السلام عليكم ورحمة الله وبركاته

مدخل .
فكرة السماعات المحيطيه مقتبسه من المسرح المنزلي بشكل مصغر
طبعا اكيد المسرح المنزلي افضل بس السماعات تكون بديل مناسب .


اخباركم شباب وشبابات
كنت ناوي اشتري مسرح منزلي وفايدته مثل مانتوا عارفين توزيع الاصوات
لان الالعاب يجي فيها هالخاصيه مثلا الصوت من جهة اليمين يطلع من السماعات اليمنى فقط والصوت الامامي يطلع من السماعات الاماميه وهكذا .
بس مشكلتي كانت في المكان المسرح مايصلح لي بسبب الازعاج اللي راح يسببه الصوت

ومرات من المره وانا ابحث بالنت لقيت سماعات تعطيك خاصية توزيع الاصوات
وبعد البحث والتمحيص >> متعوبن عليها هالكلمه
اخترت نوعيه ممتازه تعتبر بالنسبه لغيرها



توزيع الصوت فيها على 7 سماعات وفيها مايك للشات طبعا هالنوعيه للاكس بوكس بس تشتغل على البلاي ستيشن 3 وال PC والرسيفر واهم ميزه لاسلكيه

بالنسبه للشات علشان يشتغل عالبلاي ستيشن 3 لازم تركب له هالقطعه وسعرها حول 100 ريال




بعد ماقررت اشتري هالسماعات تم الطلب من امازون لانه ارخص من سعر الشركه المصنعه ب 190 ريال

سعرها بـ 565 ريال سعودي

تم شراء بطاريات مع شاحن 4 بطاريات AAA و4 AA



سعرها 95 ريال

وتم الشحن خلال يومين الى صندوق البريد في امريكا التابع لشركة وورلد شيب
وتم اختيار الشحن السريع كلف مع اعادة التغليف 210 ريال ووصلتني بعد اربع ايام


تمت التجربه على فيفا 2010 وكان الجو خيالي حسيت اني جالس وسط المدرجات والجمهور يصارخ بأذني من كل الجهات حتى انك تسمع حتى الاصوات الخافته في اللعبه

بعدها تم تجربة كود 6 بداية اللعبه مجنون صوت الريح يضرب في اذاني التوجيهات واضحه و من صوت الجنود تقدر تميز من اي جهه يجيك اذا كان يمين او يسار او من الخلف
بعض الاصوات تحس انك اول مره تسمعها وواضحه

اخر شي تم التجربه على الجزيره الرياضيه الصوت واضح وصافي وتحس بفرق عن التلفزيون العادي

هذا التجربه بشكل سريع وبأنتظار استفساراتكم واضافاتكم وصوت الطياره لما تمر قريب منك تنزل راسك من قوة الصوت



الموضوع بمجهودي وكتبته في 3 منتديات يعني اللي بينقله ياليت يكتب منقول على الاقل