اررحبوا أنا حاس ان فيه شيء ضايع ما جيته في المنتدى طلع هالملتقى الطيب << يقولون له مصري احياناً

ما قريت الا هالصفحة الاخيرة و من خلالها شفت ان فيه نقاش عن التكتيك الدفاعي و الانضباط و هالكلام .. ودي ادلي بشوي من الدلو حقي مشكلة المنتخب الانجليزي انه ما فيه ثبات أبداً في الاسماء في قلب الدفاع .. شفنا تيري يلعب جنبه كاراجير و كينغ و فيردناند و ليسكوت و ريتشاردز .. كلهم لعبوا بجانب تيري كقلوب دفاع و أغلبهم في مباريات رسمية بسبب اصابة الآخرين !! كيف ينخلق الانسجام بدون ثبات .. مستحيل و هذا ما فيه لوم على أحد لأن المسألة مسألة إصابات

شخصياً أشوف الأفضل لـ اللعب بجانب تيري هو داوسون لكن للآسف يبدو ان كابيللو غير مقتنع فيه لذلك كاراجير هو الأقرب و مدافع ممتاز تغطيته و روحه عالية لكنه بطيء زيه زي ليدلي كينغ !!

عموماً قلب الدفاع ما راح يسبب مشاكل ان شاءالله الأهم ان كابيللو يضبط اموره في الوسط و الهجوم .. دخول باري في التشكيلة الاساسية مهم جداً مثل ما ذكرتوا و يكون الوسط بهالطريقة

باري

جيرارد .. لامبارد

جيرارد و لامبارد بيكون عنده راحة أكبر في الهجوم و مساندة دفاعية مستمرة .. في المباراة اللي راحت اللاعبين قدموا مستوى طيب خاصةً جيرارد اللي اعجبني ادائه كثير .. لكن و لو ما كانوا ماخذين راحتهم لأنهم اثنينهم يتقدمون و يرجعون لكن في حال تواجد محور ثابت بتفرق كثير معهم

هيسكي تواجده مهم في التشكيل و بنفس الادوار اللي قام فيها المباراة الماضية مع تمركزه بشكل اكبر داخل منطقة الجزاء لأن المباراة الماضية كان يطلع برى المنطقة و يجهز الكور لزملائه هذي ممتازة لكن الكرات اللي وصلته داخل المنطقة قليلة

هذا دلوي و إن شاءالله نفرح بالفوز الليلة