" تجربة " السماعات المحيطيه - نادي الهلال السعودي - شبكة الزعيم

ابن الخطاب · #1 01/09/2010, 09:02 PM

السلام عليكم ورحمة الله وبركاته

مدخل .
فكرة السماعات المحيطيه مقتبسه من المسرح المنزلي بشكل مصغر
طبعا اكيد المسرح المنزلي افضل بس السماعات تكون بديل مناسب .

اخباركم شباب وشبابات

كنت ناوي اشتري مسرح منزلي وفايدته مثل مانتوا عارفين توزيع الاصوات
لان الالعاب يجي فيها هالخاصيه مثلا الصوت من جهة اليمين يطلع من السماعات اليمنى فقط والصوت الامامي يطلع من السماعات الاماميه وهكذا .
بس مشكلتي كانت في المكان

المسرح مايصلح لي بسبب الازعاج اللي راح يسببه الصوت

ومرات من المره وانا ابحث بالنت لقيت سماعات تعطيك خاصية توزيع الاصوات

وبعد البحث والتمحيص >> متعوبن عليها هالكلمه

اخترت نوعيه ممتازه تعتبر بالنسبه لغيرها

توزيع الصوت فيها على 7 سماعات

وفيها مايك للشات طبعا هالنوعيه للاكس بوكس بس تشتغل على البلاي ستيشن 3 وال PC والرسيفر واهم ميزه لاسلكيه

بالنسبه للشات علشان يشتغل عالبلاي ستيشن 3 لازم تركب له هالقطعه وسعرها حول 100 ريال

بعد ماقررت اشتري هالسماعات تم الطلب من امازون لانه ارخص من سعر الشركه المصنعه ب 190 ريال

سعرها بـ 565 ريال سعودي

تم شراء بطاريات مع شاحن 4 بطاريات AAA و4 AA

سعرها 95 ريال

وتم الشحن خلال يومين الى صندوق البريد في امريكا التابع لشركة وورلد شيب
وتم اختيار الشحن السريع كلف مع اعادة التغليف 210 ريال ووصلتني بعد اربع ايام

تمت التجربه على فيفا 2010

وكان الجو خيالي

حسيت اني جالس وسط المدرجات والجمهور يصارخ بأذني من كل الجهات

حتى انك تسمع حتى الاصوات الخافته في اللعبه

بعدها تم تجربة كود 6

بداية اللعبه مجنون

صوت الريح يضرب في اذاني

التوجيهات واضحه و من صوت الجنود تقدر تميز من اي جهه يجيك اذا كان يمين او يسار او من الخلف

بعض الاصوات تحس انك اول مره تسمعها

وواضحه

اخر شي تم التجربه على الجزيره الرياضيه

الصوت واضح وصافي وتحس بفرق عن التلفزيون العادي

هذا التجربه بشكل سريع وبأنتظار استفساراتكم واضافاتكم وصوت الطياره لما تمر قريب منك تنزل راسك من قوة الصوت

الموضوع بمجهودي وكتبته في 3 منتديات يعني اللي بينقله ياليت يكتب منقول على الاقل

ıl TŏP lı · #2 01/09/2010, 09:59 PM

أوم الفله

!

كم قلت سعرها 500 وشوي

عز الله شريتهآ

اشتري شرطآن أحسن

مشكور ع الموضوع

ودي أجرب السماعات

تقبل طلتي

ابن الخطاب · #3 01/09/2010, 11:03 PM

إقتباس

الرسالة الأصلية كتبت بواسطة ¬» ŦōP


	أوم الفله ! كم قلت سعرها 500 وشوي عز الله شريتهآ اشتري شرطآن أحسن مشكور ع الموضوع ودي أجرب السماعات تقبل طلتي

حياك اخوي صحيح غاليه بس الغالي سعره فيه

$$البرنس$$ · #4 02/09/2010, 02:19 AM

صراحه اخوي انت سبقتني بخطوات , بتقولي كيف ؟

انا نفس الكلام لي كم يوم ادور مسرح منزلي عشان الصوت عندي موب واضح لانه مكان كبير , وانت الان طلعت لي بفكره ممتازه , بدل ما اركب مسرح منزلي بمبلغ وقدره وغير كذا الصوت العالي الي راح اسببه لاني الوحيد الي اتابع مباريات , بس بغيت اسال سؤال كم سعره واصل عند باب البيت , وهل فيه فرق خاصه بمشاهدت المباريات وهل القطعه الي قلت عنها تأتي معاه ولا اشتريها من برا .

شاكر لك خيو وان شاء تنطرب بمشاهدت اهداف الملكي وتحقيقه التشامبيونز باذن الله.

M A D R I D · #5 02/09/2010, 02:33 AM

يعني كلفتك حول الألف ريال صح ؟

565 السماعات , القطعة 100 عشاان تركب ع البلايستيشن , البطاريات 95 , اعادة التغليف 210
احسبها خخخخخ

ازودها شوي واطق مسرح منزلي سوني مع اوبتيكال مستعمل لقيته حول الف وميتين ريال

وصلى الله وبارك خخخخخخخ

عبود .. كل هالموضوع عشان تقول لنا انك تعرف تطلب من امازون ؟ هههههههههههههه

الله يهنيّك يالغالي ... بس اشوف تكفلته عالية شوي

ابن الخطاب · #6 02/09/2010, 03:06 AM

إقتباس

الرسالة الأصلية كتبت بواسطة $$البرنس$$


	وهل القطعه الي قلت عنها تأتي معاه ولا اشتريها من برا . .

شوف راح يفرق معك اذا المباراه او الفلم يدعم الاصوات المحيطيه راح تحس بفرق كبير مره كبر راس فوبير ههههههههههه
وهذي سعرها واصل للبيت 870 مع البطاريات طبعا تقدر تشحن بأرخص من 210 بس تتأخر
القطعه تطلبها معه اذا تبي شات عاللابي ستيشن 3

إقتباس

الرسالة الأصلية كتبت بواسطة M A D R I D


	565 السماعات , القطعة 100 عشاان تركب ع البلايستيشن , البطاريات 95 , اعادة التغليف 210 احسبها خخخخخ

انا ماطلبت القطعه لاني ما اسولف اصلا

افوز وانا ساكت

بالنسبه للمسرح فلوسه كانت جاهزه 1700 ريال من سوني نوعه 810 الظاهر
بس المشكله ما اقدر اطول الصوت مابي ازعج البيت او الجيران
لقيت هالسماعات افضل حل

راجــ IO ــــــح · #7 02/09/2010, 05:39 AM

المتعة في اللعب أساسها صوت ممتاز
ثم صوت ممتاز ثم صوت ممتاز

ثم صورة جيدة

وهذا اللي طبقته انت
دفعت كل ها المبلغ على شان الصوت

لكن انصحك انك ما تتحمس وترفع الصوت
على اعلى شيء
لان له أثار سيئة على أذانك
ماهو مثل المسرح العادي

ليت كل من جرب شيء طرح تجربته للفائدة

لك

على نقل تجربتك لنا

هلالي والفخر هو حالي · #8 02/09/2010, 08:13 AM

إقتباس

الرسالة الأصلية كتبت بواسطة $$البرنس$$


	شاكر لك خيو وان شاء تنطرب بمشاهدت اهداف الملكي وتحقيقه التشامبيونز باذن الله.

افضل شي شي بالموضوع كللله
مشكور اخوي عالموضوع وقريت عنه في كم منتدى بس ان شاء الله قريب ابشري مسرح منزلي سوني

MADRID CF · #9 04/09/2010, 04:28 AM

من جد شكلها حماس
بجربها ان شاء الله
الله يعطيك العافيه
ماتقصر على التجربه والمعلومه