السلام عليكم

مسائكم , صباحكم زعامة

انا متابع قديم وزائر بشكل يومي لهذا المنتدى ولهذا القسم بالذات ولكن مشاركاتي قليلة
عشان محد يجي ينبرش ويقول مشاركاتك 20 ومسجل من 2008 انت مندس لووووول ما ادري وش الحكمة
عند بعض اخواننا الرهيبين :s

شطحة فضفضية صغيرة( ياناس ترا كلمة لكن كذا تنكتب مو لاكن ) .




اول شي مبروك فوز زعيمنا بالثلاث نقاط والقادم أحلى وأحلى إن شاء الله ,الله الله بالمساندة وابعدوا عن الإنتقاد لأننا في مفصل الموسم وجمهورنا واعي وكبير وفاهم ولكن ذكر فإن الذكرى تنفع المؤمنين

سالفة سيء الذكر وبيرفع قضية والا مهوب رافع لا يهمكم ولا تعطونه اكبر من حجمه صغيرنا قبل كبيرنا عارف اخلاقهم وشايف الدفدفه والاستفزاز الي حتى الشلهوب ماسلم منه (شطحه ثانيه) ياتسبديه على صورة رادوي والشلهوب وهم يناظرونه ويضحكون والله ياحطيت نفسي موقف الدجاجه حسيت بشعور الطقطقه الاليمه

نرجع لمحور حديثنا

الي خلاني اكتب هالمره وجبرني اني اكتب <- تكفا لا تحرمنا جديدك يا أحمد الرواس

ياناس شفت فاصل امس من زيزو ايش ممتع ايش جامد

وقسم يا انا عدته صطعش مره شي هبال ما شاء الله تبارك الله

لكن قهرني التعليق كان ينرفز وكأن الكوره طالعه برا الملعب

وادور في اليوتيوب معلقين ثانين كل واحد ادج من الثاني

قلت يارباه واويلاه لو فارس عوض كان يعلق ويعطيني فوق الفاصل المهاري فاصل تعليقي

زبدة الموضوع حبيت اشيد في مهارة زيزو وإلى الأمام يابطل والمستقبل قدامك وهالآدمي بيصير شي جامد في تاريخ الكره السعودية بإذن الله لأنه عنده المهاره وروحه ماتباعد روح وطيبة شلهوبنا

فا إلى الأمام إلى الأمام <- ازبن

وياليت لاين سبورت ولو اني اكرههم بس تعطيها صفقة العمر وترجعلنا فارسنا لدورينا