18/01/2003, 06:24 PM
|
| موقوف | | تاريخ التسجيل: 30/12/2001 المكان: shagra
مشاركات: 446
| |
بلاتشي هو العله .. وغير هالكلام ترصيع في الشمس !!!
بسم الله الرحمن الرحيم ..
صراحه استفزيت بعد ماشفت الكثير من الكتاب الهلاليين يتفلسفون ويلفون ويدورون حول راس البلاء واساس المشكله الداهيه .. صائد الخيبات بلاتشي .. وكانت تبريراتهم واهيه بدرجه تثير الاشمئزاز والامتعاض وتجيب المر والحموضه ..
فمن قائل ان اللاعبين روحهم مهيب اللي انت تبي .. وهذا صحيح لكن له مايبرره وهو التشكيله والخطه لانه متى ماكانت الخطه والتشكيله حوسه فطبيعيا راح تكون النفسيات دمار ( يلعن ابو التعبير  ) وهو ما ينعكس على حماس اللاعبين داخل الملعب .. وعلى سبيل المثال سامي في مباراة الرائد هل من المنطق ان يلام على بروده ونرفزته والمدرب ملعبه راس حربه ومالعب وراه وسط !؟ وانما صفة محاور لايوجد مبرر للعبهم جميعا في وقت واحد خصوصا والمباراه امام فريق ماله كم يوم ماكل نص درزن اهداف من فريق الفقر !!
وبعدين بالنسبه لمن يقول ان الفريق ناقص ولم يكتمل !!!؟ من بقى مالعب !؟ نواف ؟! متى كان الهلال يعتمد على لاعب واحد !؟ ووين بلاتشي اللي يقولون انه يحقق البطوله ويمشي بالفريق باي لاعبين موجودين ومهوب محتاج لنجوم !؟
وبعدين هذا البلاتشي لو لعب بسامي والشلهوب كصناع لعب والثنيان احتياط لهم وامامهم الجمعان وصوماليا اوالعلي ماكان افضل من اللي كان والعلم عند الله !؟ وبعدين وش المبرر لعدم لعب الشريده مع انه نجم مباراة الاتحاد !؟ اليست هذي فلسفه من السيد بلاتشي مالها اي مبرر !؟
بلاتشي لو ماجاء منه الا انه رجع المفلس المسعري وظهير الغفله روبيرتو بن لطف .. وهذي بحد ذاتها دباشه تدل على مستوى تفكير هذا المدرب الغبي .. فالمسعري ولطف على عزهم ( ان كان لهم عز ) كانوا لعيبه مفلسين فمالذي كان يتوقعه منهم هذا الداهيه وهم في هذا العمر وبعد هذا الانقطاع !!!؟؟
وبالنسبه للي يقول ان التحكيم هو اللي اخفى الهلال .. فاقوله وهل التحكيم شي جديد ؟! وهل احتساب ضربة جزاء مشكوك فيها يبرر التعادل مع فريق مثل الرائد !؟ خصوصا وهو يعيش اوضاع مترديه واكبر دليل اخر مباراة له !!
عموما كل اللي حبيت اقوله ان سبب مستويات الهلال الحاليه يسأل عنه بالدرجه الاولى المدرب لان الاداره ماقصرت ووفرت كل شي له والرواتب مسلمه له وللاعبين اول باول حتى مايكون للمدرب عذر ان اللاعبين مايأدون لان نفسياتهم تعبانه بسبب عدم صرف الرواتب .. والجمهور والاعلام مافيه انقسامات تأثر على الفريق والاوضاع من احسن مايكون .. فما مبرر كل هالمستويات والنتايج المترديه اللي يقدمها الفريق حاليا ؟!
اعتقد الكتاب باين من عنوانه ..
اوين ,,
|
الوضع الشجري
