السلاك عليكم ورحمة الله وبركاته


زعماء وزعيمات بس يعني مندسين مندسات على جنب

مبروك المستوى والنتيجه ايه والنتيجه وش فيكم تطالعوني كذا

قريت موضوع يقولك وش هالمستوى وبنطلع من البطوله مدام المستوى كذا ومدري وشو!

انتم شفتو يونس محمود والهلال يلعب على المرتدات كيف يقطون له كور ورى الدفاع ويستغل سرعته ويشكل خطر على مرمانا.

هذا تخطيط كالديرون لانه عرف يونس زين وعارف انهم بيهاجمون ولعبها صح الي يطلعلي يقول مستوى مافيه بتشوف المستوى بس كل خصم له طريقه والشاهد على ذالك كيف بينيات الاعبين وكيف باصاتهم وكيف نامي حقنا

اكيد الرد بيكون حلويين

يعني يالبا زعيمنا اليوم بمستواه الخططي <<اوووومش يالفلسفه


نجي للمبدع المتألق حسونه العتيبي

اليوم شفنا الدعيع مو حسن ابدع تألق وقف يونس وفهوده ولازم مانهضم حقه وماقصرت يابو عتب


وبالنسبه لخروج الهلال من الاسيويه بيكون على يد بعض الجماهير الي تنقد في وقت مو وقت نقد جربو لو مره لا نقدون لما تخلص البطوله والهدف ان الاعبين يدخلون كل مباراه بدون ضغوط نفسه ومايفكرون بوش قالو جمهورنا بالمندى يعني احد يغلط بمباراه من الباريات سوائن من الدفاع من الوسط من الهجوم خلوه في حاله وشجعوه كذا صدقوني ليقدم ماوراه ودونه عشان يرضيكم

والكل عارف ان اغلب المواضيع في النقد تكون من المندسين وسمعت من واحد يقول ولد عمي يكتب في جريده ونصراوي متعصب ويكتب في منتدى الزعيم وينقد نقد يحطم الاعبين فيه الكلام هذا بالاسيويه الي راحت واتمنا من الجميع التعاون على تحطيم المندسين بمنتدانا بتقولي كيف تكون الردود على اي موضوع فيه تجريح عكس كلامه وتمتدح الاعب الي ينقده يعني اتمنا من الاداره تقرى الموااضيع وتشوف النقد الهادف وتنشر الموضوع والنقد الجارح اتمنا ماتزل الموضوع بالمنتدى واتمنا من من االاداره بالمنتدى تثبت موضوعي هذا دائمن ويكون اول موضوع حتى يقراه الجميع حتى ماحد يقراه وبعدين ينسى الي قراه

ومعليش ماعرف اكتب مواضيع مثلكم باحتراف ومنظمه وبعدت اللون توني اصغير على كتابة المواضيع


وشكرا