11/03/2011, 07:46 PM
|
| زعيــم متألــق | | تاريخ التسجيل: 19/11/2007 المكان: الموقع الرسمي لنادي الهلال
مشاركات: 1,369
| |
|
صـور من إعـتداءات وتجـاوزات النـادي ألأصفر في الوسط الرياضي تتحـدى العـقـوبات >>> (تم إضافة صور جديدة)
بعد نهاية المباراة خرجوا يتباكون على الاخلاق الرياضية ويطالبون بمعاقبة رادوي بعد تصريحه ضد عبدالغني فيظن من يسمعهم انهم هم اهل الاخلاق الرياضية ومؤسسيها في الملاعب وانهم صادقين بأن همهم بعقاب رادوي الحفاظ على الاخلاق طيب نشوف الصور وبعدها نحكم على صدقهم : ! ! ! ! ! ! ! ! ! ! ! ! هذا لاعب من ناشئينهم ,,  ^ ^ ^ ^ طيب يمكن يقولون لاعبنا هذا توه صغير وناشئ لكن لاعبيننا الكبار قمة الاخلاق ,, نشوف الصورة وبعدها نحكم : ! ! ! ! ! ! ! ! ! ! ! ! ! هذا هو اللاعب الخلوق المؤدب البرئ اللي جرح مشاعره القاسي رادوي ,,,  ^ ^ ^ ^ لا والله قمة الاخلاق ,,, طبعاً هذا قائدهم اللي الحين هم يتباكون بعد تصريح رادوي ضده المشكلة اذا بالتمارين سـوا كذا أجل بالمباراة وش ممكن يسوي يـوزع مساويك وكـتيب عن الاخلاق مثلاً ,,, --------------------- - طيب نترك اللاعبين نروح نشوف رئيسهم اللي مرة يطلع يطالب بعقاب رادوي ومرة يطالب بعقاب سامي ومرة يتحول لكونان ويطالب بعقاب لاعبي الهلال بسبب المنشطات الصراحة اللي يسمعه يظن انه الرئيس المثالي وأنه لايرضى بالتعدي على أحد وهمه هو التحلي بالأخلاق والويل لمن يخالفها , نشوف الصور الحقيقية أول وبعدها نحكم : ! ! ! ! ! ! ! ! ! ! ! خلص من الحكم ولف على رجل ألأمن والعيون تترقب وش يبي يسوي يشكر رجل الأمن على جهوده مثلاً ,,  إضررررب ,, هذا اللي صار   ^ ^ ^ ^ ماشاء الله على الاخلاق والمثالية يعني اهانة الحكم ورجل الامن بوقت واحد - طيب نشوف وش سالفة اتهامه للاعبين الهلال بالمنشطات :   السـؤال / هل تم عقاب من اتهم لاعبي الهلال بالمنشطات ؟ مع العلم أنهم كانوا وقـتها بمهمة وطنية ؟ الجواب: لا ولن يكون هناك أي عقاب . --------------------- - طيب نشوف لاعبينهم فقد نجد الاخلاق الرياضية لديهم ويمكن اذا أخطوا مايتهورون ولا يعتدون على أحد يعني الواحد منهم اذا تهور يمكن يشوت له قارورة ماء او يشوت العشب أو يعض على لسانه !! بس أبد مايتهورون ,,, نشوف الصور أول ونحكم : ! ! ! ! ! ! ! ! ! ! ! أوووف وصلت لرجال ألأمن مرة وحدة ,, يعني وش أكثر من كذا تهور وتجاوزات .  يارباااااه قتال الشوارع بالملاعب (اضرب اشتم ابصق اركل من قدك ياعم)  والله الحكام صاروا ملطشة للنصراويين ,,, حـواري مهب دوري محترفين ,,    من جد الحكام ملطشة للنصراويين بعد السب والشتم والمحاصرة داخل الملعب وصلنا الحين لإتهام الحكم بالرشوة عينك عينك ,,,     عادة محاصرتهم واهانتهم للحكام من زماااااان وليست بجديدة  ياناس وش هالاخلاق الرياضية العالمية ,, معقولة (سب وشتم واعتداء على الحكام ورجال ألأمن واتهام بالرشوة ) كل هالتجاوزات قاعدة تصير عندنا في ملاعبنا من النادي الاصفر المدلل ولا عقاب ولا رادع ,,, --------------------- - طيب لحظة شوي نشوف جمهورهم بالملعب يمكن أنهم قمة الاخلاق نشوف الصورة أول ونحـكم : ! ! ! ! ! ! ! ! ! ! ! ! ! على خمسة ريال انواع الاحذية والزبيريات بالملاعب وسلم على الانضباط والاخلاق ,,   ^ ^ ^ ^
هذا غير قذفهم للانسان المسلم ياسر القحطاني بكل مباراة (ياسر وينه) حسبي الله ونعم الوكيل . --------------------- - طيب نشوف كـتابهم ونقـادهم ,, صحيح عليهم الفاظ وكلمات وهياط وكذب ويذبحون حواشي ودجاج اذا انهزم الهلال بس أعتقد انهم ما يخالفون قوانين المهنة الصحفية وعلشان نتأكد نشوف الصورة أول : ! ! ! ! ! ! ! ! ! ! ! ! !  ياربااااه الشعلان حـرامي وسارق المقالات ,,, لا والمصيبة الى اليوم يكتب ويطلع بالقنوات على انه الاستاذ الناقد والقانوني والعالمي . ممكن يكون فريق عالمي بالترشيح وممكن أيضاً كاتب يكون عالمي بالسرقة (للعالميين فقط)  زبدة الموضوع : الحين بعد كل اللي شفناه من تجاوزاتهم وعبثهم في الساحة الرياضية والذي شمل (السب والشتم والاعتداء على الحكام واللاعبين ورجال ألأمن واتهام بالرشوة والرمي بالأحذية) والصور التي بموضوعي هذا هي جزء بسيط جداً جداً من تجاوزاتهم المستمرة , بعد كل هذا نصل الى : أنهم فوق العقوبات وهم النادي المُـدلل بالرياضة السعودية بلا مُـنازع وهم سبب تحول مباريات كرة القدم لدينا الى مشاكل وتعصب وزيادة احتقان الشارع الرياضي . والمصيبة الكبرى أنهم بعد كل هذا لهم وجه يتباكون على الاخلاق ويطالبون بمعاقبة رادوي حفاظاً على مشاعر البرئ والخلوق حسين عبدالغني ؟ هزلت ثم هزلت ثم هزلت . ملاحظة تم وضع الصور للاثبات والتأكيد وهو موجه للجان الاتحاد السعودي لكرة القدم ,, مع تحيات أخــوكـم qaaz
اخر تعديل كان بواسطة » هلالي ثنياني في يوم » 13/03/2011 عند الساعة » 01:11 PM |
الوضع الشجري
