فــاهــم غـلــط - نادي الهلال السعودي - شبكة الزعيم

الرايق الأزرق · #1 20/03/2011, 05:55 PM

بدون محاولة فهم .. أو محاولة فهم جزء .. أو جزء من الفهم .. يخرج علينا .. يتحدث .. يتشدق .. ينثر مغالطاته .. الأخ فاهم غلط ..

يعتقد أن المثالية انك تكون مسكين .. ما تتكلم .. ما تدافع .. ما تنحاز .. ما تحب .. ما تعشق ..
مالك ميول .. ولا عاطفة ..
الأخ فاهم غلط ..

يقول تذكر وتذكر .. وحاول معي تتفكر .. وبطريقة واخرى يقول لجماهيره أنشر ..
المعلومة طيب غلط .. والفكرة من أساسها غلط ..
ما قلت لكم الأخ فاهم غلط ..

يقول احنا فزنا .. وبالنتائج الكبيرة انتصرنا .. ويصنف ويحرف .. وعن الحقائق يصرف ..
وما يدري اننا نتابع الكورة .. ونعرف من الحقائق قد ما يعرف وأكثر ..
وياما أخذنا نتائج وحطيناها في رصيد الخصوم كناتج قسمة وزايد .. ولا أقصد مبروك زايد .. وهذي الكورة ..
لكن الأخ فاهم غلط ..

يقول زمان شفت تصريح .. والتصريح موجود .. بحثت في النت وفي الجرايد ..
أبغى صورة وفيديو تدمغ الحقائق .. لقيت صوت واحد .. أحبه واعزه واغليه ..
يقول الهلال استفاد من التحكيم .. والأندية الأخرى استفادت .. للأسف بتر الكلام ..
وسكت عن الجزء الهام .. والناس نيام .. فصاغ الكذبة في سلام .. وعاش أبو وئام .. مفسر الأحلام ..
فلله دره كم أعطي طاقة في الكذب .. و الحق عليه وجب ..
لكن الأخ مسكين فاهم الكورة غلط ..

واحد منهم يقول جيبوا ناس تعرف تحكي .. انا ما أقبل أي أحد ضدي .. أنا صديق نفسي ..
ما أرضى على أنا والحب ضدي .. احب أمشي وأمشي يحبني .. لا تكثرون هرج ومرج ..
ولو ركبوا على عباس سرج .. يظل يناطح ويبهج .. وهذا المراد وتم ..
والأخ فاهم غلط ..

كلمة تقول ياليتك تركتني .. وصرت بعيد عني واجتنبتني .. بدل هالصجة والمجة ..
وتركت الناس .. اللي يصور واللي يتكلم واللي يتحكى واللي يبلتك ( يعني يتكلم في البالتوك ) وانا عني نفسي مستعد .. ما عاد اضحك وانت تعلك .. ولا انت تفرح ولا تضحك ..
حتى حزنك انساه .. والا وش قطع بطني سواه .. وتطلع وتقول الفارق بسيط والتفوق أجنبي ..
الأخ فاهم غلط ؟! ( استفسار مثل استفساراته ) ..

الهلال فريق كبير .. ندري لكن طلع اللي في البير .. يقول الهلال خايف .. بعدين يسكت ..
يقول لا كالديرون خايف .. هذا والهلال فيه الفريدي وياسر وعلي والشاطر حسن وصمام الامان هوساوي ويخاف .. اجل اللي عنده تكر والمنتشري و النمري وش يقول ؟ ..
ما قلت الأخ فاهم غلط ..

الهلال للدوري منطلق .. وفريق البطولات لكل شيء مستعد .. يشوف الكأس قبل بداية البطولة ..
ويغرد الحاله بأجمل حلة وصورة .. وينشد الخمسين بعد الواحد .. واسبوعين ويجيب الكأس الغالية ..
واحنا كلنا مستنين .. ونردد النشيد القديم .. بطولة بطولة والهلال من يطوله .. لنبتعد عن أقرب المنافسين ..

وبعد الفوز اليوم .. وبكرة على الوحدة .. سؤال بسيط الهلال وش يبغى منا ؟
على الأقل الحضور اليوم .. التشجيع .. المؤازرة .. الزفة

..
الهلال يبغى نكون قريبين كقرب الهلال من المنصات .. ومحبين كاصطياده للبطولات ..
ومؤثرين كحضور الهلال في البطولات .. استغرب احنا ما تعلمنا من الهلال .. ! حتى لا نفهم الهلال غلط ..

تحياتي ،،،

معشق الزعيم 20 · #2 20/03/2011, 06:01 PM

!!!!!!!!

بالتوفيق للهلال و صح لسانك

هند الشمري · #3 20/03/2011, 06:02 PM

لوووووووووووووووووووووووووول

رووووووووووعه المقال

خصوصاً هالجزئيه ،

إقتباس


	واحد منهم يقول جيبوا ناس تعرف تحكي .. انا ما أقبل أي أحد ضدي .. أنا صديق نفسي .. ما أرضى على أنا والحب ضدي .. احب أمشي وأمشي يحبني .. لا تكثرون هرج ومرج .. ولو ركبوا على عباس سرج .. يظل يناطح ويبهج .. وهذا المراد وتم .. والأخ فاهم غلط ..

.

عوافي

.

Abu Nayef · #4 20/03/2011, 06:03 PM

بالتوفيق للزعيــــــــــــــــــــــم

سلطان العودة · #5 20/03/2011, 06:24 PM

الله يوفق الزعيم يااااااااااااااارب

عندما يموت الحب · #6 20/03/2011, 06:22 PM

اللهم اجعل الفوز من نصيب الهلال في مباراة الليله

الزعيم%الهلالي · #7 20/03/2011, 06:22 PM

اللهم اجعل الفوز من نصيب الهلال في مباراة الليله

العسيري الهلالي · #8 20/03/2011, 06:25 PM

سبحان الله انا داخل الموضوع اصلا بالغلط

لكن كلامك ونقدك والله مافيه غلط

موضوع رائع وممتع ..

عاد صديق نفسه البارح متصل على برنامج الملعب يقول هلا اخوك (مقدم البرنامج الزهراني)

مايعرف يقول هلا اخوي فلان

F15.Y · #9 20/03/2011, 06:34 PM

من جد فاهم غلط

لا فض فوك

زعيم قاهرهم · #10 20/03/2011, 07:24 PM

ههههههههههههههههههههههههه
فــــــــــــــــاهـــم غلـــــــــط

اللـــهم وفــق الزعيــم الليـــــله
مشكــــور علــى المــــوضـــوع
وتقبـــل مـــروري

Madr!d · #11 20/03/2011, 07:31 PM

مشكور اخوي على الطرح الرائع

بالتوفيق للزعيم

MŞṯяē7 άŁβάℓ · #12 20/03/2011, 07:32 PM

مقآآل رآآئع وطرح أرووع ..
بآرك الله فيك .. لآعدمنآآك ..
بالتوفيق للزعيم .. ق1

جنتلمان الزعيم · #13 20/03/2011, 07:33 PM

الله وفق الهلال في كل مكان يااااااااااااااارب

fayz alwalan · #14 20/03/2011, 07:34 PM

كلام جميل الله يعافيك ،ويالتوفيق للهلال.

أتمنى أعرف لماذا لا أستطيع أن أطرح موضوع جديد؟
أرجو من الإدارة التجاوب والإجابة على سؤالي.

لكم مني أطيب تحية

يـ0ـاسـ2ـر · #15 20/03/2011, 07:38 PM

يا شباب الملعب فاااضي وينكم

ترى الي بالمنتدى اكثر من 40 الف شخص وراكم قاعدين

يالله الملعب

والله عيييب !!