اكثر اللاعبين المحترفين يأخذون مقدم عقود بمئات الالاف من الريالات وهذه عقود معلنه فما بالك بالعقود الخفية والتي تزيد عن مئات الالاف ... اللاعبون المحترفون ياخذون رواتب من ( سبعة ) الاف وحتى ( عشرين ) الف ريال شهريا في بعض الاندية .... اللاعبون المحترفون يأخذون مكافأت فوز وتعادل وربما هزيمة ( بشرف ) :confused: :confused: ! ! وكذلك مكافأت احراز ( بطولة ) .. كل هذا غير ( الهبات ) والمنح من بعض اعضاء الشرف للاعبين المدلعين والمحبوبين لديهم ....

ســــؤالــــي : هـــل يستثمر هؤلاء اللاعبين رواتبهم ومكافأتهم في مشاريع ( اســتــثــمــاريــة ) خارج اسوار النادي وخارج مجال الكورة حتى يؤمنوا مستقبلهم المادي بعد الاعتـزال او التنسيق ؟؟؟
أم يكون رصيده ( صـــفـــر ) بمجرد انتهاء الاجازة الصيفية والتي يقضيها بالخارج ؟؟


هو سؤال غريب لكنه مهم ! !

الله يصلحك بس !!

عن اي مشاريع استثمارية تتكلم ؟؟

هذولي احسن واحد فيهم يالله يفتح مخبز تميس ..>>>> يازينه وهو حاااار ;) ;)


ياخوي يالمغترب لاعبينا مايعرفون اي شي اسمه تخطيط أو استثمار ..

ربعك راعين ( ختخته و سفرات ) وبس .. ..



لك التحية ..

اخي متعود

انا اعرف ان اغلبهم راعين ختخته وسفرات وبالاشهر وفي ارقى الاماكن .. لكن الا يعقل ان يكن فيهم ( رجل رشيد ) ؟؟

ومن وين يجيهم العقل الرشيد منه ؟؟



من الفلوس اللي تجي بسهولة وتروح بسهولة !!


والا من سهرات السمرات ( واللزي منه ) !!


والا من عمادات الدراسات العليا في الجامعات اللي صاروا يشتكون من كثر اللاعبين اللي يدرسون عندهم !!




يابن الحلال خلها على ربك ..



والا اللاعب السعودي

نظرياً : محترف

عملياً : دااج !!


والله يستر من اللي جاي ..

اللاعب يجب ان يعرف نفسه ان له نهايه وربما قريبه بالملاعب بسبب ضعف مستوى او تنسيق او اصابه مزمنه او ما شبه ذلك ، ولذلك يجب ان يؤمن نفسه حاليا في مشاريع تدر عليه دخلا ثابتا بعد تركه الكرة.. كما يجب ان يعلم اللاعب انه بمجرد تركه الكرة يعني الراتب ( خلاص ) ولا يوجد لديه راتب ( تقاعدي ) ..

هل احد من اللاعبين الحاليين او الذين اعتزلوا له مشاريع استثماريه خاصة ؟؟؟

والله اني ما اهتم!!!

الصراحة أنا ما عندي معلومات عن اي مشروعات لأي لاعب ..


وهذا ما يعني ان كلهم ما عندهم مشاريع , بس أتصور ان أكثرهم ما عندهم شي , بدليل اللي نقراه

كلنا في الجرايد عن حالة كثير من اللاعبين بعد الاعتزال ــ الله لا يوريك ــ أحوالهم محزنة جداً ..


وأتصور ان اللاعبين السعوديين اللي عندهم مشاريع عـددهم قليل جدا , بس ما أحد يدري عنها ,

لأن طبيعة مجتمعنا حنا يالسعوديين ما أحد يحب يتكلم عن مشاريعه , واللاعبين جزء من المجتمع ..



وفي رأيي ان أهم سبب لقلة مشاريع اللاعبين هو سهولة حصولهم على الفلوس ..

والفلوس اللي سهل تجي .. سهل تنصرف ..



تحياتي يالمغترب ..
وترجع بالسلامة ..

شكرا اخي متعود

وكلامك صحيح 100 % وما يدخل بسرعه يتم صرفه بسرعه !

حسب علمي ان اللاعب يوسف الثنيان له محلات تصاميم ديكورات بالاضافه الى محلات رياضيه .. حتى انه اذا فتح محل رياضيه يكون متواجدا بالمحل اغلب الاوقات حتى تعرف الناس ان هذا المحل يملكه يوسف الثنيان ثم يشتهر بسرعه بين الشباب في نفس الحي والاحياء المجاورة ومن ثم يختفي الثنيان عن محله نهائيا بع ان حقق له شهرة دعائيه مجانيه كبيرة ...


يعني فيه لاعبين على الاقل يفكرون ويستغلون شهرتهم ..

والله مسألة ان الثنيان يسوي دعاية لمحلاته فتراها حركة حلوة وذكية منه ..

واللي أعجبني أكثر انه مختار لمشروعه مجال يقدر يفهم فيه ,

وهذا دليل ان الرجال يعرف زين وين يحط فلوسه ..





وهذي النقطة ذكرتني بواحد ــ مهوب لاعب ــ لكنه ممثل

واللي هو عبدالحسين عبدالرضا , واللي حدثت له في أوائل الثمانينات

خسارة هائلة ومشهورة بملايين الدنانير في سوق المناخ ..

وهذا الشي هو اللي خلاّه يسوي مسرحية بنفس الاسم عام 1983 م



فشي مهم ان الواحد ما يحط فلوسه الا في شي يفهم فيه ..

وما يصير إمـّـعه .. كل ما شاف الناس مسوين شي لحقهم وهو مايدري وش الطبخة !!




لك كل التحية
وكل التقدير ..;) ;)

طيب

هل نجد ان اللاعبين . سامي .. الدوخي .. نواف .. المفرج .. وغيرهم .. ( ليس لديهم ارتباطات اسريه.. اي لم يتزوجوا حتى الان ) .. يعني ما عليهم مسؤليات او التزامات ..

هل استغلوا رواتبهم في فتح مشاريع مستقبليه لهم ؟؟ اتمنى ذلك