لماذا يخسر الهلال هذه النقاط بينما الاخرون يحصدونها مع الفرق السهله.
اولا قد يكون هناك بعض الاسباب الإداريه أو الفنيه لا نعلمها, ولكن هناك بعض الاسباب التي احب التطرق اليها :
أولا:
مع احترامي وتقديري للنجم نواف التمياط. لماذا لاتسند اليه خدمة الفريق والى متى نظل نحتفظ به لبعض المشاركات وهل هذا النجم الكبير من زجاج حتى نخشى عليه مع العلم انا رايناه وهو يشارك مهرجا الطلياني وبكل جاهزيه,لماذا؟ أهو اللاعب نفسه أم هي الاداره, أم هناك اسباب اخرى.

ثانيا: لاحظوا مايلي:
مـحـمـد الـدعـيـع
أحـمـد الـدوخـي
عـبـدالله سـلـيـمـان
أحـمـد خـلـيـل
مـحـمـد لـطـف
سـيـدو بـدرا
عـمـر الـغـامـدي
مـحـمـد الـشـلـهـوب
فـيـصـل الـصـالـح
عـبـدالله الـجـمـعـان
سـامـي الـجـابـر

هذه تشكيلة الفريق مع الرائد.
محمد الدعيع حارس كبير ولكن, لماذا لا يتم تجديد دم هذا المركز بحارس مثل احمد ضاري الذي لا يقل عن محمد والذي راينا تالقه امام الأهلي (وهذه المباراه حضرتها بنفسي في الملعب)
محمد لطف, أين احمد الجري الذي تألق أيضا أمام الأهلي.
أين حسين العلي الهداف من الهجوم. لماذا لا يمنح الفرصه من بداية المباراه ولو في مباراه سهله كهذه.
نواف التمياط. لو كان موجودا لربما تغير حال الوسط وبالذات فحال وجود الخثران

هذا رأي. أتمنى الا أكون أثقلت, واتمنى مشاهدة أرائكم وشكرا

التمياط متعالي على الهلال فهو يساوم الهلال ياتجيبون لي انديه ايطاليه وأروبيه أحترف فيها والا ما ألعب لكم ..لا ويقول مصاب وهويروح يلعب مبارات اعتزال الطلياني ولا تنسون السنه الي طافت يوم مبارات السعوديه مع البرازيل يوم جلس على أنه مصاب وهو ماهو مصاب ويوم جات مباراة البرازيل اللي بيشتهر فيها وبتجيه عقود احترافيه كبيره قام وترك الفريق لعيون البرازيل وعشان يلعب بجانب لاعبي البرازيل المشهورين وهذه الأيام تعيد نفسها واللاعب لازال يكابر ويسيء لناديه وجماهيره ...الى متى هذا الدلع والغرور...

اقول يالفارس الازرق ...
تراني مجنون وانت زودت هبالي ..
التمياط ماله علاقة باشتراكه بالمباريات وهو رهن بلاتشي من زمان لكنه خايف عليه تدري ليه ..
مايبي يلعبه مع ذا اللعيبه اصدقاء التعادلات عشان مايخربون مستواه وبعدين من حقه يدلع وينغر ويسوي اللي يبيه .. ياخوي هذا نواف .. واذا ماتبونه ترى رودا يبيه وانا بعد بروح معه هولندا للتشجيع اللي بروح معي الله يحيه ..

وشكرا

معك حق بس على فكره

اعتقد ان احمد الجري مع منتخب الشباب حاليا كاني ماني غلطان .

لا ياخوي يامجنون...؟؟؟ لا تصير مجنون اكثر ...
الظاهر ان نواف من زجاج ....؟؟ وبعدين أنت تقول أن المدرب يبي يحافظ عليه لبطولة الخليج والبطولة الاسيويه...وبعدها...أنا آقولك انك ماراح تشوفه يلعب لهلال بعدها...لأن الفلته صار أكبر من الهلال ...وبعدين أنا أشجع الهلال ما أشجع صاحب الفلاشات ومدعي النموذجيه ولاتنسى بعد تشجع نادي السد ضد الهلال اذا انتقل نواف لهم,,,,

مع خالص الشكر.

إقتباس إقتباس من مشاركة الفارس الأزرق صاحب الفلاشات ومدعي النموذجيه .

افا وش ذا الهرج الحين صار نواف راعي فلاشات ونموذجية .. ايه صح شكرا يالفارس عشان كذا نواف يدعم برامج رعاية المعاقين والبرامج الانسانية الاخرى .. اثرك داخل قلبه وعرفت نواياه والله ماشاء الله عليك يالفارس فطييييييييييييييييييين ..

ماقد سمعنا ان نواف تاخر عن مباراة الا في معسكر الشرقية العام عشان يسجل موقف فقط وبعدين تراجع عشان عيون الزعيم واللاعب رهن اشارة المدرب ليش ماقلت ان الدوخي والجمعان بعد مايبون يلعبون مهب بلاتشي هو اللي صابر على اصابتهم ..

بالنسبة للسد ...... خله يروح السد وبعدين اشوف مين اشجع يمكن الهلال ويمكن السد مدري ..افكر........

مع خالص التحية لك .... أنا عرفت وحبيت الهلال قبل أعرف ان نواف يلعب كورة ... عموما انا ما أحترق اللا لما أشوف نواف يرفض أن يلعب للهلال وهو جاهز ... أما مسألة ان المدرب يبي يحافظ عليه من الأصابات ... ؟؟؟ حشا ما صار لاعب صار زجاج ... وانا وياك انشالله من الحين بعد بطولة الخليج والبطولة الآسيويه اذا شفت التمياط يلعب مع الهلال في الدوري المحلي بس لا تقول لي بعد ان المدرب يبي بعد يحافظ عليه للمربع هههههههه؟
عموما ياخي انا ماني ضد التمياط انا ضد الغلط نفسه اللي يسويه التمياط والاساآت أيضا ضد الهلال ...
مع خالص الشكر لتفهمك للموضوع

بصراحه التمياط لاعب كبير ومعروف باخلاصه لناديه وحبه للزعيم بس الاصابات هي اللي تحرمه من خدمة ناديه الغالي عليه وانا اقول ان اللي صار هو الصحيح اجل تبي التمياط يلعب قدام الاتحاد والله ان يروح فيها واكبر دليل على كذا مبارة العام على الكاس كم خطا صار على التمياط انا حاسب 16 خطا بس والباقي راح علي .... وبعدين المشكله مو من التمياط المشكله من الادارة والمدرسه الهلاليه اللي توقفت عن الانتاج ولايهون قطاعي الشباب والناشيئن اللي عندنا بس اسم قدام الناس والاعلام...ولكن الامل في الامير بندر والامير عبدالله وانشاء الله ترجع المدرسه للانتاج....

انا مثلك هلالي منذ الطفولة قبل لا يطلع سامي مهب نواف بعد .
نقطة الخلاف ياطويل العمر انه انت تقول انه هو اللي مايبي يلعب وانا اقول ان المدرب هو اللي مايبي يلعبه والسبب مدري سواء زجاج ولا الماس . وهذا اللي حبيت اوضحه انه ماماطل ولا رفض اللعب فقط لا غير . وهذي وجهة نظري وانت لك وجهة نظرك والاختلاف لا يفسد للود قضية ..

وموضوع النيات الله العالم فيه ...
والسلام ...

إقتباس إقتباس من مشاركة الورق الخسران بصراحه التمياط لاعب كبير ومعروف باخلاصه لناديه وحبه للزعيم بس الاصابات هي اللي تحرمه من خدمة ناديه الغالي عليه وانا اقول ان اللي صار هو الصحيح اجل تبي التمياط يلعب قدام الاتحاد والله ان يروح فيها واكبر دليل على كذا مبارة العام على الكاس كم خطا صار على التمياط انا حاسب 16 خطا بس والباقي راح علي .... وبعدين المشكله مو من التمياط المشكله من الادارة والمدرسه الهلاليه اللي توقفت عن الانتاج ولايهون قطاعي الشباب والناشيئن اللي عندنا بس اسم قدام الناس والاعلام...ولكن الامل في الامير بندر والامير عبدالله وانشاء الله ترجع المدرسه للانتاج....

انشالله يلعب مع الهلال بعد البطولات الخارجيه هذا اذاكان موجود... واللي يسمعك يقول مافي الهلال غير نواف اللي يبون يحافظون عليه...وياخبر اليوم بفلوس بكره ببلاش .. والسلام؟؟؟

الاخ الفارس الازرق : وش دراك ان نواف رافض انه يلعب ؟؟؟؟؟؟؟

أخي الزعيم الصغير ....أتمنى أن أكون غلطان ...لأنني ومن مصادر مقربه من نواف تقول أن اللاعب رافض أن يلعب في البطولات المحليه ...ولكن لماذا ؟؟؟ نواف الوحيد الذي يعرف ...(دلع ودلال زايد)...///???!!!!!

إقتباس إقتباس من مشاركة الزعيم الصغير الاخ الفارس الازرق : وش دراك ان نواف رافض انه يلعب ؟؟؟؟؟؟؟

يا سلام عليكم اخوي الزعيم الصغير استلمه عني تراه قاعد لنواف من الصبح ويقول رافض رافض ونسيت اسأله سوالك ... بس حلوة هذي( مصادر مقربة ) العب غيرها .