضعيف بعدما افترقت عن اللي حبيتها؟؟ اصلا حتى الكلية اللي انا فيها ما كنت ابغاها بس هو سجلني غصب انا اصلا كنت ابي جامعة وبعد جامعة ثانية مررة..

ماتوقعش ،،،

عموما ،،
أنت عندك حل بأنك تختار الوقت اللي يكون أبوك رايق فيه وتفاتحه بهالموضوع وتحاول تتناقش معه بكل هدوء .. وحتى لو عصب عليك في البدايه أمتص غضبه وتفاهم معه ،،،
وإن شاء الله ربي يسهل أمورك ويفتح عليك ،،،


إقتباس
انا نزلت هالموضوع عشان ابي رايكم.. واخاف ما اقدر اقرا ردودكم لان ابوي بيشيل جهازي.. يعني ليه هالظلم والتحامل..


لو شال الجهاز .. فيه المقاهي
بإمكانك تطلع مع واحد مع اخوانك وتروح ترفه عن نفسك .. وشكلك ياخيو محتاج لراحه نفسيه وبدنيه ،،،


إقتباس
ابي اعرف ليه يعاملني كذا.. حتى امي ما تقوله شي بالعكس تسانده وهي مبسوووطة.. دايما المشاكل تجيني من كل ناحية.. يكفي اني للحين احس بعذاب الحب.. كمان يعاملوني كذا؟؟
ويا ليتهم يحسون فيني.. شتااااااااان بينهم وبين انهم يحسون فيني..


شي غريب ..!
عموما ،،
أنت لاتيأس وافتح الموضوع مع والديك وشف وش عندهم ويمكن عندهم كلام لك بس مايبغون يكلمونك إلا لمى تحس وتجي تسألهم ،،،
ميبي


ونصيحه خيو .. لاتخلي الشيطان يلعب فيك أكثر من كذا








الفيروسه الزرقاء[/align]
اضافة رد مع اقتباس
  #4  
قديم 18/04/2005, 04:07 AM
زعيــم متواصــل
تاريخ التسجيل: 14/10/2002
المكان: عمري الرياض
مشاركات: 72
خيوووووو الحين الصوره هذي الي حاطها رابط في توقيعك هو انت ؟

اجل بعذرها حبيبتك تخلت عنك لوووووووووووووووووول
معليش خيو امزح معاك بس علشان ترفه عن نفسك شوي .. عموما انت رجال وبعمر يسمح لك تتفاهم مع ابوك روح له او روح لاي واحد قريب لك بالعيله واكيد راح يساعدك في وضعك
مدام تقول انك مضطهد وابوك حاقد عليك .. او انصحك تزور طبيب نفساني اكييييييييد راح يساعدك اكثر مننا بكثير

عموما الله يشفيك خيوووووو ويرزقك زوجه صالحه تعوضك

اخر تعديل كان بواسطة » أثير نجد في يوم » 18/04/2005 عند الساعة » 10:13 PM
اضافة رد مع اقتباس
  #5  
قديم 18/04/2005, 09:37 AM
زعيــم نشيــط
تاريخ التسجيل: 31/05/2004
المكان: الظهران
مشاركات: 944
اختي اثير نجد يا ليت و تشيلين الصورة..

يا ليت..

وبالنسبة للردود بحاول ارد عليكم باقرب وقت

تحياتي
اضافة رد مع اقتباس
  #6  
قديم 18/04/2005, 11:54 AM
زعيــم نشيــط
تاريخ التسجيل: 31/05/2004
المكان: الظهران
مشاركات: 944
هلا اختي جوليانا..

((اخي الصدر الحنون
يبدو ان لك من اسمك الشي الكثير والكثير))
8
8
8

اتمنى ذلك انشالله..

((ولاتحط ابوك قدامك في كل شي هو من شده اهتمامه بكم وحرصه عليكم قاعد يطلب منك الطلبات هذي ولتقول بس انا يعاملني كذا لا اكيد اخوانك كلهم ابوك حريص عليهم وانت بعد اذا صرت اب بتعرف معناه كلامي))
8
8
8

صدقيني انا دايم احسن النية بس ابوي هو اللي يضطرني افكر كذا.. والدليل معاملته مع باقي اخواني تختلف تماما يمكن بعض الاحيان يعصب عليهم بس انا داايما يعصب علي..

((المهم كل انسان لابد يمر بتجارب وظروف هي كذا الحياه وطالما انك مخلص وعلى نيتك وماغدرت با اي انسان الله بيوفقك ويعطيك على قدر نيتك))
8
8
8

ااامين يارب

((اخي اسمح لي اقولك اخي لانك مثل اخواني وتالمت لموضوعك))
8
8
8

مشكورة اختي على مشاعرك النبيلة..

((لازم تعزز ثقتك في نفسك وتحكم عقلك لا عاطفتك عمر العاطفه ماجابت نتيجه بالنسبه للبنت اللي كنت تحبها مستحيل تنساك لانكم كنتم تحبون بعض بصدق ومافرقكم الا الظروف البنت اذا حصلت انسان صادق ووفي مستحيل تنساه الين يحطونهافي قبرها))
8
8
8

هذي مشكلتي.. انا بالمواضيع هذي ما اقول افكر بعاطفتي.. بس احس عاطفتي تطغى على عقلي في اشيا كثيرة بس غصبن عني.. رغم اني احاول اقسى شوي على عاطفتي.. ويارب انها ما تنساني..

((الورقه هذي اكتب اخرها انك ماحصلت عليها ليه؟؟؟))
8
8
8

شلون يعني ما فهمت ؟؟

((حاول تسوي لنفسك من داخل غسيل ادري بتضحكون على كلامي بس انا جربت الكلام هذا غسلت التجارب والاشياء اللي ماحصلت عليها ولا فية امل احصل عليها كتبتها في ورقه ومزقتها مانفع كتبتها مره ثانيه واحرقتها<<اتحرقت يدي ))
8
8
8

سلامتك وبالعكس الشي اللي سويتيه حلو.. وانا بحاول اني اتكيف مع الوضع رغم اني من اول بحاول لكن الشكوى لله..

((الحمد لله انا بالف خير))
8
8
8

دوم انشالله

((القران لايفارقك والاذكار دايم معك في يدك في جيبك))
8
8
8

اصلا من يوم تفارقنا بدات اقرا قران واحافظ على الصلوات اكثر من اول..

((اتمنى لك حياه ورديه مافيها الم ولامشاكل انت بس غير طريقة تفكيرك وبطل حساسيه زايده وشف كيف تتغير حياتك
ادعولي محتاجه دعاكم ))
8
8
8

هذي بعد مشكلتي.. الحساسية الزايدة.. انا احاول اقلل منها شوي لكن صراحة ما اقدر الغيها نهائيا لاني فطرت على كذا.. مشكورة عالنصايح ويارب يوفقك دنيا وآخرة

تحياتي
اضافة رد مع اقتباس
  #7  
قديم 18/04/2005, 11:56 AM
زعيــم نشيــط
تاريخ التسجيل: 31/05/2004
المكان: الظهران
مشاركات: 944
هلا اختي الفيروسة الزرقاء

((أحمد ربك وأشكرهـ .. غيرك ماهو قادر ينام من أصوات الصواريخ والإنفجارات والبرد .. وإلا مايلقى له شي ياكله ويشربه ،،))
8
8
8

الحمدلله على كل حال..

((لا تبالغ ،،))
8
8
8

غريبة.. الحين انا ابالغ؟؟ انتي ما تعرفي حساسيتي واحساسي الصادق.. انا اذا حبيت واحد مستحيل انساه واذا كرهت واحد مستحيل احبه ثاني.. فما بالك اذا اللي كان حبيته حبيبتي؟؟

((ليه أنت طفل علشان يشيل عنك الكمبيوتر ))
8
8
8

انا ادري هذا اللي اقوله في نفسي..

((يابابا أقنع ابوك أنك رجال وعارف مستقبلك أكثر منه وتعال له باأسلوب حلو وصدقني راح يسمع كلامك باللتي هي أحسن ))
8
8
8

بابا؟؟ عاد انا مو صغير لهالدرجة عموما يا ليت لو ابوي يقتنع مستحيل يتراجع عن قراره حتى لو كان غلط.. والمشكلة ان عندي مادة تقنية المعلومات وكل شغلها عالكمبيوتر يعني وشلون بحل الواجبات؟؟


ومشكورة على نصايحك..
اضافة رد مع اقتباس
  #8  
قديم 18/04/2005, 12:00 PM
زعيــم نشيــط
تاريخ التسجيل: 31/05/2004
المكان: الظهران
مشاركات: 944
اختي اثير نجد..

((خيوووووو الحين الصوره هذي الي حاطها رابط في توقيعك هو انت ؟))
8
8
8

الحين هذا اللي همك بالموضوع كله؟؟ عموما يا ليييت لو تشيلين الصورة كان بامكانك ترسلي هالجملة عالخاص

((اجل بعذرها حبيبتك تخلت عنك لوووووووووووووووووول
معليش خيو امزح معاك بس علشان ترفه عن نفسك شوي .. عموما انت رجال وبعمر يسمح لك تتفاهم مع ابوك روح له او روح لاي واحد قريب لك بالعيله واكيد راح يساعدك في وضعك
))
8
8
8

عادي .. بحاول اكلم امي واخليها توصل المعلومة لابوي ولو انه امي بعد زي ابوي ما تقتنع الا برايه حتى لو كان غلط

((مدام تقول انك مضطهد وابوك حاقد عليك .. او انصحك تزور طبيب نفساني اكييييييييد راح يساعدك اكثر مننا بكثير

عموما الله يشفيك خيوووووو ويرزقك زوجه صالحه تعوضك ))
8
8
8

وش اللي طبيب نفسي والله يشفيك؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
اضافة رد مع اقتباس
  #9  
قديم 18/04/2005, 03:18 PM
عضو سابق بلجنة تطوير المجلس العام
تاريخ التسجيل: 25/11/2002
المكان: سجن الحياة
مشاركات: 2,298
الأخ العزيز الصدر الحنون :

أتمنى أن تتحمل صراحتنا :

من حيث علاقتك بمن أسميتها حبيبتك :

بإختصار مابني على باطل فهو باطل ,,

أنت بدأت علاقة بطريقة خاطئة لأنك تعلقت بها عن طريق الماسنجر !! وبنيت حياتك على أوهام !!

ثم عندما بدأت العلاقة تأخذ منحنى جديا جعلت أخوك يكلمها ليحدد لها طريقة كلامك معها !!

أعتقد فيه خلل هنا ,, ففيه بعض الأمور تخص الشخص لايتدخل فيها أقرب قريب له حتى لو كان

أبوه أو أخوه ,,

وبما أن الأمور وصلت إلى طريق مسدود فاللهاث وراء السراب لا يفيدك وأنت في بداية حياتك فمن الظلم

لنفسك أن تجعلها أسيرة للحظات سعيدة مرت ,, بل أحمد الله وأسأل الله أن يعوضك خيرا منها

والحياة لاتتوقف على موقف فالإنسان معرض في حياته للإبتلاء ,,

ولتعلم أن ما أصابك لم يكن ليخطئك وما أخطأك لم يكن يصيبك ,, فهذه أقدار الله ,,

فببساطة أنسها وإن لم تقدر فتناسها !! فكلنا مر بمواقف مشابهة بطريقة أو أخرى !!!!

ولكن لاتجعل قدوتك في حياة أفلام أو مسلسلات والتي تجعل الحبيب في موقف ضعف لفقد حبيبته

وتبقى كل المصائب تهون مالم تكن في دينك ,,

أما موضوع والدك ووالدتك :

فنصيحتي لك أن ترتمي في حضن أبوك وتقبل يده ورأسه وتطلب منه الصفح والسماح

دائما فهو لم يعاملك هكذا إلا لأنه لاحظ منك مايغضبه منك ,, ويجب أن تحسسه

بإحتياجك له وأن لاغنى لك عنه وكذلك أمك ,,

لا يمكن أن يكون الوالدين يكرهون ابنهم بل ربما يعملون لك ذلك ليحسسوك ويجب أن لاتكابر عليهم

فالخضوع لهم والتذلل لهم واجب عليك يقول الله سبحانه وتعالى :

(وَاخْفِضْ لَهُمَا جَنَاحَ الذُّلِّ مِنَ الرَّحْمَةِ وَقُل رَّبِّ ارْحَمْهُمَا كَمَا رَبَّيَانِي صَغِيراً) (الإسراء : 24 )

أسأل الله أن لايحرمك برهما ورحمتها ,,

فبالتأكيد القاعدة عامل الناس كما تحب أن يعاملوك فما بالك بوالديك ؟

تقبل تحياتي وبالتوفيق لك دائما ,,
اضافة رد مع اقتباس
  #10  
قديم 18/04/2005, 07:30 PM
زعيــم متواصــل
تاريخ التسجيل: 14/10/2002
المكان: عمري الرياض
مشاركات: 72
افففففف وش فيه زعل هذا
خيووو وشف فيه الطبيب النفسي ؟ ترا فيه فرق بين طبيب نفسي لعامة الناس وطبيب امراض عقلية للمجانين والي ما قلت لك تروح له
وبعدين الي يسمعك خيوو يقول سالفتك ماهي باطل زي ماقال راشد ؟
استغفر ربك وتوب وان شاء الله بتتعدل امورك
اضافة رد مع اقتباس
  #11  
قديم 18/04/2005, 09:35 PM
زعيــم متواصــل
تاريخ التسجيل: 06/07/2004
المكان: تـورا بـورا حالياً في قندهار
مشاركات: 154
[align=center]
إقتباس
الرسالة الأصلية كتبت بواسطة الصدر الحنون
واخاف ما اقدر اقرا ردودكم لان ابوي بيشيل جهازي


جميل جداً مايفعله والدك ..!!

وهاهو قد احس بـ غلطته .. وسارع بـ تصحيحها



فـ وجود الجهاز بين يديك .. ( غلط في غلط )

وكفايه عبط
[/align]

[align=center].[/align]
اضافة رد مع اقتباس
  #12  
قديم 18/04/2005, 10:04 PM
زعيــم مميــز
تاريخ التسجيل: 01/03/2003
المكان: الكويت
مشاركات: 4,418
[align=center]
الله يعينك ان شاءالله ويسهل امورك
للامانة انت دخلت نفسك في هالدوامة اصلا كلامك هذا هو بحد ذاته مشكلة
حاول تتخلص من كل الافكار السلبية انسى الماضي وابدا حياة جديده ولا تعلق نفسك في اوهام مالها اول وتالي

قصتك قد قريتها عندي سؤال هل ترضى ان اختك تقيم علاقة نفس علاقتك مع اي واحد تطلع معه ويجيب لها هدايا اذا ايه :p فعلى الدنيا السلام واذا لا فرجاء خل بنت الناس في حالها وانسى كل شي
>>> والله لو يدرون اهلها انها تكلم ولا تطلع مع واحد جان قصوا راسها من زمان :p


تحياتي لك [/align]
اضافة رد مع اقتباس
  #13  
قديم 18/04/2005, 10:49 PM
زعيــم متواصــل
تاريخ التسجيل: 21/03/2002
المكان: السعوديه - الرياض
مشاركات: 78
يالتي تبعد عن الانترنت اذا بتأثر عليك وركز على دراستك افضل
اضافة رد مع اقتباس
  #14  
قديم 20/04/2005, 07:58 AM
زعيــم نشيــط
تاريخ التسجيل: 31/05/2004
المكان: الظهران
مشاركات: 944
اعذروني على الرد عليكم واحد واحد لضيق الوقت

الاخ راشد..
الاخت اثير نجد..
الاخ هوازن..
الاخت كيفي كويتية..
الاخت ريتا..

مشكورين على مروركم وردودكم.. واذا كان فيه وقت برد عليكم

تحياتي
اضافة رد مع اقتباس
  #15  
قديم 20/04/2005, 08:08 AM
الصورة الرمزية الخاصة بـ Z I D A N E
زعيــم مميــز
تاريخ التسجيل: 27/03/2005
مشاركات: 5,511
السلام عليكم ورحمه الله وبركاته
اخي الصدر الحنون
حزين جدا لقصتك لانها نفس قصتي
وصدقني احب الجريئين مثلك
واول ماقريت الموضوع حسيت انك واحد من اخواني
والحب والله شي غريب جدا
اذا شعرت ان حبيبك مخلص لك
تصير حالتك
شوي وتطير من الفرحه
اما اذا كان حبيبك خائن
فانك تكره كل شي وتتغير نظرتك للدنيا
وتمنى تموت

كم اعجبني اسلوب جوليانا واعتقد انها لم تخطى في كلامها

وتبي الحل عند ربك
ايه والله
عند ربك

غير معاملتك للناس
اضحك مع اهلك
ابتعد عن شي اسمه وحده
نعم فالوحده تذكرك بذكريات مع حبيبك

وخلك اجتماعي من الدرجه الاولى

وكثر من القران
والاذكار
وابتعد عن الذنوب
كالاغاني التي دوما تذكر الواحد بالحب
وكلام الاغاني
دايم حب وحبيب وغالي

لان مافيه واحد مطرب بيقولك صل ترم ترم ترم ترم ترم ترم ترم
والا بر والدينك ترم ترم ترم ترم ترم ترم ترم
ودايم والله ناس من اخوياي
بدون مدح لنفسي

يدقون علي يبون حل لهالمشاكل
واعطيهم والحمد لله فيهم اللي استقام
واللي قام يصلي
ويعبد الله على اكمل وجه

اما بالنسبه
لابوك والانترنت

انا ابوي فاصل الانترنت
من زمان
بسبة تقصيري في حقوق اهلي

لكن لا تخاف
الله يخلينا محلات الانترنت

واهم شي حتى تصل لحل مشكله
التوكل على الله

والايمان بانها
من الله سبحانه وتعالى

والايقان بانها ستنتهي

اخي هذا ماستطيع ان اوصله لك واعذرني على القصور

والله يوفقك ويهديك ان شاء الله الى طريق الحق
اضافة رد مع اقتباس
   


إضافة رد

أدوات الموضوع
طريقة عرض الموضوع

قوانين المشاركة
غير مصرّح لك بنشر موضوع جديد
غير مصرّح لك بنشر ردود
غير مصرّح لك برفع مرفقات
غير مصرّح لك بتعديل مشاركاتك

وسوم vB : مسموح
[IMG] كود الـ مسموح
كود الـ HTML مسموح
Trackbacks are مسموح
Pingbacks are مسموح
Refbacks are مسموح



الوقت المعتمد في المنتدى بتوقيت جرينتش +3.
الوقت الان » 05:25 PM.

جميع الآراء و المشاركات المنشورة تمثل وجهة نظر كاتبها فقط , و لا تمثل بأي حال من الأحوال وجهة نظر النادي و مسؤوليه ولا إدارة الموقع و مسؤوليه.


Powered by: vBulletin Version 3.8.7
Copyright ©2000 - 2019, Jelsoft Enterprises Ltd

Google Plus   Facebook  twitter  youtube