][ اســـأل والمجلس يجيـــب ][ - صفحة رقم 51 - نادي الهلال السعودي - شبكة الزعيم

هلال اسيآ · #751 18/04/2011, 02:43 AM

صباح الخير

ممكن شرح لـ ( طلع مثل الشعره من العجين ! )

لان عندي سوء فهم في هالكلمه ،
اسمعهم يقولونها في اللي يطلع من الموضوع بسهوله !
بس اللي استنتجته من الكلمه انه يطلع منها بصعوبه

وش السالفه بالله

!

خـيـالـيـه · #752 18/04/2011, 02:51 AM

إقتباس

الرسالة الأصلية كتبت بواسطة هلال اسيآ


	صباح الخير ممكن شرح لـ ( طلع مثل الشعره من العجين ! ) لان عندي سوء فهم في هالكلمه ، اسمعهم يقولونها في اللي يطلع من الموضوع بسهوله ! بس اللي استنتجته من الكلمه انه يطلع منها بصعوبه وش السالفه بالله !

صبحك الله بالرضى والعافية يا رب

صح هو كذا
يعني مثل اللي يطلع من الموضوع بسهولة
ودايم تنقال للشخص اللي يتسبب بمصايب للناس ويطلع من السالفه ولا كآنه هو المتسبب فيها

اتمنى اكون افدتك ..
تحياتي لك

ملكة الورد*1* · #753 18/04/2011, 02:30 PM

السلام عليكم ورحمة الله وبركاته
استفساري عن الجوال جهازي سوني اركسون موديل c905
للاسف الشديد فجأه قفل ولا رضى يفتح بعدها المشكلة الارقام والمعلومات اللي بالرسايل الموجوده فيه
سؤالي هل ممكن يتصلح من غير فرمته ومن غير ماتضيع المعلومات اللي فيه اللي عنده معلومه يفيدني
واللي يعرف افضل مكان تصليح جوالات يفيدني لاني اول مره يخرب لي جوال وابغى خبراتكم فهالشي

وشكرا جزيييييييييييلا للي لرح يفيدني مقدماً

the king yasser · #754 18/04/2011, 02:46 PM

^

وينك ططيب ؟

اذا بالرياض عندك الاتصالات الي عـ التخصصي ( سمر ) فيه كم محل خاص بـ سوني اريكسون يارب يفيدونك

ملكة الورد*1* · #755 18/04/2011, 04:12 PM

شكرا اخ ياسر

انا بالرياض
بس السؤال الاهم هل لو صلحوه المعلومات الموجوده والارقام ترووح

the king yasser · #756 18/04/2011, 04:44 PM

والله وانا اخوك ماعندي خبر

على حسب الخراب الي بجهازك

لكن ان شاء الله ماينمسح شي

الزعيم سام6 · #757 18/04/2011, 06:16 PM

إقتباس

الرسالة الأصلية كتبت بواسطة **الـــــــــواوا**


	الزعيم سام 6 شفت كرتون السآتيو وماحصلت الحديده اللي تقوول عليها . حصلت السلك اللي تشبكه مكان الشآحن وتشغل الفيديو على التلفزيون فقط أحصلها عند المحلآت هالقطعه ؟ ترآني رآعي طووويله ض1 وكم يجيب لي فالسوق حاليـاً إذا بعته إذا عندك خـبر؟

ياهلا فيك ,, دامك مالقيت الحديده ,, رح للاتصلآت بإذن الله بتلقها عندهم ,,

او خل حق الاتصالات ينقل معلومات 20 ريال فقط

الزعيم سام6 · #758 18/04/2011, 06:17 PM

إقتباس

الرسالة الأصلية كتبت بواسطة ملكة الورد*1*


	السلام عليكم ورحمة الله وبركاته استفساري عن الجوال جهازي سوني اركسون موديل c905 للاسف الشديد فجأه قفل ولا رضى يفتح بعدها المشكلة الارقام والمعلومات اللي بالرسايل الموجوده فيه سؤالي هل ممكن يتصلح من غير فرمته ومن غير ماتضيع المعلومات اللي فيه اللي عنده معلومه يفيدني واللي يعرف افضل مكان تصليح جوالات يفيدني لاني اول مره يخرب لي جوال وابغى خبراتكم فهالشي وشكرا جزيييييييييييلا للي لرح يفيدني مقدماً

اخوي المشكلة بالضبط مآهي ,,

تفتح الجهاز وش يجيك بالضبط ,, يشتغل الجهاز والنور ..؟
بدون ماتشتغل الشاشة ..!

كذا المشكلة

هلآلية شمر · #759 19/04/2011, 04:46 AM

آحم ـآحم

شحالكم اهل المجلس

وشسمه الوالد قرر يشتري لي بلاك بيري ولو اني ودي باي فون

<< تجري الرياح بما لاتشتهي السفن

فـآ وشسمه ايووون وش تنصحوني فيه بحدود الف او الف وميه هيك شي

هلاليه شمر ^.*

^_^ F A W W A Z ^_^ · #760 19/04/2011, 04:58 AM

إقتباس

الرسالة الأصلية كتبت بواسطة هلآلية شمر


	آحم ـآحم شحالكم اهل المجلس وشسمه الوالد قرر يشتري لي بلاك بيري ولو اني ودي باي فون<< تجري الرياح بما لاتشتهي السفن فـآ وشسمه ايووون وش تنصحوني فيه بحدود الف او الف وميه هيك شي هلاليه شمر ^.*

هلابكـ ,,,

انا شاريه قبل اسبوع من جرير بـ 1099 ( بلاكـ بيري كيرف مطور 3G ) >> ناس يقرون يقولون ليتك ماشريت انت واسألتكـ

ضمان سنه ,, ولكن مو هو الافضل في انواع (( في موضوع مثبت في منتدى الا تصالات عن الانواع ))

هذا الرابط .. http://vb.alhilal.com/t896647.html

لكن اذا على السعر اللي تبينه هذا هو الافضل ...

وتكسرينه بالعافيه

U S A M O V I C · #761 19/04/2011, 01:54 PM

إقتباس

الرسالة الأصلية كتبت بواسطة هلآلية شمر

آحم ـآحم

شحالكم اهل المجلس

وشسمه الوالد قرر يشتري لي بلاك بيري ولو اني ودي باي فون<< تجري الرياح بما لاتشتهي السفن

فـآ وشسمه ايووون وش تنصحوني فيه بحدود الف او الف وميه هيك شي

هلاليه شمر ^.*

طيب ليه ما تآخذين جهاز أندرويد

طالمآ أنّه رغبتك فالآيفون فالأندرويد يؤدي الدور بشكل رائع !

الزعيم سام6 · #762 19/04/2011, 02:04 PM

إقتباس

الرسالة الأصلية كتبت بواسطة هلآلية شمر


	آحم ـآحم شحالكم اهل المجلس وشسمه الوالد قرر يشتري لي بلاك بيري ولو اني ودي باي فون<< تجري الرياح بما لاتشتهي السفن فـآ وشسمه ايووون وش تنصحوني فيه بحدود الف او الف وميه هيك شي هلاليه شمر ^.*

ياهلا اختي ححلو ,

البلاك بيري سعرك يوجد نوع اسمه بي بي كيرف مطور ,

بس الافضل انك تأخذنه من محلات الاتصالات وابعدي عن جرير ,

لانه بصراحة محلات الاتصالات ارخص من جرير 150 ريال

في المحلات يباع 950

زيزوم الزعيم · #763 19/04/2011, 02:26 PM

إقتباس

الرسالة الأصلية كتبت بواسطة هلآلية شمر


	آحم ـآحم شحالكم اهل المجلس وشسمه الوالد قرر يشتري لي بلاك بيري ولو اني ودي باي فون<< تجري الرياح بما لاتشتهي السفن فـآ وشسمه ايووون وش تنصحوني فيه بحدود الف او الف وميه هيك شي هلاليه شمر ^.*

هلا و غلا

انا توي شاري بلاك بيري بي بي كيرف المطور

جديد بكرتونه و بضمانه بـ 950

هو الافضل على هالسعر فيه الجديد اللي لمس على ما اظن

لكن انا بقولك عن اللي اعرفه

البي بي كيرف المطور الماوس حقه لمس

افضل من الكيرف و البولد لان الماوس حقها كوره و سريع خرابه بالعربي (فقعة مراره)

و البي بي كيرف ذاكرته 2 قيقا و هو اسرع من اللي سبق ذكرها

يعني بالعربي هو الافضل

انا خذيته من مشآعل العاصمه بـ 950

في محلآت الاتصالات

بتلقينه تقريبا في الـ 900 و فيه بـ 880 و من هالكلام

اي اسئله عن الجهاز لا يردك الا الكيبورد

فمان الله

**الـــــــــواوا** · #764 19/04/2011, 04:26 PM

^^
حيرتني ياخي وش الأفضل الكيرف والا بولد

يمدحووون البيبي بولد المطوور طبعاً .

حروف الغلا · #765 19/04/2011, 04:58 PM

مسا الورد ع الصبايا و الشباب

سين سؤال :

اتصلت على فندق موفنبيك اللي بمكة على هالرقم 0096625717171

يرد علي هندي ، يقولي اتصلي على الرقم صفر

اللي عنده رقم ثاني يعطيني اياه

و لكم الشكر و التقدير